-

ghadamodinews.com

</p>प्रशांत चंदनखेडे वणी (9738181616)</p> <p>फ्युलको प्रा. ली. (एफसीआय) या कोल डेपोमध्ये अकॉन्टउंट म्हणून कार्यरत असलेल्या एका युवकाचा रेल्वेखाली येऊन कटून मृत्यू झाल्याची घटना आज ११ ऑक्टोबरला सायंकाळी ६.३० वाजताच्या सुमारास वणी यवतमाळ मार्गावरील चिखलगाव रेल्वे गेटजवळ घडली. विजय अग्रवाल (४५) रा. एफसीआय क्वाटर चिखलगांव असे या युवकाचे नाव आहे. माल वाहतूक करणाऱ्या रेल्वे समोर आल्याने विजय अग्रवाल याचे हात पाय कटल्याने त्याला नागपूर येथे उपचाराकरिता नेत असतांना वाटेतच त्याचा मृत्यू झाल्याचे समजते. <p>एफसीआय कोलडेपोमध्ये लेखापाल म्हणून कार्यरत असलेल्या विजय अग्रवाल याचा शहरातील नामांकित खाजगी रुग्णालयात उपचार सुरु होता. त्याला साथीचा आजार झाल्याने तो एक दोन दिवस खाजगी रुग्णालयातच भरती असल्याचे समजते. कोलडेपोमध्ये अतिशय प्रामाणिक कर्मचारी म्हणून त्याची ओळख होती तर मनमिळाऊ स्वभावाने तो सर्वानाच जवळचा वाटायचा. त्याला एक भाऊ असून तो मानसिक आजारग्रस्त असल्याने त्याचे लग्न न होऊ शकल्याने विजय अग्रवालनेही लग्न केले नाही. आजारग्रस्त झाल्यापासून तो मानसिक तणावामध्ये रहात असल्याचे समजते. आज लुंगी बनियांवर तो रेल्वे रुळावर गेला. समोरून रेल्वे येत असल्याने गेटमेनने त्याला हटकले असता समोर जात असल्याचे कारण सांगून तो गाडीच्या दिशेने गेला व रेल्वे रुळावर उभे राहून रेल्वे खाली येत त्याने स्वतःचे जीवन संपविले. रेल्वे गेटच्या विरुद्ध बाजूस असलेल्या एफसीआयच्या प्लॉटवरील क्वाटरमध्ये तो रहात होता. मनमिळाऊ स्वभावामुळे सर्वांनाच तो जवळचा वाटत होता. त्याच्या या अकाली जाण्याने एफसीआय कोलडेपो वर्तुळात हालहाल व्यक्त होत आहे. <p>

corona update ११ oct <p><p> <p><p></p>प्रशांत चंदनखेडे वणी (9738181616)</p> <p><p>शहर व तालुक्यातील कोरोना संक्रमणाची गती मंदावली असून तालुक्यात अतिशय कमी प्रमाणात कोरोनाचे रुग्ण आढळून येत असल्याने कोरोना या संसर्गजन्य आजारावर नियंत्रण मिळविण्यात प्रशासनाला यश आल्याचे सध्या तरी पाहायला मिळत आहे. आज तालुक्यात कोरोनाचा तीन रुग्ण आढळून आल्याने एकूण पॉझिटिव्ह रुग्णांची संख्या ६७५ झाली आहे. तर ऍक्टिव्ह पॉझिटिव्ह रुग्णांची संख्या २३ झाली आहे. <p><p>आज ३२ तपासणी नमुन्यांचे अहवाल प्राप्त झाले असून एक पॉझिटिव्ह तर ३१ नमुन्यांचे अहवाल निगेटिव्ह आले आहेत. तसेच आज १२ व्यक्तींची रॅपिड अँटीजेन चाचणी करण्यात आली असून २ पॉझिटिव्ह तर १० व्यक्तींचे रिपोर्ट निगेटिव्ह आले आहेत. आज आणखी २५ व्यक्तींचे स्वाब तपासणी करिता पाठविण्यात आल्याने ४९ अहवाल अप्राप्त आहेत. आता पर्यंत एकूण ४७९५ व्यक्तींच्या आरटी पीसीआर व रॅपिड अँटीजेन चाचण्या करण्यात आल्या आहे. आज तालुक्यात ३ व्यक्तींना कोरोनाची लागण झाल्याने एकूण पॉझिटिव्ह रुग्णांची संख्या ६७५ झाली असून ६५२ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २३ वर आली आहे. <p><p>आज पोझिटिव्ह आलेल्या व्यक्तींमध्ये कायर येथील दोन तर सुंदर नगर येथील एका व्यक्तीचा समावेश आहे. प्रशासनाचे कोरोनावर नियंत्रण असून नागरिकांनीही खबरदारीच्या नियमांचे पालन करून कोरोना वाढणार नाही याची दक्षता घेण्याचे आव्हान प्रशासनातर्फे करण्यात आले आहे. <p><p>

</p>प्रशांत चंदनखेडे वणी (9738181616)</p> <p><p>कोरोना या आजाराविषयी सामाज माध्यमांवरून वेगवेगळ्या अफवा पसरविल्या जात असल्याने नागरिक कोरोनाच्या चाचण्या करून घ्यायला घाबरत आहेत. लक्षनग्रस्त व्यक्तीही घरगुती व ओळखीच्या डॉक्टरांकडून तात्पुरते उपचार करून घेत असल्याने कोरोनाचा आजार बळावत असून प्रकृती खालावल्यानंतर उपचाराकरिता धावाधाव होत असल्याने रुग्णांचे नाहक जीव जात आहेत. कोरोनाने मृत्यू होणाऱ्यांचे प्रमाण आता वाढू लागले असून इतर व्याधींनी ग्रस्त असणारे व प्रतिकार शक्ती कमी असणारे व्यक्ती कोरोनाचे बळी ठरत आहे. त्यामुळे ताप, सर्दी, खोकला ही लक्षणे आढळल्यास प्रत्येकानी कोरोना चाचणी करून घेत आजाराबद्दल निश्चिती करून घेण्याचे आव्हान तालुका आरोग्य अधिकारी अमित शेंडे यांनी केले आहे. <p><p>मागील काही दिवसांपासून कोरोनाने मृत्यू होणाऱ्यांचे प्रमाण वाढू लागले आहे. सोशल मीडिया वरून कोरोना विषयी व उपचार करणाऱ्या डॉक्टरांविषयी अफवा पसरवून नागरिकांची दिशाभूल केली जात असल्याने नागरिक कोरोनाच्या चाचण्या करून घ्यायला घाबरत आहेत. लक्षनग्रस्त नागरिकही कोरोनाची चाचणी करून न घेता घरगुती व डॉक्टरांकडून तात्पुरते उपचार करून घेत असल्याने कोरोनाचा आजार बळावत असून प्रकृती गंभीर झाल्यानंतर धावाधाव केल्या जात असल्याने योग्य उपचाराअभावी रुग्णांना जीव गमवावा लागत आहे. कोरोना संदर्भात वेगवेगळ्या अफवांना पेव फुटले असल्याने नागरिकांमध्ये कोरोना विषयी अनेक गरसमज निर्माण झाले आहे. उपचार करणाऱ्या डॉक्टरांविषयी अफवांचा बाजार गरम असल्याने चाचण्या करताना त्यांच्यावर संशय घेतला जात आहे. माझे कुटुंब, माझी जबाबदारी या शासनाच्या कोरोनामुक्त अभियानांतर्गत गावोगावी मार्गदर्शन व तपासण्या करण्याकरिता जाणाऱ्या आरोग्य सेवक व आशा सेविकांना नागरिकांकडून अपमानास्पद वागणूक मिळत असल्याचे पाहायला मिळत आहे. नागरिक आरोग्य पथकाचे काही एक ऐकून न घेता आरोग्य सेवकांशी हुज्जत घालतांना दिसतात. कोरोना चाचण्या केल्या की त्या पॉझिटिव्हच येतात हा नागरिकांमध्ये गैरसमज पसरविल्या गेला आहे. त्यामुळे शहर व गाव पातळीवर कोरोनाच्या जनजागृती करिता गेलेल्या आरोग्य पथकाला योग्य प्रतिसाद न मिळता नागरिकांच्या रोषाला सामोरे जावे लागत आहे. कोरोना सदृश्य लक्षणे असलेल्या नागरिकांनी रॅपिड अँटीजेन चाचणी केल्यास त्याचा एका तासात रिपोर्ट मिळतो व पॉझिटिव्ह आल्यास आपली दैनंदिन कामे सांभाळूनही कोरोनावर उपचार घेता येतो. आता तर होम आयसोलेशची सुविधाही देण्यात येत आहे. तेंव्हा स्वतःचे व कुटुंबाचे आरोग्य धोक्यात न घालता वेळेतच कोरोना चाचणी गरजेचे आहे. ताप, सर्दी, खोकला झाल्यास नागरिक हवामानाचा बदल समजून या आजाराकडे दुलक्ष करतात. तर काही व्यक्ती निमोनिया, टायफाईड समजून त्या चाचण्या करण्याकडे भर देतात. त्या चाचण्या करण्याबरोबरच सध्या चालतीत असलेल्या कोरोनाचीही चाचणी करून घ्यावी. अन्यथा हा आजार बळावल्या नंतर ऑक्सिजनवर ठेवण्याची वेळ येते व काम खूपच कठीण होऊन बसतं. तेंव्हा आपले कुटुंब, आपली जबाबदारी समजून कोरोना सदृश्य आढळलेल्यानी तसेच इतर व्याधिग्रस्त वृद्ध व्यक्ती व प्रतिकार शक्ती कमी असलेल्या व्यक्तींनीही कोरोना सदृश्य लक्षणे आढळल्यास आधी कोरोना चाचणी करून घेण्याचे आव्हान आरोग्य अधिकाऱ्यांनी केले आहे. एखाद्याची प्रतिकारशक्ती दांडगी असेल तर त्याचा प्राथमिक उपचारांनी कोरोना बरा होत असला तरी त्याच्या पासून इतर व्यक्तींना कोरोना झाल्यास व त्यांची प्रतिकार शक्ती कमी असल्यास किंवा तो इतर व्याधींनीग्रस्त असल्यास त्याच्यावर कोरोनाचा जास्त परिणाम होतो. त्यामुळे कोरोना सदृश्य लक्षणे आढळ्यास सर्वप्रथम खाजगी किंवा शासकीय कोविड सेंटरमध्ये जाऊन कोरोना चाचणी करण्याचे आव्हान तालुका आरोग्य अधिकारी अमित शेंडे यांनी केले आहे. <p><p>

lokmat.com

maregaonwarta.com

</p>प्रशांत चंदनखेडे वणी (9738181616)</p> <p>कोरोना ही वैश्विक महामारी देशात अवतरली आणि सर्वच होत्याचं नव्हतं झालं. लॉकडाउनच्या चक्रव्यूहातून अद्यापही देश पूर्णपणे बाहेर निघू शकलेला नाही. रोजगार, नोकऱ्या हिरवाल्या गेल्याने आर्थिक दुर्बलता आली व कुटुंबाचे पालन पोषण करण्यात असमर्थ ठरल्याने मानसिक दुर्बलता आली. तर शिक्षण लॉकडाऊन झाल्याने बौद्धिक दुर्बलताही जाणवू लागली आहे. कोरोनामुळे शिक्षणाचा पार बोजावरा झाला आहे. कोरोनाचा संसर्ग आटोक्‍यात येत नसल्याने शाळा सुरू करण्यात आल्या नाहीत. अशात नवीन सत्रही सुरू झाले. मात्र शैक्षणिक बंदी उठवण्यावर अद्यापही एकमत न झाल्याने शैक्षणिक धोरणांची वाताहत झाली आहे. शिक्षणाचा खोळंबा झाल्याने विद्यार्थ्यांची बुद्धिमत्ता ढासळत चालली आहे. इंग्रजी माध्यमांच्या शाळांनी विद्यार्थ्यांचे शैक्षणिक नुकसान होऊ नये म्हणून ऑनलाइन शिक्षण सुरू केले. पण ऑन लाईन शिक्षणात विद्यार्थ्यांना बऱ्याच अडचणींना सामोरे जावे लागत आहे. मागील तीन महिन्यांपासून झूम ऍप लिंकच्या माध्यमातून सुरु असलेली ऑन लाईन शिक्षण प्रणाली इंटरनेटच्या न मिळणाऱ्या रेंज मुळे डोके दुखी ठरली आहे. ऑन लाईन वर्ग सुरु असतांना नेटवर्क अभावी शिक्षक व विद्यार्थ्यांचा ताळमेळ जुळत नसल्याने विद्यार्थी अक्षरशः चिडून जात असल्याचे चित्र पाहायला मिळत आहे. मोबाईलकडे सारखे पाहावे लागत असल्याने मुलांना मानेच्या दुखण्याचा त्रास होत असून मुलांच्या दृष्टीवरही मोबाईल स्क्रीनचा विपरीत परिणाम होत असल्याचे पाहायला मिळत आहे. तसेच काही मुले मोबाईलच्या अगदीच आहारी गेल्याचे दिसून येत असून ऑन लाईन वर्ग झाल्यानंतरही ते मोबाइलमध्येच गुंतून राहतांना दिसतात. ऑन लाईन शिक्षणाचा लाभही मोजक्याच विद्यार्थ्यांना मिळाला आहे. आर्थिक झळा सोसत असलेल्या पालकांना आपल्या पाल्यांकरिता स्मार्ट फोन घेणे शक्य न झाल्याने ते ऑन लाईन शिक्षणापासून आजही वंचित राहिले आहेत. काही पालकांनी अशाही परिस्थितीत मुलांच्या शिक्षणाला प्राथमिकता देत उसनवारी करून स्मार्ट फोन खरेदी केले पण मुलांना ऑन लाईन शिक्षणात अनेक अडचणी येत असल्याने ऑन लाईन शिक्षण मुलांच्या समजण्यापलीकडे असल्याचे काही पालकांचे म्हणणे आहे. अशातच ऑन लाईन शिकविलेल्या अभ्यासक्रमातून ऑन लाईन टेस्ट घेण्यात आल्या व घरी सोडविण्याकरिता पेपरही देण्यात आले. पण निकाल देतांना आधी संपूर्ण महिन्यांची फि भरण्याची अट ठेवण्यात आली. आज सामान्य व्यक्ती आर्थिक संकटात होरपळून निघाला असून त्याच्याकडे बंद काळातील शुल्काची मागणी करणे म्हणजे त्याच्यावर आर्थिक बर्डन लादल्या सारखे आहे. प्रत्येक सामान्य माणूस आपल्या मुलाला शिकविण्यासाठी धडपडत असतो. उपासमार सहन करूनही मुलाला शिकविण्याची त्याची जिद्द असते. पण कोरोनाच्या या काळाने सामान्य माणसाला बेजार करून सोडलं आहे. सामान्यांची हुशार मुलं मोलमजुरी करीत आहेत, शेतात व शेतमजुरीत राबत आहे. या मुलांना आज शैक्षणिक संस्थांनी आधार देण्याची गरज आहे. खाजगी शिक्षण संस्थांच्या शिक्षक व शिक्षकेत्तर कर्मचाऱ्यांचे मासिक वेतन विद्यार्थ्यांच्या मासिक शुल्कातुनच होत असते, हे खरे असले तरी आज काळ बिकट आला आहे. अल्प मिळकतीत कुटुंबाचा गाडा हाकावा लागत आहे. मिळकत मंदावल्याने आर्थिक संकटाना सामोरे जावे लागत असले तरी मुलांना शिकविण्याची जिद्द आजही ते जोपासून आहेत. शिक्षकांच्याही शैक्षणिक योगदानाचं कौतुक करावं तेवढं कमी आहे. शिक्षकांनाही ऑनलाइन शिक्षण हा प्रयोग नवीन असतांना शिक्षकांनी अल्पावधीतच हा प्रयोग उत्तमरित्या आत्मसात करीत विद्यार्थ्यांना ऑनलाइन शिक्षणाचे धडे देणे सुरू केले. वेतनाची आस न ठेवता विद्यार्थ्यांचे शैक्षणिक नुकसान होऊ नये म्हणून शिक्षकांनी खंड पडू न देता ऑन लाईन शिक्षण देण्याचे कार्य सुरु ठेवले आहे. एकमेकांच्या सहकार्यानेच या संकट काळावर मात करणे शक्य होणार आहे. विद्यार्थ्यांच्या भवितव्याचा विचार करून खाजगी शिक्षण संस्थांनी शुल्काबाबत उचित निर्णय घेण्याची अपेक्षा व्यक्त केल्या जात आहे. <p>शहरात छोट्यामोठ्या अनेक खाजगी इंग्रजी माध्यमांच्या शाळा आहेत. मार्च पासून या शाळा बंद असल्याने संस्था चालकांना आर्थिक अडचणींना सामोरे जावे लागत आहे. संस्थांमधील अनेक शिक्षक व शिक्षकेतर कर्मचारी बेरोजगार झाले आहेत. पालकांनी शुल्क जमा न केल्यास नाइलाजास्तव शाळा बंद करण्याची वेळ येऊ शकते, असे संस्थाचालक बोलू लागले आहेत. त्यामुळे शासनाने कोरोना आपात्कालीन फंडातून कर्मचाऱ्यांचे वेतन करावे, २०१८-१९ मधील आरटीईअंतर्गत शिक्षण विभागाकडे थकीत रक्कम तातडीने देण्यात यावी, २०१९-२० ची शंभर टक्के फी परतावा रक्कम तातडीने अदा करावी, ऑनलाइन शिक्षण पद्धतीसाठी येणाऱ्या खर्चासाठी संस्थांना ऍडव्हॉन्स रक्कम देण्यात यावी, अशी मागणी विदर्भ इंग्लिश स्कूल, ट्रस्टीस असोसिएशनच्या वतीने मागील काही दिवसांपासून करण्यात येत आहे. शाळा महाविद्यालये सुरु करण्यावर एकमत होत नसल्याने शाळा कुलूपबंद असून शाळा मोकाट जनावरांचे व व्यसनाधीन व्यक्तींच्या आश्रयस्थान बनले आहे. खाजगी इंग्रजी माध्यमांच्या शाळांनी विद्यार्थ्यांचे शैक्षणिक नुकसान होऊ नये म्हणून ऑन लाईन वर्ग सुरु केले. पण नेटवर्क, होमवर्कच्या आड येत असल्याने ऑन लाईन शिक्षण डोकेदुखी ठरत आहे. त्यातच शिक्षण संस्थांनी शुल्क भरण्याचा तगादा लावल्याने सामान्य पालकवर्ग चिंतेत आला आहे. तेंव्हा शिक्षण संस्था व पालक वर्गांनी आपसात योग्य सांगड घालून विद्यार्थ्यांचे शैक्षणिक नुकसान होणार नाही, असा योग्य तोडगा काढण्याची अपेक्षा पालकांमधून व्यक्त होत आहे. <p>

loksatta.com

</p>प्रशांत चंदनखेडे वणी (9738181616)</p> <p>शहर व तालुक्यातील कोरोना संक्रमणाची गती मंदावली असून मागील काही दिवसांपासून अतिशय कमी प्रमाणात कोरोनाचे रुग्ण आढळत असल्याने एकीकडे दिलासा मिळाला असतांना दुसरीकडे कोरोनाने मृत्यू होणाऱ्यांची संख्या वाढत असल्याने चिंता व्यक्त केल्या जात आहे. आज तालुक्यात दोन कोरोना बाधित रुग्ण आढळून आले असून एका रुग्णाचा कोरोनाने मृत्यू झाल्याने एकूण पॉझिटिव्ह रुग्णांची संख्या ६७२ झाली आहे. तर कोरोना बळींची संख्या २० वर पोहचली आहे. आज आणखी तीन रुग्ण कोरोनामुक्त झाल्याने ऍक्टिव्ह पॉझिटिव्ह रुग्णांची संख्या २२ झाली आहे. <p>शहरातील कोरोनाची परिस्थिती नियंत्रणात आली असून शहर प्रशासन व आरोग्य प्रशासनाने केलेल्या शर्थीच्या प्रयत्नांमुळे कोरोनावर नियंत्रण मिळविणे शक्य झाल्याचे दिसून येत आहे. कोरोनाचा प्रादुर्भाव कमी झाल्याने नागरिकांमधील भीती निवळत असतांनाच कोरोना बळींचा आकडा वाढत असल्याने प्रशासनाबरोबरच नागरिकही चिंतेत आले आहे. आनंद नगर मधील एका ५५ वर्षीय कोरोनाग्रस्त रुग्णाचा उपचारादरम्यान मृत्यू झाल्याने तालुक्यातील कोरोना बळींची संख्या वाढून २० वर पोहचली आहे. आज २१ तपासणी अहवाल प्राप्त झाले असून १ पॉझिटिव्ह तर २० नमुन्यांचे अहवाल निगेटिव्ह आले आहेत. तसेच आज १८ व्यक्तींच्या रॅपिड अँटीजेन चाचण्या करण्यात असून त्यामध्ये एक व्यक्ती पॉझिटिव्ह आढळून आला आहे. आज आणखी १२ व्यक्तींचे स्वाब तपासणी करीता पाठविण्यात आल्याने ५८ नमुन्यांचे अहवाल अप्राप्त आहेत. आज तालुक्यात दोन पॉझिटिव्ह रुग्ण आढळून आल्याने एकूण पॉझिटिव्ह रुग्णांची संख्या ६७२ झाली असून ६५२ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २२ झाली आहे. पॉझिटिव्ह रुग्णांपैकी १७ रुग्ण होम आयसोलेशनमध्ये तर ५ रुग्ण यवतमाळ शासकीय रुग्णालयात उपचार घेत आहे. <p>आज पॉझिटिव्ह आलेल्या व्यक्तींमध्ये चंद्रपूर जिल्ह्यातील चिमूर येथील एका व्यक्तीचा समावेश आहे. तो शहरात नातेवाईकाकडे आला असता त्याची प्रकृती बिघडल्याने त्याने स्वतःची कोरोना तपासणी करून घेतली. त्याचा रिपोर्ट आज पॉझिटिव्ह आला. तसेच जैन ले-आऊट येथीलही एका व्यक्तीचा आज कोरोना चाचणी अहवाल पॉझिटिव्ह आला आहे. कोरोनाला शहरातून हद्दपार करण्याकरिता प्रशासन शर्थीचे प्रयत्न करीत असून नागरिकांनीही सतर्क राहण्याचे आव्हान प्रशासनाने केले आहे. <p>

</p>प्रशांत चंदनखेडे वणी (9738181616)</p> <p><p>तालुक्यातील राजूर गावातील कचराकुंड्यांची अत्यंत दयनीय अवस्था झाली असून गावातील आठवडी बाजाराबरोबरच ठिकठिकांच्या कचरा कुंड्यांना तडे जाऊन त्या फुटल्याने कुंड्यांच्या बाहेर कचऱ्यांचे ढिगारे जमा झाले आहेत. त्यामुळे गावात घाणीचे साम्राज्य निर्माण होऊन परिसरात दुर्गंधी पसरली असल्याने नागरिकांचे आरोग्य धोक्यात आले आहे. तेंव्हा गावात मोठ्या स्वरूपाच्या ५० कचरा कुंड्या उपलब्ध करून देण्याबरोबरच गावातील केरकचऱ्याची कायम स्वरूपी समस्या सोडविण्याकरिता घंटागाडीची व्यवस्था करून देण्याची मागणी माहिती अधिकार व पत्रकार संरक्षण समितीच्या वतीने ग्रामपंचायतेला दिलेल्या निवेदनातून केली आहे. <p><p>स्थानिक प्रशासनाच्या दुर्लक्षित पणामुळे राजूर गाव समस्यांच्या विळख्यात आले आहे. कचराकुंड्या बाहेर पडलेला कचरा हवेने उडून गावभर पसरत असतानाच परत नागरिकांच्याच दारात जमा होतांना दिसत आहे. गावातील बहुतांश कचराकुंड्या तडा जाऊन फुटल्या आहेत. त्यामुळे कचराकुंड्या बाहेर कचऱ्याचे ढिगारे जमा झाले आहेत. आठवडी बाजार व मुख्य बाजाराबरोबरच रत्यालगतही कचऱ्याचे खच पाहायला मिळतात. जिकडेतिकडे कचऱ्याचे ढिगारे पाहायला मिळत असून जनावरे त्यावर उच्छाद घालत असल्याने गावात घाणीचे साम्राज्य पसरले आहे. तसेच घाण कचऱ्याच्या दुर्गंधीमुळे परिसरातील नागरिकांचे आरोग्य धोक्यात आले आहे. तालुक्यातील सर्वात मोठे जनसंख्येचे गांव म्हणून राजुरची ओळख आहे. आज या गावात अनेक समस्या निर्माण झाल्या असून समस्यांना तोंड देतांना नागरिकही वैतागले आहेत. आज साथीच्या रोगांनी सर्वत्र थैमान घातले असतांना गावात पसरलेली अस्वच्छता आजारांना आमंत्रण देत आहे. स्वच्छता ठेवण्याची जबाबदारी असणारे प्रशासनच गावातील स्वच्छतेकडे डोळेझाक करीत असल्याने नागरिकांचे आरोग्य धोक्यात आले आहे. शासनाच्या स्वच्छता अभियानाला राजूर प्रशासन पूर्णतः बगल देत असल्याचे याठिकाणी पसरलेल्या घाणीच्या साम्राज्यावरून पाहायला मिळत आहे. गाव स्वच्छ ठेवण्यावर भर देण्याऐवजी ग्रामपंचायत प्रशासन स्वच्छतेकडे दुर्लक्ष करून नागरिकांच्या आरोग्याशी खेळत आहे. लोकप्रतिनिधींनी व संबंधित अधिकाऱ्यांनी गावातील स्वच्छतेकडे लक्ष देऊन गावात प्रत्येक ठिकाणी मोठ्या कचराकुंड्या उपलब्ध करून देतांनाच कायमस्वरूपी कचऱ्याची विल्लेवाट लावण्याकरिता घंटागाडीची व्यवस्था करण्याची मागणी माहिती अधिकार व पत्रकार संरक्षण समितीचे जिल्हाध्यक्ष अजय कंडेवार व समाजसेविका आशा रामटेके यांनी राजूर ग्रामपंचायतेला दिलेल्या निवेदनातून केली आहे.

</p>प्रशांत चंदनखेडे वणी (9738181616)</p> <p>बहुजन समाज पार्टीचे संस्थापक कांशीरामजी यांच्या स्मृतिदिनानिमित्त त्यांना आदरांजली वाहण्याकरिता बसपाचे वणी विधानसभा अध्यक्ष प्रवीण खानझोडे यांच्या मार्गदर्शनात घेण्यात आलेल्या अभिवादन सभेत पक्ष कार्यकर्त्यांच्या संघटन बांधणीवर चर्चा होऊन पक्षाची पुढील वाटचाल व धेय्य धोरणांची दिशा ठरवण्यात आली. यावेळी प्रवीण खानझोडे यांनी पदाधिकारी व कार्यकर्त्यांना आता सक्रिय होऊन जनतेच्या समस्या जाणून घेत त्या सोडविण्याकरिता पुढाकार घेण्याबाबत मार्गदर्शन करतांनाच महापुरुषांच्या विचारांवर आधारित मानवतावादी समाज निर्माण करणे काळाची गरज असल्याचे सुतोवाच केले. <p>कांशीरामजी यांच्या स्मृतिदिनानिमित्त पक्ष कार्यालयात अभिवादन सभेचे आयोजन करण्यात आले. यावेळी कांशीरामजी यांच्या प्रतिमेला हारार्पण करून त्यांना आदरांजली वाहण्यात आली. कांशीरामजी यांनी बहुजन समाज पार्टीची स्थापना करून बहुजनांच्या न्याय व हक्कासाठी लढणारे कारकर्ते तयार केले. पीडित शोषितांच्या उत्थानासाठी त्यांनी आपलं जीवन समर्पित केलं. महात्मा फुले, शाहू महाराज व डॉ. बाबासाहेब आंबेडकरांच्या विचार व कार्याची प्रेरणा घेऊन त्यांनी या महापुरुषांची चळवळ अविरत सुरु ठेवली. पक्षाच्या माध्यमातून त्यांनी उभारलेला मानवमुक्तीचा लढा आजही पक्ष सभासदांनी त्यांची प्रेरणा घेऊन अविरत सुरु ठेवला आहे. जण कल्याणाकरिता अख्ख आयुष्य वाहणाऱ्या कांशीरामजी यांच्या स्मृती दिनाचे औचित्य साधून पक्ष संघटन मजबूत करण्याबरोबरच जनतेचे मूलभूत प्रश्न सोडविण्याकरिता पुढाकार घेण्याचा बसपा पदाधिकारी व कार्यकर्त्यांनी यावेळी निर्धार केला. बसपाचे वरिष्ठ नेते दिलीप कोटरंगे यांनीही यावेळी मार्गदर्शनपर विचार मांडले. या अभिवादन सभेला बसपाचे जितेंद्र डाबरे, भीमराव कवाडे, मनोज जिवाने, अशोक अंकतवार, किसान कोरडे, सौरव वानखेडे, दीक्षांत भगत, महेश लिपटे हे प्रामुख्याने उपस्थित होते. <p>

maregaonwarta.com

</p>प्रशांत चंदनखेडे वणी (9738181616)</p> <p>शहरातील कोरोनाच्या वाढत्या रुग्णसंख्येवर रोख लागली असून मागील काही दिवसांपासून शहरात कोरोनाचे अतिशय कमी रुग्ण आढळत असल्याने कोरोनाला हद्दपार करण्याकडे प्रशासनाची वाटचाल सुरु झाल्याचे मागील काही दिवसांत आढळलेल्या एकंदरीत रुग्ण संख्येच्या आकड्यांवरून पाहायला मिळत आहे. आज तालुक्यात कोरोनाचे तीन रुग्ण आढळून आल्याने एकूण कोरोना बाधित रुग्णांची संख्या ६७० झाली आहे. तर ऍक्टिव्ह पॉझिटिव्ह रुग्णांची संख्या २१ झाली आहे. आज करण्यात आलेल्या २१ रॅपिड अँटीजेन चाचण्यांमध्ये ३ व्यक्तींचे अहवाल पॉझिटिव्ह आले आहेत. पॉझिटिव्ह रुग्णांपैकी १५ रुग्ण होम आयसोलेशनमध्ये, ५ रुग्ण यवतमाळ शासकीय रुग्णालयात तर एक रुग्ण कोविड केयर सेंटरला उपचार घेत आहे. आज आणखी २१ व्यक्तींचे स्वाब तपासणी करिता पाठविण्यात आल्याने ६५ व्यक्तींच्या नमुन्यांचे अहवाल अप्राप्त आहेत. आज तालुक्यात ३ व्यक्ती पॉझिटिव्ह आल्याने एकूण पॉझिटिव्ह व्यक्तींची संख्या ६७० झाली असून ६४९ रुग्ण कोरोनामुक्त झाले तर १९ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २१ झाली आहे. <p>आज पॉझिटिव्ह आलेल्या रुग्णांमध्ये सुकणेगाव, सुंदरनगर व शिवाजी चौक येथील प्रत्येकी एका व्यक्तीचा समावेश आहे. प्रशासन तालुक्याला कोरोनामुक्त करण्याकरिता शर्थीचे प्रयत्न करीत असून नागरिकांनीही सतर्क राहण्याचे आव्हान प्रशासनाने केले आहे.

esakal.com