lokmat.com

<p></p>प्रशांत चंदनखेडे वणी (9738181616)<p> <p>शहरातील एका बियरबारमध्ये धुमाकूळ घालणाऱ्यांना हटकल्याचा राग मनात धरून त्याचा वचपा काढण्याकरिता अन्य साथीदारांना बोलावून बारचालकाला रस्त्यात गाठत लोखंडी रॉड व लाथाबुक्यांनी जबर मारहाण केल्याची घटना काल २३ नोव्हेंबरच्या रात्री ११ वाजताच्या सुमारास विराणी टॉकीज जवळील डॉ. ठाकरे यांच्या दवाखान्या समोर घडली. याबाबत रात्री २.३७ वाजता पोलीस स्टेशनला देण्यात आलेल्या तक्रारी वरून पोलिसांनी चार आरोपींविरुद्ध विविध कलमान्वये गुन्हे दाखल केले आहेत. <p>शहरातील ज्योती बारमध्ये मद्य प्राशन करून मोठमोठ्याने आरडा ओरड करीत गोंधळ घालणाऱ्या नितीन उखिनकर (३८) याला बारचालक मनोज रामराव उरकुडे (३८) यांनी हटकले असता त्याने बारचालकासोबत हुज्जत घालीत पाहून घेण्याची धमकी देत तेथून निघून गेला. पण बारचालकाने हटकल्याचा राग मनात धरून तो अन्य साथीदारांसह परत बारमध्ये आला. त्यावेळी मनोज उरकुडे हा त्याला बारमध्ये आढळून न आल्याने नितीन उखिनकर याने त्याचा शोध घेऊन विराणी टॉकीज जवळील डॉ. ठाकरे यांच्या दवाखान्याजवळ मनोजला गाठत त्याने आपल्या अन्य तीन साथीदारांसह मनोजवर लोखंडी रॉडने हल्ला करीत लाथा बुक्यांनी बेदम मारहाण केली. याबाबत मनोजने पोलीस स्टेशनला दिलेल्या तक्रारीवरून पोलिसांनी आरोपी नितीन उखिनकर (३८), पिंटू उखिनकर (३५) व त्याच्या अन्य दोन साथीदारांविरुद्ध भादंवि च्या कलम ३२६, ३२३, २९४, ५०६, ३४ अन्वये गुन्हा दाखल केला आहे. मनोज उरकुडे याच्यावर खाजगी हॉस्पिटलमध्ये उपचार सुरु आहेत. <p>पुढील तपास पोलीस करित आहे.

maregaonwarta.com

loksatta.com

chandablast.com

lokmat.com

news18.com

lokmat.com

esakal.com

esakal.com

corona update २३ Nov. <p></p>प्रशांत चंदनखेडे वणी (9738181616)<p> <p>तालुक्यात कोरोना संक्रमणाचा वेग मंदावला असला तरी प्रातिदिन कमी अधिक प्रमाणात रुग्ण आढळून येत असल्याने रुग्णांची संख्या वाढतीवरच आहे. तालुक्यात आज कोरोनाचे पाच रुग्ण आढळल्याने एकूण पॉझिटिव्ह रुग्णांची ९३९ झाली आहे. तर ऍक्टिव्ह पॉझिटिव्ह रुग्णांची संख्या ७५ वर पोहचली आहे. आज आणखी तीन रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ८४१ रुग्ण कोरोनामुक्त होऊन घरी परतले आहे. तर २३ रुग्णांचा उपचारादरम्यान मृत्यू झाला आहे. टाळेबंदी जाहीर झाल्यापासून बंद असलेल्या शाळा व महाविद्यालये सुरु करण्याचा शासनाने निर्णय घेतल्यानंतर शिक्षकांना व शिक्षकेत्तर कर्मचाऱ्यांना कोरोनाची तपासणी करणे अनिवार्य करण्यात आले. तसेच शिक्षण विभागाने जरी केलेल्या मार्गदर्शक सूचनांचे पालन करून स्थानिक प्रशासनाने योग्य ती खबरदारी घेऊनच शाळा सुरु करण्याचे निर्देश देण्यात आल्याने तालुक्यातील ५७० शोक्षकांनी कोरोनाच्या तपासण्या करून घेतल्या. त्यामध्ये २३ शिक्षक पॉझिटिव्ह आले तर ३९५ शिक्षकांचे अहवाल निगेटिव्ह आले आहेत. १५२ शिक्षकांचे अहवाल अद्याप प्रलंबित आहेत. शिक्षकच पॉझिटिव्ह आल्याने विद्यार्थी व पालकांमध्ये धास्ती भरली असून पालकांनी संमती देण्यास नकार दिल्याने विद्यार्थ्यांनी शाळेकडे पाठ फिरविली आहे. २३ नोव्हेंबर पासून नववी ते बारावी पर्यंतचे वर्ग सुरु करण्याची शासनाने अनुमती दिली असली तरी परिस्थितीनुरूप स्थानिक प्रशासनाने निर्णय घेण्याच्या सूचना शिक्षण विभागाने दिल्या आहेत. शाळा खुल्या करण्यात आल्या तरी विद्यार्थ्यांनी उपस्थिती न दर्शविल्याने शाळेमध्ये शुकशुकाट दिसून आला. <p>तालुक्यातील ६५ व्यक्तींच्या आज रॅपिड अँटीजेन चाचण्या करण्यात आल्या असून ५ व्यक्ती पॉझिटिव्ह तर ६० व्यक्तींचे रिपोर्ट निगेटिव्ह आले आहेत. आज एकही तपासणी अहवाल प्राप्त झाला नसून आज आणखी २४ व्यक्तींचे नमुने तपासणी करिता पाठविण्यात आल्याने १५९ नमुन्यांचे अहवाल प्राप्त होणे बाकी आहेत. ७५ सक्रिय रुग्णांपैकी ४२ रुग्ण होम आयसोलेशनमध्ये, १४ रुग्ण कोविड केयर सेंटरमध्ये तर १९ रुग्ण यवतमाळ व इतरत्र उपचार घेत आहेत. <p>आज पॉझिटिव्ह आलेल्या व्यक्तींमध्ये पद्मावती नगरी येथील एक, रवीनगर एक, बोरगाव एक, चोपण एक तर घुग्गुस येथील एका व्यक्तीचा समावेश आहे. कोरोनाचे संक्रमण वाढणार नाही याची नागरिकांनी दक्षता घेऊन शासनाच्या मार्गदर्शक सूचनांचे पालन करण्याचे आव्हान प्रशासनाने केले आहे.

maregaonwarta.com

maregaonwarta.com

lokmat.com

lokmat.com