</p>प्रशांत चंदनखेडे वणी (9738181616)</p> <p>शहरात कोरोनाचे संक्रमण सुरूच असून कोरोना बाधित रुग्णांची संख्याही वाढत आहे. आज दोन व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण कोरोना बाधितांची संख्या ६५३ झाली आहे. तर ऍक्टिव्ह पॉझिटिव्ह रुग्णांची संख्या ४८ झाली आहे. आज आणखी २४ रुग्ण कोरोनामुक्त झाल्याने त्यांना सुटी देण्यात आली आहे. आता पर्यंत ६०५ रुग्ण कोरोनामुक्त होऊन घरी परतले आहेत. <p>शहरात कोरोना संक्रमणाची गती मंदावली असून कोरोना बाधित रुग्णही कमी प्रमाणात आढळत आहे. आज शहरातील दोन व्यक्तींना कोरोनाची लागण झाल्याने तालुक्यातील एकूण पॉझिटिव्ह रुग्णांची संख्या ६५३ झाली आहे. ६०५ रुग्ण कोरोनामुक्त झाले तर १७ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ४८ झाली आहे. पॉझिटिव्ह रुग्णांपैकी ७ रुग्ण कोविड केयर सेंटरला भरती असून १४ रुग्णांना यवतमाळला हलविण्यात आले आहे. तर २७ रुग्णांना होम आयसोलेशनमध्ये ठेवण्यात आले आहे. आज आणखी २९ व्यक्तिनाचे स्वाब तपासणी करिता पाठविण्यात आल्याने ४८ नमुन्यांचे अहवाल पेंडिंग झाले आहेत. सध्या स्थितीत २१ व्यक्तींना संस्थात्मक विलीगीकरणात ठेवण्यात आले आहे. <p>आज पॉझिटिव्ह आलेल्या व्यक्तींमध्ये आनंद नगर मधील एक तर साधनकरवाडी येथील एका व्यक्तीचा समावेश आहे. प्रशासन कोरोनाचे संक्रमण रोखण्याकरिता हर संभव प्रयत्न करीत असून नागरिकांनीही सावधानी बाळगण्याचे आव्हान प्रशासनाने केले आहे. <p>

</p>प्रशांत चंदनखेडे वणी (9738181616)</p> <p>मागील काही दिवसांपासून भाजीबाजारही महागाईच्या विळख्यात आला असून दैनंदिन आहारातील पालेभाज्यांचे भाव चांगलेच वधारले असल्याने भाजी खरेदी करताना सामान्य नागरिकांना कस लागत आहे. तसेच प्रत्येकच पालेभाज्यांचे भाव गगनाला भिडले असल्याने गृहिणींचे बजेट बिघडले आहे. <p>भाजी बाजारातील दैनंदिन आहारातील प्रत्येकच वस्तूंच्या किमती उच्चांक गाठत असल्याने भाजी खरेदी करतांना सामान्य वर्गांवर अधिकचा भार पडत असल्याने त्यांचे आर्थिक गणित बिघडतांना दिसत आहे. कांद्याच्या वाढत्या किमतींनी डोळ्यात पाणी आणले आहे. तर बटाटे, वांग्यांसमोर सामान्यांना नांगी टाकावी लागत आहे. मिरच्यांच्या किंमतही चांगल्याच झोम्बु लागल्या असून सांबारांच्या किमतीही आधार लागू देतांना दिसत नाही. टमाटरांच्या दरांचाही आलेख वाढत चालल्याने सामान्य नागरिक चिंतेत आला आहे. दैनंदिन आहारातील पालेभाज्यांच्या किमती आवाक्याबाहेर जात असल्याने सामान्य व्यक्ती अडचणीत आला असून त्याचे आर्थिक बजेट बिघडले आहे. कोरोनाची परिस्थिती गंभीरच असून नागरिक भितीतच वावरत असल्याने रोजगाराची व्याप्ती अद्यापही वाढलेली नाही. बेरोजगारीचे संकट कायमच असून कित्येक मजुरांचे हात अजूनही रितेच आहेत. कारखाने, उद्योग पूर्ण क्षमतेने सुरु न झाल्याने कित्येक युवक व कर्ते पुरुष नोकऱ्या गमावून बसले आहेत. अशा स्थितीत जीवन जगण्याचा संघर्ष सुरु असतांना दैनंदिन गरजेच्या वस्तूंचे व दैनंदिन आहारातील वस्तूंचे भाव वधारत असल्याने सामान्य नागरिकांसमोर आर्थिक संकट निर्माण होतांना दिसत आहे. रेस्टोरंट व खानावळी अद्याप सुरु व्हायच्या असतांना पालेभाज्यांच्या किंमती एवढ्या वाढल्या आहेत तर रेस्टोरंट सुरू झाल्यानंतर पालेभाज्यांची मागणी वाढून किमती आणखीच वधारेल. परिणामवश सामान्य नागरिकांना पालेभाज्या खरेदी करणेच कठीण होऊन बसेल. आताच सामान्य नागरिकांना दैनंदिन आहारातील पालेभाज्या खरेदी करतांना कस लागत आहे. समोर पालेभाज्यांच्या किंमती अशाच वाढत राहिल्या तर सामान्य नागरिकांची वाताहत होऊन ते आर्थिक अभावामुळे दैनंदिन आहारायोग्य पालेभाज्यांची खरेदी करू शकणार नाही. परिणामतः त्यांना आरोग्य दायक जीवनसत्व न मिळाल्यास त्यांच्या रोग प्रतिकार शक्तीवर विपरीत परिणाम होऊ शकतो.

</p>प्रशांत चंदनखेडे वणी (9738181616)</p> <p>राजपत्रित वैद्यकीय अधिकाऱ्यांचा मागील पाच दिवसांपासून सुरु असलेला संप पालकमंत्र्यांच्या मध्यस्थीनंतर काही अटी शर्थींवर काल सायंकाळी मागे घेण्यात आल्याने आज कोरोनाच्या तपासण्या होऊन मिळालेल्या अहवालांमध्ये तालुक्यातील चार व्यक्ती पॉझिटिव्ह आल्या तर दोन रुग्णांचा उपचारादरम्यान मृत्यू झाल्याने तालुक्यातील एकूण पॉझिटिव्ह रुग्णांची संख्या ६५१ झाली तर एकूण कोरोना बळींचा आकडा १७ वर पोहचला आहे. आज आणखी आठ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ५८१ रुग्ण कोरोनामुक्त झाले असून तालुक्यातील ऍक्टिव्ह पॉझिटिव्ह रुग्णांची संख्या ५१ वर आली आहे. <p>तालुक्यात आज पाच दिवसांनंतर कोरोनाच्या चाचण्या होऊन अहवाल प्राप्त झाल्याने तालुक्यात आज चार व्यक्ती कोरोना बाधित निघाले आहेत. तर दोन रुग्णांचा उपचारादरम्यान मृत्यू झाला असल्याचे निष्पन्न झाले. तालुक्यात कोरोना बळींची संख्या वाढतच असल्याने कोरोना या आजाराची नागरिकांमध्ये चांगलीच धडकी भरली आहे. शहराबरोबरच ग्रामीण भागातही कोरोनाचा प्रादुर्भाव वाढू लागल्याने प्रशासनही चिंतेत आले आहे. आज चार व्यक्तींचे तपासणी अहवाल प्राप्त झाले असून चारही पॉझिटिव्ह आले आहेत. तसेच पाच व्यक्तींच्या रॅपिड अँटीजेन टेस्ट करण्यात आल्या असून पाचही रिपोर्ट निगेटिव्ह आले आहेत. आज आणखी १० व्यक्तींचे स्वाब तपासणी करिता पाठविण्यात आल्याने १९ रिपोर्ट पेंडिंग झाल्या आहेत. आज चार व्यक्तींना कोरोनाची लागण झाल्याने तालुक्यातील एकूण कोरोना बाधितांची संख्या ६५१ झाली असून ५८१ रुग्ण कोरोनामुक्त झाले तर १७ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ५१ झाली आहे. पॉझिटिव्ह रुग्णांपैकी ३४ रुग्ण होम आयसोलेशनमध्ये असून १५ रुग्णांवर यवतमाळ शासकीय रुग्णालयात उपचार सुरु आहेत. तर दोन रुग्ण कोविड केयर सेंटरला भरती आहेत. <p>आज पॉझिटिव्ह आलेल्या व्यक्तींमध्ये भांदेवाडा, चिखलगांव, ब्राह्मणी व शास्त्रीनगर येथील प्रत्येकी एका व्यक्तीचा समावेश आहे. तर २५ सप्टेंबरला कोरोनाने मृत्युमुखी पडलेल्या व्यक्तींमध्ये देशमुखवाडी येथील ७० वर्षीय पुरुष तर गोकुलनगर येथील ६८ वर्षीय महिलेचा समावेश आहे. प्रशासन कोरोनाची साखळी तोडण्याचा पुरेपूर प्रयत्न करीत आहे. नागरिकांनाही सतर्कता बाळगण्याचे आव्हान प्रशासनातर्फे करण्यात आले आहे.

news34.co.in

</p>प्रशांत चंदनखेडे वणी (9738181616)</p> <p>हैवानी विकृतीला बळी पडलेल्या सामान्य कुटुंबातील दलित तरुणीला न्याय मिळावा व मानव जातीला काळिमा फासणारे अत्याचार प्रकरण दडपण्याचा पुरेपूर प्रयत्न करणाऱ्या उत्तर प्रदेश सरकारचा तसेच माणुसकीची परिसीमा लांघून दुष्क्रुत्य करणाऱ्यांची पाठराखण करणाऱ्या पोलीस यंत्रणेचा निषेध नोंदविण्याकरिता तालुका युवक काँग्रेसच्या वतीने आज तहसील कार्यालयासमोर धरणे आंदोलन करण्यात आले असून हैवानांच्या अत्याचार व मारहाणीत मृत पावलेल्या तरुणीचा खटला जलदगती न्यायालयात चालवून आरोपींना फाशीची शीक्षा देण्याची मागणीही राष्ट्रपतींच्या नावे उपविभागीय अधिकाऱ्यांना दिलेल्या निवेदनातून करण्यात आली आहे. <p>उत्तर प्रदेशात महिलांवरील अत्याचाराच्या घटना वाढतच असून महिला व मुली याठिकाणी असुरक्षित असल्याचे पाहायला मिळत आहे. महिलांवरील अत्याचाराच्या वाढत्या प्रकरणांमुळे उत्तर प्रदेश कुप्रसिद्ध होतांना दिसत आहे. सामान्य व दलित कुटुंबातील अल्पवयीन मुली, सुशिक्षित तरुणी व महिला राजकीय वदर्हस्तांचे अभय प्राप्त असलेल्या गुंड प्रवृत्तीच्या हैवानांच्या अत्याचाराला बळी पडत आहे. महिलांवरील अत्याचाराचे तांडव सुरु असतांना सरकार मात्र मुकदर्शक बनून अत्याचाराला खतपाणी घालतांना दिसत आहे. सदन समाजातील व राजकीय वर्चस्व प्राप्त असणारे गिधाडं मुलींचे लचके तोडत असतांना सरकार मूग गिळून गप्प आहे. ही शोकांतिकाच म्हणावी लागेल. यूपी मध्ये दिवसाढवळ्या अपप्रवृत्तीच्या लोकांकडून होणाऱ्या अत्याचारांच्या घटनांनी महिलांमध्ये थरकाप सुटला आहे. सामान्य दलित कुटुंबातील महिला व मुली दहशतीत आल्या असून मुलींचा सांभाळ करणाऱ्या कुटुंबातही धास्ती भरली आहे. कायदा सुव्यवस्थेचा यूपीत बोजवारा झाला असून कायद्याचा जराही धाक न राहिल्याने या ठिकाणी गुंड प्रवृत्ती फोफावली आहे. पिसाट गुंडांचे टोळके राजकीय अभय मिळत असल्याने सामान्य दलित लोकांवर अनन्वित अत्याचार करीत आहेत. दलित कुटुंबातील महिला मुलींवर अत्याचार करण्याबरोबरच दलित कुटुंबाला मारहाण करणे, हत्या करणे नेहमीचेच झाले आहे. युपी शासन या सर्व घटनांकडे जाणीवपूर्वक दुर्लक्ष करीत असून कायद्याच्या रक्षकांनाच कायद्याचे उल्लंघन करण्यास भाग पाडून अपप्रवृत्तीला खतपाणी घालत आहे. <p>महिला मुलींवरील अत्याचाराच्या युपीमध्ये अनेक घटना घडल्या व घडतच आहे. राजकीय पाठबळ लाभल्याने निर्ढावलेले काही गुंड प्रवृत्तीचे लोक दलितांवर हल्ले करून दलित महिला मुलींवर अत्याचार करून त्यांचे जीव घेत आहेत. नुकत्याच १९ वर्षीय तरुणीवर झालेल्या अत्याचार व अमानवीय मारहाणीमुळे झालेल्या मृत्यूने समाजमन सुन्न झाले आहे. चार नराधमांनी १९ वर्षाच्या कोवळ्या मुलीवर अत्याचार केले. एवढेच नाही तर या मानवरूपी राक्षसांनी तिची जीभ कापून तिच्या कमरेचे हाड मोडण्या इतपत मारहाण केली. मरणासन्न अवस्थेत तिला आधी जवाहरलाल मेडिकल कॉलेज अलिगढ येथे उपचाराकरिता दखल करण्यात आले. परंतु प्रकृतीत सुधारणा न झाल्याने नंतर तिला दिल्ली येथील एम्स रुग्णालयात दाखल करण्यात आले. तेथे तिचा २९ सप्टेंबरला उपचारादरम्यान मृत्यू झाला. उत्तर प्रदेशच्या हाथरस जिल्ह्यातील बुलगढी तालुक्यातील वाल्मिकी समाजातील १९ वर्षीय तरुणी जातीय मानसिकतेचा बळी ठरली. युपी सरकारने तिच्यावर झालेल्या सामूहिक अत्याचार व मृत्यू प्रकरणाची चौकशी करून आरोपींना अटक करण्याऐवजी प्रकारनच दडपण्याचा पुरेपूर प्रयत्न केला. कायद्याच्या रक्षकांनीही तिच्यावर अत्याचार न झाल्याचा शब्द प्रयोग करून प्रकरणाला वेगळेच वळण देण्याचा प्रयत्न केला. तरुणीचा मृत्यू झाल्यानंतर माणूसकी हरपलेल्या पोलिसांनी तिच्या कुटुंबियांना घरातच डांबून रात्री २.३० वाजता तिच्यावर परस्पर अंत्यसंस्कार करून प्रकरण दडपण्यात हातभार लावला. पीडित मुलीच्या कुटुंबाचे सांत्वन करण्याकरिता गेलेले राष्ट्रीय कांग्रेसचे अध्यक्ष राहुल गांधी यांनाही पोलिसांनी धक्का बुक्की करून जमिनीवर पाडले. चित्रपटातील गुंडागर्दीलाही लाजवेल अशा प्रकारची कोर्यसिमा पोलिसांनी पार करून शासनाकडून आपली पाठ थोपटून घेतली. पीडितेवर अंत्यसंस्कार करण्यापासून तर कुटुंबाला धमकावण्यापर्यंत, राष्ट्रीय नेत्याची कॉलर खिचण्यापासून तर लाठीचार्ज करण्यापर्यंत शासनाच्या आदेशाचे तंतोतंत पालन करून पोलीस यंत्रणेने वाहवाही लुटली. <p>अशी ही दडपशाही चालविलेल्या युपी शासनाचा निषेध करतांनाच तरुणीवर अत्याचार करून तिच्या मृत्यूस कारणीभूत असलेल्या नराधमांना फाशीची शिक्षा देण्याची मागणी तालुका युवक काँग्रेसच्या वतीने उपविभागीय अधिकाऱ्यांमार्फत भारताच्या राष्ट्रपतींना पाठविलेल्या निवेदनातून करण्यात आली आहे. निवेदन देतांना माजी आमदार वामनराव कासावार, देविदास काळे, विवेक मांडवकर, मोरेश्वर पावडे, प्रमोद निकुरे, ओम ठाकूर, भास्कर गोरे, सुनील वरारकर, पुरुषोत्तम आवारी, प्रमोद वासेकर, आशिष कुलसंगे, अशोक नागभीडकर, प्रमोद लोणारे, रफिक रंगरेज, बाबाराव चौधरी, विवेक पानघाटे आदी काँग्रेसचे पदाधिकारी उपस्थित होते.

</p>प्रशांत चंदनखेडे वणी (9738181616)</p> <p>जिल्हा परिषदेच्या आरोग्य विभागातील डॉक्टरांनी जिल्हाधिकाऱ्यांकडून मिळणाऱ्या अपमानास्पद वागणुकीमुळे संतप्त होऊन जिल्हाधिकाऱ्यांच्या बदली करिता सामूहिक कामबंद आंदोलन सुरु केले आहे. मागील पाच दिवसांपासून सुरु असलेल्या या वैद्यकीय अधिकाऱ्यांच्या कामबंद आंदोलनाला १७ कर्मचारी संघटनांनी पाठिंबा जाहीर केला असतांनाच वणी तालुक्यातही आता या संपाचा असर जाणवू लागला असून आरोग्य सेवेवरही त्याचा चांगलाच परिणाम झाल्याचे पाहायला मिळत आहे. ३० सप्टेंबर पासून तालुक्यातील कोरोनाची तपासणी बंद असून कोरोना रुग्णांबाबत कोणतीच माहिती हाती आलेली नाही. कोरोनाच्या संकटात डॉक्टरांनी कामबंद आंदोलन केल्याने काँटॅक्ट ट्रेसिंग बंद असून लक्षणे असलेल्या नागरिकांचीही कोरोना चाचणी होत नसल्याने आजारग्रस्त व परिवार, परिचित व्यक्तीही भीतीच्या सावटात वावरत आहे. पालकमंत्र्यांनी या संकटाच्या काळात डॉक्टरांनी नागरिकांच्या आरोग्याला प्राथमिकता देत संप मागे घेण्याचे आव्हान केले आहे. तर जिल्हाधिकारीही चर्चेस तयार असल्याचे समजते. पालकमंत्र्यांनी जिल्हाधिकाऱ्यांना समज दिल्याचे सांगतानाच तडकाफडकी अशी बदली करता येत नसल्याचे आंदोलन कर्त्यांना सुचविले. पण वैद्यकीय अधिकारी व पाठिंबा देणाऱ्या अन्य संघटनांनी जिल्हाधिकाऱ्यांची बदली झाल्याशिवाय काम सुरु न करण्याचा पवित्रा घेतला आहे. डॉक्टरांच्या या सामूहिक संपामुळे आरोग्य सेवा प्रभावित झाली असून नागरिकांचे आरोग्यच धोक्यात आले आहे. <p>तालुक्यात २९ सप्टेंबर पर्यंत एकूण ६४७ पॉझिटिव्ह रुग्णाची नोंद होती. तर १५ कोरोना बळींची संख्या होती. संपादरम्यान ३० रुग्ण कोरोनामुक्त झाले असून त्यांना सुटी देण्यात आली आहे. आता पर्यंत ५७३ रुग्ण कोरोनामुक्त होऊन घरी परतले आहेत. त्यामुळे ऍक्टिव्ह पॉझिटिव्ह रुग्णांची संख्या ५७ वर आली आहे. आता फक्त ६ तपासणी नमुन्यांचे अहवाल प्राप्त होणे बाकी राहिले आहेत. पॉझिटिव्ह रुग्णांपैकी ४२ रुग्ण होम आयसोलेशनमध्ये असून १५ रुग्ण यवतमाळ शासकीय रुग्णालयात उपचार घेत आहे. कोविड केयर सेंटरमध्ये एकही रुग्ण भरती नाही. संस्थात्मक विलीगीकरणात ५ व्यक्ती आहेत. <p>कोरोनामुळे जनजीवन विस्कळीत झाले असून प्रत्येक जीव भीतीच्या सावटात वावरत असतांना मान अपमानाच्या भावना उफाळून आल्याने मान अपमानाचा हा विषय चांगलाच चिघळला असून सामूहिक राजिनामे देण्यापर्यंत डॉक्टर सरसावले आहेत. डॉक्टरांच्या या संपाकडे संपूर्ण जिल्ह्याचे लक्ष लागले असून हा संप एकदाचा केंव्हा निवळतो ही प्रतीक्षा सर्वांनाच लागली आहे.

</p>प्रशांत चंदनखेडे वणी (9738181616)</p> <p> <p>वणी वरोरा मार्गावरील वर्धा नदीच्या पाटाळा पुलावरून नदी पात्रात उडी घेऊन आत्महत्या केलेल्या उकणी येथील २३ वर्षीय युवकाचा मृतदेह आज चंद्रपूर जिल्ह्यातील गोंडपिपरी तालुक्यापासून २२ किमी अंतरावर असलेल्या लाठी पोलीस स्टेशन अंतर्गत येणाऱ्या सकनूर गावाशेजारील वर्धा नदीच्या थडीवर आढळून आल्याची माहिती मृताच्या नातेवाईकांकडून प्राप्त झाली आहे. १७ सप्टेंबरला रात्री ७ वाजताच्या सुमारास ईश्वर शंकर शुक्ला (२३) रा. नरसुजी नगर उकणी या युवकाची वर्धा नदीच्या पाटाळा पुलावर दुचाकी व मोबाईल आढळून आल्याने त्याने नदीत उडी घेवून आत्महत्या केली असल्याचा अंदाज वर्तविण्यात येत होता. आज १५ दिवसानंतर त्याचा मृतदेह १३६ किमी अंतरावर आढळून आल्याने त्याच्या आत्महत्या करण्याला पृष्टि मिळाली आहे. <p>उकणी येथील रहिवासी असलेला ईश्वर शुक्ला हा २३ वर्षीय युवक पंजाब ट्रान्सपोर्ट कंपनीमध्ये टायर हेल्पर म्हणून कार्यरत होता. घटनेच्या दिवशी तो सायंकाळी ५ वाजता पर्यंत गावातच असल्याचे समजते. रात्री ७ वाजता त्याने पाटाळा पुलावरून वर्धा नदीत उडी घेतल्याची बातमी वाऱ्यासारखी पसरली. ईश्वराच्या कुटुंबियांच्या कानावर ही बातमी पडताच त्यांना धक्का तर बसलाच पण तो असे काही करू शकेल यावर त्यांचाच काय गावकऱ्यांचाही विश्वास बसत नव्हता. वडील बालपणीच वारल्यानंतर आईने घरोघरची धुनी भांडी करून त्याचे संगोपन करीत त्याला लहाण्याचे मोठे केले. त्याचे हट्ट पुविले, नुकतीच त्याने नवीन दुचाकी खरेदी केली होती. आईचा एकुलता एक सहारा असलेल्या या युवकाने आत्महत्येसारखे टोकाचे पाऊल उचल्याने गावात हळहळ व्यक्त केल्या जात आहे. एकाच महिन्यात काही दिवसांच्या अंतरातच दोन कुटुंबातील कर्त्या पुरुषांनी आत्महत्या केल्याने उकणी हे छोटेसे गाव हादरले आहे. व्हाल्वो कंपनीत ड्रायवर असलेल्या आकाश दर्वेकर (२८) याने ७ सप्टेंबरला गळफास घेऊन आत्महत्या केली तर ट्रान्सपोर्ट कंपनीत टायर हेल्पर म्हणून कार्यरत असलेल्या ईश्वर शुक्ला याने १७ सप्टेंबरला नदीत उडी घेऊन जल समाधी घेतली. लाठी पोलिसांनी घटना स्थळाचा पंचनामा करून मृतदेह नातेवाईकांच्या स्वाधीन केला आहे. मृतदेह घेऊन नातेवाईक गावाकडे रवाना झाले आहेत. त्याला आत्महत्या केल्याला १५ दिवस लोटले असल्याने मृतदेह कुजलेल्या अवस्थेत असून मृतदेहाला माती देऊन त्याचा अंतिमसंस्कार करण्यात येणार असल्याचे समजते.

khabarkatta.com

</p>प्रशांत चंदनखेडे वणी (9738181616)</p> <p>वणी वरोरा मार्गावरील वर्धा नदीच्या पाटाळा पुलावरून नदी पात्रात उडी घेऊन आत्महत्या केलेल्या उकणी येथील २३ वर्षीय युवकाचा मृतदेह आज चंद्रपूर जिल्ह्यातील गोंडपिपरी तालुक्यापासून २२ किमी अंतरावर असलेल्या लाठी पोलीस स्टेशन अंतर्गत येणाऱ्या सकनूर गावाशेजारील वर्धा नदीच्या थडीवर आढळून आल्याची माहिती मृताच्या नातेवाईकांकडून प्राप्त झाली आहे. १७ सप्टेंबरला रात्री ७ वाजताच्या सुमारास ईश्वर शंकर शुक्ला (२३) रा. नरसुजी नगर उकणी या युवकाची वर्धा नदीच्या पाटाळा पुलावर दुचाकी व मोबाईल आढळून आल्याने त्याने नदीत उडी घेवून आत्महत्या केली असल्याचा अंदाज वर्तविण्यात येत होता. आज १५ दिवसानंतर त्याचा मृतदेह १३६ किमी अंतरावर आढळून आल्याने त्याच्या आत्महत्या करण्याला पृष्टि मिळाली आहे. <p>उकणी येथील रहिवासी असलेला ईश्वर शुक्ला हा २३ वर्षीय युवक पंजाब ट्रान्सपोर्ट कंपनीमध्ये टायर हेल्पर म्हणून कार्यरत होता. घटनेच्या दिवशी तो सायंकाळी ५ वाजता पर्यंत गावातच असल्याचे समजते. रात्री ७ वाजता त्याने पाटाळा पुलावरून वर्धा नदीत उडी घेतल्याची बातमी वाऱ्यासारखी पसरली. ईश्वराच्या कुटुंबियांच्या कानावर ही बातमी पडताच त्यांना धक्का तर बसलाच पण तो असे काही करू शकेल यावर त्यांचाच काय गावकऱ्यांचाही विश्वास बसत नव्हता. वडील बालपणीच वारल्यानंतर आईने घरोघरची धुनी भांडी करून त्याचे संगोपन करीत त्याला लहाण्याचे मोठे केले. त्याचे हट्ट पुविले, नुकतीच त्याने नवीन दुचाकी खरेदी केली होती. आईचा एकुलता एक सहारा असलेल्या या युवकाने आत्महत्येसारखे टोकाचे पाऊल उचल्याने गावात हळहळ व्यक्त केल्या जात आहे. एकाच महिन्यात काही दिवसांच्या अंतरातच दोन कुटुंबातील कर्त्या पुरुषांनी आत्महत्या केल्याने उकणी हे छोटेसे गाव हादरले आहे. व्हाल्वो कंपनीत ड्रायवर असलेल्या आकाश दर्वेकर (२८) याने ७ सप्टेंबरला गळफास घेऊन आत्महत्या केली तर ट्रान्सपोर्ट कंपनीत टायर हेल्पर म्हणून कार्यरत असलेल्या ईश्वर शुक्ला याने १७ सप्टेंबरला नदीत उडी घेऊन जल समाधी घेतली. लाठी पोलिसांनी घटना स्थळाचा पंचनामा करून मृतदेह नातेवाईकांच्या स्वाधीन केला आहे. मृतदेह घेऊन नातेवाईक गावाकडे रवाना झाले आहेत. त्याला आत्महत्या केल्याला १५ दिवस लोटले असल्याने मृतदेह कुजलेल्या अवस्थेत असून मृतदेहाला माती देऊन त्याचा अंतिमसंस्कार करण्यात येणार असल्याचे समजते.

</p>प्रशांत चंदनखेडे वणी (9738181616)</p> <p>कोरोनाच्या वाढत्या प्रादुर्भावाने जनजीवन प्रभावित झाले असून प्रत्येक जीव भीतीच्या सावटात वावरतांना दिसत आहे. शहराबरोबरच ग्रामीण भागही कोररोनाच्या विळख्यात आला असून गावपातळीवरील लोकांनाही मोठ्या प्रमाणात कोरोनाची लागण होतांना दिसत आहे. मागील काही दिवसांपासून कोरोनाने उग्र रूप धारण केल्याचे पाहायला मिळत असून प्रत्येकच क्षेत्रातील नागरिकांना कोरोनाची लागण होतांना दिसत आहे. या आजाराने मृत्यू होणाऱ्यांचेही प्रमाणही एवठ्यात वाढले असून या जीवघेण्या आजारापासून बचाव करण्याकरिता जनसंपर्क जेवढा टाळता येईल, तेवढा टाळण्याच्या शासनाच्या सूचना असल्याने शासकीय अधिकारी व कर्मचाऱ्यांच्या आढावा बैठकी व सभाही ऑन लाईन पद्धतीने होणे आवश्यक आहे. त्यामुळे ग्रामविकास अधिकारी व ग्रामसेवकांच्या आढावा बैठकी वा सभा ऑन लाईन पद्धतीने घेण्यात येण्याची मागणी म. रा. ग्रामसेवक संघ १३७० जिल्हा शाखेच्या सचिवांनी झरीजामणी पंचायत समितीचे गटविकास अधिकारी यांना दिलेल्या निवेदनातून केली आहे. <p>जिल्ह्यात कोरोनाचे संक्रमण वाढतच असून या आजाराने शहरांसह ग्रामीण भागातही आपली पाळेमुळे रोवली आहेत. सातत्याने कोरोनाचे रुग्ण वाढत असल्याने सामान्य नागरिकांसह शासकीय कर्मचारीही भीतीच्या सावटात आले आहेत. कोरोनाचे संक्रमण रोखण्याकरिता शासनाने काही मार्गदर्शक तत्वे जाहीर केली आहेत. त्याचबरोबर अनावश्यक जनसंपर्कही टाळण्याच्या सूचना केल्या आहे. राज्यात अजूनही आपत्ती व्यवस्थापन कायदा लागू आहे. कोरोनाची लागण होऊ नये, याकरिता योग्य ती खबरदारी घेण्याची आवश्यक्ता असल्याचे शासनाने मार्गदर्शक तत्वांमध्ये सांगितले आहे. त्या अनुषंगाने ग्रामसेवक व ग्रामविकास अधिकाऱ्यांच्या आम सभा सभागृहात न घेता ऑन लाईन पद्धतीने घेण्याची मागणी ग्राम सेवक संघाचे जिल्हा सचिव एल. एम. नागरगोजे यांनी केली आहे. राज्यात आता पर्यंत ८ ते १५ ग्रामसेवक व ग्रामविकास अधिकाऱ्यांचे कोरोनाने बळी गेले आहेत. म. रा. ग्रामसेवक संघ १३७० जिल्हा शाखाच्या वतीने याआधीही निवेदन देऊन या परिस्थिती बाबत अवगत करण्यात आले होते. आज १ऑक्टोबरला पंचायत समितीचे उपकार्यकारी अधिकारी यांच्याशी याबाबत चर्चा करण्यात येऊन गटविकास अधिकारी यांच्याकडे ग्रामसेवक व ग्रामविकास अधिकारी यांच्या आम सभा ऑन लाईन घेण्याची मागणी म. रा. ग्रामसेवक संघ १३७० शाखेचे जिल्हा सचिव एल. एम. नागरगोजे यांनी निवेदनातून केली आहे.

*प्रशांत चंदनखेडे वणी (9738181616)* <p>आजच्या या तांत्रिक युगात दूरध्वनीचे माध्यम प्रगत होऊन टेलिफोन व साध्या मोबाईलच्या जागी स्मार्ट फोन हातात आले. दूरध्वनी सेवाही डिजिटल होत गेल्याने दूरध्वनी सेवा पुरविणाऱ्या कंपन्यांनी ४G, ५G सिम कार्ड ग्राहकांना उपलब्ध करून देत उत्तम सेवेची हमी दिली. इंटरनेटच्या या युगात आपल्याच कंपनीचा कव्हरेज, नेट सेवा व स्पीड किती उत्तम आहे, हे पटवून देण्याकरिता प्रत्येकच कंपनी धडपडत असते. आपल्याच कंपनीची सेवा उत्तम असल्याचा दावा प्रत्येक दूरध्वनी सेवा पुरवणारी कंपनी करीत असून ग्राहकांच्या डोक्यात घुसेल अशी जाहिरातबाजी करून आपल्याच कंपनीचे सिमकार्ड घेण्यास ग्राहकांना प्रोत्साहित केल्या जाते. परंतु आज घडीला प्रत्येकच दूरध्वनी सेवा पुरविणाऱ्या कंपनीचा नागरिकांना अत्यंत वाईट अनुभव येत आहे. कोणत्याच दूरध्वनी सेवेचा योग्यरीत्या लाभ मिळत नसल्याचे एकूणच चित्र शहरातील काही भागांमध्ये पाहायला मिळत आहे. मग ग्रामीण भागातील दूरध्वनी सेवेची काय अवस्था असेल! कव्हरेजच्या नावावर सगळीकडेच बोंबाबोंब सुरु आहे. नेटची स्पीड तर पाहण्याजोगीच असते. ४G स्पीडच्या डिंग्या हाकणाऱ्या दूरध्वनी कंपन्यांचे सिमकार्ड घेतल्यानंतर २G ची ही स्पीड बरोबर मिळत नाही. नेट तर नेहमीच धरपकड करत असते, कव्हरेजही बरोबर मिळत नसल्याने प्रत्येकच व्यक्ती हॅलो, हॅलो, आवाज ऐकू येते काय, आवाज कटत आहे यार, हा राग आलापतांना नेहमीच दिसत असतो. नेटची योग्य सेवा मिळत नसल्याने प्रत्येक व्यक्ती चिडून दूरध्वनी कंपन्यांवर आपला राग व्यक्त करतांनाच अपशब्दांचा प्रयोगही करतांना दिसतो. शहराच्या प्रत्येक कानाकोपऱ्यात नेटवर्क व नेट सेवा मिळेल, हे दाव्यासह सांगणाऱ्या कंपन्यांचे दावे फोल ठरत असून शहरांतीलच बहुतांश भागात नेटची व कव्हरेजची मोठी समस्या निर्माण झाली असतांना ग्रामीण भागात नेट व कव्हरेजची काय अवस्था असेल, याचा अंदाज लावता येतो. प्रत्येक कंपनी सांगते की आमची सेवा धनधनाधन, लाईफ बदलणारी व कोणतेही सिम वापरा, नंतर आमचे सिम वापरा, नेटची स्पीड न मिळाल्यास पैसे वापस, पण प्रत्येक्षात दूरध्वनी कंपन्यांचे हे बिन बुडाचे दावे आता नागरिकांचा मनस्ताप वाढवू लागले आहेत. कोरोनाच्या या लॉकडाऊन काळात नेट दूरध्वनी सेवेला फार महत्व आले आहे. ऑन लाईन शिकवणी वर्गापासून तर वर्क फॉर होम पर्यंत आणी मनी ट्रान्सफर पासून व्हिडिओ कॉन्फरन्स पर्यंत सर्वच नेटच्या माध्यमातून चालत असल्याने उत्तम नेट सेवा पुरविणे आवश्यक असतांना कंपन्या याकडे दुर्लक्ष करताना दिसत आहे. आज प्रत्येकचं शासकीय व निमशासकीय कायालयांची कामे ऑन लाईन झाली आहे. शेतकऱ्यांच्या कर्जापासून तर अर्जापर्यंतचे व नोंदणी पासून तर नुकसानी पर्यंतचे सर्वच काम ऑन लाईन पद्धतीने होत आहेत. परंतु नेटच्या समस्येमुळे प्रत्येकच कामे खोळंबतांना दिसत आहे. काही कर्मचारी कामांचा खोळंबा होऊ नये म्हणून घराच्या छतावर बसून नेट मिळविण्याचा प्रयत्न करतात. तर विद्यार्थ्यांना उंच भागावर जाऊन किंवा झाडावर चढून ऑन लाईन क्लासेस करावे लागत आहे. दूरध्वनी सेवा पुरविणाऱ्या कंपन्यांनी भरमसाठ सेवादर वाढविले आहेत, पण सेवेचा दर्जा मात्र वाढविलेला नाही. ग्राहक प्रत्येक कंपन्यांची सेवा बदली करून थकले आहेत, प्रत्येकच कंपनीच्या सेवांचा अनुभव वैताग आणणारा आहे. उत्तम कव्हरेज व अखंडित नेट सेवेचा ढोल पिटणारी डिजिटल कंपनीचीही नेटसेवा चांगलीच ढासळली आहे. धनधनाधन वर विश्वास ठेऊन बहुसंख्य लोकांनी या कंपनीचे सिम घेतले पण त्यांना आता नेट मिळविण्यासाठी वणवण जावे लागत आहे. एकूणच दूरध्वनी कंपन्यांची सेवा कोलमडली असून सेवेचा उत्तम लाभ मिळत नसल्याने नागरिक वैतागले आहेत.

khabarkatta.com

*प्रशांत चंदनखेडे वणी (9738181616)* <p>अवैध दारूची वाहतूक करणाऱ्या वाहनावर कार्यवाही करून अवैध दारूच्या धंद्यात गुंतलेल्या एका आरोपीला डीबी पथकाने अटक केली असून त्याच्यावर महाराष्ट्र राज्य दारू प्रतिबंधक कायद्यांतर्गत गुन्हा दाखल केला आहे. आज डीबी पथकाला एमआयडीसी परिसरातून अवैध दारूची वाहतूक होत असल्याची गुप्त माहिती मिळाल्याने पोलिसांनी त्याठिकाणी सापळा रचून भालर मार्गाने येणाऱ्या मारुती सुझुकी इको कारची झडती घेतली असता कारच्या सीटवर दोन नायलॉन पिशव्यांमध्ये देशी दारूच्या ५०० शिष्या आढळून आल्या. पोलिसांनी वाहन ताब्यात घेऊन अवैध देशी दारू बाळगणाऱ्या आरोपीला अटक केली असून १५ हजार रुपयांची देशी दारू व तीन लाख रुपये किंमतीचे चारचाकी वाहन असा एकूण ३ लाख १५ हजार रुपयांचा मुद्देमाल जप्त केला आहे. <p>शहरातील एमआयडीसी परिसरातून अवैध दारूची वाहतूक होत असल्याची गुप्त माहिती मिळाल्याने पोलिसांनी त्याठिकाणी सापळा रचून भालर मार्गाने येणाऱ्या MH ३४ A ३३७३ क्रमांकाच्या कारला थांबवून तिची झडती घेतली असता कारच्या सीटवर नायलॉनच्या दोन पिशव्यांमध्ये ९० मिलीच्या ५०० देशी दारूच्या शिष्या आढळून आल्या. पोलिसांनी कार ताब्यात घेऊन अवैध दारू बाळगल्या प्रकरणी विशाल विनोद लोणारे (२९) रा. सम्राट अशोक नगर याला अटक करून त्याच्यावर म.रा. दारू प्रतिबंधक कायद्याच्या कलम ६५(अ),(ई) अंतर्गत गुन्हा नोंदविला आहे. पोलिसांनी ९० मिलींच्या ५०० नग रॉकेट देशी दारूच्या शिष्या, किंमत १५ हजार रुपये व मारुती सुझुकी इको कार किंमत अंदाजे ३ लाख रुपये असा एकूण ३ लाख १५ हजार रुपयांचा मुद्देमाल जप्त केला आहे. आरोपीला न्यायालयात हजर केले असता न्यायालयाने आरोपीला जिल्हा कारागृहात पाठविण्याचे आदेश दिले आहेत. <p>सदर कार्यवाही उपविभागीय पोलीस अधिकारी सुशीलकुमार नायक यांच्या मार्गदर्शनात पो.नि.वैभव जाधव, डीबी पथकाचे पोलीस उपनिरीक्षक गोपाल जाधव, पो.ना. सुधीर पांडे, सुनील खंडागळे, रत्नपाल मोहाडे, अमित पोयाम, पो.कॉ. पंकज उंबरकर,दीपक वांड्रसवार यांनी केली आहे. <p>

*प्रशांत चंदनखेडे वणी (9738181616)* <p>विद्युत खांबावरील जिवंत विद्युत तार तुटून बैलाच्या अंगावर पडल्याने बैलाचा जागीच मृत्यू झाल्याची घटना आज रात्री ८.३० वाजताच्या सुमारास मोक्षधाम रोड शास्त्रीनगर येथे घडली. शेतातून परत आल्यानंतर सतीघाट रोडवरील आपल्या घराजवळ बैलगाडी उभी करून बैलबंडीच्या मागे बांधून असलेले बैल सोडत असतांनाच जिवंत विद्युत तार तुटून बैलाच्या अंगावर पडल्याने बैलाचा जागीच मृत्यू झाला. यात शेतकऱ्याचे आर्थिक नुकसान झाले असून ऐन शेतीच्या हंगामातच दैवताचा हकनाक बळी गेल्याने शेतकऱ्यावर दुःखाचं डोंगर कोसळलं आहे. <p>शेतीतील कामे आटपून बैलगाडीने घराकडे परतल्या नंतर बंडीला जुंपलेले बैल सोडत असतांनाच विजेच्या कडकडाटासह वादळी पावसाला सुरुवात झाली. पावसात भिजू नये म्हणून शेतकरी घराच्या दिशेने जात नाही तोच खांबावरील जिवंत विद्युत तार तुटून बैलाच्या अंगावर पडली. यात बैलाचा तडफडून जागीच मृत्यू झाला. त्यामुळे शेतकरी चिंतामण जागोजी वाघाडे यांचे मोठे आर्थिक नुकसान झाले असून शेतीच्या हंगामातच बैलाचा बळी गेल्याने शेतकरी नैराशेत आला आहे. आधीच लॉकडाऊन व निसर्गाच्या लहरीपणामुळे आर्थिक संकटात सापडलेल्या शेतकऱ्याचा नैसर्गिक आपत्तीमुळे बैल मेल्याने शेतकरी चांगलाच चिंतेत आला आहे. आधीच आर्थिक संकट झेलत असलेल्या शेतकऱ्याला प्रशासनाने आपत्ती निवारणामार्फत आर्थिक मदत देण्याची मागणी परिसरातील जनतेतून होत आहे.

*प्रशांत चंदनखेडे वणी (9738181616)* <p>नॅशनल सोशालिस्ट पार्टीशी संलग्न असलेल्या माहिती अधिकार व महाराष्ट्र राज्य पत्रकार संरक्षण समितीच्या तालुका अध्यक्ष पदावर युवा समाजसेवक राकेश चंद्रकांत सवंत्सरे यांची नियुक्ती करण्यात आली आहे. संस्थापक अध्यक्ष अभिजित आपटे यांच्या मार्गदर्शनाखाली व समितीचे राज्य अध्यक्ष दिपक कांबळे, राष्ट्रीय महासचिव गोविंद भावे, विभागीय मार्गदर्शक प्रकाश भारती, राज्य संपर्क प्रमुख कमलेश शेवाळे यांच्या प्रमुख उपस्थितीत अहमदनगर येथे झालेल्या बैठकीत जिल्हाध्यक्ष अजय कंडेवार यांनी सुचविलेल्या प्रमाणे राकेश सवंत्सरे यांची समितीच्या तालुकाध्यक्ष पदी निवड करण्यात आली. <p>महाराष्ट्र राज्य पत्रकार संरक्षण समिती पत्रकारांवर होणारे हल्ले, फोफावले अवैध धंदे, वेगवेगळ्या क्षेत्रात वाढत चाललेला भ्रस्टाचार तसेच गोरगरीब जनतेवर होणाऱ्या अत्याचार निर्मूलनासाठी महाराष्ट्रभर कार्य करते. त्याचप्रमाणे संस्थापक अध्यक्ष अभिजित आपटे यांच्या मार्गदर्शनात समितीचे सर्व पदाधिकारी समाजाच्या हितासाठी, भारतीय संविधानाला अभिप्रेत शाश्वत विकासासाठी, सामाजिक नाय हक्क व संरक्षणासाठी, प्रशासकीय बेजबाबदारपणावर वचक ठेवण्यासाठी तसेच अन्यायाविरुद्ध वाचा फोडण्यासाठी संपूर्ण देशभरात तत्परतेने कार्य करतात. <p>अशा या पत्रकार संरक्षण समितीच्या तालुकाध्यक्ष पदी राकेश सवंत्सरे यांची निवड झाल्याने त्यांच्यावर मित्र परिवार व आप्त परिवाराकडून शुभेच्छांचा वर्षाव होत आहे.