corona update २१ oct <p></p>प्रशांत चंदनखेडे वणी (9738181616)<p> <p>शहर व तालुक्यात आज कोरोनाने कहर केला असून प्रतिदिन आढळणाऱ्या रुग्णांमध्ये मोठ्या प्रमाणात वाढ झाल्याने नागरिकांची धाक धुकं वाढली आहे. आज तालुक्यात कोरोनाचे २२ रुग्ण आढळल्याने प्रशासन चिंतेत आले आहे. आज २२ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ७४६ झाली. तर ऍक्टिव्ह पॉझिटिव्ह रुग्णांची संख्या ७१ झाली आहे. आज आणखी चार रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत एकूण ६७४ रुग्ण कोरोनामुक्त होऊन घरी परतले आहेत. <p>तालुक्यात आज मोठ्या प्रमाणात कोरोनाचे रुग्ण आढळल्याने प्रशासनाची डोकेदुखी वाढली आहे. प्रतिदिन कमी प्रमाणात आढळणाऱ्या रुग्णांमध्ये आज अचानक लक्षणीय वाढ झाल्याने नागरिकांमध्ये परत एकदा भीतीचे वातावरण निर्माण झाले आहे. आज पूर्ण ८६ तपासणी नमुन्यांचे अहवाल प्राप्त झाले असून २० पॉझिटिव्ह तर ६६ व्यक्तींचे अहवाल निगेटिव्ह आले आहेत. तसेच आज ७८ व्यक्तींच्या रॅपिड अँटीजेन चाचण्या करण्यात आल्या असून २ पॉझिटिव्ह तर ७६ व्यक्तींचे रिपोर्ट निगेटिव्ह आले आहेत. आज आणखी ५० व्यक्तींचे स्वाब तपासणी करिता पाठविण्यात आले असून तेवढ्याच नमुन्यांचे रिपोर्ट पेंडिंग आहेत. आता पर्यंत एकूण ५३३२ व्यक्तींच्या कोरोना चाचण्या करण्यात आल्या आहेत. तालुक्यात आज २२ पॉझिटिव्ह रुग्ण आढळल्याने एकूण पॉझिटिव्ह रुग्णांचा आकडा ७४६ वर पोहचला असून ६७४ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ७१ झाली आहे. पॉझिटिव्ह रुग्णांपैकी ४१ रुग्ण कोविड केयर सेंटरमध्ये, ११ रुग्ण यवतमाळ शासकीय रुग्णालयामध्ये तर १९ रुग्ण होम आयसोलेशनमध्ये उपचार घेत आहेत. सध्यास्थितीत ५२ रुग्ण संस्थात्मक विलीगीकरणात आहेत. <p>आज पॉझिटिव्ह आलेल्या व्यक्तींमध्ये सुंदरनगर येथील चार, कुरई पाच, चिखलगांव तीन, पोलीस क्वाटर येथील चार तर भालर, निवली, रामपुरा, तेजापूर, तेलीफैल, न.प. शाळा क्रं. १ जवळील प्रत्येकी एका रुग्णाचा समावेश आहे. पोलीस विभागात कोरोनाची लागण होण्याचे प्रमाण वाढत असून एकवेळ कोरोनाचे हॉटस्पॉट ठरलेल्या तैलीफैल परिसरात कोरोनाने परत डोके वर काढल्याचे दिसून येत आहे. प्रशासन कोरोनावर नियंत्रण मिळविण्याकरिता शर्थीचे प्रयत्न करीत असून नागरिकांनीही सतर्क राहण्याचे आव्हान प्रशासनाने केले आहे.

</p>प्रशांत चंदनखेडे वणी (9738181616)</p> <p>शहरातील दीपक चोपाटी परिसरात गुन्हेगारी प्रवृत्ती डोके वर काढू लागली आहे. काल २० ऑक्टोबरला रात्री ८ वाजताच्या सुमारास या परिसरातील एका बार समोर दोन मद्यपी युवकांमध्ये वादावादी होऊन झालेल्या तुफान हाणामारीमध्ये एकाने दुसऱ्यावर घातक शस्त्र उगारले तर दुसऱ्याने मित्रांना बोलावून शस्त्र उगारणाऱ्याला जबर मारहाण केल्याने दोघेही गंभीर जख्मी झाले. तेथे उपस्थित असलेल्या नागरिकांनी मध्यस्थी केल्याने व अनपेक्षितपणे पोलीस त्याठिकाणी दाखल झाल्याने मोठा अनर्थ टळला. पोलिसांनी दोघांनाही अटक करून त्यांच्यावर गुन्हे दाखल केले आहे. त्यातील एकाला न्यायालयात हजर केले असता न्यायाधीशांनी त्याची जिल्हा कारागृहात रवानगी केली आहे. <p>लॉकडाऊन शिथिल होताच गुन्हेगारी प्रवृत्तीनेही डोके वर काढण्यास सुरुवात केली आहे. छोट्यामोठ्या मारामाऱ्यांसह घातक शस्त्रांनीही वार होऊ लागले आहेत. दीपक चौपाटी जवळच्या काही भागातील मद्यपींचा दीपक चौपाटी हाच एकमेव ठिय्या असल्याने रात्रीच्या सुमारास मद्यपींचा याठिकाणी उभा धिंगाणा असतो. १७ सप्टेंबरला याच परिसरातील एका बारसमोर दोन मित्रांमध्ये झालेल्या मारामारीत रामपुऱ्यातील एका युवकाचा बळी गेला होता. काल २० ऑक्टोबरला अशाच दोन मद्यपी युवकांमध्ये दुचाकीला आडवे येण्याच्या शुल्लक कारणावरून झालेल्या वादावादीचे पर्यावसन हाणामारीत होऊन एकाने दुसऱ्यावर शस्त्र उगारले तर तर दुसऱ्याने मित्रांना बोलावून शस्त्र उगारणाऱ्याला बेदम मारल्याने दोघेही गंभीर जखमी झाले. ललित मधू चवरे (३४) रा. सेवानगर हा आपल्या मित्रासोबत दुचाकीने जात असतांना राहुल अशोक पानघाटे (२८) रा. रामपुरा वार्ड हा त्याच्या दुचाकीला आडवा आल्याने जाब विचारण्यावरून झालेला वाद एकमेकांना जबर मारहाण करण्यापर्यंत पोहचला. राहुल पानघाटे याने घातक शस्त्र उगारले तर ललित चवरे याने मित्रांना बोलावून जबर मारहाण केली. तेथे उपस्थित असलेल्या नागरिकांच्या मध्यस्थीने व अलगद पोहचलेल्या पोलिसांच्या हस्तक्षेपाने मोठा अनर्थ टाळला. नाहीतर या हाणामारीत एखाद्याचा जीव धोक्यात आला असता. पोलिसांनी दोघांनाही अटक करून त्यांच्यावर गुन्हे दाखल केले आहेत. ललित मधू चवरे याच्या तक्रारीवरून पोलिसांनी राहुल अशोक पानघाटे याच्या विरुद्ध भादंवि च्या कलम ३२६ नुसार गुन्हा दाखल केला आहे. तर राहुल अशोक पानघाटे याच्या तक्रारीवरून पोलिसांनी ललित मधू चवरे याच्या विरुद्ध भादंवि च्या कलम ३२४, ५०४. ५०६ नुसार गुन्हा दाखल केला आहे. दोघांनाही गंभीर जख्मा झाल्याने त्यांचे मेडिकल केल्यानंतर राहुल अशोक पानघाटे यास न्यायालयात हजर केले असता न्यायदंडाधिकाऱ्यानी त्याची यवतमाळ कारागृहात रवानगी केली. <p>पुढील तपास पोलीस निरीक्षक वैभव जाधव यांच्या मार्गदर्शनात सहाय्यक पोलीस निरीक्षक निखिल फिटिंग, जमादार बुरेवार व पोकॉ अमोल नुनेलवार करीत आहे.

-

esakal.com

corona update २० oct <p></p>प्रशांत चंदनखेडे वणी (9738181616)<p> <p>तालुक्यात कोरोनाचा प्रादुर्भाव कमी झालेला असतांनाच आज अचानक प्रतिदिन आढळणाऱ्या रुग्णसंख्येत थोडी वाढ झाली आहे. आज १४ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ७२४ झाली. तर ऍक्टिव्ह पॉझिटिव्ह रुग्णांची संख्या वाढून ५३ झाली आहे. <p>शहर व तालुक्यात कोरोनाची लागण होण्याचे प्रमाण कमी झाले असतानाच आज प्रतिदिन आढळणाऱ्या रुग्णसंख्येत किंचित वाढ झाली आहे. आज प्राप्त झालेल्या ३२ तपासणी अहवालामध्ये ६ व्यक्ती पॉझिटिव्ह तर २६ व्यक्ती निगेटिव्ह आढळून आले आहेत. तसेच आज करण्यात आलेल्या ३१ रॅपिड अँटीजेन चाचण्यांच्या रिपोर्टमध्ये ८ व्यक्ती पॉझिटिव्ह तर २३ व्यक्ती निगेटिव्ह आढळून आले आहेत. आज आणखी ५२ व्यक्तींचे नमुने तपासणी करिता पाठविण्यात आल्याने १०० नमुन्यांचे रिपोर्ट पेंडिंग झाले आहेत. आता पर्यंत एकूण ५२०४ व्यक्तींच्या कोरोना चाचण्या करण्यात आल्या आहेत. आज १४ व्यक्तींचे अहवाल पॉझिटिव्ह आल्याने तालुक्यात ७२४ पॉझिटिव्ह रुग्णांची नोंद झाली असून ६७० रुग्ण कोरोनामुक्त झाले तर २० रुग्णांचा मृत्यू झाल्याने ५३ ऍक्टिव्ह पॉझिटिव्ह रुग्णांवर उपचार सुरु आहेत. पॉझिटिव्ह रुग्णांपैकी २२ रुग्ण होम आयसोलेशनमध्ये, २० रुग्ण कोविड केयर सेंटरमध्ये तर ११ रुग्ण यवतमाळ शासकीय रुग्णालयात भरती आहेत. सध्यास्थितीत २१ व्यक्ती संस्थात्मक विलीगीकरणात आहेत. <p>आज पॉझिटिव्ह आलेल्या व्यक्तींमध्ये सुंदरनगर येथील चार, कुरई येथील सात, जत्रा रोड, रंगारीपुरा व टागोर चौक येथील प्रत्येकी एका व्यक्तीचा समावेश आहे. प्रशासन कोरोनाचे संक्रमण वाढू नये, याकरिता योग्य त्या उपाययोजना करीत असून नागरिकांनीही सावधानी बाळगण्याचे आव्हान प्रशासनाच्या वतीने करण्यात येत आहे.

</p>प्रशांत चंदनखेडे वणी (9738181616)</p> <p><p>शहरातील रंगनाथ नगर येथे आपल्या आजीकडे राहून महाविद्यालयीन शिक्षण घेणारी अल्पवयीन मुलगी १५ ऑक्टोबरला आत्याच्या घरी जाण्याच्या बहाण्याने परिसरातीलच तरुणाबरोबर पळून गेली होती. तीन दिवसानंतर १८ ऑक्टोबरला रात्री दोघेही स्वतःहून पोलीसांना शरण आल्याने पोलिसांनी मुलीला नातेवाईकांच्या स्वाधीन करून तरुणावर गुन्हा दाखल केला आहे. वैभव सुरेश नक्षीने (२३) रा. रंगनाथ नगर असे या अल्पवयीन तरुणीला पळवून नेणाऱ्या तरुणाचे नाव आहे. <p><p>रंगनाथ नगर येथे आपल्या आजीकडे रहात असलेली अल्पवयीन तरुणी त्याच परिसरात राहणाऱ्या आपल्या आत्याकडे स्वयंपाकास जात असल्याचे कारण सांगून घरातून बाहेर पडली. खूप वेळानंतरही सदर तरुणी आत्याकडे पोहचली नसल्याने तिचा सर्वत्र शोधाशोध सुरु झाला. पण कुठेच तिचा पत्ता न लागल्याने अखेर मुलीची आत्या सुशीला प्रभाकर कोल्हे (५५) यांनी मुलगी बेपत्ता झाल्याची तक्रार पोलीस स्टेशनला नोंदविली. आई वडील मरण पावल्याने तिन्ही भावंडं आजी सुभद्राबाई रामचंद्र काकडे (७०) यांच्याकडे राहून शिक्षण घेत होते. १५ ऑक्टोबरला दोघीही बहिणी आत्याकडे स्वयंपाकास जाणार होत्या. पण घरातील कामे आटोपण्याचा बहाणा करून मोठ्या बहिणीला समोर जाण्यास भाग पाडून सदर मुलगी नंतर आत्याकडे न जाता संधी साधून परिसरातीलच वैभव नक्षीने या तरुणाबरोबर पळून गेली. पोलीस त्यांच्या शोधात असतांनाच १८ ऑक्टोबरला रात्री दोघांनीही पोलीस स्टेशनमध्ये येऊन शहरणागती पत्कारल्याने पोलिसांनी अल्पवयीन मुलीला नातेवाईकांच्या स्वाधीन करून तिला पळवून नेणाऱ्या तरुणावर भादंवि च्या कलम ३६३ नुसार गुन्हा नोंदविला आहे. <p><p>आजीने रागावल्याने मित्रासोबत गेल्याचे सदर अल्पवयीन मुलीने पोलिसांना दिलेल्या जबानीत म्हटले आहे. तारुण्यात पदार्पण केलेल्या मुला मुलींना पालकांचे मार्गदर्शक तत्वेही जिव्हारी लागताना दिसत आहे. तरुण मुले स्वतःच्या मानमर्जीने वागण्यातच धन्यता मानत आहेत. पालकांच्या मार्दर्शनाकडे दुर्लक्ष करून आकर्षणाला बळी पाडतांनाच मुले आयुष्याची दुर्गती करून बसतात. शालेय जीवनात शिक्षणाचे पाठ गिरवण्याऐवजी प्रेमाची गणितं सोडण्याच्या नादात मुले आयुष्याची गणितं चुकवून बसतात. तारुण्यातील आकर्षणाला प्रेम समजून उनाड तरुणांच्या नादाला लागून घरून पळून जाणाऱ्या मुली नंतर पच्छातापाच्या आगीत होरपळताना दिसतात. आकर्षणातून निर्माण झालेलं दुबळं प्रेम आयुष्यात बसणाऱ्या चटक्यांनी ओसरू लागतं व हवाहवासा वाटणारा सहवास नकोसा वाटू लागल्याने नात्यांची ताटातूट होऊन आयुष्याची दुर्गती होते. त्यामुळे शालेय जीवनात शिक्षणालाच महत्व देऊन मुलांनी आधी जीवनात सक्षम बनलं पाहिजे. पालकांनीही तारुण्यात पदार्पण करणाऱ्या मुलांकडे विशेष लक्ष देणे गरजेचे झाले आहे. त्यांची वेळोवेळी चौकशी करून त्यांच्याशी संवाद साधून त्यांच्या हालचाली जाणून घेणे अत्यंत जरुरीचे झाले आहे. <p><p>

bobhata.com

corona update १९ oct <p></p>प्रशांत चंदनखेडे वणी (9738181616)</p> <p>शहर व तालुक्यातील कोरोना संक्रमणाची गती मंदावल्याने रुग्णवाढीची तीव्रताही कमी झाली आहे. तालुक्यात प्रतिदिन अत्यल्प रुग्ण आढळत असल्याने कोरोनावर नियंत्रण मिळविण्यात प्रशासन यशस्वी झाल्याचे पाहायला मिळत आहे. आज सहा व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ७१० झाली आहे. तर ऍक्टिव्ह पॉझिटिव्ह रुग्णांची संख्या ३९ झाली आहे. आज आणखी तीन रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ६७० रुग्ण कोरोनामुक्त होऊन घरी परतले आहेत. <p>कोरोनाचा संसर्ग होण्याचे प्रमाण अत्यंत कमी झाल्याने रुग्ण संख्याही संथ गतीने वाढत आहे. आज करण्यात आलेल्या २३ रॅपिड अँटीजेन चाचण्यांमध्ये ६ व्यक्ती पॉझिटिव्ह तर १७ व्यक्तींचे रिपोर्ट निगेटिव्ह आले आहेत. यवतमाळ येथील कोरोना लॅबचा आज एकही अहवाल प्राप्त झाला नसून आज आणखी ११ व्यक्तींचे स्वाब तपासणी करिता पाठविण्यात आल्याने ८० रिपोर्ट पेंडिंग झाले आहेत. आता पर्यंत एकूण ५१२१ व्यक्तींच्या कोरोना चाचण्या करण्यात आल्या आहेत. आज सहा व्यक्तिंचे रॅपिड अँटीजेन रिपोर्ट पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ७१० झाली असून ६७० रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ३९ झाली आहे. पॉझिटिव्ह रुग्णांपैकी २१ रुग्णांवर होम आयसोलेशनमध्ये, ११ रुग्णांवर कोविड केयर सेंटरमध्ये तर ७ रुग्णांवर यवतमाळ शासकीय रुग्णालयामध्ये उपचार सुरु आहेत. सध्यास्थितीत ११ व्यक्तींना संस्थात्मक विलीगीकरणात ठेवण्यात आले आहे. <p>आज पॉझिटिव्ह आलेल्या व्यक्तींमध्ये सुंदरनगर येथील चार, तेजापूर येथील एक तर रामपुरा येथील एका व्यक्तीचा समावेश आहे. प्रशासन कोरोना नियंत्रणाकरिता निरनिराळे उपाययोजनात्मक प्रयोग करीत असून नागरिकांनीही खबरदारी घेण्याचे आव्हान प्रशासनाने केले आहे.

khabarkatta.com

lokmat.com

</p>प्रशांत चंदनखेडे वणी (9738181616)</p> <p>घरापुढे बैलं धुण्यास विरोध केल्याच्या शुल्लक कारणावरून पती पत्नीस बेदम मारहाण केल्याची घटना १८ ऑक्टोबरला सकाळी ९ वाजताच्या सुमारास तालुक्यातील बोर्डा गावात घडली. मारहाण झालेल्या दाम्पत्याने याबाबत पोलीस स्टेशनला नोंदविलेल्या तक्रारीवरून पोलिसांनी आरोपींना अटक करून त्याच्यावर गुन्हा दाखल करण्यात आला आहे. <p>तालुक्यातील बोर्डा गावात वास्तव्यास असलेल्या सुरेखा अंकुश मिलमिले (२८) व अंकुश मिलमिले (३२) या दाम्पत्या सोबत त्याच गावातील सुरेश देवराव विधाते (४२) हा नेहमी विनाकारण वादावादी करून अंगावर चालून यायचा. घटनेच्या दिवशी सुरेश व त्याचा साळा निलेश राजूरकर (३५) हे अंकुश मिलमिले याच्या घरासमोरील न्हाणी घराजवळ बैले धूत होते. बैलांवर शिंपडण्यात येणारे पाणी त्याठिकाणी कपडे धूत असलेल्या सुरेखा मिलमिले यांच्या अंगावर उडत असल्याने त्यांनी बैलांना थोडे बाजूला धुण्यास सांगितले. अगदी घरासमोरच बैलं धुतली जात असल्याने जाण्या येण्याच्या मार्गावर चिखल होत असतांना तसेच कपडे धुण्याच्या वेळेलाच बैलं धुतली जात असतांना सुरेखा मिलमिले यांनी आक्षेप घेतला असता सुरेश विधाते व त्याच्या कुटुंबीयांनी दोघाही पती पत्नीला बेदम मारहाण केली. नेहमी कोणत्या न कोणत्या कारणावरून वाद घालून अंगावर चाल करणाऱ्या सुरेश विधाते कुटुंबाकडून आमच्या कुटुंबाला धोका असल्याचेही सुरेखा मिलमिले यांनी तक्रारीत म्हटले आहे. पोलिसांनी सुरेश विधाते यास अटक केली असून त्याच्यासह नलु सुरेश विधाते, प्रज्ञा सुरेश विधाते व निलेश राजूरकर यांच्यावर भादंवि च्या कलम ३२३,५०४,५०६ अन्वये गुन्हा दाखल केला आहे. पुढील तपास पोलीस करीत आहे.

corona update १८ oct <p> <p></p>प्रशांत चंदनखेडे वणी (9738181616)</p> <p> <p>शहर व तालुक्यातील कोरोनाची रुग्ण वाढ मंदावली असून प्रतिदिन आढळणाऱ्या रुग्णातही लक्षणीय घट झाली आहे. कोविड योद्धे परत कोरोनाग्रस्त होतांना दिसत आहे. पोलीस क्वाटर मधील तीन जणांना कोरोनाची लागण झाल्याने चिंता व्यक्त करण्यात येत आहे. आज आठ व्यक्तींचा कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ७०४ झाली आहे. तर ऍक्टिव्ह पॉझिटिव्ह रुग्णांची संख्या ३७ झाली आहे. आज आणखी सहा रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ६६७ रुग्ण कोरोनामुक्त होऊन घरी परतले आहेत. <p>तालुक्यातील कोरोनाची परिस्थिती नियंत्रणात असून रुग्ण आढळण्याचे प्रमाणही कमी झाले आहे. आज १९ तपासणी नमुन्यांचे अहवाल प्राप्त झाले असून ५ पॉझिटिव्ह तर १४ व्यक्तींच्या नमुन्यांचे अहवाल निगेटिव्ह आले आहेत. तसेच आज करण्यात आलेल्या २४ रॅपिड अँटीजेन चाचण्यांमध्ये तीन व्यक्तींचे रिपोर्ट पॉझिटिव्ह तर २१ रिपोर्ट निगेटिव्ह आले आहेत. आज आणखी २३ व्यक्तींचे स्वाब तपासणी करिता पाठविण्यात आल्याने ६९ नमुन्यांचे अहवाल पेंडिंग झाले आहेत. आज तालुक्यात आठ व्यक्तींना कोरोनाची लागण झाल्याने एकूण कोरोनाग्रस्त रुग्णांची संख्या ७०४ झाली असून ६६७ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ३७ वर आली आहे. पॉझिटिव्ह रुग्णांपैकी १८ रुग्ण होम आयसोलेशनमध्ये, १३ रुग्ण कोविड केयर सेंटरमध्ये तर ६ रुग्ण यवतमाळ शासकीय रुग्णालयात उपचार घेत आहेत. <p>आज पॉझिटिव्ह आलेल्या व्यक्तींमध्ये सुंदर नगर येथील चार, साधनकर वाडी येथील एक तर पोलीस क्वाटर येथील तीन व्यक्तींचा समावेश आहे. प्रशासन कोरोनावर नियंत्रण ठेऊन असून नागरिकांनीही सतर्कता बाळगण्याचे आव्हान प्रशासनाने केले आहे.

</p>प्रशांत चंदनखेडे वणी (9738181616)</p> <p>तालुक्यातील वांजरी येथील अल्पवयीन मुलीला पळवून नेण्याच्या बेतात असलेल्या घोन्सा येथील दोन तरुणांना पोलिसांनी तात्काळ अटक करून त्यांच्यावर गुन्हा दाखल करण्यात आला आहे. कोवळ्या वयातील मुलींना प्रेम पाश्यात अडकवून त्यांना फूस लावून पळऊन नेण्याचे प्रमाण चांगलेच वाढले आहे. पोलिसांनी समय सूचकता दाखवून पेट्रोलिंग दरम्यान नांदेपेरा रोडवरील रेल्वे क्रॉसिंग जवळ दोन तरुण व एक तरुणी दुचाकीवरून जात असतांना त्याची चौकशी केली असता उत्तरे संशयास्पद आढळून आल्याने त्यांना ताब्यात घेऊन पोलीस स्टेशनला आणले असता सदर मुलगी बेपत्ता झाल्याची तक्रार नोंदविण्यात आल्याचे निदर्शनास आल्यानंतर दोन्ही आरोपींवर अल्पवयीन मुलीला पळवून नेण्यात येत असल्याचा गुन्हा दाखल करण्यात आला आहे. <p>वांजरी येथील अल्पवयीन मुलगी बेपत्ता झाल्याची तक्रार मुलीचे वडील प्रवीण तात्याजी बोरे (४५) रा. वांजरी यांनी १७ ऑक्टोबरला रात्रीच्या सुमारास वणी पोलीस स्टेशला नोंदविली. दरम्यान पोलिसांची वणी यवतमाळ रिंग रोडवर गस्त सुरु असतांना दोन तरुण व एक तरुणी दुचाकीवरून संशयास्पद स्थितीत जातांना पोलिसांना दिसले. पोलिसांनी त्यांना रोखून त्यांची चौकशी केली असता उत्तरे देतांना त्यांची भंबेरी उडत असल्याचे लक्षात आल्याने त्यांना पोलीस स्टेशनला आणण्यात आले. पोलीस स्टेशनला वांजरी येथील मुलगी बेपत्ता झाल्याची तक्रार दाखल असल्याचे निदर्शनास आल्या नंतर पोलिसांनी दोन्ही तरुणांना पोलिसी खाक्या दाखवला असता तरुणांनी मुलीला पळवून नेत असल्याची कबुली दिली. पोलिसांनी कुणाल विलास देवतळे (१९) व गौरव मनोहर कार्लेकर (२०) दोन्ही रा. घोन्सा यांना अटक करून त्यांच्या विरुद्ध भादंवि च्या कलम ३६३ नुसार गुन्हा दाखल करण्यात आला आहे. तसेच मुलीला आई वडिलांच्या स्वाधीन करण्यात आले आहे. शालेय विद्यार्थिनींना प्रेमाच्या जाळ्यात ओढून त्यांना भूलथापा देऊन पळवून नेण्याचे प्रमाण वाढत चालले आहे. १५ ऑक्टोबराला रंगनाथ नगर येथील अल्पवयीन मुलगी अशीच अचानक बेपत्ता झाल्याने तिचा शोध सुरु आहे. पालकांनी आपल्या वयात येणाऱ्या मुला मुलींकडे विशेष लक्ष देणे आता जिकरीचे झाले आहे. वयातील आकर्षण पालन पोषणावर वरचढ ठरत असल्याचे दिसून येत आहे. वयात येणारी तरुण पिढी बेभान तर पालकवर्ग हैराण झाला आहे. शिक्षण घेणारी कोवळ्या वयातील मुले आकर्षनाला बळी पडून चुकीच्या मार्गाकडे वळत आहेत. पालकांच्या डोळ्यात अंजन घालून शाळेत जाण्याच्या नावावर पळून जाण्याचे कारस्थान रचण्यात येत आहे. पोलिसांच्या सतर्कतेमुळे आज कोवळी मुले चुकीच्या मार्गावर जाण्यापासून रोखल्या गेली. <p>पुढील तपास पी एस आय प्रताप बाजड करीत आहे. <p> <p> <p>

lokmat.com

loksatta.com