</p>प्रशांत चंदनखेडे वणी (9738181616)<p> <p>कोरोना या संसर्गजन्य आजाराने परत एकदा डोके वर काढण्यास सुरुवात केली असून तालुक्यात आज आठ व्यक्तींचे कोरोना चाचणी अहवाल पॉझिटिव्ह आले आहेत. कोरोनाच्या वाढत्या प्रादुर्भावामुळे प्रशासनाच्या चिंता वाढल्या असून नागरिकांमध्येही भीतीचे वातावरण निर्माण झाले आहे. कोरोनाचे रुग्ण वाढू लागल्याने खबरदारीच्या उपाययोजनांबरोबरच नियमांची सक्ती करण्याचीही आवशक्ता निर्माण झाली आहे. आज आठ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या १२१८ झाली असून ऍक्टिव्ह पॉझिटिव्ह रुग्ण २२ वर पोहचले आहेत. आज आणखी तीन रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. आता पर्यंत ११७१ रुग्ण कोरोनामुक्त होऊन घरी आहेत. तर २५ रुग्णांचा उपचारादरम्यान मृत्यू झाला आहे. <p>आज २३ फेब्रुवारीला ३२ व्यक्तींच्या रॅपिड अँटीजेन चाचण्या करण्यात आल्या असून त्यात आठ व्यक्तींचे अहवाल पॉझिटिव्ह आले आहेत. आज १४ व्यक्तींचे नमुने यवतमाळ येथे तपासणी करिता पाठविण्यात आले असून त्यांचे अहवाल प्राप्त होणे बाकी आहे. कोरोनाचे रुग्ण वाढीस लागले असून नागरिकांनी योग्य ती घाबरदारी घेण्याची गरज निर्माण झाली आहे. प्रशासनानेही कोरोनाचे संक्रमण वाढणार नाही याची वेळीच काळजी घेणे जरुरी झाले आहे. नागरिकांना कोरोना विषयक नियम पाळण्याची सक्ती करणेही तेवढेच आवश्यक झाले आहे. कोरोनाचा परत उद्रेक होणार नाही याकरिता नागरिकांनी सावधानी व प्रशासनाने सावधान राहणे गरजेचे आहे. <p>तालुक्यात आज पॉझिटिव्ह आलेल्या आठ रुग्णांमध्ये प्रगतीनगर येथील चार, जी.प. कॉलनी येथील दोन, सानेगुरुजी नगर येथील एक तर चिखलगाव येथील एका रुग्णाचा समावेश आहे.

lokmat.com

bbc.com

bbc.com

bbc.com

news18.com

tarunbharat.net

lokmat.com

lokmat.com

</p>प्रशांत चंदनखेडे वणी (9738181616)<p> <p>अवैध दारू विक्रेते व दारूची तस्करी करणाऱ्यांची गय केली जाणार नसल्याचे स्पष्ट संकेत उपविभागीय पोलीस अधिकारी यांनी दिले असून त्यांच्या मार्गदर्शनात पोलीस पथकाने दारू तस्करी करणाऱ्यांची धरपकड सुरु केली आहे. दारू तस्करी करणाऱ्यांची माहिती गोळा करून पोलीस त्यांच्या हालचालींवर बारीक लक्ष ठेऊन आहेत. मागील काही दिवसांत पोलिसांनी दारू तस्करांवर मोठ्या प्रमाणात कार्यवाही करून दारू तस्करांचे धाबे दणाणून सोडले आहेत. आज २३ फेब्रुवारीला पहाटे ४.३० वाजताच्या सुमारास एसडीपीओ कार्यालयीन पोलीस पथकाने गुप्त माहितीच्या आधारे सापळा रचून मारेगाव येथून चंद्रपूर जिल्ह्यात अवैधरित्या दारू घेऊन जाणाऱ्या दोन आलिशान गाड्या ताब्यात घेऊन तीन दारू तस्करांना अटक केली आहे. तर दोन तस्कर घटना स्थळावरून पळून जाण्यात यशस्वी झाले. पोलिसांनी ३ लाख ८८ हजार रुपये किमतीच्या देशी दारूसह १० लाख १८ हजार रुपयांचा मुद्देमाल जप्त केला आहे. दारू दुकानदारही पैशाच्या हव्यासापायी दारू तस्करीच्या धंद्यात उतरल्याने पोलिसही अवाक झाले आहेत. <p>एसडीपीओ कार्यालयीन पोलिस पथकाला मारेगाव येथील ए. वाय. जयस्वाल देशी दारू दुकानातुन दारूची तस्करी होत असल्याची गुप्त माहिती मिळाली. दारू बंदी असलेल्या चंद्रपूर जिल्ह्यात येथील देशी दारू दुकानातून मोठ्या प्रमाणात देशी दारू पोहचवली जात असल्याची खात्रीलायक माहिती मिळताच पोलिसांनी सापळा रचून मारेगाव येथील अक्षरा बारच्या मागे असलेल्या ए.वाय. जयस्वाल देशी दारू दुकानासमोर उभ्या असलेल्या दोन आलिशान गाड्यांची झडती घेतली असता त्यामध्ये मोठ्या प्रमाणात देशी दारूच्या पेट्या आढळून आल्या. पोलिसांनी ३ लाख ८८ हजार १२८ रुपये किमतीच्या देशी दारूसह MH ०२ BG ४६४३ व MH ३१ EF ४३४८ या दोन स्विफ्ट डिझायर कार, MH २९ U ७०९५ ही दुचाकी असा एकूण १० लाख १८ हजार १२८ रुपयांचा मुद्देमाल जप्त केला. तसेच ए. वाय. देशी दारू दुकानाचा चालक निलेश जयस्वाल (३१) रा. यवतमाळ याच्यासह प्रमोद कृष्णाजी ठेंगणे (३३) रा. वार्ड नं ४ मारेगाव, अतुल रामदास वऱ्हाटे (२५) रा. घोडदरा ह.मु. वार्ड नं ११ मारेगाव या तीन आरोपीना अटक केली असून त्यांच्यावर महाराष्ट्र दारूबंदी कायद्यानुसार गुन्हा दाखल करण्यात आला आहे. तर दोन आरोपी घटनास्थळावरून पळून जाण्यात यशस्वी झाले. <p>सदर कार्यवाही जिल्हा पोलिस अधिक्षक डॉ. दिलीप भुजबळ पाटिल, अप्पर जिल्हा पोलीस अधिक्षक खंडेराव धरणे, उपविभागीय पोलीस अधिकारी संजय पुज्जलवार यांच्या मार्गदर्शनात मारेगावचे ठाणेदार जगदिश मंडलवार, पोउपनि अमोल चौधरी, पोहेकॉ आनंद अलेचवार, नापोकॉ प्रदिप ठाकरे, विजय वानखेडे, ईकबाल शेख, रविंद्र ईसनकर, परेश मानकर, नितीन खांदवे, शेख कलीम यांनी केली.

</p>प्रशांत चंदनखेडे वणी (9738181616)<p> <p>शहरात संसर्गजन्य आजारासह इतरही आजारांचा प्रकोप वाढला असतांना नगरपालिका प्रशासन स्वच्छतेबाबत उदासीनता दर्शवित आहे. शहरात ठिकठिकाणी अस्वच्छता दिसून येत असून नळांद्वारे घरोघरी येणारे पाणीही दूषित येत असल्याच्या अनेक तक्रारी प्राप्त झाल्या आहेत. नगर पालिकेच्या पाणी पुरवठा विभागाकडून निळगुडा नदीतून शहरात पाणी पुरवठा केला जात असून मागील काही दिवसांपासून नळाद्वारे येणारे पाणी अत्यंत दूषित व गढूळ येत असल्याची नागरिकांमधून ओरड सुरु आहे. अनेक गंभीर आजार दूषित पाणी पिण्याने होत असल्याने नागरिकांच्या आरोग्याशी एकप्रकारे खेळ सुरु असल्याच्या भावना शहरवासियांमधून व्यक्त होत आहे. नगरपालिका प्रशासन रोगराईच्या या काळात शहर स्वच्छ ठेवण्याऐवजी शहरात दूषित पाणी पुरवठा करून नागरिकांच्या आरोग्याशी खेळत आहे. <p>शहरात कोरोना या संसर्गजन्य आजाराने डोके वर काढण्यास सुरुवात केली असून टायफाईड सारख्या रोगाची साथही शहरात सुरु आहे. ताप, सर्दी, खोकल्याचे रुग्णही वाढतांना दिसत आहे. सताड उघड्या असलेल्या नाल्या, त्यात साचलेली घाण, डुकरांचा मुक्त संचार, गल्ली मोहल्ल्यात व रस्त्यांच्या कडेला पडून असलेला केरकचरा आजारांना आमंत्रण देत असून अस्वच्छतेमुळे आजार आणखीच बळावत आहेत. त्यातल्यात्यात शहरात दूषित पाणी पुरवठा होऊ लागल्याने "घरोघरी आजारी" ही परिस्थिती उदभवण्याची शक्यता निर्माण झाली आहे. नळाद्वारे येणाऱ्या दूषित पाण्यामुळे नागरिकांचे आरोग्य धोक्यात आले असून नगरपालिकेचा पाणीपुरवठा विभाग दूषित पाणी आपल्या दारी हा उपक्रम राबवित असल्याचे दिसून येत आहे. शहराला पाणी टंचाईची झळ बसू नये म्हणून १५ कोटी रुपये खर्चून वर्धा नदीच्या रांगणा भुरकी डोहातून पाईपलाईन टाकण्यात आलेली असतांनाही निळगुडा नदीतून शहराला पाणी पुरवठा करण्यात येत आहे. निळगुडा नदीतील पाण्याचे शुद्धीकरण न करता सरळ नळाद्वारे नागरिकांना दूषित पाण्याचा पुरवठा करण्यात येत आहे. त्यामुळे हे दूषित पाणी पिल्याने नागरिकांच्या आरोग्यावर त्याचा विपरीत परिणाम होत असून याकडे नगरपालिकेने जातीने लक्ष देण्याची मागणी नागरिकांमधून होत आहे.

news18.com

mahavoicenews.com

esakal.com

loksatta.com