amarujala.com

news18.com

news18.com

maharashtratimes.com

news18.com

corona update २१ Nov. <p></p>प्रशांत चंदनखेडे वणी (9738181616)<p> <p>तालुक्यात कमी अधिक प्रमाणात कोरोनाचे रुग्ण आढळत असल्याने कोरोना रुग्णांचा आकडा वाढत चालला आहे. आज सात व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ९२९ झाली आहे. तर ऍक्टिव्ह पॉझिटिव्ह रुग्णांची संख्या ७६ झाली आहे. आज आणखी पाच रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ८३० रुग्ण कोरोनामुक्त होऊन घरी परतले आहेत. <p>तालुक्यातील ३६ व्यक्तींचे कोरोना चाचणी अहवाल आज प्राप्त झाले असून ४ पॉझिटिव्ह तर ३२ नमुन्यांचे अहवाल निगेटिव्ह आले आहेत. तसेच आज १२१ व्यक्तींची रॅपिड अँटीजेन चाचणी करण्यात आली असून तीन पॉझिटिव्ह तर ११८ व्यक्तींचे रिपोर्ट निगेटिव्ह आले आहेत. आज आणखी ६८ व्यक्तींचे नमुने तपासणी करिता पाठविण्यात आल्याने ९७ अहवाल प्रलंबित आहेत. आता पर्यंत एकूण ६८४३ व्यक्तींच्या कोरोना चाचण्या करण्यात आल्या आहेत. तालुक्यात आज सात पॉझिटिव्ह रुग्ण आढळल्याने एकूण पॉझिटिव्ह रुग्णांची संख्या ९२९ झाली असून ८३० रुग्ण कोरोनामुक्त झाले तर २३ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ७६ झाली आहे. पॉझिटिव्ह रुग्णांपैकी ३३ रुग्ण होम आयसोलेशनमध्ये, २२ रुग्ण कोविड केयर सेंटरमध्ये तर २१ रुग्ण यवतमाळ व इतर ठिकाणी उपचार घेत आहेत. <p>आज पॉझिटिव्ह आलेल्या व्यक्तींमध्ये जैन ले-आऊट, लक्ष्मीनगर, आनंदनगर, विद्यानगरी, रामपुरा, भालर कॉलनी, कोना येथील प्रत्येकी एका व्यक्तीचा समावेश आहे. कोरोनाचे संक्रमण वाढणार नाही, याची दक्षता घेण्याबरोबरच प्रत्येकाने कोरोना विषयक नियमाचे पालन करण्याचे आव्हान प्रशासनातर्फे करण्यात आले आहे.

</p>प्रशांत चंदनखेडे वणी (9738181616)<p> <p>तालुक्यात रेती तस्करीला उधाण आले असून निर्भीडपणे अवैध रेतीची वाहतूक केल्या जात आहे. तस्करीच्या धंद्यातून मोठा आर्थिक लाभ मिळत असल्याने अनेकांनी या धंद्यात उड्या घेतल्या आहेत. अल्पावधीत लक्षाधीश बनण्याच्या लालसेपायी अनेकांनी तस्करीचे मार्ग निवडले आहेत. टाळेबंदीच्या काळात तस्करांना मोकळीक मिळाल्याने तस्करीतून चांगलीच उलाढाल झाल्याचे समोर आले आहे. लॉकडाऊन काळात पोलिसांच्या व्यस्ततेचा फायदा घेत तस्करांनी बिनधास्त अवैध रेतीची वाहतूक केली. पण आता पोलीस सतर्क झाले असून तस्कर पोलिसांच्या रडारावर आले आहेत. अवैध रेतीचे उत्खनन करून रेतीची तस्करी होत असल्याच्या गुप्त माहितीच्या आधारे डीबी पथकाने सापळा रचून चिखलगांव परिसरातून दोन रेती भरलेले ट्रॅक्टर ताब्यात घेऊन त्यांच्यावर कार्यवाही केली. तसेच दोन आरोपीना अटक करून त्यांच्यावर गुन्हे दाखल करण्यात आले आहे. सदर कार्यवाही २१ नोव्हेंबरच्या पाहटे २.३० वाजताच्या सुमारास करण्यात आली. <p>रात्रीची गस्त घालत असताना पोलिसांना अवैध रेतीची वाहतूक होणार असल्याची गुप्त माहिती मिळाली. माहितीच्या आधारे पोलिसांनी सापळा रचून चिखलगाव येथील खुल्या परिसरातून अवैध रेतीची वाहतूक करणारे दोन ट्रॅक्टर ताब्यात घेतले. मुरधोंनी येथील नाल्यातून रेतीचे अवैध उत्खनन करून चोरून रेती आणणारे दोन ट्रॅक्टर क्रं MH २९ BC ९८८४ व MH २९ AK १५६३ ताब्यात घेऊन पोलिसांनी आरोपी गजानन मारोती वसाके (३१) व संतोष दत्तू आवारी (३४) दोन्ही रा. चिखलगाव याना अटक करून त्यांच्यावर भादंवि च्या कलम ३७९, सहकलम १३०(१), ५०(ए)/१७७ मोटर वाहन कायद्यांतर्गत गुन्हा दाखल केला आहे. पोलिसांनी दोन ट्रॅक्टर किंमत अंदाजे १० लाख रुपये व दोन ब्रास रेती किंमत अंदाजे १० हजार रुपये असा एकूण १० लाख १० हजारांचा मुद्देमाल जप्त केला आहे. डीबी पथकाच्या या धडक कार्यवाहीने रेती तस्करांचे चांगलेच धाबे दणाणले आहेत. <p>सदर कार्यवाही एसडीपीओ संजय पुज्जलवार यांच्या मार्गदर्शनात ठाणेदार वैभव जाधव, सपोनि संदीप एकाडे, पोहवा सुधीर पांडे, सुदर्शन वानोळे, इम्रान खान, सुनील खंडागळे, रत्नपाल मोहाडे, अमित पोयाम, पोकॉ पंकज उंबरकर यांनी केली.

news18.com

esakal.com

</p>प्रशांत चंदनखेडे वणी (9738181616)<p> <p>टाळेबंदीचा काळ अवैध धंदेवाल्यांकरिता सुकाळ ठरला आहे. याकाळात अवैध धंदेवाल्यांचे चांगलेच फावले असून अवैध धंद्यांमधून बरीच उलाढाल झाल्याचे समोर आले आहे. तस्करांसाठी तर टाळेबंदीचा काळ पर्वणीच ठरला आहे. दारू तस्करी बरोबरच रेती तस्करीही चांगलीच फोफावल्याचे पाहायला मिळाले. रेती तस्करीच्या या गोरख धंद्यात राजकीय क्षेत्रातील लोकांबरोबरच अप प्रवृत्तीचे लोक मोठ्या प्रमाणात उतरले असून तस्करीच्या माध्यमातून त्यांनी चांगलीच माया जमविल्याचे समजते. राजकीय पुढाऱ्यांचा पाठिंबा व प्रशासनातील काही अधिकारी, कर्मचाऱ्यांची मिलीभगत तस्करीला सुगीचे दिवस आणण्यास कारणीभूत ठरली आहे. तालुक्यात रेती तस्करीला उधाण आले असतानाच आज शिरपूर पोलिसांनी सापळा रचून अवैध रेतीची वाहतूक करणारे तीन ट्रक ताब्यात घेऊन ट्रक चालकांवर गुन्हे दाखल केल्याने रेती तस्करांचे धाबे दणाणले आहेत. सदर रेतीचे ट्रक एका प्रमुख पक्षाच्या पदाधिकाऱ्याचे असल्याचे समजते. २१ नोव्हेंबरला सकाळी ४.४५ वाजताच्या सुमारास ही कार्यवाही करण्यात आली. <p>पैनगंगा नदीतून अवैध उत्खनन करून रेतीची तस्करी होत असल्याच्या गुप्त माहितीच्या आधारे शिरपूर पोलिसांनी सापळा रचून तीन अवैध रेतीची वाहतूक करणारे ट्रक ताब्यात घेऊन त्यांच्यावर कार्यवाही केली. महालक्ष्मी कॅम्प जवळील पैनगंगा नदीतून अवैध उत्खनन करीत रेती भरलेले तीन ट्रक शिरपूरकडे येत असल्याची गुप्त माहिती मिळाल्याने शिरपूर पोलिसांनी सापळा रचून साईजिनिंग शिंदोला येथून MH २९ BG ७८९३ तर अभई फाटा येथून MH २४ AB ७७१३ व MH २९ BE ७४७४ हे तीन ट्रक ताब्यात घेऊन ट्रक चालक तैरास सिमून बडा (५३) रा. हनुमान नगर, शेख मुर्तजा मोहम्मद हनीफ (४३) रा. मुकुटबन, अमोल नंदू मेश्राम (२४) रा. मोहदा यांना अटक केली असून त्यांच्यावर भादंवि च्या कलम ३७९ नुसार गुन्हा दाखल केला आहे. पोलिसांनी तीन हायवा ट्रक अंदाजे किंमत ४२ लाख रुपये व १६ ब्रास रेती अंदाजे किंमत ८० हजार रुपये असा एकून ४२ लाख ८० हजार रुपयांचा मुद्देमाल जप्त केला आहे. शिरपूर पोलिसांच्या या धडक कार्यवाहीने रेती तस्करांचे धाबे दणाणले असून तस्करी वर्तुळात चांगलीच खळबळ निर्माण झाली आहे. <p>सदर कार्यवाही उपविभागीय पोलीस अधिकारी संजय पुज्जलवार यांच्या मार्गदर्शनात ठाणेदार सचिन लुले, पीएसआय ज्ञानेश्वर धावळे, एस.सी. गावंडे, एनपीसी कोशटवार, पीसी अमित पाटील यांनी केली आहे.

blogspot.com

esakal.com

mahavoicenews.com

maharashtra24.in

news34.co.in