lokmat.com

</p>प्रशांत चंदनखेडे वणी (9738181616)<p> <p>कृषी कायद्यांविरोधात दिल्लीच्या सीमेवर सुरु असलेल्या शेतकऱ्यांच्या आंदोलनासंदर्भात भाजप नेते रावसाहेब दानवे यांनी बेलगाम वक्तव्य करून आंदोलक शेतकऱ्यांना चीन आणी पाकिस्तानचा पाठिंबा असल्याचे संबोधल्याने शिवसेना आक्रमक झाली असून तालुका शिवसेनेच्या वतीने १२ डिसेंबरला दुपारी एक वाजता वरोरा टी-पॉईंट येथे आंदोलन करून केंद्रीय मंत्री दानवेंच्या वक्तव्याचा निषेध करण्यात आला. तसेच गगनाला भिडलेली महागाई व सातत्याने वाढत असलेले पेट्रोल डिजलचे दर सामान्यांच्या आवाक्याबाहेर जात असल्याने केंद्र सरकारने दरवाढ मागे घेण्याची मागणी यावेळी करण्यात आली. यासंदर्भात तालुका शिवसेनेच्या वतीने उपविभागीय अधिकारी यांना निवेदनही देण्यात आले. वरोरा टी-पॉईंट येथे मुख्य रस्त्यावर आंदोलन करण्यात आल्याने वाहतुक रोखली जाऊ नये म्हणून पोलिसांनी त्वरित आंदोलनस्थळ गाठत शिवसेना पदाधिकाऱ्यांना मुख्य मार्ग मोकळा करून देण्याच्या सूचना केल्याने शिवसैनिकांनीही प्रशासनाला सहकार्य करत वाहतुकीला रस्ता मोकळा करून दिला. <p>केंद्रीय मंत्री रावसाहेब दानवे यांनी दोन दिवसांपूर्वी औरंगाबाद जिल्ह्यातील एका गावात आरोग्य केंद्राचे उद्घाटन करताना दिल्लीतील शेतकरी आंदोलनाविषयी आक्षेपार्ह वक्तव्य केले होते. या आंदोलनात शेतकरी नसून दुसरेच लोक आहेत. पाकिस्तान आणि चीनकडून या आंदोलनाला पाठिंबा दिला जात असल्याचे वक्तव्य केले होते. दानवे यांच्या या वक्तव्यानंतर राज्यभरात संतप्त पडसाद उमटत आहेत. <p>त्या अनुषंगाने १२ डिसेंबरला वणीत शिवसेनेच्या वतीने आंदोलन करून रावसाहेब दानवेंच्या वक्तव्याचा जाहीर निषेध करण्यात आला. या आंदोलनात शिवसेनेचे तालुकाप्रमुख रवी बोढेकर, मारेगाव तालुकाप्रमुख संजय आवारी, झरी तालुकाप्रमुख चंद्रकांत घुग्गुल, शिवसेनेचे गणपत लंडांगे, मोरोपंत पोतराज, सतीश आदेवार, विनोद उप्परवार, पवन राऊत, मितनाथ काकडे, महेश चौधरी,दिगांबर पावडे, शेख हसन, प्रशांत बल्की आदी कार्यकर्ते सहभागी झाले होते. <p>या आंदोलन प्रसंगी शिवसेनेच्या पदाधिकाऱ्यांसह कार्यकर्त्यांनी इंधन दरवाढीचा निषेध नोंदवला. पेट्रोल आणि डिझेलचे दर सर्वसामान्यांच्या आवाक्याबाहेर जात आहेत. त्यामुळे केंद्र सरकारने इंधन दरवाढ त्वरित मागे घ्यावी, अशी मागणी यावेळी करण्यात आली.

lokmat.com

lokmat.com

esakal.com

corona update १२ Dec. <p></p>प्रशांत चंदनखेडे वणी (9738181616)<p> <p>तालुक्यात कोरोनाचा प्रादुर्भाव कमी झाला असला तरी पॉझिटीव्ह रुग्ण आढळतच असल्याने नागरिकांमध्ये कोरोनाची धास्ती अद्यापही कायम आहे. मागील तीन दिवसांत ३० कोरोना बाधित रुग्ण आढळून आल्याने तालुक्यातील एकूण पॉझिटिव्ह रुग्णांची संख्या १०३२ झाली असून ऍक्टिव्ह पॉझिटिव्ह रुग्ण वाढून ५९ झाले आहेत. प्रतिदिन आढळणाऱ्या पॉझिटिव्ह रुग्णांच्या संख्येत मागील दोन दिवसांत वाढ झाली असून दोन दिवसांत तब्बल कोरोनाचे २८ रुग्ण आढळले आहेत. १० डिसेंबरला दोन, ११ डिसेंबरला १४ तर १२ डिसेंबरला आणखी १४ व्यक्तींचे कोरोना चाचणी अहवाल पॉझिटिव्ह आले आहेत. तीन दिवसांत चार रुग्ण कोरोनामुक्त होऊन घरी परतले आहेत. आता पर्यंत ९५० रुग्ण कोरोनामुक्त झाले तर २३ रुग्णांचा उपचारदरम्यान मृत्यू झाला आहे. <p>तालुक्यातील कोरोनाची परिस्थिती नियंत्रणात असली तरी प्रतिदिन कमी अधिक प्रमाणात रुग्ण आढळत असल्याने रुग्णसंख्येचा आलेख वाढतच आहे. मागील तीन दिवसांत तब्बल तीस व्यक्तींचे कोरोना चाचणी अहवाल पॉझिटिव्ह आल्याने प्रशासनामध्ये चिंता तर नागरिकांमध्ये धास्ती निर्माण झाली आहे. वाढत्या थंडी बरोबरच कोरोनाचे रुग्णही वाढत असल्याचे दिसून येत आहे. तीन दिवसांत १०७ तपासणी अहवाल प्राप्त झाले असून त्यात १५ व्यक्ती पॉझिटिव्ह आढळून आल्या आहेत. तसेच तीन दिवसांत ७३ व्यक्तींच्या रॅपिड अँटीजेन चाचण्या करण्यात आल्या असून १५ व्यक्तींचे रिपोर्ट पॉझिटिव्ह आले आहेत. आता पर्यंत एकूण ८०९५ व्यक्तींच्या कोरोना चाचण्या करण्यात आहेत. त्यामध्ये ४११९ आरटीपीसीआर चाचण्या तर ३९७६ रॅपिड अँटीजेन चाचण्यांचा समावेश आहे. ५९ नमुन्यांचे अहवाल प्राप्त होणे बाकी आहे. पॉझिटिव्ह रुग्णांपैकी २८ रुग्ण होम आयसोलेशनमध्ये, २४ रुग्ण कोविड केयर सेंटरमध्ये तर ७ रुग्ण यवतमाळ व इतरत्र उपचार घेत आहेत. <p>तीन दिवसांत तीस रुग्ण पॉझिटिव्ह आले आहेत. त्यात १० डिसेंबरला रासा व मुकुटबन येथील प्रत्येकी एक, ११ डिसेंबरला प्रगती नगर येथील चार, रंगनाथनगर, बन्सलनगर, ढुमेनगर, देशमुखवाडी, रंगारीपुरा येथील प्रत्येकी एक व्यक्ती, भिलार टाऊनशिप दोन, मंदर, चिखलगांव, गणेशपूर येथील प्रत्येकी एक व्यक्ती तर १२ डिसेंबरला मनीष नगर येथील दोन, इस्लामपुरा दोन, चिखलगांव दोन, गणेशपूर दोन, बन्सलनगर, जी.प. कॉलनी, फाले ले-आऊट, मुरधोनी, वागदरा, पठारपूर येथील प्रत्येकी एका व्यक्तीचा समावेश आहे. कोरोनाचा संसर्ग वाढू नये याकरिता प्रशासन निरनिराळ्या उपाययोजना व धोरण आखत आहे. नागरिकांनीही सावधानी बाळगण्याचे आव्हान प्रशासनातर्फे करण्यात येत आहे. <p>

</p>प्रशांत चंदनखेडे वणी (9738181616)<p> <p>अनैतिक संबंधातून महिलेची हत्या झाल्याची घटना ताजी असतानाच अनैतिक संबंधाचे आणखी एक प्रकरण समोर आले आहे. लग्नाचे आमिष दाखवून अनैतिक संबंध प्रस्थापित करून लग्नास नकार देणाऱ्या प्रियकराविरुद्ध एका तरुणीने पोलीस स्टेशनला तक्रार नोंदविली आहे. मारेगाव तालुक्यातील कोलगाव येथील रहिवाशी असलेली व सध्या शहरातील ओमनगर येथे रहात असलेल्या तरुणीचे शहरातील रुपेश सुरेश क्षीरसागर (३१) या तरुणासोबत मोबाईलच्या माध्यमातून सूत जुळले. मोबाईल वरील संभाषणातून त्यांच्यात प्रेमाचे अंकुर फुटले व लग्नाच्या आणाभाका घेऊन तरुणीसोबत शारीरिक संबंध प्रस्थापित करून नंतर लग्नास नकार देणाऱ्या प्रियकराविरुद्ध तरुणीने पोलीस स्टेशनला तक्रार नोंदविली आहे. तरुणीच्या तक्रारीवरून पोलिसांनी रुपेश क्षीरसागर याच्या विरुद्ध लैंगिक अत्याचाराचा गुन्हा दाखल केला आहे. <p>शहरातील ओमनगर येथे आईवडिलांसह राहणाऱ्या एका मुलीचे शहरातीलच रुपेश क्षीरसागर याच्या सोबत मोबाईल वरून सूत जुळले. त्यांच्यातील मोबाईलवरील संभाषणातून ते एकमेकांच्या प्रेमात पडले. नंतर त्यांच्यात भेटीगाठी वाढल्या. तो नेहमी तिला फोन करून बोलवायचा व मुकुटबन रोडवरील एका अपार्टमेंटमध्ये न्यायचा. लग्न करण्याची ग्वाही देत शारीरिक संबंध प्रस्थापित करायचा. त्यातूनच ती गर्भवती राहिली असताना शहरातील एका नामांकित खाजगी रुग्णालयात नेऊन तिचा गर्भपात करण्यात आला. लग्नाचे आमिष दाखवून तिला पाच महिने सोबत ठेऊन वारंवार अनैतिक संबंध प्रस्थापित करून तिला गर्भवती केल्यानंतर आता लग्न करण्यास साफ नकार देणाऱ्या प्रियकराविरुद्ध तरुणीने अखेर पोलीस स्टेशनमध्ये धाव घेत रीतसर तक्रार नोंदविली आहे. प्रेम व अनैतिक संबंध प्रस्थापित करतांना संप्रदायाचा विचार न आलेला युवक आता संप्रदायाच्या कारणावरून लग्नास नकार देऊ लागल्याने तरुणीने हतबल होऊन पोलीस स्टेशनला तक्रार दिल्याने पोलिसांनी आरोपी रुपेश क्षीरसागर याच्या विरुद्ध भादंवि च्या कलम ३७६ (२)(N), ३१३ सह कलम ३(१)(W)(i), ३(१)(W)(ii), ३(२)(v) अनुसूचित जाती जमाती प्रतिबंधक कायद्यानुसार गुन्हा दाखल केला आहे. <p>पुढील तपास पोलीस करीत आहे.

</p>प्रशांत चंदनखेडे वणी (9738181616)<p> <p>वणी नांदेपरा मार्गावरील रसोया प्रोटिन्स प्रा.ली. कंपनी पासुन काही अंतरावर असलेल्या बडवायीक यांच्या शेत शिवारातिल बंड्या जवळ ११ डिसेंबरला सकाळच्या सुमारास महिलेचा मृतदेह आढळून आल्याने एकच खळबळ उडाली होती. जया मानोज आवारी (३२) असे या मृत महिलेचे नाव असून ती शहरातील पटवारी कॉलनी येथे किरायाने रहात असल्याचे समजते. १० डिसेंबरला रात्रीच्या सुमारास नातेवाईकाकडे जाण्याचे कारण सांगून घरुन बाहेर पडलेल्या या महिलेचा ११ डिसेंबरला मृतदेहच आढळून आला. अनैतिक संबंधातून दगडाने ठेचून तिची निर्घूण हत्या करण्यात आल्याचे समोर आले आहे. महिलेला दोन मुले असून ती पती पासुन विभक्त रहात होती. <p>तालुक्यातील पिंपळगाव येथे माहेर असलेल्या या महिलेचा विवाह वरोरा तालुक्यातील वडोदा येथील मनोज आवारी यांच्या सोबत झाला होता. संरारिक जीवनात खटके उडाल्याने ती दोन मुलांना घेऊन पती पासुन अलग किरायाच्या घरात रहात होती. १० तारखेला रात्रीच्या सुमारास मुलांना नातेवाईकांकडे जात असल्याचे कारण सांगून ती घरा बाहेर पडली. ती खुप वेळ होऊनही घरी न परतल्याने तिचा सर्वत्र शोधही घेण्यात आल्याचे समजते. ११ डिसेंबरला सकाळी ९ वाजताच्या सुमारास बडवायीक यांच्या शेतातील बंड्या जवळ तिचा रक्ताच्या थारोळ्यात पडलेला मृतदेहच आढळून आल्याने एकच खळबळ उडाली. टॅक्सी चालकाने अनैतिक संबंधातून दगडाने ठेचून तिची निर्घृण हत्या केल्याचे पोलीस तपासात निष्पन्न झाले आहे. संजय सालवटकर (४५) रा. साखरा ता.वरोरा असे या आरोपी प्रियकराचे नाव असून त्याने खून केल्याचे पोलिसांसमक्ष कबूल केले आहे. खून करण्यासाठी वापरलेला लोखंडी रॉडही पोलिसांनी घटनास्थळावरून जप्त केला आहे. मुलांना शाळेत ने आन करणाऱ्या टॅक्सी चालकासोबत जयाचे प्रेमसंबंध जुळले होते. याची कुणकुण पतीला लागल्याने त्यांच्यात वाद निर्माण होऊन ती एक वर्षांपासून वणी येथे किरायाने रहात होती. दरम्यान प्रियकर संजयनेही तिला प्रतिसाद देणे कमी केल्याने तिने त्याचा मोबाईल नंबर ब्लॅक लिस्टमध्ये टाकला होता. पण १० डिसेंबरला परत त्यांची भेट झाली व हा खुनाचा थरार घडला. शेतमजूर शेतात गेले असता त्यांना महिलेचा मृतदेह आढळून आल्याने त्यांनी याबाबत शेत मालकाला माहिती दिल्या नंतर मालकाने पोलिसांना हा गंभीर प्रकार सांगितल्याने हे प्रकरण उघडकीस आले. पोलिसांनी घटनास्थळ गाठुन जागेचा पंचनामा करुन मृतदेह उत्तरीय तपासणी करिता ग्रामीण रुग्णालयात पाठविला. शवविच्छेदना नंतर पार्थिव कुटूबियांच्या स्वाधीन करण्यात आले. <p>पोलिसांनी आरोपी संजय सालवटकर विरुद्ध खुनाचा गुन्हा दाखल केला आहे. पोलिसांनी तपासचक्रे फिरवून या हत्या प्रकरणाचा अती जलद छडा लावला. घटनेचे मुळ शोधण्याकरीता पोलिसांनी विविध अँगलने तपास सुरु केला. प्रत्येक संशयितांची कसून चौकशी करण्यात आली. त्यातून हे प्रेम प्रकरण समोर आल्याने पोलिसांनी प्रियकर संजय सालवटकर याला ताब्यात घेऊन त्याची चौकशी केली असता त्याने खून केल्याची कबुली दिली. अनैतिक संबंधातून महिलेला आपला जीव गमवावा लागला. मायेचे छत्र हरपल्याने मुले पोरकी झाली. प्रेमसंबंधाने सांसारिक जीवन उध्वस्त होऊन संसार चव्हाट्यावर आला. एवढेच नाही तर या अनैतिक संबंधातून तिचा नाहक बळी गेला. <p>उपविभागीय पोलीस अधिकारी संजय पुज्जलवार यांच्या मार्गदर्शनात सहाय्यक पोलीस निरीक्षक गोपाल जाधव, एपीआय माया चाटसे यांनी तपासाची सूत्रे हाती घेऊन अति जलद या हत्या प्रकरणाचा छडा लावला.

lokmat.com

lokmat.com

lokmat.com

loksatta.com

lokmat.com

</p>प्रशांत चंदनखेडे वणी (9738181616)<p> <p>वणी नांदेपेरा रोडवरील रसोया फॅक्टरी पासून काही अंतरावर असलेल्या शेत शिवारात अज्ञात महिलेचा मृतदेह आढळून आल्याने एकच खळबळ उडाली आहे. शेत शिवारात बांधण्यात आलेल्या बंड्यालगत महिलेचा रक्ताच्या थारोळ्यात पडून असलेला मृतदेह सकाळी बंड्यावर कामाला जाणाऱ्या सालगड्याना आढळून आल्याने त्यांनी याबाबत शेत मालकाला माहिती दिली. व शेतमालकाने पोलीस स्टेशनला तक्रार दिल्याने पोलिसांनी घटनास्थळ गाठून मृतदेह उत्तरीय तपासणी करिता ग्रामीण रुग्णालयात पाठविला आहे. <p>वणी नांदेपेरा रोडवरील शेतशिवारात अंदाजे २५ वर्षे वयोगटातील महिलेची दगडाने ठेचून हत्या केल्याची खळबळ जनक घटना आज सकाळी उघडकीस आली. महिलेच्या चेहऱ्यावर दगडाने वार करून हत्या केल्याचे प्रथम दर्शनी समोर आले आहे. मृतदेहाजवळ रक्ताने माखलेला दगड पडून असल्याने तिला दगडाने ठेचून मारल्याचा अंदाज वर्तविण्यात येत आहे. मृत महिलेची अद्यापही ओळख पटली नसून परिसरात ना ना विध चर्चेला उधाण आले आहे. सकाळी बंड्यावर गेलेल्या सालगड्याना रक्ताच्या थारोळ्यात पडलेला मृतदेह आढळून आल्याने हे खळबळजनक उघडकीस आले. पोलीस मृतदेहाची ओळख पटविण्याचा प्रयत्न करीत असून घटनेचे मूळ शोधण्याचे कार्य सुरु आहे.

tarunbharat.net