esakal.com

esakal.com

lokmat.com

lokmat.com

lokmat.com

lokmat.com

amarujala.com

tv9marathi.com

lokmat.com

</p>प्रशांत चंदनखेडे वणी (9738181616)<p> <p>तालुक्यातील मंदर शेत शिवारातील पोल्ट्री फार्म येथून साहित्य चोरीला गेल्याची घटना २३ डिसेंबरला रात्री १० वाजताच्या सुमारास घडली. २४ डिसेंबरला पोल्ट्री फार्म येथे सुपरवाईजर असलेल्या युवकाने चोरी झाल्याची तक्रार पोलीस स्टेशनला नोंदविली. तक्रार प्राप्त होताच डीबी पथकाने अती शीघ्र तपास करीत अवघ्या पाच तासात चोरीला गेलेल्या संपूर्ण मुद्देमालासह आरोपीला अटक केली. गुन्हेगारी वर्तुळावर बारीक नजर ठेऊन गुन्हेगारांमध्ये पोलिसी वचक निर्माण करण्यात डीबी पथकाची महत्वपूर्ण भूमिका राहिली आहे. प्रकरणाचा अती शीघ्र तपास करून आरोपींच्या मुसक्या आवळण्यात आल्याने गुन्हेगारांनी डीबी पथकाची चांगलीच धास्ती घेतल्याचेही दिसून येत आहे. <p>शहरापासून काही अंतरावर असलेल्या मंदर शेत शिवारातील पोल्ट्री फार्म मधून साहित्य चोरीला गेल्याची तक्रार त्याठिकाणी सुपरवाईजर असलेल्या विजय नत्थूजी चिकटे (३६) रा. तेली फैल याने २४ डिसेंबरला पोलीस स्टेशनला नोंदविली. मंदा वासुदेव राणे यांच्या मालकीच्या शेतातील पोल्ट्री फार्म मध्ये ठेवलेले दोन लोखंडी कटर, ग्रॅण्डर, ड्रिल मशीन, सिलिंग फॅन, मोटार पंप असे एकूण १३ हजार ६०० रुपयांचे साहित्य चोरटयांनी चोरून नेल्याची तक्रार प्राप्त होताच डीबी पथकाने तपास चक्रे फिरवीत अवघ्या पाच तासांत चोरीच्या प्रकरणाचा छडा लावून आरोपी शेख सलीम शेख इस्माईल यास अटक केली. त्याच्या कडून चोरीला गेलेला संपूर्ण मुद्देमाल जप्त करण्यात आला असून त्याच्यावर भादंवि च्या कलम ३७९ नुसार गुन्हा नोंदविण्यात आला आहे. <p>सदर कार्यवाही डीबी पथक प्रमुख गोपाल जाधव, पोहवा सुदर्शन वानोळे, पोना सुधीर पांडे, सुनील खंडागळे, रत्नपाल मोहाडे, अमित सोयाम, पोकॉ पंकज उंबरकर, दिपक वान्ड्रूसवार यांनी केली.

loksatta.com

news34.co.in

</p>प्रशांत चंदनखेडे वणी (9738181616)<p> <p>पिक विमा कंपनीच्या विरोधात खासदार भावना गवळी यांच्या नेतृत्वात होणाऱ्या "जवाब दो " आंदोलनात वणी विधानसभा क्षेत्रातील शेतकऱ्यांनी सहभागी होण्याचे आव्हान शिवसेनेचे वणी विधानसभा प्रमुख सुनील कातकडे यांनी केले आहे. सोमवार २८ डिसेंबरला यवतमाळ येथील टिम्बर भवन येथे हे आंदोलन होणार आहे. <p>शेतकरी आधीच संकटात सापडला असताना पिक विमा कंपन्यांनीही शेतकऱ्यांचा विमा नाकारून त्यांच्यावर एक प्रकारे अन्याय केला आहे. आस्मानी व सुलतानी संकटांना तोंड देत असताना पिक विमा कंपन्यांनीही पिक विमा देण्यास नकार दिल्याने शेतकरी चिंतेत आला आहे. जिल्ह्यातील ४ लक्ष ६७ हजार शेतकऱ्यांनी पिक विमा काढला आहे. जिल्ह्यातील इफको टोकियो जनरल इन्शुरन्स कंपनीकडून काढण्यात आलेल्या विम्या पोटी कंपनीत १६७ कोटी रुपये जमा झाले. परंतु नियमांचा पाढा वाचत विमा कंपन्यांनी शेतकऱ्यांना सोयाबीन, कापूस व अन्य पिकांचा विमा देण्यास नकार दिल्याने शेतकरी हवालदिल झाला आहे. कंपनीच्या फसव्या निकषानुसार जिल्ह्यातील केवळ ९ हजार ७७६ शेतकरीच विम्यास पात्र ठरल्याने त्यांना फक्त ९ कोटी ३८ लक्ष रुपये विम्याची रक्कम वाटप करण्यात आली. परंतु ४ लक्ष ५७ हजार २४५ शेतकऱ्यांनी विम्यापोटी भरलेले १५८ कोटी रुपये विमा कंपनी नियमांचे निकष पुढे करत हडपण्याचा प्रयत्न करीत आहे. नापिकीने आधीच संकटात आलेल्या शेतकऱ्यांना विम्याचाच आधार असताना विमा कंपनीनेही नियमांच्या निकषावर बोट ठेवत पिक विमा देण्यास नकारात्मक भूमिका घेतल्याने शेतकरी हवालदिल झाला आहे. पिक विमा कंपनी आपल्या नफेखोरीच्या प्रयत्नात शेतकऱ्यांची लुबाडणूक करत असल्याने या कंपनीचा जिल्ह्यातील विमा करार संपुष्ठात आणण्याकरिता तसेच शेतकऱ्यांवर झालेल्या अन्यायाला वाचा फोडण्याकरिता यवतमाळ येथे खा. भावना गवळी यांच्या नेतृत्वात २८ डिसेंबरला यवतमाळ येथील टिम्बर भवन येथे होणाऱ्या "जवाब दो " आंदोलनात वणी विधानसभा क्षेत्रातील शेतकऱ्यांनी सहभागी होण्याचे आव्हान शिवसेना वणी विधानसभा प्रमुख सुनील कातकडे यांनी केले आहे.

</p>प्रशांत चंदनखेडे वणी (9738181616)<p> <p>तालुक्यात रोजगाराच्या पुरेशा वाटा उपलब्ध नसल्याने बेरोजगारीची गंभीर समस्या निर्माण झाली आहे. युवकांच्या हातांना कामे नसल्याने ते रोजगारांकरिता वणवण भटकतांना दिसत आहे. तालुक्यातील प्रा. ली. कंपन्यांमध्येही स्थानिकांना पाहिजे त्या प्रमाणात रोजगार दिला जात नसल्याने बेरोजगारांची संख्या वाढू लागली आहे. बेरोजगारीने होरपळलेले कित्येक युवक दररोज कंपन्यांचे उंबरठे झिजवितात पण त्यांना नकार घंटाच ऐकायला मिळते. तालुक्यातील प्रा.ली. कंपन्यांना स्थानिकांचा विटाळ झाल्याचे पाहायला मिळत आहे. प्रायव्हेट कंपन्यांमध्येही वशिलेबाजीचा प्रपोगंडा अवलंबिला जात असल्याचे उघडपणे ऐकायला मिळत आहे. राजकीय पुढाऱ्यांच्या वशिल्यानेच कंपनीत रोजगार मिळत असल्याने नेत्यांच्या मर्जीतीलच लोकांना रोजगार मिळत असून बाकींना ताटकळत राहावे लागत आहे. कंपनींशी लागेबांधे असलेल्या राजकीय क्षेत्रातील लोकांनी तर रोजगार मिळवून देण्याकरिता युवकांकडून चिरीमिरी घेतल्याचीही चर्चा आहे. त्यामुळे पैसे व ओळख असलेल्यांनाच कंपन्यांमध्ये रोजगार मिळवता आला. तर खरी रोजगाराची आवश्यक्ता असलेल्याना आजही कंपन्यांचे उबंरठेच झिजवावे लागत आहे. वशिलेबाजी व चिरीमिरीने अनुभवहीन लोकांनाही रोजगार मिळवता आले. परंतु त्या क्षेत्रातील दांडगा अनुभव असलेल्या युवकांना मात्र रोजगारापासून वंचित रहावे लागत आहे. स्थानिकांना ८० टक्के रोजगार देण्याचा आदेश असतानाही या प्रा.ली. कंपन्यांनी तालुक्याबाहेरील लोकांनाच मोठ्या प्रमाणात रोजगार दिल्याचे समोर आले आहे. त्यातल्यात्यात शफारशींच्या आधारावर अनुभवहीन लोकांनाही मोठ्या प्रमाणात रोजगार दिल्याचे पाहायला मिळत आहे. <p>तालुक्यात बेरोजगारीची समस्या आणखीच गंभीर झाली आहे. तालुक्यात अनेक कोळसा खदाणी असतांनाही स्थानिकांना हवा तसा रोजगार उपलब्ध होताना दिसत नाही. कोळश्यावर आधारित उद्योग व कंपन्यांमध्ये स्थानिकांना पुरेपूर रोजगार दिला जात नाही. तालुक्यातील बहुतांश खदाणीत कोळसा उत्खननाचे काम सुरु असून खदाणीतील माती उत्खननाच्या करारावर अनेक प्रा.ली. कंपन्या तालुक्यात अवतरल्या आहेत. तालुक्यात कंपन्या आल्याने येथील बेरोजगारांना मोठ्या प्रमाणात रोजगार मिळेल ही रास्त अपेक्षा असतांना तालुक्याबाहेरील लोकांनाच जास्त रोजगार देऊन कंपन्यांनी स्थानिक बेरोजगारांची क्रूर थट्टा केली आहे. याठिकाणी रोजगार देताना वशिलेबाजीचा प्रपोगंडा मोठ्या प्रमाणात चालवल्या गेला. राजकीय नेत्यांच्या शिफारशीनंतरच कंपन्यांमध्ये कामे मिळत असल्याने नेत्यांच्या जवळच्या लोकांचाच त्यात फायदा झाला. वशिलेबाजीने अनुभवहीन लोकांनाही रोजगार मिळाले. तर अनुभवी लोकांना कंपन्यांचे उंबरठे झिजविण्याशिवाय पर्याय उरला नाही. वाहन चालविण्याचा दांडगा अनुभव असलेल्याना डावलून शिफारशिने आलेल्या नवख्याना कंपनीने रोजगार दिल्याने कित्येक वाहने क्षितीग्रस्तही झाली आहेत. वशिलेबाजीने रोजगार मिळत असल्याने अनेकांनी नाराजीही व्यक्त केली आहे. नोकरीस पात्र असलेल्या गरजू व्यक्तींना डावलून शफारशीने गेलेल्या व्यक्तींना कंपन्यांनी नोकरीत सामावून घेतल्याने बेरोजगार युवकांमध्ये रोष पाहायला मिळत आहे. स्थानिक लोकांपेक्षा तालुक्याबाहेरील लोकांना मोठ्या प्रमाणात रोजगार देण्यात आल्यानेही येथील लोकांमध्ये चीड निर्माण झाली आहे. त्यातल्यात कंपनीशी लागेबांधे असलेल्यानी चिरीमिरी घेऊन लोकांना रोजगार मिळवून दिल्याचे निदर्शनास आल्याने स्थानिक लोकांमध्ये कमालीचा संताप पाहायला मिळत आहे. लायक युवकांना डावलून नवख्याना संधी देण्यात आल्याने स्थानिक बेरोजगार युवक आंदोलनाच्या पवित्र्यात असल्याचेही बोलले जात आहे.

khabarbat.in