khabarkatta.com

योगेश मडावी झरी जामणी :- <p><p>कृषि उत्पन्न बाजार समिती पांढरकवडा अंतर्गत उपबाजार समिती पाटणबोरी येथे ८ ऑक्टोबरला सभापती गजानन बेजंकीवार यांच्या उपस्थितीत सोयाबीन खरेदीचा शुभारंभ करण्यात आला. यावेळी बाजार समितीच्या धान्य खरेदी विभागात झालेल्या उदघाटन समारंभात सोयाबीनचा लिलाव करण्यात आला असता सोयाबीनला ३३७५ रुपये एवढा भाव मिळाल्याने कास्तकारांमध्ये समाधान दिसून आले. उदघाटन प्रसंगी कृषि उत्पन्न बाजार समितीचे सभापती गजानन बेजंकीवार उपसभापती प्रेमदास राठोड संचालक बिसनसिंग शिंदे अनिल अंगलवार आणि समिती चे सचिव एस. व्ही. खांदनकर तसेच पाटणबोरी येथील सगळे व्यापारी यांनी काटा पुजन करून शेतकरी प्रदीप पांडुरंग उप्परवार रा.पाटणबोरी यांचा शाल व श्रीफळ देऊन सत्कार करण्यात आला. कृषि उत्पन्न बाजार समितिचे सभापती गजानन बेजंकीवार यांनी यावेळी शेतकऱ्यांना विनंती केली आपला शेत माल मार्केट यार्ड मध्येच विक्री करिता आणावा. खूप वर्षा नंतर पाटणबोरी येथे धान्यं लिलावास सूरूवात झाली असून शेतकऱ्यांना शेतमालाचा योग्य मोबदला मिळेल व मालाची विक्री करताना शेतकऱ्यांना कोणत्याही अडचणी निर्माण होणार नाही याची विशेष काळजी घेतली जाणार असल्याचेही सभापती बेजंकीवार यांनी यावेळी स्पष्ट केले.

</p>प्रशांत चंदनखेडे वणी (9738181616)</p> <p>शेजाऱ्यांमध्ये सुरु असलेला वाद विकोपाला जाऊन आपसात झालेल्या मारामारीत एकाने दुसऱ्याच्या डोक्यावर लोखंडी गजाने प्रहार करून जख्मी केल्याची घटना शहरापासून सात किमी अंतरावर असलेल्या राजूर येथे ६ ऑक्टोबरला रात्री ८ वाजता घडली. रमेश मारोतराव देवतळे (५८) रा. राजूर असे जखमीचे नाव असून त्याने दिलेल्या तक्रारीवरून पोलिसांनी दोन आरोपींविरुद्ध गुन्हा दाखल केला आहे. <p>शेजारी राहणाऱ्यांमध्ये वाद उत्पन्न होऊन एकमेकांना करण्यात आलेल्या शिवीगाळीने वाद विकोपाला जाऊन आपसात झालेल्या मारामारीत दोघा बापलेकांनी शेजाऱ्याच्या डोक्यावर लोखंडी गजाने वार करून जखमी केले. त्याला जखमी अवस्थेत ग्रामीण रुग्णालयात दाखल करण्यात आले असता त्याने याबाबत पोलिसांना दिलेल्या तक्रारी वरून पोलिसांनी दोन आरोपींवर गुन्हा दाखल केला आहे. आरोपींमध्ये पुरुषोत्तम रमेश पुसदेकर (३२) व तुफान पुरुषोत्तम पुसदेकर (३५) दोन्ही रा. राजूर यांचा समावेश असून त्यांच्यावर भादंवि च्या कलम ३२४,५०६ नुसार गुन्हा दाखल करण्यात आला आहे. शेजाऱ्यांमधील वादाचे पर्यावसान मारामारीत होऊन रमेश मारोतराव देवतळे (५८) यांच्या डोक्यावर लोखंडी गजाने प्रहार करण्यात आल्याने ते चांगलेच जखमी झाले आहेत. पुढील तपास पोलीस करीत आहे.

</p>प्रशांत चंदनखेडे वणी (9738181616)</p> <p>कोरोनाच्या काळात नागरिकांच्या होणाऱ्या गर्दीमुळे फिजिकल डिस्टंसिंगच्या नियमांचे उल्लंघन होऊन नागरिकांना कोरोनाची लागण होऊ नये या उदात्त हेतूने शहरातील भाजी मंडी कृषी उत्पन्न बाजार समितीच्या खुल्या जागेत हलविण्यात आली. शेतकऱ्यांनी आणलेला व व्यापाऱ्यांच्या माध्यमातून आलेल्या मालाचा याठिकाणी लिलाव होऊन होलसेल विक्रेते तो माल खरेदी करतात. नंतर शहर व ग्रामीण भागातील चिल्लर भाजी विक्रेते त्यांच्यापासून हवा तितका माल खरेदी करून नागरिकांना थोड्याफार फरकाने विकतात. काही भाजी विक्रेते एका ठिकाणी बसून तर काही गाव शहरात फिरून भाजी विकतात. कॉटन मार्केटमध्ये भाजी मंडी हलविल्यापासून माल लिलाव व खरेदी करणाऱ्यांना बाजार समितीतील कोणत्याही कर्मचाऱ्यांना माल खरेदी करण्याच्या रक्कमेवर आधारित पैसे द्यावे लागत नव्हते. परंतु मागील पाच ते सहा दिवसांपासून भाजी मंडीतुन माल खरेदी करणाऱ्या चिल्लर विक्रेत्यांना खरेदी केलेल्या मालाच्या रक्ममेवर आधारित पैसे कॉटन मार्केटच्या गेटवर उभे राहणाऱ्या कर्मचाऱ्यांना द्यावे लागत असल्याने चिल्लर भाजी विक्रेते चांगलेच संभ्रमात पडले आहेत. <p>कोरोना काळात फिजिकल डिस्टंसिंगच्या कारणास्तव शहरातील भाजी मंडीचे कृषी उत्पन्न बाजार समितीच्या पटांगणात विलीगीकरण करण्यात आले. भाजी मंडी याठिकाणी हलविण्यात आल्याने मालाचा लिलाव व खरेदीही येथेच सुरु करण्यात आली. होलसेल विक्रेत्यांनी माल खरेदी केल्या नंतर चिल्लर विक्रेते त्यांच्याकडून हवा तितका माल खरेदी करून नागरिकांना विकतात. माल खरेदी करणाऱ्या चिल्लर विक्रेत्यांना आता पर्यंत कोणालाही माल खरेदीच्या रक्कमेवर आधारित पैसे द्यावे लागत नसे. परंतु मागील ५-६ दिवसांपासून कॉटन मार्केटच्या गेटवर त्यांच्याकडून सक्तीची वसुली केली जात आहे. ८०० ते १००० रुपयांचा माल खरेदी केल्यास चिल्लर विक्रेत्यांकडून १० ते २० रुपये वसूल करण्यात येत आहे. पाच हजारांचा माल खरेदी केला तर ५० रुपये तर एक हजार रुपयांचा माल खरेदी केल्यास १०० रुपये गेटवर उभ्या राहणाऱ्या कर्मचाऱ्यांना द्यावे लागत असून या रक्कमेची कोणतीही पावती त्यांना दिल्या जात नाही. त्यामुळे या सक्तीच्या वसुलीने चिल्लर विक्रेते संभ्रमात आले असून त्यांच्यामध्ये कमालीचा संताप निर्माण झाला आहे. कॉटन मार्केट प्रशासनातर्फे माल खरेदीच्या रक्कमेवर आधारित चिल्लर विक्रेत्यांकडून पैसे वसुलीचे नियम लावले असतील तर त्यांना तशी कर वसुलीची पावती द्यायला हवी. गेटवर उभे असलेले कर्मचारी मानमर्जीने पैसे उकळून थातुरमातुर नावे नोंदवत आहेत. यात विक्रेत्यांकडून एका दिवसांत एकूण किती पैसे वसूल करण्यात आले याचा बाजार समिती प्रशासनाला खात्रीदायक हिसाब मिळणार नाही. त्यामुळे नियमानुसार वसुली करायची झाल्यास विक्रेत्यांना कराची पावती देऊन एक पावती समितीकडे असायला हवी. <p>कोरोनाच्या या लॉकडाऊन काळात आधीच आर्थिक दुर्बलता आलेली असतांना व छोट्या व्यावसायिकांचे व्यवसाय ठप्प पडल्याने बेरोजगार झालेल्यांनी भाजी विक्रीच्या व्यवसायाचा मार्ग निवडल्याने भाजी विक्रीतही स्पर्धा निर्माण होऊन धंदे मंदावले असतांना त्यांच्यावर अतिरिक्त भुर्दंड लादणे कितपत योग्य आहे, हेच कळायला मार्ग नाही. मालाचे भाव गगनाला भीडल्याने थोडी फारच मार्जिन ठेऊन धंदा करावा लागत असल्याने अल्पशा मिळकतीत परिवाराचा गाडा हाकावा लागत असतांना स्वतःचे पोट भरावे की, यांचे खिशे भरावे ही शोकांतिका एका चिल्लर भाजी विक्रेत्याने व्यक्त केली आहे. कॉटन मार्केट प्रशासनाने या गंभीर बाबीकडे लक्ष देऊन तसेच विक्रेत्यांकडून करण्यात येत असलेल्या वसुलीची शहनिशा करून चिल्लर विक्रत्यांचे समाधान करण्याची मागणी जोर धरू लागली आहे.

lokmat.com

</p>प्रशांत चंदनखेडे वणी (9738181616)</p> <p>शहर व तालुक्यात कोरोना संक्रमणाची गती सौम्य झाली असून कमी प्रमाणात कोरोनाचे रुग्ण आढळत असल्याने नागरिकांमधील भीती व प्रशासनावरील तान कमी झाल्याचे पाहायला मिळत आहे. आज तालुक्यात कोरोनाचे सात रुग्ण आढळल्याने एकूण पॉझिटिव्ह रुग्णांची संख्या ६६७ झाली आहे. तर ऍक्टिव्ह पॉझिटिव्ह रुग्णांची संख्या कमी होऊन १८ वर आली आहे. आज आणखी १५ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ६४९ रुग्ण कोरोनामुक्त होऊन घरी परतले आहेत. <p>तालुक्यातील कोरोनाची परिस्थिती नियंत्रणात आल्याचे मागील काही दिवसांतील पॉझिटिव्ह रुग्णांच्या आकड्यांवरून दिसून येत आहे. आज ३६ व्यक्तींच्या तपासणी नमुन्यांचे अहवाल प्राप्त झाले असून २ पॉझिटिव्ह तर ३४ नमुन्यांचे अहवाल निगेटिव्ह आले आहेत. तसेच आज २५ रॅपिड अँटीजेन चाचण्या करण्यात आल्या असून ५ रिपोर्ट पॉझिटिव्ह तर २० व्यक्तींचे रिपोर्ट निगेटिव्ह आले आहेत. आज आणखी ३१ व्यक्तींचे स्वाब तपासणी करिता पाठविण्यात आले आहेत. त्यामुळे ५३ नमुन्यांचे अहवाल अप्राप्त आहेत. आता पर्यंत एकूण ४६८६ व्यक्तींच्या रॅपिड अँटीजेन व आरटी पीसीआर चाचण्या करण्यात आल्या आहेत. आज सात व्यक्तींना कोरोनाची लागण झाल्याने तालुक्यातील एकूण पॉझिटिव्ह रुग्णांची संख्या ६६७ झाली असून ६४९ रुग्ण कोरोनामुक्त झाले तर १९ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या १८ वर आली आहे. पॉझिटिव्ह रुग्णांपैकी १२ रुग्ण होम आयसोलेशनमध्ये, ५ रुग्ण यवतमाळ शासकीय रुग्णालयामध्ये तर एक रुग्ण कोविड केयर सेंटरमध्ये उपचार घेत आहे. सध्यस्थितीत सहा व्यक्ती विलीगीकरणात आहेत. <p>आज पॉझिटिव्ह आढळलेल्या व्यक्तींमध्ये कुंभारखनी येथील एक, मजरा दोन, गणेशपूर एक, वांजरी एक, जिल्हा परिषद कॉलनी येथील एक तर रंगारीपुरा येथील एका व्यक्तीचा समावेश आहे. प्रशासन कोरोनाला तालुक्यातून हद्दपार करण्याकरिता शर्थीचे प्रयत्न करीत असून नागरिकांनीही सावधानी बाळगण्याचे आव्हान प्रशासनातर्फे करण्यात आले आहे.

</p>प्रशांत चंदनखेडे वणी (9738181616)</p> <p>शहरात खनिज विकासनिधी अंतर्गत रस्ते दुरुस्तीकरण व सांदर्यीकरणाची कामे मोठ्या प्रमाणात सुरु असून काही भागांमध्ये मात्र रस्ते दुरुस्तीकरणाच्या नावाखाली फक्त रस्तेच खोदून ठेवण्यात आल्याने मागील सहा महिन्यांपासून या चिखलमय खडबडीत रस्त्यांवरून मार्ग काढतांना जीवाची कसरत होत असलेल्या नागरिकांचे आता कधी एकदाची या रस्त्यांची कामे पूर्ण होतील याकडे लक्ष लागले आहे. चिखलांमधून रस्ता शोधतांना आणखी किती दिवस कसरत करावी लागेल, हे कळायला मार्ग उरला नाही. <p>विठ्ठलवाडी परिसरातून एस.बी. लॉन मार्गे मुख्य बाजारपेठेत जाणारा रस्ता मागील सहा महिन्यापासून दुरुस्तीच्या नावाखाली खोदून ठेवण्यात आला आहे. या रस्त्याचे काम आधी संत गतीने सुरु होते तर आता पूर्णतः रखडले आहे. रस्ता पूर्णतः खोदण्यात आल्याने पावसामुळे हा रस्ता पूर्णपणे चिखलमय झाला असून काही ठिकाणी या रस्त्यांवर जल तलाव तयार झाले आहेत. या रस्त्यांवर साचलेल्या पाण्यांमध्ये डुकरे हौदोस करीत असून त्यांच्या अंग झडतीमुळे पादचाऱ्यांवर घाणपाण्याचे शिंतोडे उडत असल्याने ते चांगलेच तितर बितर होतांना दिसत आहे. त्याचबरोबर भूमिगत गटारांचीही कामे परिसरात सुरु असून वारंवार कंत्राटदार बदलत असल्याने गटारांची कामेही अद्याप पूर्ण होऊ शकलेली नाही. भूमिगत गटारे निर्माणाकरिता नाल्या तर खोदण्यात आल्या पण सिमेंटचे पाईप टाकून त्यावर कांक्रेटची छपाई करण्याकरिता कित्येक दिवसांचा कालावधी लोटतांना दिसत आहे. वार्ड क्रं २ मधील बँक कॉलनी भागातील नागरिकांच्या घरासमोरील नाल्या भूमिगत गटारांच्या कामाकरिता सताड उघड्या करण्यात आल्या असून या नाल्यांमध्ये डुकरांचा हौदोस सुरु असून नाल्यांमध्ये डुकरे लोळत असल्याने परिसरात घाण व दुर्गंधी पसरली आहे. नाल्यांमध्ये लोळून घाणीने भरलेली डुकरे नागरिकांच्या घरासमोरून मुक्त संचार करतांनाच अंगाला झडती देऊन आवारामध्ये घाण करीत आहेत. सताड उघड्या नाल्यांमधील घाण पाण्यात उत्पन्न होणाऱ्या डासांमुळे साथीचे रोगही बळावण्याचा धोका निर्माण झाला आहे. नागरिकांच्या सुरक्षिततेकरिता हाती घेण्यात आलेली भूमिगत गटारे व रस्ते दुरुस्तीकरणाची कामे कित्येक महिने लोटूनही पूर्णत्वास आली नसल्याने याच कामांमुळे आता नागरिक असुरक्षित झाल्याचे पाहायला मिळत आहे. वार्ड क्रं. २ मधील विठ्ठलवाडी व बँक कॉलनी परिसरात दीर्घ कालावधी पासून संथ गतीने सुरु असलेली रस्ते व भूमिगत गटारांची कामे याच परिसराच्या आसपास राहणाऱ्या माजी नागराध्यक्षांबरोबरच आजी माजी नागरसेवकांच्याही दृष्टीस पडतात पण कुणीही संबंधित विभाग व कंत्राटदारांना जाब विचारण्यास धजावत नाही. रस्ते खोदल्याने रोडलगत रहात असलेल्या एका वकिलांच्या घरासमोरच जल तलाव निर्माण झाला आहे. तर खोदण्यात आलेल्या रस्त्यावर एका नामांकित वकिलांचे घर असून इतरांबरोबर त्यांनाही जाण्या येण्याचा त्रास होत असतांना कुणीही संबंधित विभागाकडे तक्रारी करून त्यांना धरेवर धरत नसल्याने कंत्राटदारही निश्चिंत झाले आहेत. या चिखलमय रस्त्यावरून मार्ग काढतांना कित्येक दुचाक्या स्लिप होऊन पडल्याने दुचाकीस्वार जख्मी झाले आहेत. नागरिकांच्या संयमाचा अंत न पाहता वार्ड क्र २ मधील रस्त्यांची व भूमिगत गटारांची कामे त्वरित पूर्ण करण्याची मागणी आता चांगलीच जोर धरू लागली आहे.

loksatta.com

</p>प्रशांत चंदनखेडे वणी (9738181616)</p> <p>शहर व तालुक्यात कोरोना संक्रमणाची गती मंदावली असून कोरोनाचे अत्यल्प रुग्ण आढळत असल्याने प्रशासनाबरोबरच नागरिकांनाही दिलासा मिळाला आहे. आज तालुक्यात कोरोनाचे दोन रुग्ण आढळल्याने एकूण पॉझिटिव्ह रुग्णांची संख्या ६६० झाली आहे. तर ऍक्टिव्ह पॉझिटिव्ह रुग्णांची संख्या कमी होऊन २४ वर आली आहे. आज आणखी सात रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत एकूण ६३४ रुग्ण कोरोनामुक्त होऊन घरी परतले आहेत. <p>शहरातील कोरोनाचा विळखा सैल होतांना दिसत असून कोरोनाच्या चाचण्यांमध्ये पॉझिटिव्ह रिपोर्ट कमी व निगेटिव्ह रिपोर्ट मोठ्या प्रमाणात येत असल्याने प्रशासनामध्ये समाधान पाहायला मिळत असून निगेटिव्ह अहवालांचे प्रमाण वाढल्याने प्रशासन कोरोनाच्या लढ्यात यशस्वी होत असल्याचे हे शुभ संकेत आहे. आज पॉझिटिव्ह आलेले दोन्ही रुग्ण रॅपिड अँटीजेन द्वारा करण्यात चाचणीतून आले आहेत. आज १५ व्यक्तींची रॅपिड अँटीजेन चाचणी करण्यात आली. त्यात २ व्यक्ती पॉझिटिव्ह आढळून आल्या तर १३ व्यक्तींचे रिपोर्ट निगेटिव्ह आले आहेत. आज आणखी २१ व्यक्तींचे स्वाब तपासणी करिता पाठविण्यात आल्याने ५८ रिपोर्ट पेंडिंग झाले आहेत. सध्यस्थितीत संस्थात्मक विलीगीकरणात ८ व्यक्ती आहेत. पॉझिटिव्ह रुग्णांपैकी ६ रुग्ण कोविड केयर सेंटरला भरती असून ६ रुग्ण यवतमाळ शासकीय रुग्णालयात भरती आहेत. तर १२ रुग्णांवर होम आयसोलेशनमध्ये उपचार सुरु आहेत. आज तालुक्यात दोन रुग्ण पॉझिटिव्ह आढळून आल्याने एकूण पॉझिटिव्ह रुग्णांची संख्या ६६० झाली असून ६३४ रुग्ण कोरोनामुक्त झाले तर १९ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या २४ वर आली आहे. <p>आज पॉझिटिव्ह आलेल्या व्यक्तींमध्ये भालर येथील एक तर चिखलगांव येथील एका व्यक्तीचा समावेश आहे. शहरातील कोरोनाची साखळी तोडण्याकरिता प्रशासन सर्वोतपरी प्रयत्न करीत असून नागरिकांनीही सावधानी बाळगण्याचे आव्हान प्रशासनाने केले आहे.

</p>प्रशांत चंदनखेडे वणी (9738181616)</p> <p>शहरापासून सात किमी अंतरावर असलेल्या राजूर गावातील रस्त्यांची फारच दयनीय अवस्था झाली आहे. गावामध्ये जाणारे मुख्य रस्तेच खड्डेमय झाल्याने रस्त्यांवरून मार्ग काढतांना तारेवरची कसरत करावी लागत आहे. राजूर फाट्यापासून गावात शिरणाऱ्या मुख्य रस्त्यांवर ठिकठिकाणी खड्डे पडले असून खड्ड्यांमध्ये निकृष्ट दर्जाचा मुरूम व माती पुरून डागडुजी करण्यात आली. पावसामुळे खड्ड्यातील मुरूम व माती वाहून गेल्याने रस्त्यांवरील खड्डे उघडे पडले आहेत. रात्रीच्या वेळेला वाहन चालकांना खड्ड्यांचा अंदाज येत नसल्याने दुचाकीस्वार खड्ड्यांमध्ये उसळून पडत आहेत. गावातील रस्तेच खड्ड्यात गेल्याचे चित्र पाहायला मिळत असून वेकोली प्रशासन व संबंधित अधिकारी याकडे जाणीव पूर्वक दुर्लक्ष करीत असल्याने या रस्त्यांवर मोठी दुर्घटना होण्याची शक्यता नाकारता येत नाही. <p>राजूर गावाकडे जाणाऱ्या व गावातून भांडेवाड्याकडे जाणाऱ्या मुख्य रस्त्यांची खूपच बिकट अवस्था झाली आहे. या रस्त्यांवर ठिकठिकाणी खड्डे पडले असून रस्त्यांवरून मार्ग काढतांना नागरिकांची चांगलीच कसरत होतांना दिसत आहे. रस्त्यांवर तयार झालेले खड्डे बुजविण्याकरिता मुरूम व मातीचा वापर करण्यात येत असून पावसामुळे ते टिकाव धरत नसल्याने थोड्याच दिवसांत खड्डे जैसे थे च होत आहे. वेकोली प्रशासन व संबंधित अधिकारी रस्त्यांच्या दुरावस्थेकडे गांभीर्याने लक्ष देत नसून थातुरमातुर रस्त्यांची डागडुजी करण्यातच धन्यता मानत आहे. मोठमोठ्या खड्ड्यांमुळे रहदारीला अडथळे निर्माण होण्याबरोबरच दुचाकी धारक खड्ड्यांमधून उसळून पडतांना दिसत आहे. पथदिवेही अर्धेधिक बंद रहात असल्याने नागरिकांना खड्यांचा अंदाज येत नसल्याने रस्त्यांवर मोठा अपघात होण्याची शक्यता नाकारता येत नाही. प्रशासनाने रस्त्यांची तात्पुरती डागडुजी न करता योग्यरीत्या रस्त्यांची दुरुस्ती करणे आवश्यक आहे. वेकोली प्रशासन व संबंधित अधिकाऱ्यांनी गावातील रस्त्यांच्या दुरुस्तीकडे त्वरित लक्ष देऊन नागरिकांची रस्त्यांवरून होणारी धोकादायक कसरत थांबविण्याची मागणी राजूर वासियांमधून होत आहे.

</p>प्रशांत चंदनखेडे वणी (9738181616)</p> <p><p>तालुक्यात कोरोना संक्रमणाची गती अगदीच मंदावली असून अतिशय कमी प्रमाणात कोरोनाचे रुग्ण आढळून येत असल्याने प्रशासनाबरोबरच नागरिकांमध्येही समाधान पाहायला मिळत आहे. मागील काही दिवसांपासून नागरिकांना कोरोनाची लागण होण्याचे प्रमाण कमी झाल्याने प्रशासनावरील तानही कमी झाला आहे. परंतु कोरोनाने मृत्यू होणाऱ्यांचे प्रमाण वाढत असल्याने चिंता व्यक्त केल्या जात आहे. तालुक्यातील आणखी दोन व्यक्तींचा कोरोनाने मृत्यू झाल्याने कोरोना बळींचा आकडा १९ वर पोहचला आहे. तालुक्यात आज एक रुग्ण पॉझिटिव्ह आढळून आल्याने एकूण पॉझिटिव्ह रुग्णांची संख्या ६५८ झाली आहे. तर ऍक्टिव्ह पॉझिटिव्ह रुग्णांची संख्या २९ झाली आहे. आज आणखी १२ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ६२७ रुग्ण कोरोनामुक्त होऊन घरी परतले आहेत. <p><p>आज ५९ तपासणी नमुन्यांचे अहवाल प्राप्त झाले असून १ पॉझिटिव्ह तर ५८ नमुन्यांचे अहवाल निगेटिव्ह आले आहेत. तसेच आज १३ व्यक्तींची रॅपिड अँटीजेन चाचणी करण्यात आली असून तेराही चाचण्यांचे रिपोर्ट निगेटिव्ह आले आहेत. आज आणखी १५ व्यक्तींचे स्वाब तपासणी करिता पाठविण्यात आल्याने ३७ नमुन्यांचे अहवाल अप्राप्त आहेत. आता पर्यंत एकूण २०९९ व्यक्तींची रॅपिड अँटीजेन चाचणी करण्यात आली असून २४९५ व्यक्तींच्या स्वाबची आरटी पीसीआर तपासणी करण्यात आली आहे. एकंदरीत ४५९४ व्यक्तींच्या कोरोना चाचण्या करण्यात आल्या आहेत. तालुक्यातील कोरोना बळींची संख्या वाढतच असून आज आणखी दोन कोरोना बाधित रुग्णांचा उपचारादरम्यान मृत्यू झाल्याने कोरोना बळींची संख्या १९ झाली आहे. मृतांमध्ये एक मारेगाव तालुक्यातील असून एक सुंदरनगर येथील आहे. आज पॉझिटिव्ह आलेला व्यक्ती भांडेवाडा येथील आहे. प्रशासनाच्या योग्य उपाययोजनांमुळे कोरोनाची व्याप्ती कमी होतांना दिसत असून नागरिकांनी प्रशासनास योग्य सहकार्य केल्यास तालुक्यातून कोरोना हद्दपार झाल्याशिवाय राहणार नाही. <p><p>

</p>प्रशांत चंदनखेडे वणी (9738181616)</p> <p>परिसरात सुरु असलेल्या कोंबड बाजारावर पोलिसांनी धाड टाकून कोंबड्यांच्या झुंजीवर पैशाची बाजी लावणाऱ्या नऊ आरोपींना अटक करून त्यांच्यावर गुन्हे दाखल केले आहे. शहरातील विठ्ठलवाडी परिसरातील खुल्या पटांगणात कोंबड बाजार भरवून कोंबड्यांच्या झुंजीवर पैशाची बाजी लावण्यात येत असल्याच्या माहितीच्या आधारे डीबी पथकाने आज सकाळी १०.३० वाजताच्या सुमारास कोंबड बाजारावर धाड टाकून नऊ आरोपींसह एकूण ७ लाख ३७ हजार ३० रुपयांचा मुद्देमाल जप्त केला. <p>शहरातील विठ्ठलवाडी परिसरातील खुल्या पटांगणात कोंबड्याच्या झुंजीवर जुगार सुरु असल्याची गुप्त माहिती पोलिसांना मिळताच गुन्हेगारी वर्तुळावर वचक निर्माण करणाऱ्या डीबी पथकाने क्षणाची विलंब न करता सापळा रचून कोंबड बाजार सुरु असलेल्या परिसराला घेराव घालून नऊ आरोपींना अटक केली. आरोपींमध्ये अतुल पुरुषोत्तम बोबडे (३५) रा. कणकवाडी, खुशाल शरद मोहितकर (३३) रा. विठ्ठलवाडी, मंगेश वासुदेव ठेंगणे (३३) रा. विठ्ठलवाडी, राहुल रुपेश फुटाणे (३०) रा. शेगाव ता. वरोरा जी. चंद्रपूर, बंडू जयराम ढेंगडे (४८) रा. गणेशपूर, रुपेश सुरेश अंबूरकर (३०) रा. शुभम मंगल कार्यालयाजवळ वरोरा, सुभाष मोहन मोते (२९) रा. गणेशपूर, प्रवीण भास्कर पराते (३२) रा. बोर्डा ता. वरोरा जी. चंद्रपूर, संकेत भास्कर ठाकरे (२२) रा. विद्यनगरी यांचा समावेश असून त्यांच्यावर भादंवि च्या कलम १८८, २६९, व महाराष्ट्र जुगार प्रतिबंधक कायद्याच्या कलम १२(ब)(क) नुसार गुन्हा दाखल करण्यात आला आहे. घटनास्थळावरून पोलिसांनी १६ नग भांडवणारे कोंबडे, पाच दुचाकी वाहने, एक मारोती अर्टिका क्रं MH ४० AR ८६७४ चार चाकी वाहन, नगदी रोकड २२ हजार १३० रुपये असा एकूण ७ लाख ३७ हजार ३० रुपयांचा मुद्देमाल जप्त केला. शहरातील ही कोंबड बाजारावरील मोठी धाड मानल्या जात आहे. विठ्ठलवाडी सारख्या सुशिक्षित लोकांचे वास्तव्य असलेल्या वस्तीत अशा प्रकारचा कोंबड बाजार भरवून कोंबड्यांवर पैशाचा जुगार खेळल्या जाने ही परिसराचे सौदार्ह्य गमाविण्यासारखी बाब आहे. डॉक्टर, वकील व शिक्षकांचे वास्तव्य असलेला हा परिसर शहरात सभ्य लोकांचा परिसर म्हणून ओळखल्या जातो. अशा या प्रतिष्ठित लोकांच्या वस्तीत अशी प्रकरणे घडणे परिसराच्या लौकीकास साजेशे ठरणार नाही. <p>सदर कार्यवाही नव्यानेच रुजू झालेले उपविभागीय पोलीस अधिकारी संजय पुज्जलवार यांच्या मार्गदर्शनात ठाणेदार वैभव जाधव, पोलीस उपनिरीक्षक गोपाल जाधव, सफौ प्रभाकर कांबळे, पोहवा सुदर्शन वानोळे, प्रकाश गोरलेवार, पोना सुनील कुंटावार, डीबी पथकाचे सुधीर पांडे, सुनील खंडागळे, रत्नपाल मोहाडे, अमित पोयाम, पंकज उंबरकर, दिपक वांड्रसवार, मपोका जया रोगे यांनी केली.

</p>प्रशांत चंदनखेडे वणी (9738181616)</p> <p><p>तालुक्यात आत्महत्यांचे सत्र सुरूच असून जीवन नकोसे झाल्यागत नागरिक आत्महत्या करीत आहेत. खास करून कुटुंबाची आधारवड असलेली युवा पिढी खचलेल्या मानसिकतेतून आत्महत्ये सारखे टोकाचे पाऊल उचलत आहे. तालुक्यातील लालगुडा येथील ३२ वर्षीय युवकाने आज सकाळी आठ वाजताच्या सुमारास राहत्या घरी गळफास घेऊन आत्महत्या केल्याची घटना उघडकीस आली. प्रकाश वासुदेव कुडमेथे (३२) असे या या आत्महत्या केलेल्या युवकाचे नाव आहे. त्याने घराच्या आड्याला गळफास लावून आत्महत्या केल्याची फिर्याद मृतकाचा मोठा भाऊ अर्जुन वासुदेव कुडमेथे (३५) रा. लालगुडा याने पोलीस स्टेशनला दिली. पोलिसांनी घटना स्थळाचा पंचनामा करून मृतदेह उत्तरीय तपासणी करिता ग्रामीण रुग्णालयात पाठविला. मृतक प्रकाश कुडमेथे हा विवाहित असून मागील पंधरा दिवसांपासून त्याची पत्नी माहेरी जाऊन असल्याचे समजते. पुढील तपास पोलीस जमादार विठ्ठल बुर्रेवार करीत आहे.

</p>प्रशांत चंदनखेडे वणी (9738181616)</p> <p>स्थानिक ग्रामीण रुग्णालयाला उपजिल्हा रुग्णालयाचा दर्जा मिळावा ही मागील अनेक वर्षांपासून होत असलेली मागणी फळाला येऊनही येथील ग्रामीण रुग्णालयाला उपजिल्हा रुग्णालयाचा दर्जा मिळालेला नाही. उपजिल्हा रुग्णालय निर्मितीचा प्रस्ताव मंजूर होऊनही त्याकडे जाणीव पूर्वक दुर्लक्ष करण्यात आल्याने अद्यापही नागरिकांचे उपजिल्हा रुग्णालय निर्मितीचे स्वप्न पूर्ण होऊ शकलेले नाही. ग्रामीण रुग्णालयाला उपजिल्हा रुग्णालयाचा दर्जा बहाल होऊनही लोकप्रतिनिधींच्या दुर्लक्षितपणामुळे ग्रामीण रुग्णालयाचे श्रेणीवर्धन न झाल्याने शहरातील आरोग्य विषयक समस्या आजही कायम आहेत. ग्रामीण रुग्णालयाला उपजिल्हा रुग्णालयाची सुविधा लागू झाली असती तर याठिकाणी कोविड सेंटर सुरु झाले असते व कोरोनाग्रस्त रुग्णांना इतर जिल्ह्यांमध्ये उपचारा करिता धावपळ न करता येथेच कोरोना रुग्णांवर उपचार झाले असते. परंतु लोकप्रतिनिधींनी तत्कालीन राज्य शासनाच्या आरोग्य विभागाने १७ जानेवारी २०१३ ला बहाल केलेला उपजिल्हा रुग्णालयाचा दर्जा लागू न केल्याने शहरात आरोग्य विषयक समस्या आजही जैसे थे च असून आरोग्य सुविधांच्या अभावामुळे गंभीर रुग्णांना नेहमी जिल्ह्याच्या ठिकाणी रेफर करावे लागत असल्याने कित्येक रुग्णांचे वाटेतच जीव गेले आहेत. कोविड रुग्णांनाही योग्य उपचाराअभावी जीव गमवावे लागले. याठिकाणी प्रशस्त कोविड सेंटर नसल्याने कोरोना रुग्णांची उपचाराकरिता ठिकठिकाणी भटकंती सुरु असते. उपजिल्हा रुग्णालया अभावी निर्माण झालेल्या आरोग्य विषयक समस्यांमुळे व्यथित होऊन ग्रामीण रुग्णालयाचे उपजिल्हा रुग्णालयात श्रेणीवर्धन करण्याच्या व त्याठिकाणी कोविड सेंटर सुरु करण्याच्या मागण्यांना घेऊन महाराष्ट्र नवनिर्माण सेनेचे राज्य उपाध्यक्ष राजू उंबरकर यांच्या नेतृत्वात मनसेचे पदाधिकारी आमरण उपोषणाला बसले आहेत. <p>ग्रामीण रुग्णालयाला १७ जानेवारी २०१३ला उपजिल्हा रुग्णालयाचा दर्जा बहाल करण्यात आला. तत्कालीन आरोग्य मंत्रालयाने ३० खाटांच्या ग्रामीण रुग्णालयाचे ५० खाटांच्या उपजिल्हा रुग्णालयात श्रेणीवर्धन करण्याचा निर्णय निर्गमित केला. या निर्णयाला तत्कालीन मंत्रिमंडळ व वित्त विभागानेही मान्यता दिली. ३४ ग्रामीण रुग्णालयांचे उपजिल्हा रुग्णालयात श्रेणीवर्धन करण्याचे निर्णय निर्गमित झाले होते. २००१ च्या जनगनने नुसार लोकसंख्येवर आधारित आरोग्य संस्था स्थापनेचा बृहत आराखडा तयार करण्यात आला. यात शहरातील ग्रामीण रुग्णालयाचेही उप जिल्हा रुग्णालयात श्रेणीवर्धन करण्यास शासनाच्या सार्वजनिक आरोग्य विभागाने मान्यता दिली. ७ जानेवारी २०१३ ला उपजिल्हा रुग्णालयास मान्यता देण्यात आली असली तरी ग्रामीण रुग्णालयाची अवस्था मात्र पूर्वी सारखीच आहे. बृहत आराखडा तयार झाल्यानंतर आराखड्याखाली येणाऱ्या एकूण खर्चाचे नियोजन व पदाची निर्मिती पाच वर्षात करणे अभिप्रेत होते. प्रशासकीय मान्यता आणी निधीच्या उपलब्धतेसाठी आरोग्यसेवा संचालकांनी प्रत्येक वर्षी प्रस्ताव सादर करणे गरजेचे होते. ही सर्व जबाबदारी आरोग्य संचालक व लोकप्रतिनिधींची असतांना मागील ७ वर्षात कोणतीही अंमलबजावणी करण्यात आलेली नाही. त्यामुळेच कोरोना सारख्या महामारीच्या काळात शहर व तालुक्यातील नागरिकांना उपचाराकरिता वणवण भटकण्याची वेळ आली. तालुक्यात कोरोनाने कहर केला आहे. शासनाने सुरु केलेल्या कोविड सेंटरमध्ये सोयी सुविधांचा अभाव असल्याची नेहमी ओरड होते. ग्रामीण रुग्णालयाचे उपजिल्हा रुग्णालयात श्रेणीवर्धन झाले असते तर त्याठिकाणी कोविड सेंटर सुरु झाले असते. परंतु शासन प्रशासन याकडे दुर्लक्ष करीत असल्याने नागरिकांच्या आरोग्याचे प्रश्न निर्माण झाले आहेत. प्रशासनाने आता तरी नागरिकांच्या आरोग्याला प्राथमिकता देत रुग्ण सेवेची जाण ठेऊन त्वरित ग्रामीण रुग्णालयाला उपजिल्हा रुग्णालयाचा दर्जा देऊन अतिशीघ्र कोविड सेंटर सुरु करण्याच्या मागण्यांना घेऊन मनसेने आमरण उपोषण सुरु केले आहे. <p>मनसेचे राजू उंबरकर यांच्या नेतृत्वात संतोष रोगे, फाल्गुन गोहोकर, रंजित बोन्डे, अनंता जुमळे, अरविंद राजूरकर, उदय खिरटकर, प्रवीण नान्हें, सुरेश काळे, चंद्रकांत धोबे, मारोती डुकरे, बंडू येसेकर, शंकर पिंपळकर आदी मनसेचे पदाधिकारी आमरण उपोषणाला बसले आहेत.

</p>प्रशांत चंदनखेडे वणी (9738181616)</p> <p>तालुक्यात कोरोना संक्रमणाची गती मंदावली असून कमी प्रमाणात रुग्ण आढळत असल्याने नागरिकांबरोबरच प्रशासनालाही दिलासा मिळाला आहे. कोरोनाच्या वाढत्या प्रादुर्भावाला लगाम लावण्यात प्रशासन काही प्रमाणात यशस्वी झाल्याचे पाहायला मिळत आहे. आज चार कोरोना बाधित रुग्ण आढळून आल्याने तालुक्यातील एकूण पॉझिटिव्ह रुग्णांची संख्या ६५७ झाली आहे. तर ऍक्टिव्ह पॉझिटिव्ह रुग्णांची संख्या ४२ झाली आहे. आज आणखी १० रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ६१५ रुग्ण कोरोनामुक्त होऊन घरी परतले आहेत. <p>तालुक्यात कोरोना बाधित रुग्णांची संख्या वाढत असली तरी रुग्ण वाढीचा आलेख धीमा झाला आहे. काही दिवसांआधी मोठ्या संख्येने आढळणारे रुग्ण आता कमी प्रमाणात आढळू लागल्याने नागरिकांमध्ये समाधान पाहायला मिळत आहे. तालुक्यात आज चार व्यक्तींना कोरोनाची लागण झाल्याने एकूण पॉझिटीव्ह रुग्णांची संख्या ६५७ झाली असून ६१५ रुग्ण कोरोनामुक्त झाले तर १७ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ४2 झाली आहे. आज १७ तपासणी अहवाल प्राप्त झाले असून ३ पॉझिटिव्ह तर १४ नमुन्यांचे अहवाल निगेटिव्ह आले आहेत. तसेच आज १३ व्यक्तींची रॅपिड अँटीजेन चाचणी करण्यात आली असून १ पॉझिटिव्ह तर १२ व्यक्तींचे रिपोर्ट निगेटिव्ह आले आहेत. आज आणखी २२ व्यक्तींचे नमुने तपासणी करिता पाठविण्यात आल्याने ५३ नमुन्यांचे अहवाल अप्राप्त आहेत. पॉझिटिव्ह रुग्णांपैकी ४ रुग्ण कोविड केयर सेंटरला भरती असून १४ रुग्णांना यवतमाळ येथे हलविण्यात आले आहे. तर २४ रुग्णांवर होम आयसोलेशनमध्ये उपचार सुरु आहेत. <p>आज पॉझिटिव्ह आलेल्या व्यक्तींमध्ये राजूर येथील एक, वांजरी येथील एक तर फुकटवाडी येथील दोन व्यक्तींचा समावेश आहे. प्रशासन कोरोनावर नियंत्रण मिळविण्याकरिता शर्थीचे प्रयत्न करीत असून नागरिकांनीही सतर्क राहण्याचे आव्हान प्रशासनातर्फे करण्यात आले आहे.