esakal.com

</p>प्रशांत चंदनखेडे वणी (9738181616)</p> <p>तालुक्यातील राजूर (इजारा) या गावाला अनेक समस्यांनी घेरले आहे. गावातील प्राथमिक सोयी सुविधांकडेही ग्रामपंचायतचे दुर्लक्ष होतांना दिसत आहे. गावात डेंग्यू, टायफाईड व मलेरिया सारखे साथीचे आजार बळावले आहेत. नागरिक या आजारांनी ग्रस्त होत असताना ग्रामपंचायत प्रशासन मात्र गावातील स्वच्छतेकडे पाठ फिरविताना दिसत आहे. गावातील पथदिवे बंद पडले आहेत, रस्त्यांवर ठिकठिकाणी खड्डे निर्माण झाले आहेत. गावातील कचराकुंड्या फुटल्याने परिसरात कचऱ्याचे ढिगारे जमा झाले असून नाल्यांचीही साफसफाई करण्यात न आल्याने नाल्या तुडुंब भरल्या आहेत. साथरोग प्रतिबंधक उपाययोजनेतंर्गत गावात स्वच्छता ठेऊन वेळोवेळी निर्जंतुकीकरणाच्या फवारण्या करणे आवश्यक असताना ग्रामपंचायत याकडे डोळेझाक करीत आहे. ग्रामपंचायतेने गावातील स्वच्छतेकडे दुर्लक्ष केल्यास गावात जमा झालेला कचरा ग्रामपंचायतेसमोर आणून टाकण्याचा इशारा महाराष्ट्र नवनिर्माण सेनेचे राजूर विभाग प्रमुख प्रदीप बांदूरकर यांनी ग्रामपंचायत सचिवांना दिलेल्या निवेदनातून दिला आहे. <p>गावात अस्वच्छतेने कहर केला असून ठिकठिकाणी कचऱ्याचे ढिगारे निर्माण झाल्याने परिसरात घाणीचे साम्राज्य पसरले आहे. नाल्यांची वेळेवर साफसफाई होत नसल्याने नाल्या तुंबल्या आहेत. यामुळे परिसरात दुर्गंधी पसरली असून नागरिकांचे आरोग्य धोक्यात आले आहे. घाण कचऱ्यामुळे डासांचा प्रादुर्भाव वाढून नागरिकांना साथीच्या आजारांची लागण होतांना दिसत आहे. ग्रामपंचायतेने गावात निर्माण झालेल्या आरोग्यविषयक व इतर समस्यांचे आठ दिवसात निराकरण करण्याचा अल्टिमेटम मनसेचे प्रदीप बांदुरकर यांनी सचिवांना दिलेल्या निवेदनातून दिला आहे. आठ दिवसात समस्या न सुटल्यास गावात जमा होऊन असलेला कचरा ग्रामपंचायतेसमोर आणून टाकण्यात येणार असल्याचा इशाराही निवेदनातून देण्यात आला आहे.

</p>प्रशांत चंदनखेडे वणी (9738181616)</p> <p>शहरातील भाजी बाजाराकरिता योग्य पर्यायी जागा उपलब्ध करून देण्यात न आल्याने भाजी बाजार रस्त्यावर आला आहे. नगर पालिका प्रशासनाच्या उदासीनतेमुळे भाजी बाजाराच्या पुनर्वसनाचा प्रश्न रेंगाळत पडला आहे. पालिका प्रशासनाच्या वेळकाढू धोरणामुळे भाजी बाजार भरविण्याकरिता अद्यापही हक्काची जागा न मिळाल्याने भाजी पाल्यांची दुकाने रस्त्यांच्या कडेला लागतांना दिसत आहे. शहरातील रस्त्यांवर ठिकठिकाणी पालेभाज्यांची दुकाने लागलेली पाहायला मिळत आहे. शहरात नेमका भाजी बाजार कुठे भरतो हे सांगणे आता कठीण झाले आहे. शहरातील अंतर्गत रस्त्यांवर कुठेही दुकाने थाटली जात असल्याने वाहतुकीला तर अडथळे निर्माण होतच आहे, शहराचेही विद्रुपीकरण होतांना दिसत आहे. एकहाती सत्ता असतांना देखील भाजी बाजाराकरिता योग्य पर्यायी जागा उपलब्ध होऊ नये, ही शोकांतिकाच म्हणावी लागेल. खनिज उत्पादनात अग्रेसर असलेला वणी तालुका सोयीसुविधांच्या बाबतीत नेहमीच मागासला राहिला आहे. <p>मागील काही महिन्यांपासून भाजी बाजार भरविण्याकरिता पर्यायी जागेचा शोध घेणे सुरु आहे. परंतु जागा उपलब्ध करून देण्याबाबतचा तिढा मात्र अद्यापही सुटलेला नाही. नगर पालिके समोरील संकुचित जागेत मागील अनेक वर्षांपासून भाजी बाजार भरतो आहे. काही पालेभाज्यांची दुकाने तर नगर पालिके समोरील व मागील रस्त्यालगत थाटलेली दिसतात. शहराचं क्षेत्रफळ व लोकसंख्या सातत्याने वाढत असली तरी भाजी बाजारासाठी विस्तारित जागा मात्र अद्यापही उपलब्ध करून देण्यात आलेली नाही. शहरातील दैनंदिन भाजी बाजार व आठवडी बाजाराकरिता योग्य पर्यायी जागा उपलब्ध करून देण्यात न आल्याने भाजी बाजार रस्त्यावर आला आहे. कोरोना काळात तर भाजी बाजाराला ठीक ठिकाणी नाचविण्यात आले. काही दिवस कॉटन मार्केट मध्ये तर काही दिवस बस स्थानकात भाजी बाजार भरविण्यात आला. नंतर खाती चौक ते पहिल्या मोडक्या कमानी पर्यंतच्या रस्त्यालगत भाजी पाल्यांची दुकाने लावण्यात आली. त्यानंतर टिळक चौकात भाजी विक्रेत्यांनी आपले बस्तान मांडले. आता टिळक चौकापासून आंबेडकर चौकाकडे जाणाऱ्या व एसपीएम शाळेकडे वळणाऱ्या रस्त्याच्या कडेला पाले भाज्यांची दुकाने लावण्यात येत आहे. काही भाजी विक्रेते नगर पालिकेजवळील आपल्या पूर्वीच्याच जागेवर पाले भाज्यांची दुकाने लावीत आहेत. वणी यवतमाळ रोडवरील साईबाबा मंदिरासमोरही पालेभाज्यांची दुकाने अगदी रस्त्याच्या कडेला लागली असतात. एकूणच पालिका प्रशासनाने पर्यायी जागा उपलब्ध करून न दिल्याने भाजी बाजार रस्त्यावर आला आहे. भाजी विक्रेत्यांना ज्या रस्त्यावर सोयीचे वाटते त्या रस्त्याच्या कडेला ते दुकाने लावून बसतात. कित्येक वर्षांपासून भाजी बाजाराला सुलभ जागा उपलब्ध करून देण्याचा मुद्दा ऐरणीवर आहे. पण पालिका प्रशासन व लोकप्रतिनिधींच्या वेळ काढू धोरणामुळे भाजी बाजाराच्या पुनर्वसनाचे भिजत घोंगडेच राहिले आहेत. पालिका प्रशासनाच्या दुर्लक्षिततेमुळे शहरातील भाजीबाजाराची दुरावस्था झाली आहे. रस्त्यावर आलेला भाजी बाजार शहराच्या विद्रुपीकरणास कारणीभूत ठरत असून भाजी बाजाराकरिता सुलभ पर्यायी जागा उपलब्ध करून देण्यात येते की, ते ही आश्वासनातच विरते याकडे भाजी विक्रेत्यांबरोबरच जनतेचेही लक्ष लागले आहे.

lokmat.com

corona update १४ oct <p></p>प्रशांत चंदनखेडे वणी (9738181616)</p> <p>शहर व तालुक्यातील कोरोनाचा वाढता प्रादुर्भाव कमी झाल्याने कोरोना रुग्णांची संख्याही मंदावली आहे. आज चार व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६८६ झाली आहे. तर ऍक्टिव्ह पॉझिटिव्ह रुग्णांची संख्या २८ झाली आहे. आज आणखी चार रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ६५८ रुग्ण कोरोनामुक्त होऊन घरी परतले आहेत. <p>आज ४४ तपासणी नमुन्यांचे अहवाल प्राप्त झाले असून ४ पॉझिटिव्ह तर ४० नमुन्यांचे अहवाल निगेटिव्ह आले आहेत. आज करण्यात आलेल्या १५ व्यक्तींच्या रॅपिड अँटीजेन चाचण्यांचे रिपोर्ट निगेटिव्ह आले आहेत. आज आणखी १५ व्यक्तींचे नमुने तपासणी करिता पाठविण्यात आल्याने ४४ नमुन्यांचे अहवाल प्रलंबित झाले आहेत. शहरातील कोरोनाची परिस्थिती नियंत्रणात आल्याचे सध्यातरी पाहायला मिळत आहे. आज चार व्यक्तींचे अहवाल पॉझिटिव्ह आल्याने तालुक्यातील एकूण कोरोना बाधितांची संख्या ६८६ झाली असून ६५८ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २८ वर आली आहे. पॉझिटिव्ह रुग्णांपैकी १८ रुग्ण होम आयसोलेशनमध्ये, सहा रुग्ण यवतमाळ शासकीय रुग्णालयात तर चार रुग्ण कोविड केयर सेंटरला उपचार घेत आहेत. <p>आज पॉझिटिव्ह आलेले चारही व्यक्ती चिखलगांव येथील रहिवासी आहेत. प्रशासन कोरोनाला तालुक्यातून हद्दपार करण्याकडे वाटचाल करीत असून नागरिकांनीही प्रशासनाला योग्य सहकार्य करण्याचे आव्हान प्रशासनातर्फे करण्यात आले आहे.

esakal.com

loksatta.com

lokmat.com

</p>प्रशांत चंदनखेडे वणी (9738181616)</p> <p>पैसे देवाण घेवाणीचा वाद विकोपाला जाऊन झालेल्या मारहाणीत एकाने दुसऱ्याला दगडाने मारून डोके फोडल्याची घटना शहरातील आंबेडकर चौकात काल रात्री १२ वाजताच्या सुमारास घडली. अनंता तुकाराम ढेरे (५२) रा. एस.पी.एम. हायस्कुल जवळ या इसमाला आरोपी नरेंद्र आत्माराम कांबळे (३५) रा. राजीव गांधी चौक याने डोक्याच्या मागच्या बाजूस दगडाने मारून जख्मी केले. याबाबत जख्मी इसमाचा मुलगा विनोद अनंता ढेरे (३२) याने पोलीस स्टेशनला तक्रार नोंदविल्याने पोलिसांनी आरोपी विरुद्ध गुन्हा दाखल केला आहे. <p>याबाबत पोलिसांनी दिलेल्या माहिती नुसार आरोपी व जख्मी यांच्यात १२ ऑक्टोबरला दुपारी ३.३० वाजताच्या सुमारास उसनवारीच्या पैशातून वाद झाला. त्यानंतर आरोपी घरी निघून गेला व अनंता ढेरे हा नेहमी प्रमाणे रात्री ८ वाजता आपल्या आंबेडकर चौकातील बूट पॉलिशच्या दुकानात झोपण्याकरिता गेला. नरेंद्र कांबळे याने मध्यरात्री अचानक जख्मीचे दुकान गाठत त्याच्या डोक्यावर दगडाने मारून जख्मी केले. सकाळी उशीरा पर्यंत वडील घरी न परतल्याने मुलाने सकाळी ७.३० वाजता दुकानावर जाऊन पहिले असता वडील जमिनीवर पडून दिसले. तसेच त्यांच्या डोक्याला रक्त लागले होते. लगेच त्यांना ग्रामीण रुग्णालयात दाखल केले व त्यांनी सांगितलेल्या घटनाक्रमानुसार मुलाने १३ ऑक्टोबरला दुपारी ४.४५ वाजता पोलीस स्टेशला नरेंद्र आत्माराम कांबळे (३५) याच्या विरुद्ध पोलीस तक्रार नोंदविली. पोलिसांनी आरोपी विरुद्ध भादंवि च्या कलम ३२४ नुसार गुन्हा नोंदविला आहे. पुढील तपास पोलीस करीत आहे.

corona update १३ oct <p></p>प्रशांत चंदनखेडे वणी (9738181616)</p> <p>कोरोना संक्रमणाची गती मंदावल्याने तालुक्यात कोरोनाचे रुग्णही कमी प्रमाणात आढळत आहेत. आज दोन व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६८२ झाली आहे. तर ऍक्टिव्ह पॉझिटिव्ह रुग्णांची संख्या २८ झाली आहे. आज दोन रुग्ण कोरोनातून बरे झाल्याने त्याना सुटी देण्यात आली आहे. आता पर्यंत ६५४ रुग्ण कोरोनामुक्त झाले आहेत. <p>आज पॉझिटिव्ह आलेले दोन्ही रुग्ण रॅपिड अँटीजेन चाचणीच्या प्राप्त झालेल्या रिपोर्ट मधून आले आहेत. २१ व्यक्तींची रॅपिड अँटीजेन टेस्ट करण्यात आली. त्यामध्ये दोघांचे रिपोर्ट पॉझिटिव्ह तर १९ जणांचे रिपोर्ट निगेटिव्ह आले आहेत. आज आणखी १५ व्यक्तींचे नमुने तपासणी करिता पाठविण्यात आले असून ७३ नमुन्यांचे अहवाल अप्राप्त आहेत. आता पर्यंत एकूण ४८८९ व्यक्तींच्या आरटी पीसीआर व रॅपिड अँटीजेन चाचण्या करण्यात आल्या आहेत. प्रशासनाच्या योग्य नियोजनामुळे कोरोनाची परिस्थिती नियंत्रणात आली असून प्रशासन शहर व तालुक्यातून कोरोनाला हद्दपार करण्याकरिता अथक प्रयत्न करीत आहे. आज आढळलेल्या दोन पॉझिटिव्ह व्यक्तींमुळे तालुक्यातील एकूण पॉझिटिव्ह रुग्णांची संख्या ६८२ झाली असून ६५४ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २८ वर आली आहे. <p>आज पॉझिटिव्ह आलेल्या व्यक्तींमध्ये कायर येथील एक तर गणेशपूर येथील एका रुग्णाचा समावेश आहे. काल १२ ऑक्टोबरला शहरात पॉझिटिव्ह आढळलेल्या तीन व्यक्तींमध्ये ग्रामीण रुग्णालयातील दोन कर्मचारी तर प्रगतीनगर मधील एका व्यक्तीचा समावेश होता. ग्रामीण रुग्णालयातील पॉझिटिव्ह आलेल्या व्यक्तींपैकी एक व्यक्ती आर एस क्वाटरमध्ये राहतो.

loksatta.com

</p>प्रशांत चंदनखेडे वणी (9738181616)</p> <p>कोरोनाच्या पार्श्वभूमीवर लागू करण्यात आलेल्या लॉकडाऊनमध्ये प्रवासी रेल्वे गाड्याही बंद ठेवण्यात आल्या. परंतु अनलॉक प्रक्रियेच्या चौथ्या व पाचव्या टप्यात कोरोनाचे नियम पाळून काही प्रवासी रेल्वे गाडया सुरु करण्यात आल्या. यामध्ये वणी वासियांच्या प्रवासाची धुरा सांभाळणारी नंदीग्राम एक्सप्रेसही मागच्या रविवारपासून मुंबईवरून नांदेड पर्यंत सुरु करण्यात आली. जंक्शन टू जंक्शन चालवण्यात येणारी नंदीग्राम एक्सप्रेस वणी मार्गे नागपूर पर्यंत वाढविण्यात न आल्याने तालुक्यातील प्रवाशांमध्ये नाराजी दिसून येत आहे. नागपूर व मुंबईच्या प्रवासाकरिता वणी वासियांच्या पसंतीस पात्र ठरलेली नंदीग्राम एक्सप्रेस वणीला न येता नांदेड पर्यंतच चालविण्यात येत असल्याने नागरिकांचा चांगलाच हिरमोड झाला आहे. वणीतील जनतेला अंगाखांद्यावर बसवून प्रवासाला नेणारी लोकवाहिनी मागील सात महिन्यांपासून दृष्टीआड झाली आहे. सकाळी ९ व दुपारी १२.३० वाजता नंदिग्रामच्या येण्यानं गजबजणारं वणी रेल्वे स्टेशन आता ओसाड झालं आहे. प्रवासाला धावून येणारी हक्काची गाडीच लुप्त झाल्याने वणी रेल्वे स्टेशन वांझोटं झालं असून येथे स्मशान शांतता पसरली आहे. सकाळी ९ वाजता डिजल इंजिनचा आवाज आला की, नंदीग्राम आली वाटतं, हा एकच सूर सर्वांच्या तोंडातून ऐकायला मिळायचा. प्रवाशांची प्रवासाकरिता होणारी लगबग, ऑटोंची रेलचेल, चाय नास्ता विकणाऱ्यांची धडपड सारच तिचं प्रस्थान होई पर्यंत खुणावत असायचं. पण आता रेल्वे विभागानं प्रवाशांना लोकवाहिनी पासून दूर ठेऊन तिच्याशी जुळलेल्या जिव्हाळ्याच्या नात्यांचीच ताटातूट केली आहे. नंदीग्राम एक्सप्रेस नांदेड पर्यंत येते व वणीला येत नाही, ही माहिती मिळाल्याने एकीकडे प्रवाशी दुखावले आहे तर दुसरीकडे रेल्वे विभागाविषयी जनतेत संताप निर्माण झाला आहे. प्रवाशांच्या पसंतीस उतरलेली नंदीग्राम एक्सप्रेस वणीवरून केंव्हा धावेल याकडे आता संपूर्ण तालुक्यातील जनतेचे लक्ष लागले आहे. <p>७ ऑक्टोबर पासून वणी रेल्वे स्टेशन वरून ४ सुपर फास्ट गाड्या धावत आहे. बल्लारशा ते काजीपेठ पर्यंत तिसरा रेल्वे रूळ तयार करण्याचे काम सुरु असून या रुळावरून माल वाहतूक होणार आहे. त्यामुळे दक्षिणे कडे जाणाऱ्या रेल्वे गाड्या माजरी मार्गे वणीवरून वळविण्यात आल्या आहे. पिंपळखुटी अदिलाबाद मार्गाने या गाड्या धावत आहे. दुरंतो, सिकंदराबाद सुपरफास्ट एक्सप्रेससह चार गाड्यांचे अप डाऊन सुरु आहे. वणी स्टेशनवर या गाड्यांचा थांबा नाही. १८ ऑक्टोबर पर्यंत या गाड्या वणी मार्गे धावणार आहेत. <p>

प्रशांत चंदनखेडे वणी (9738181616) :- देशात कोरोनाचा शिरकाव झाल्यानंतर कोरोनाचे संक्रमण वाढू नये या कारणास्तव शासनाने संपूर्ण देशात संचारबंदी जाहीर करून आपत्ती व्यवस्थापन कायदा लागू केला. जीवनावश्यक वस्तूंची दुकाने वगळता संपूर्ण व्यावसायिक प्रतिष्ठाने बंद ठेवण्यात आली. उद्योग, कारखाने, कंपन्याही जनसंपर्कातून संसर्ग वाढण्याच्या भीतीने बंद ठेवण्यात आल्या. त्यामुळे कित्येकांचे रोजगार व नोकऱ्या हिरावल्या गेल्याने त्यांच्यावर बेरोजगारीचे संकट कोसळले. रोजंदारीचीही कामे बंद पडल्याने मजूरवर्ग आर्थिक संकटात येऊन त्यांच्यासमोर उदर्निवाहाचे प्रश्न निर्माण झाले. दोन सांजेच्या भाकरीचीही सोय करणे कठीण झाल्याने मजूरवर्गावर उपासमार सहन करण्याची वेळ आली. औद्योगिक जिल्हे व महानगरांमध्ये नोकरी व्यवसायाकरिता स्थायिक झालेले नागरिकही रोजगार हिरवल्याने स्वगावी परतले. त्यामुळे कुटुंबावरील भार वाढून उपजीविकेचे संकट आणखीच गडद झाले. कुटुंबातील कर्ते पुरुष बेरोजगारीच्या सावटात आल्याने कुटुंबाचा आर्थिक कणा मोडून कुटुंबावर हालाकीचे जीवन जगण्याची वेळ आली. हालाकीच्या परिस्थितीशी झुंजताना मनाचे खच्चीकरण झाल्याने कित्येकांनी जीवनाला पूर्ण विराम दिला. तर काहींनी परिस्थितीला धैर्याने तोंड देत, परिस्थितीशी झुंजत, संकटावर मात करीत जगण्याचा संघर्ष सुरु ठेवला. पण अशा व्यक्तींना आज रोजगार नोकरीच्या ठिकाणी मालकवर्गाकडून अपमानास्पद वागणूक मिळत असल्याच्या अनेक तक्रारी प्राप्त झाल्या आहेत. रोजंदारी, मजुरी व खाजगी नोकरी करणाऱ्या व्यक्तींची मालकांकडून विडंबना करण्यात येत असल्याचे पाहायला मिळत आहे. व्यावसायिक प्रतिष्ठानमध्ये काम करणाऱ्या व खाजगी कंपन्यांमध्ये नोकरी करणाऱ्या व्यक्तींना गुलामाप्रमाणे वागविले जात असून नोकरीवरून काढण्याच्या धमक्या देत खालच्या दर्जाची शिवीगाळ केली जात असल्याच्या तक्रारी अनेक नोकरदारवर्गातून ऐकायला मिळत आहे. दुकाने व कंपन्यांमध्ये काम करणाऱ्या कामगारांकडून क्षमतेपेक्षा जास्त काम करून घेतल्या जात आहे. मंदीचे कारण पुढे करत मोजक्या कामगारांकडून जास्तीचे काम काढून घेण्याचे कुटील कारस्थान सुरु आहे. संकटाच्या या काळात रोजगार नोकऱ्यांच्या संधी कमी झाल्याने खाजगी मालकांची दबंगिरी वाढली आहे. कामावरून काढण्याच्या धमक्या देत कामगारांचे शोषण करणे सुरु आहे. नोकरी जाण्याच्या भीतीने कामगारही मालकांचे अन्याय अत्याचार निमूटपणे सहन करीत आहेत. दुकाने व कंपन्यांमध्ये काम करणाऱ्या अस्थायी कामगारांवर होणाऱ्या अन्यायाविरुद्ध आवाज उठविणारे कोणतेच संगठन नसल्याने या कामगारांना आपल्या व्यथा कुणाला सांगाव्या हेच कळत नाही. कमी पगारात जास्त काम काढून घेणे, ही मालकांची प्रथा होऊन बसली आहे. तर कमी पगारात जास्त वेळ राबणं कामगारांची व्यथा होऊन बसली आहे. कोरोनाच्या या संकट काळात बेरोजगारीत भरडल्या गेलेल्यांना उद्योगधंदे व कंपन्या सुरु झाल्याने काही प्रमाणात काम मिळाले खरे पण त्यांची चांगलीच पिळवणूक करण्यात येत आहे. रोजगार नोकऱ्यांचा वानवा असल्याने कामगारही मालकांकडून होणारी विडंबना निमूटपणे सहन करून मिळालेल्या नोकरीत टिकून राहण्यातच धन्यता मानत आहे. वणी तालुका कोळसा खदानींनी वेढला असल्याने कोल ट्रान्सपोर्टींग व कोळसा व्यवसायाच्या माध्यमातून अनेक रोजगार याठिकाणी उपलब्ध आहेत. परंतु बहुतांश कोल ट्रान्सपोर्टींग कंपन्या व कोळसा व्यावसायिक परप्रांतीय असल्याने ते परप्रांतीयांनाच रोजगारात प्राथमिकता देण्याचा प्रयत्न करतात. त्यांच्या सुपरव्हिजनमध्ये स्थानिकांना कामगार म्हणून ठेवण्यात येत असले तरी त्यांना नेहमी दुय्यम वागणूक मिळते. आता तर मंदीचे कारण सांगून कामगारांना नोकर कपातीची धास्ती दाखवून त्यांना हवे तसे राबवून घेतले जात आहे.

corona update १२ oct <p></p>प्रशांत चंदनखेडे वणी (9738181616)</p> <p>शहर व तालुक्यातील कोरोना संक्रमणाचा वाढता आलेख कमी झाल्याने कोरोना रुग्ण वाढीचे प्रमाणही कमी झाले आहे. आज पाच व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६८० झाली आहे. तर ऍक्टिव्ह पॉझिटिव्ह रुग्णांची संख्या २८ झाली आहे. <p>तालुक्यातील कोरोनाच्या वाढत्या संक्रमणावर रोख लागली असून कोरोनाग्रस्त रुग्ण कमी प्रमाणात आढळत असल्याने नागरिकांमध्ये समाधान पाहायला मिळत आहे. आज १२ तपासणी नमुन्यांचे अहवाल प्राप्त झाले असून एक पॉझिटिव्ह तर ११ नमुन्यांचे अहवाल निगेटिव्ह आले आहेत. तसेच आज करण्यात आलेल्या २७ रॅपिड अँटीजेन चाचण्यांच्या रिपोर्टमध्ये ४ पॉझिटिव्ह तर २३ व्यक्ती निगेटिव्ह आढळून आल्या. आता पर्यंत २२१७ रॅपिड अँटीजेन चाचण्या तर २६२६ आरटी पीसीआर चाचण्या करण्यात आल्या आहेत. आज आणखी २१ व्यक्तींचे स्वाब तपासणी करीता पाठविण्यात आल्याने ५८ स्वाबचे रिपोर्ट अप्राप्त आहेत. तालुक्यात आज ५ व्यक्तींचे अहवाल पॉझिटिव्ह आल्याने एकूण पॉझिटिव्ह रुग्ण ६८० झाले असून ६५२ रुग्ण कोरोनामुक्त झाले आहेत तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २८ झाली आहे. पॉझिटिव्ह रुग्णांची ५ रुग्ण कोविड केयर सेंटरला, ५ रुग्ण यवतमाळ शासकीय रुग्णालयात तर १८ रुग्ण होम आयसोलेशनमध्ये उपचार घेत आहेत. <p>आज पॉझिटिव्ह आलेल्या व्यक्तींमध्ये मंदर येथील एक, चिखलगांव एक, तर शहरातील तीन व्यक्तींचा समावेश आहे. प्रशासन कोरोनाची रोखथाम करण्याकरिता निरनिराळ्या उपाययोजना आखत असून नागरिकांनीही खबरदारीचे नियम पाळण्याचे आव्हान प्रशासनातर्फे करण्यात आले आहे.