lokmat.com

</p>प्रशांत चंदनखेडे वणी (9738181616)<p> शहरातून जाणाऱ्या वणी वरोरा या मुख्य मार्गावर ठिकठिकाणी मोठ मोठे खड्डे पडले असतांनाही संबंधित विभाग खड्डे बुजविण्याचे साधे सौजन्यही दाखवत नसल्याची खंत नागरिकांमधून व्यक्त केल्या जात आहे. मागील कित्येक दिवसांपासून या रस्त्यावरील खड्डे उघड्या डोळ्याने दिसत असतानाही याकडे जाणीव पूर्वक दुर्लक्ष केल्या जात आहे. या रस्त्यावरील आशीर्वाद बार व लोकमान्य टिळक महाविद्यालया जवळ रस्त्याच्या मधोमध पडलेले खड्डे रहदारीला अडथळे निर्माण करण्याबरोबरच अपघातालाही आमंत्रण देत आहे. खड्डे चुकविण्याच्या नादात वाहने अनियंत्रित होऊन खाली पडणे किंवा एकमेकांना भिडणे आता नित्याचेच झाले आहे. खड्डे चुकविण्याच्या नादात कित्येक दुचाकी वाहनांना अपघात होऊन दुचाकीस्वार जख्मी झाले आहेत. शहरातील प्रमुख रस्त्यांवर ठिकठिकाणी पडलेल्या खाड्यांमधून मार्ग काढतांना व खड्डे चुकवितांना मोठा अपघात होण्याची शक्यता नाकारता येत नाही. <p>शहरातील गल्लीबोळातील रस्त्यांचे दुरुस्तीकरण व डागडुजीकरण सुरु असताना मुख्य रस्त्यांवरील खड्ड्यांकडे मात्र दुर्लक्ष होतांना दिसत आहे. शहरातून जाणाऱ्या वणी वरोरा रोडवर पडलेले मोठ मोठे खड्डे उघड्या डोळ्याने दिसत असतांनाही संबंधित विभाग याकडे जाणीवपूर्वक दुर्लक्ष करीत आहे. या रस्त्यावर आशीर्वाद बार व लो.टि. कॉलेज जवळ मोठमोठे खड्डे पडले आहेत. कित्येक दिवसांपासून रस्त्याच्या मधोमध खड्डे पडले असतांनाही संबंधित विभाग याकडे डोळेझाक करीत आहे. रस्त्यांवर पडलेल्या खड्ड्यांमुळे मार्गक्रमण करणाऱ्या नागरिकांचा जीव धोक्यात आला असून मोठी दुर्घटना घडल्या नंतरच खड्डे बुजविण्याचे सोपस्कार पार पाडले जातात की काय, असे वाटू लागले आहे. शहरातील प्रमुख रस्त्यांवर ठिकठिकाणी पडलेल्या खड्ड्यांमुळे शहराचं लौकिक लोप पावतांना दिसत आहे. खड्ड्यांचं शहर म्हणून शहर व तालुक्याची ओळख निर्माण होतांना दिसत आहे. रस्त्यांवरील खड्ड्यांकडे होणारे दुर्लक्ष व संथ गतीने सुरु असलेली रस्ते दुरुस्तीकरणाची कामे यामुळे नागरिक आता चांगलेच वैतागले आहेत. मागील सहा ते सात महिन्यांपासून सुरु असलेले विठ्ठलवाडी येथील मुख्य रस्त्याच्या दुरुस्तीकरणाचे काम अद्यापही पूर्ण झालेले नाही. खडीकरण पूर्ण होण्याकरिता सहा ते सात महिन्यांचा कालावधी लागला आता डांबरीकरण कोणत्या साली पूर्ण होते, याकडे नागरिकांचे लक्ष लागले आहे. शहर व तालुक्यातील रस्त्यांची अत्यंत दयनीय अवस्था झाली असून संबंधित विभागाने याकडे लक्ष देण्याची मागणी जोर धरू लागली आहे.

</p>प्रशांत चंदनखेडे वणी (9738181616)<p> <p><p>यवतमाळ जिल्हा मध्यवर्ती बँकेच्या निवडणुकित वणी मारेगाव व झरी या तीनही तालुक्यातून महाविकास आघाडीच्या उमेदवारांनी विजय संपादन केल्याने हा राजकिय क्षेत्रातील मोठा बदल मानला जात आहे. <p><p>यवतमाळ जिल्हा मध्यवर्ती बँकेच्या निवडणुकित महाविकास आघाडीचे जिल्ह्यातून मोठ्या संख्येने उमेदवार विजयी झाल्याने ही राजकारणातील मोठी उलथापालथ मानली जात आहे. वणी विधानसभा क्षेत्रातील तीनही तालुक्यातून महविकास आघाडीच्या उमेदवारांनी विजय मिळविल्याने ग्रामपंचायत निवडणुकीचे समीकरन बदलण्याची शक्यता निर्माण झाली आहे. <p><p>वणी तालुक्यातून महाविकास आघाडीचे कॉंग्रेसचे उमेदवार टिकाराम कोंगरे विजयी झाले तर मारेगाव तालुक्यातून महविकास आघाडीचेच शिवसेनेचे उमेदवार संजय देरकर विजयी झाले आहेत. तसेच झरी जामनी तालुक्यातूनही महविकास आघाडीचे काँग्रेसचे उमेदवार राजू ऐलतिवार विजयी झाले आहेत. महाविकास आघाडीने तीनही तालुक्यात विजय संपादन केल्याने राजकिय क्षेत्रात मोठी खळबळ उडाली असून महाविकास आघाडीचे हे मोठे यश मानले जात आहे.

bbc.com

news34.co.in

lokmat.com

lokmat.com

lokmat.com

lokmat.com

esakal.com

lokmat.com

corona update २१ Dec. <p></p>प्रशांत चंदनखेडे वणी (9738181616)<p> <p>तालुक्यात कोरोनाचे संक्रमण सुरूच असून कमी अधिक प्रमाणात कोरोना बाधित रुग्ण आढळत असल्याने रुग्णांचा आकडा फुगत चालला आहे. दोन दिवसांत १५ पॉझिटिव्ह रुग्ण आढळून आल्याने तालुक्यातील एकूण रुग्णसंख्येने ११०० चा पल्ला ओलांडला आहे. २० डिसेंबरला चार तर २१ डिसेंबरला अकरा व्यक्तीचे कोरोना चाचणी अहवाल पॉझिटिव्ह आल्याने रुग्णसंख्या ११०३ वर पोहचली आहे. तर ऍक्टिव्ह पॉझिटिव्ह रुग्ण ८० झाले आहे. दोन दिवसांत १४ रुग्ण कोरोनातून बरे झाले आहेत. आता पर्यंत १००० रुग्ण कोरोनामुक्त होऊन घरी परतले आहेत. तर २३ रुग्णांचा कोरोनाने मृत्यू झाला आहे. <p>तालुक्यात प्रतिदिन कोरोनाचे रुग्ण आढळून येत असल्याने कोरोनाचा आजार बळावताना दिसून येत आहे. शहरी भागाबरोबरच ग्रामीण भागातही कमी अधिक प्रमाणात कोरोनाचे रुग्ण आढळून येत असल्याने नागरिक धास्तावले आहेत. शहरातील विठ्ठलवाडी परिसरात प्रतिदिन कोरोनाचे रुग्ण आढळत असल्याने हा परिसर कोरोनाचा हॉसस्पॉट बनतांना दिसत आहे. आता पर्यंत या परिसरात ४३ कोरोना बाधित रुग्णांची नोंद झाली आहे. तर मागील १५ दिवसांत या परिसरात १५ पॉझिटिव्ह रुग्ण आढळून आले आहेत. विठ्ठलवाडी येथे काही दिवसांआधी एका ठणठणीत महिलेचा अचानक प्रकृती बिघडून मृत्यू झाला. ती कोरोनानेच मरण पावल्याची चर्चा विठ्ठलवाडी परिसरातून ऐकायला मिळते आहे. आज ४१ तपासणी नमुन्यांचे अहवाल प्राप्त झाले असून त्यात १० व्यक्ती पॉझिटिव्ह आढळून आल्या आहेत. तसेच आज करण्यात आलेल्या २५ रॅपिड अँटीजेन चाचण्यांच्या रिपोर्टमध्ये एक व्यक्ती पॉझिटिव्ह आढळून आला आहे. आज आणखी २५ व्यक्तींचे नमुने तपासणी करिता पाठविण्यात आल्याने ४१ नमुन्यांचे अहवाल अप्राप्त आहेत. आता पर्यंत एकूण ८५८५ व्यक्तींच्या कोरोना चाचण्या करण्यात आल्या आहेत. दोन दिवसांत १५ व्यक्तींचे अहवाल पॉझिटिव्ह आल्याने ऍक्टिव्ह पॉझिटिव्ह रुग्ण ८० झाले आहेत. पॉझिटिव्ह रुग्णांपैकी ३० रुग्ण कोविड केयर सेंटरला, २७ रुग्ण होम आयसोलेशनमध्ये तर २३ रुग्ण यवतमाळ व इतरत्र भरती आहेत. <p>आज पॉझिटिव्ह आलेल्या रुग्णांमध्ये विठ्ठलवाडी येथील दोन, जैन ले-आऊट एक, सहारा पार्क एक, गुरु नगर एक, मुरधोंनी तीन, भालर टाउनशिप एक, चिखलगांव एक तर गणेशपूर येथील एका रुग्णाचा समावेश आहे. तसेच काल पॉझिटिव्ह आलेल्या रुग्णांमध्ये विठ्ठलवाडी येथील तीन तर भद्रावती येथील एका रुग्णाचा समावेश होता. कोरोनाचा संसर्ग होण्याचे प्रमाण वाढू लागले असून नागरिकांनी सावधानी बाळगण्याचे आव्हान प्रशासनातर्फे करण्यात येत आहे.

lokmat.com

chandablast.com

loksatta.com