news34.in

news34.in

lokmat.com

/p>प्रशांत चंदनखेडे वणी (9738181616)<p> <p>केंद्र सरकारने नव्याने मंजूर केलेले तीन कृषी कायदे रद्द करण्याच्या मागणीला घेऊन मागील ७० दिवसांपासून दिल्लीच्या सीमेवर सुरु असलेल्या शेतकऱ्यांच्या आंदोलनाला पाठिंबा दर्शवित आज संयुक्त किसान मोर्चा वणी विभागाच्या वतीने वरोरा टी-पॉईंट येथे चक्का जाम आंदोलन करण्यात आले. केंद्र सरकारने शेतकऱ्यांना भांडवलदारांच्या दावणीला बांधणारे कायदे तयार केले असून शेतकऱ्यांना भांडवलदारांचे गुलाम बनविण्याचे षडयंत्र केल्या जात असल्याचा शेतकरी संघटनांचा आरोप आहे. हे तीनही काळे कायदे रद्द करून एमएसपी कायदा लागू करण्याच्या मागणीला घेऊन दिल्ली सीमेवर सुरु असलेल्या शेतकरी आंदोलनाच्या समर्थनार्थ संयुक्त किसान मोर्चा वणी विभागाच्या वतीने आज रस्ता रोको आंदोलन करण्यात आले. या आंदोलनाला बहुतांश राजकीय पक्षांनी पाठिंबा दर्शविल्याने राजकीय पक्षांची नेते मंडळीही मोठ्या संख्येने आंदोलनात सहभागी झाली होती. तब्बल दोन तास आंदोलकांनी रस्ता रोखून धरल्याने वाहतुकीवर त्याचा चांगलाच परिणाम झाल्याचे दिसून आले. रस्त्याच्या दुतर्फा वाहनांच्या रांगा लागल्या होत्या. आंदोलन स्थळी पोलिसांनीही चोख बंदोबस्त ठेवला होता. अतिशय शांततापूर्ण पद्धतीने हे आंदोलन करण्यात आले. आंदोलकांनी केंद्र सरकारच्या धोरणांविरुद्ध नारेबाजी करीत डफली वाजवून केंद्र सरकारचा निषेध केला. <p>काळे कायदे रद्द करण्याकरिता दिल्लीच्या सीमेवर मागील ७० दिवसांपासून सुरु असलेले शेतकऱ्यांचे आंदोलन बळाच्या जोरावर दडपू पहात असलेल्या केंद्र सरकारने शेतकऱ्यांना अनन्वित यातना दिल्या. कडाक्याच्या थंडीत त्यांच्यावर पाण्याचा मारा करण्यात आला. लाठीचार्ज करण्यात आला. अश्रू धुळाच्या नळकांड्या त्यांच्या अंगावर फोडण्यात आल्या. त्यांना खालिस्थानी, नक्षलवादी संबोधण्यात आले. त्यांच्या सोई सुविधा बंद करण्यात आल्या. देशाच्या पोशिंद्यावर क्रूर प्रहार करणाऱ्या केंद्र सरकारने त्यांच्या मागणीची अद्यापही दखल घेतलेली नाही. तीनही काळे कायदे जोपर्यंत सरकार रद्द करत नाही तोपर्यंत आंदोलन सुरु ठेवण्याची शेतकरी संघटनांनी भूमिका घेतल्याने आज त्यांच्या आंदोलनाच्या समर्थनार्थ संयुक्त किसान मोर्चा वणी विभागाच्या वतीने रस्ता रोको आंदोलन करण्यात आले.

</p>प्रशांत चंदनखेडे वणी (9738181616)<p> <p>माता रमाई भीमराव आंबेडकर जयंती उत्सव समिती व भारतीय बौद्ध महासभा वणी यांच्या संयुक्त विद्यमाने माता रमाई जयंती उत्सव साजरा करण्यात येत असून शहरातील कल्याण मंड्पम आंबेडकर चौक येथे प्रबोधनात्मक कार्यक्रमांचे आयोजन करण्यात आले आहे. ७ फेब्रुवारीला दुपारी १ वाजता होणाऱ्या उदघाट्न सोहळ्याच्या अध्यक्षस्थानी कायर जिल्हा परिषद शाळेच्या पदवीधर शिक्षिका कुमुदिनी मोरेश्वर देवतळे राहणार असून प्रमुख मार्गदर्शक म्हणून प्रा. डॉ. चंद्रकांत तुकाराम सरदार व डॉ. रेखा मनोहर बडोदेकर उपस्थित राहणार आहेत. <p>उद्घटनानंतर परिसंवादाचा कार्यक्रम होणार असून प्रमुख मार्गदर्शक म्हणून उपस्थित असलेले प्रा. डॉ. चंद्रकांत सरदार हे "आंबेडकरी स्त्रियांपुढील समस्या व आव्हाने" या विषयावर तर डॉ. रेखा बडोदेकर "माता रमाईचे जीवनकार्य" या विषयावर आपले विचार मांडणार आहेत. सायंकाळच्या सत्रात प्रबोधनात्मक भीमगीतांचा महासंग्राम होणार आहे. सायंकाळी ७ वाजता हिंगणघाट येथील प्रसिद्ध गायकांचा प्रबोधनात्मक भीमगीतांचा कार्यक्रम होणार असून भूषण काटकर, महानंद भगत, प्रज्ञा कीर्ती, रवींद्र पिल्लेवार या गायकांच्या सुमधुर आवाजात रमा भिमाची गाजलेली गीते ऐकायला मिळणार आहे. माता रमाई जयंती उत्सव समिती द्वारा आयोजित या प्रबोधनात्मक कार्यक्रमांना जनतेने जास्तीत जास्त संख्येने उपस्थित राहून रमाई जयंती उत्सव शहरात ऐतिहासिक करण्याचे आव्हान आयोजकांनी केले आहे. <p> <p>

esakal.com

lokmat.com

lokmat.com

lokmat.com

lokmat.com

news18.com

esakal.com

loksatta.com

loksatta.com

</p>प्रशांत चंदनखेडे वणी (9738181616)<p> <p>विवाहित महिलेने गळफास घेऊन आत्महत्या केल्याची घटना तालुक्यातील केसुर्ली येथे ५ फेब्रुवारीला दुपारी १.३० वाजताच्या सुमारास घडली. पूजा किसन मांढरे (२६) असे या आत्महत्या करणाऱ्या विवाहित महिलेचे नाव आहे. तिने आत्महत्या का केली हे अद्यापही गुलदस्त्यात असून हुंड्यासाठी होत असलेल्या छळाला कंटाळून मुलीने आत्महत्या केल्याचा आरोप मुलीच्या वडिलांनी केला आहे. पोलीस याबाबत शहानिशा करीत आहे. <p>घुग्गुस येथे माहेर असलेल्या पूजाचा विवाह दोन वर्षापूर्वी केसुर्ली येथील रहिवाशी असलेल्या किसन मांढरे याच्या सोबत झाला होता. दोन वर्षाच्या संसारातच तिने आत्महत्ये सारखा टोकाचा निर्णय घेतला. हुंड्यासाठीचा तगादा लावल्यानेच आपल्या मुलीने आत्महत्या केल्याचा आरोप मुलीच्या वडिलाने केला आहे. विवाहितेचा पती किसन मांढरे हा ५ फेब्रुवारीला काही कामानिमित्त वणीला गेला होता. तर तिची सासू शेतात गेली होती. घरी कुणी नसतांना तिने दुपारी १.३० वाजताच्या दरम्यान राहत्या घरी लाकडी फाट्याला ओढणीने गळफास घेऊन आत्महत्या केली. घटनेबाबत पोलिसांना माहिती मिळताच पोलिसांनी घटनास्थळ गाठून जागेचा पंचनामा करून मृतदेह उत्तरीय तपासणी करिता ग्रामीण रुग्णलायात पाठविला. <p>मुलीने आत्महत्या केल्याची वार्ता कळताच मुलीचे वडील विजय नागपुरे तडफडकी वणीला आले. मुलीने आत्महत्ये सारखा टोकाचा निर्णय घेतल्याने त्यांचे दुःख अनावर होऊन डोळ्यातून सारख्या अश्रूच्या धारा वहात होत्या. पती कडून वारंवार होत असलेल्या पैशाच्या मागणीला कंटाळून पूजाने आत्महत्या केल्याचा आरोप वडिलांनी केला असून तशी वडिलांकडून तक्रारही दाखल करण्यात येत असल्याची माहिती आहे. पोलीस आत्महत्या प्रकरणाची शहानिशा करीत असून वडिलांच्या आरोपावरून हुंडाबळीच्या दिशेने तपास करीत आहे.