lokmat.com

news34.co.in

lokmat.com

news34.in

india24live.co.in

</p>प्रशांत चंदनखेडे वणी (9738181616)<p> <p>शहरालगत असलेल्या लालपुलिया परिसरातून एका ट्रक चालकाला चौघा जणांनी जबरन कारमध्ये बसवून नेत पैशाची मागणी केल्याची तक्रार ट्रक चालकाने पोलीस स्टेशनला नोंदविली आहे. कारला साईड का दिली नाही म्हणत चौघा जणांनी ट्रक समोर गाडी आडवी करून ट्रक थांबविला व चालकाला मारहाण करीत ट्रकच्या काचा फोडल्या. ते चौघे एवढ्यावरच थांबले नाही तर त्याला दहा हजार रुपयांची मागणी करीत जबरन कारमध्ये बसवून त्याला राजूर फाट्याकडे घेऊन गेले. ही बाब ट्रान्सपोर्टमध्ये काम करणाऱ्या व्यक्तीला कळताच त्याने चौघा जणांना ढाब्याजवळ गाठत चालकाला सोडण्याची विनंती केली. परंतु त्या चौघांनीही १० हजार रुपये दे नाही तर जे करायचे ते करून घे, असे म्हणत चालकाला सोडण्यास नकार दिला. या प्रकरणाची माहिती नंतर पोलिसांना देण्यात आली. पोलिसांनी ट्रान्सपोर्टमधे काम करणाऱ्या व्यक्तीला सोबत घेत त्या अपहरण सदृश्य कृत्य करणाऱ्या चौघांनाही राजूरफाटा येथे गाठून चालकाची त्यांच्या तावडीतून सुटका केली. पोलिसांना बघून त्यांच्यातील एक जण पळून गेला तर तिघांना पोलिसांनी ताब्यात घेऊन त्यांच्यावर गुन्हे दाखल केले आहे. <p>लालपुलिया येथील नॅशनल ट्रान्सपोर्टच्या माध्यमातून कोलडेपो मधून कोळसा भरून सोलापूरला जात असलेल्या ट्रक क्रं MH २६ BE ४६४९ ला कारमध्ये आलेल्या चौघा जणांनी थांबवून कारला साईड का दिली नाही म्हणत ट्रक चालक बालाजी लहू पपलवार २२) रा. राळेगांव ता. लोहा जी. नांदेड याला मारहाण करून ट्रकच्या काचा फोडल्या. तसेच चालकाकडे १० हजार रुपयांची मागणी करीत त्याला जबरन कार क्रं MH ३१ FE ७७८८ मध्ये बसवून राजूर फाट्याकडे घेऊन गेले. ही बाब ट्रान्सपोर्टमधे ट्रक लावणाऱ्या वसीम जलील खान याला कळताच त्याने चौघांना ढाब्याजवळ गाठत चालकाला सोडण्याची विनंती केली. परंतु १० हजार रुपये दिल्याशिवाय चालकाला सोडणार नाही, असे म्हणत वासिमलाच त्या चौघांनी दम दिला. घाबरलेल्या वसीम जलील खान याने पोलिसांना याबाबत माहिती दिली. पोलिसांनी राजूर फाटा येथे जाऊन त्या चौघाही खंडणी बहाद्दरांच्या तावडीतून ट्रक चालकाची सुटका करीत आरोपीना अटक केली. राजूर येथे राहणारे मनोज मोती कश्यप (२५), सन्नी दिपक राजनलवार (३१), क्रिष्णा विनोद सिंग (२६) या तिघांना पोलिसांनी ताब्यात घेऊन त्यांच्यावर भादंवि च्या कलम ३६५, ३८५, ४२७, ३२३, ३४ नुसार गुन्हा दाखल केला आहे. पोलिसांना पाहून हरिकेश यादव हा पळून गेला. त्याचा शोध पोलीस घेत आहेत. <p>बाहेरगावांवरून वणी येथे आर्डर नुसार कोळसा भरण्याकरिता येणाऱ्या ट्रक चालकांना धाकदपट करून पैसे उकळण्याचे धंदे लालपुलिया येथे सुरु आहे. अकारण ट्रक चालकांना त्रास देऊन पैशांची मागणी केली जात आहे. लांब टप्प्यावर चालणाऱ्या ट्रक चालकांकडे भरपूर पैसे असतात ही काहींची धारणा झाली असल्याने ते करणे शोधून धाकदपट करून या ट्रक चालकांकडून पैसे उकळून आपले शौक पूर्ण करतात. अशा अपप्रवृत्तींना आवर घालणे गरजेचे झाले आहे.

</p>प्रशांत चंदनखेडे वणी (9738181616)<p> <p>दारू बंदी असलेल्या चंद्रपूर जिल्ह्यात अवैधरित्या दारू घेऊन जाणाऱ्या दोन वाहनांवर पोलिसांनी कार्यवाही करून एका आरोपीस अटक केली आहे. तर दुसरा आरोपी पोलिसांना पाहून वाहन सोडून पळाला. या दोन दारू तस्करांवरील कार्यवाहीत पोलिसांनी ९५ हजार रुपये किमतीची देशी दारू व दोन चार चाकी वाहन असा एकूण ६ लाख ४५ हजार २६४ रुपयांचा मुद्देमाल जप्त केला आहे. शहरातून लगतच्या दारू बंदी जिल्ह्यात होणारी दारू तस्करी रोखण्याकरिता पोलिसांनी विशेष मोहीम राबविली असून दारू तस्करांच्या मुसक्या आवळण्याचे काम हाती घेतले आहे. दारू तस्करी करिता विविध शकली लढवणाऱ्या दारू तस्करांवर पोलिसांनी बारीक लक्ष ठेवण्यास सुरुवात केली आहे. मालवाहू व इतर चारचाकी वाहनांमधून अवधरीत्या दारू विक्री करिता घेऊन जाणाऱ्या दारू तस्करांवरही पोलीस पाळत ठेऊन आहेत. काही ठरलेल्या दारू दुकानांमधून किंवा बार मधून मोठ्या प्रमाणात दारूची खरेदी करून लगतच्या दारू बंदी जिल्ह्यात पोहचविण्याच्या कामात अनेक हात गुंतले आहेत. दारूच्या दुकानांमधून कोणतीही शहानिशा न करता सहजतेने दारू मिळत असल्याने दारू तस्करांचे चांगलेच फावत आहे. काही दारू दुकाने व बार मध्ये तर तस्करांच्या फोनवर दारूचे पार्सल तयार करून ठेवले जातात. काही दारू दुकानदार व तस्करांच्या ऋणानुबंधाने शहरात दारू तस्करीचे व अवैध दारू विक्रीचे धंदे फळाफुलाला आले आहेत. तस्करीतून झटपट मालदार होण्याच्या लालसेने अच्छे अच्छे या धंद्यात उतरले आहेत. भाजीपाल्यासारखी गल्ली मोहल्ल्यात अवैध दारू मिळत आहे. कोवळ्या वयातील मुलेही मोठ्या प्रमाणात या धंद्यात उतरली आहेत. "ये मेरा एरिया है," म्हणत एवढं दारू विक्रेत्यांनी मोहल्ले वाटून घेतले आहेत. बड्या हस्तींचे त्यांच्या पाठीवर हात असल्याने ते चांगलेच निर्ढावले आहेत. वणी घुग्गुस मार्गावरील एका दारू दुकान व बार मधून सकाळ पासूनच अवैध दारू विकणारे दारूचा साठा घेऊन जातांना दिसतात. दारू दुकाने व बार मधून अवैध दारू विकणाऱ्यांना दारूचा साठा देणे बंद होणार नाही, तोपर्यंत अवैध दारू विक्रीवर अंकुश लावणे शक्य होणार नाही. पोलिसांनी अवैध दारू विक्रेते व तस्करांच्या कुंडल्या तयार करणे सुरु केले असून मागील काही दिवसांत दारू तस्करांवर कार्यवाही करून अवैध दारू विक्रेत्यांची गय केली जाणार नसल्याचे स्पष्ट केले आहे. <p>काल ११ फेब्रुवारीला पोलिसांनी दारूची तस्करी करणाऱ्या टाटा इंडिका MH ३४ AA ९३४३ व स्कॉर्पियो MH १४ AE ६९५९ या दोन वाहनांना ताब्यात घेऊन एका आरोपीला अटक केली आहे. स्कॉर्पियो चालक पळून जाण्यात यशस्वी ठरला. टाटा इंडिकाला बेलदारपुरा येथून तर स्कॉर्पियोला जन्नत हॉटेल जवळून ताब्यात घेतले. इंडिका चालक रामदास साधूजी निखाडे (३९) रा. बेलदारपुरा याला पोलिसांनी अटक केली आहे. तर स्कॉर्पियो चालक संदीप वाघमारे रा. प्रगती नगर हा वाहन सोडून फरार झाला. दोन्ही आरोपी विरुद्ध पोलिसांनी महाराष्ट्र दारू बंदी कायद्याच्या कलम ६५(अ)(ई) नुसार गुन्हा दाखल केला आहे. इंडिका मधून २३ हजार ४०० रुपये किमतीची देशी दारू जप्त केली. तर स्कॉर्पियो मधून ७१ हजार ८६४ रुपयांची देशी दारू पोलिसांनी जप्त केली. दारू तस्करांवरील दोन कार्यवायांमध्ये पोलिसांनी देशी दारूसह दोन चार चाकी वाहन असा एकूण ६ लाख ४५ हजार २६४ रुपयांचा मुद्देमाल जप्त केला. <p>पोलीस फरार आरोपीचा शोध घेत आहेत. पुढील तपास जमादार विठ्ठल बुर्रेवार करीत आहेत.

esakal.com

esakal.com

lokmat.com

lokmat.com

<p>प्रशांत चंदनखेडे वणी (9738181616)<p> <p>वणी भालर मार्गावरील जी.एस. ऑइल मिल कंपनी मधून करोडो रुपयांचे लोखंडी व इतर साहित्य चोरून हडप केल्या प्रकरणी पोलिसांनी शहरातील एका भंगार व्यावसायिकाला अटक केली आहे. सिंकरदराबाद येथील बँक ऑफ इंडियाच्या शाखा व्यवस्थापकांनी जी.एस. ऑइल मिल कंपनीमधून अज्ञात चोरटयांनी लोखंडी व इतर साहित्य चोरून नेल्याची तक्रार वणी पोलीस स्टेशनला दाखल केली होती. पोलिसांनी त्यांच्या तक्रारीवरून अज्ञात आरोपी विरुद्ध चोरीचा गुन्हा दाखल केला होता. पोलीस तपासात कंपनी मधील साहित्य चोरीचा मास्टर माईंड शहरातीलच भंगार व्यावसायिक शेख इप्तेखार उर्फ बबलू शेख अहमद (४९) असल्याचे समोर आल्याने पोलिसांनी त्याला अटक करून त्याच्यावर गुन्हे दाखल केले आहे. काल १० फेब्रुवारीला त्याला न्यायालयात हजर केले असता न्यायाधीशांनी त्याला पाच दिवसांची पोलीस कोठडी सुनावली आहे. <p>भालर मार्गावरिल जी.एस. ऑइल मिल कंपनी कर्जाची परतफेड न केल्याने बँकेने आपल्या ताब्यात घेतली होती. ही कंपनी सुरु करण्याकरिता बँक ऑफ इंडियाच्या आदिलाबाद शाखेतून २२० कोटी ९५ लाख रुपयांचे लोन घेण्यात आले होते. काही दिवस कर्जाची परतफेड केल्यानंतर कंपनीच्या संचालकांनी आर्थिक नुकसानीमुळे जुलै २०१२ पासून कर्जाचे नियमित हप्ते भरणे बंद केल्याने बँकेने आदिलाबाद व वणी येथील कंपन्या आपल्या ताब्यात घेतल्या. मनोजकुमार अग्रवाल उर्फ मखरीया हे या जी.एस. ऑइल मिल कंपनीचे मॅनेजिंग डायरेक्टर होते. ही कंपनी बँकेच्या ताब्यात गेल्यानंतर कंपनी जवळ तैनात असलेले सेक्युरिटी गार्डही काढून घेण्यात आले. त्यामुळे चोरट्यांना रान मोकळे झाल्याने त्यांनी कंपनीच्या लोखंडी साहित्यावर डल्ला मारण्यास सुरुवात केली. गॅसकटरचा वापर करून कंपनीतील संपूर्ण लोखंडी साहित्यच चोरटयांनी लंपास केले. कंपनीची परवानगी मिळाल्यागत चोरटे दिवसाढवळ्या लोखंडी साहित्याची कटाई करून वाहनांमध्ये भरून लंपास करीत होते. कंपनीमधून लोखंडी साहित्य चोरी होत असल्याची माहिती कंपनीचे संचालक मनोज अग्रवाल उर्फ मखरीया यांना मिळताच त्यांनी बँकेच्या अधिकाऱ्यांना याबाबत अवगत केले. २ जानेवारी २०२० ला स्टेट बँक ऑफ इंडियाचे सिकंदराबाद शाखेचे व्यवस्थापक मुक्कटीश्वरराव संका (५५) यांनी जी.एस. कंपनीतील लोखंडी व इतर साहित्य अज्ञात चोरट्यांनी लंपास केल्याची तक्रार वणी पोलीस स्टेशनला नोंदविली होती. पोलिसांनी त्यांच्या तक्रारीवरून अज्ञात चोरट्याविरुद्ध भादंवि च्या कलम ३७९,३८०,४५२,४५७,३४ नुसार गुन्हा दाखल करून चोरी प्रकरणाचा तपास सुरु केला. ९ फेब्रुवारी २०१७ ते १० मार्च २०१८ या कालावधीत जी.एस ऑइल मिल कंपनीतील ११ कोटी २३ लाख ९९ हजार रुपये किंमतीचे साहित्य लंपास केल्याची तक्रार करण्यात आली होती. या चोरीचा प्रमुख सूत्रधार शहरातीलच भंगार व्यवसायी शेख इप्तेखार उर्फ बबलू अहमद खान असल्याचे पोलीस तपासात निष्पन्न झाल्याने पोलिसांनी त्याला अटक करून न्यायालयात हजर केले असता न्यायालयाने त्याला पाच दिवसांची पोलीस कोठडी सुनावली. <p>सदर कार्यवाही जिल्हा पोलीस अधीक्षक डॉ. दिलीप भुजबळ पाटील, अप्पर जिल्हा पोलीस अधीक्षक खंडेराव धरणे, उपविभागीय पोलीस अधिकारी संजय पुज्जलवार यांच्या मार्गदर्शनात ठाणेदार वैभव जाधव, डीबी पथक प्रमुख गोपाल जाधव, सुधीर पांडे, सुनील खंडागळे, रत्नपाल मोहाडे, पंकज उंबरकर, दिपक वान्ड्रूसवार यांनी केली. पुढील तपास पोलीस करीत आहेत.

news34.in

maregaonwarta.com

<p>प्रशांत चंदनखेडे वणी (9738181616)<p> <p>शहरातील विठ्ठलवाडी परिसरात राहणाऱ्या एका युवकाचा अज्ञात वाहनाच्या धडकेत मृत्यू झाल्याची घटना वणी - मारेगाव रोडवरील मांगरूळ गावाजवळ आज रात्री ७.३० वाजताच्या सुमारास घडली. तुर खरेदी विक्रीचा व्यवसाय करणारा सदर युवक आपले व्यावसायिक काम आटपून मारेगाव वरून दुचाकीने वणीला येत असताना अज्ञात वाहनाने त्याच्या दुचाकीला जबर धडक दिली. त्यात त्याच्या डोक्याला गंभीर दुखापत होऊन त्याचा घटनास्थळीच मृत्यू झाला. घटनेची माहिती पोलिसांना मिळताच पोलिस तत्काळ घटनास्थळी दाखल झाले. पोलिसांनी घटनास्थळाचा पंचनामा करून मृतदेह आधी मारेगाव रुग्णालयात आणला व नंतर वणी ग्रामीण रुग्णालयात रेफर केल्याचे समजते. उद्याला मृतदेहाचे शवविच्छेदन झाल्यानंतर पार्थिव कुटुंबियांच्या स्वाधीन करण्यात येईल. पोलीस अज्ञात वाहनाचा शोध घेत आहेत. <p>मोरगाव खरेदी विक्री संकुलनात तूर खरेदी करण्याकरिता गेलेल्या व्यावसायिकाचा मोरगाव वरून परत येत असतांना मंगरूळ गावाजवळ अज्ञात वाहनाच्या धडकेत जागीच मृत्यू झाला. मनोज सुभाष गायकवाड (३३) रा. विठ्ठलवाडी असे या अपघातात मृत्युमुखी पडलेल्या व्यापाऱ्याचे नाव आहे. मारेगाव येथील तूर खरेदीचे काम आटपून रात्री ७.३० वाजताच्या सुमारास दुचाकीने वणीला येत असतांना त्याच्या दुचाकीला अज्ञात वाहनाने जोरदार धडक दिली. त्यात तो जमिनीवर फेकल्या गेल्याने त्याच्या डोक्याला गंभीर दुखापत होऊन त्याचा घटनास्थळीच मृत्यू झाला. अत्यंत सुस्वभावी म्हणून परिसरात परिचित असलेल्या मनोज गायकवाड यांच्या मागे वृद्ध आई वडील, पत्नी व तीन वर्षाचा मुलगा असा आप्त परिवार आहे. काकांबरोबर मालवाहू गाड्यांच्या व्यवसायात उतरलेल्या मनोज यांनी नंतर धान्य खरेदी विक्रीच्या व्यवसायात जम बसविला. परिसरात सर्वांसोबत आपुलकीचे नाते निर्माण केलेल्या या युवकाच्या अकाली जाण्याने परिसरात हळहळ व्यक्त केल्या जात आहे. वृद्ध आईवडिलांचा सांभाळ करीत पती पत्नी व संसार वेलीवर फुलल्या तीन वर्षाच्या मुलाबरोबर सुखी संसारिक जीवन जगत असलेल्या मनोजला नियतीने हिरावून घेतल्याने परिवारावर दुःखाचा डोंगर कोसळला आहे. घरी यायला उशीर झाल्याने काळजीपोटी पत्नीने मनोजला केलेला फोन व मारेगाव वरून निघालो आहे, हा त्याने दिलेला प्रतिसाद पती पत्नी मधील शेवटचा संवाद ठरला. <p>पोलिसांनी अज्ञात वाहन चालकाविरुद्ध गुन्हा दाखल केला असून पोलीस वाहनाचा शोध घेत आहेत.