*प्रशांत चंदनखेडे वणी (9738181616)* <p>कोरोना रुग्णांची संख्या वाढतच असून शहराबरोबरच ग्रामीण भागातील नागरिकांनाही कोरोनाची मोठ्या प्रमाणात लागण होत असल्याने कोरोना बाधितांचा आकडा वाढतच चालला आहे. काही दिवसांआधी मोठ्या संख्येने आढळणारे रुग्ण आता कमी प्रमाणात आढळू लागले आहेत. आज ५ व्यक्तींचे अहवाल पॉझिटिव्ह आल्याने तालुक्यातील एकूण कोरोना बाधित रुग्णांची संख्या ६४७ झाली आहे. तर ऍक्टिव्ह पॉझिटिव्ह रुग्णांची संख्या ८७ झाली आहे. आज आणखी २० रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ५४३ रुग्ण कोरोनामुक्त होऊन घरी परतले आहेत. <p>तालुक्यात कोरोना रुग्णांची संख्या वाढतीवरच असली तरी संक्रमणाची गती मंदावली असल्याचे मागील काही दिवसांपासून पाहायला मिळत आहे. मोठ्या प्रमाणात आढळणारे कोरोनाचे रुग्ण काही अंशी मंदावले असल्याचे निदर्शनास येत आहे. तालुक्यात आज पाच व्यक्तींचे कोरोना अहवाल पॉझिटिव्ह आल्याने नागरिकांना दिलासा मिळाला आहे. आज १६ तपासणी अहवाल प्राप्त झाले असून ५ पॉझिटिव्ह तर ११ अहवाल निगेटिव्ह आले आहेत. आज एकही रॅपिड अँटीजेन चाचणी करण्यात आली नाही किंवा कोण्याही व्यक्तीचे स्वाब तपासणी करिता पाठविण्यात आले नाहीत. अद्यापही ३३ स्वाबचे अहवाल प्राप्त होणे बाकी आहे. पॉझिटिव्ह रुग्णांपैकी १७ रुग्ण कोविड केयर सेंटरला भरती असून २० रुग्ण यवतमाळ शासकीय रुग्णालयात उपचार घेत आहेत. तर ५० रुग्णांवर होम आयसोलेशनमध्ये उपचार सुरु आहेत. सध्यास्थितीत ४० व्यक्तींना संस्थात्मक विलीगीकरणात ठेवण्यात आले आहेत. <p>आज पॉझिटिव्ह आलेल्या व्यक्तींमध्ये चिखलगांव येथील चार तर मजरा (हिवरा) येथील एका व्यक्तीचा समावेश आहे. कोरोनाचे संक्रमण रोखण्या करिता प्रशासन शर्थीचे प्रयत्न करीत असून नागरिकांनीही सतर्क राहण्याचे आव्हान प्रशासनातर्फे करण्यात आले आहे.

*प्रशांत चंदनखेडे वणी (9738181616)* <p>अवैध रेती व्यवसायाबाबत प्रशासनाला माहिती पुरवीत असल्याचा संशय घेऊन भावंडांमध्ये झालेल्या वादावादीचे पर्यावसन हाणामारीत होतानाच भावानेच भावाच्या डोक्यावर लोखंडी गजाने प्रहार करून जखमी केल्याची घटना काल रात्रीच्या सुमारास कोंडावार ले-आऊट येथे उघडकीस आली. याबाबत मिळालेल्या तक्रारीवरून पोलिसांनी दोन आरोपीं विरुद्ध गुन्हा दाखल केला आहे. यामध्ये शहरातील एका विद्यमान नगरसेवकाचा समावेश आहे. <p>कोंडावार ले-आऊट येथे राहणाऱ्या धीरज दिगांबर पाते (२८) यांच्या अवैध रेती व्यवसायाबाबत पोलीस प्रशासन व महसूल विभागाला माहिती पुरवीत असल्याचा संशय मनात घेऊन त्यांनी नागेश दिगांबर पाते (३४) यांच्याशी वाद घालून त्त्यांच्यावर लोखंडी गजाने प्रहार करून जख्मी केल्याची तक्रार सुरभी नरेश पाते (२५) रा. कोंडावार ले-आऊट यांनी पोलीस स्टेशनला नोंदविली. पोलिसांनी याप्रकरणात दोन आरोपीं विरुद्ध भादंविच्या कलम ३२४,३४ नुसार गुन्हा दाखल केला आहे. आरोपींमध्ये अंकुश दिगांबर पाते (३८) व धीरज दिगांबर पाते (२८) दोन्ही रा. कोंडावार ले-आऊट यांचा समावेश आहे. अवैध रेती व्यवसाय करीत असल्याची माहिती पोलीस व महसूल विभागाला देण्यात येत असल्याच्या संशयाच्या नादात भावावरच लोखंडी गजाने वार करून जख्मी केल्याने नरेश दिगांबर पाते यांना ग्रामीण रुग्णालयात दाखल करण्यात आले. याबाबत त्यांच्या पत्नीने पोलीसात तक्रार केल्याने पोलिसांनी गुन्हे दाखल करून तपास सुरु केला आहे. <p> <p>

*प्रशांत चंदनखेडे वणी (9738181616)* <p><p>अवैध रेती व्यवसायाबाबत प्रशासनाला माहिती पुरवीत असल्याचा संशय घेऊन भावंडांमध्ये झालेल्या वादावादीचे पर्यावसन हाणामारीत होतानाच भावानेच भावाच्या डोक्यावर लोखंडी गजाने प्रहार करून जखमी केल्याची घटना काल रात्रीच्या सुमारास कोंडावार ले-आऊट येथे उघडकीस आली. याबाबत मिळालेल्या तक्रारीवरून पोलिसांनी दोन आरोपीं विरुद्ध गुन्हा दाखल केला आहे. यामध्ये शहरातील एका विद्यमान नगरसेवकाचा समावेश आहे. <p><p>कोंडावार ले-आऊट येथे राहणाऱ्या धीरज दिगांबर पाते (२८) यांच्या अवैध रेती व्यवसायाबाबत पोलीस प्रशासन व महसूल विभागाला माहिती पुरवीत असल्याचा संशय मनात घेऊन त्यांनी नरेश दिगांबर पाते (३४) यांच्याशी वाद घालून त्त्यांच्यावर लोखंडी गजाने प्रहार करून जख्मी केल्याची तक्रार सुरभी नरेश पाते (२५) रा. कोंडावार ले-आऊट यांनी पोलीस स्टेशनला नोंदविली. पोलिसांनी याप्रकरणात दोन आरोपीं विरुद्ध भादंविच्या कलम ३२४,३४ नुसार गुन्हा दाखल केला आहे. आरोपींमध्ये अंकुश दिगांबर पाते (३८) व धीरज दिगांबर पाते (२८) दोन्ही रा. कोंडावार ले-आऊट यांचा समावेश आहे. अवैध रेती व्यवसाय करीत असल्याची माहिती पोलीस व महसूल विभागाला देण्यात येत असल्याच्या संशयाच्या नादात भावावरच लोखंडी गजाने वार करून जख्मी केल्याने नरेश दिगांबर पाते यांना ग्रामीण रुग्णालयात दाखल करण्यात आले. याबाबत त्यांच्या पत्नीने पोलीसात तक्रार केल्याने पोलिसांनी गुन्हे दाखल करून तपास सुरु केला आहे.

*प्रशांत चंदनखेडे वणी (9738181616)* <p>शहराबरोबरच ग्रामीण भागातील नागरिकांनाही मोठ्या प्रमाणात कोरोनाची लागण होत असल्याने कोरोना बाधितांची संख्या वाढीस लागली आहे. ग्रामीण भागही कोरोनाच्या विळख्यात आला असून दरदिवसाला गाव खेड्यात कोरोनाचे रुग्ण आढळत असल्याने तालुक्यातील रुग्णसंख्येचा आलेख वाढत चालला आहे. आज ७ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६४२ झाली असून ऍक्टिव्ह पॉझिटिव्ह रुग्णांची संख्या १०२ झाली आहे. आज आणखी सात रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ५२३ रुग्ण कोरोनामुक्त होऊन घरी परतले आहेत. <p>तालुक्यात सातत्याने कोरोना बाधित रुग्ण आढळत असल्याने कोरोना बाधित रुग्णांचा आकडा फुगत चालला आहे. गाव खेड्यातही कोरोनाचे संक्रमण वाढू लागल्याने ग्रामीण जनताही भीतीच्या सावटात आली आहे. आज २७ तपासणी अहवाल प्राप्त झाले असून २ पॉझिटिव्ह तर २५ नमुन्यांचे अहवाल निगेटिव्ह आले आहेत. तसेच आज १६७ रॅपिड अँटीजेन चाचण्यांचे रिपोर्ट प्राप्त झाले. त्यापैकी ५ व्यक्तींचे रिपोर्ट पॉझिटिव्ह तर १६२ व्यक्तींचे रिपोर्ट निगेटिव्ह आले आहेत. आज बऱ्याच मोठ्या प्रमाणात चाचण्यांचे अहवाल निगेटिव्ह आले असल्याने, ही शहरवासियांकरिता दिलासादायक बाब आहे. आज आणखी २४ व्यक्तींचे नमुने तपासणी करिता पाठविण्यात आल्याने ४९ रिपोर्ट पेंडिंग झाले आहेत. तालुक्यातील सात व्यक्तींना कोरोनाची लागण झाल्याने एकूण कोरोनाग्रस्त रुग्णांची संख्या ६४२ झाली असून ५२३ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या १०२ झाली आहे. पॉझिटिव्ह रुग्णांपैकी २३ रुग्ण कोविड केयर सेंटरला भरती असून २२ रुग्णांना यवतमाळ शासकीय रुग्णालयात हलविण्यात आले आहे. तर ५७ रुग्णांना होम आयसोलेट करण्यात आले आहे. सध्यस्थित ५७ व्यक्ती संस्थात्मक विलीगीकरणात आहेत. <p>आज पॉझिटिव्ह आलेल्या व्यक्तींमध्ये सेवा नगर येथील तीन व्यक्ती तर नेरड, पहापळ, साखरा, वसंतगंगा विहार येथील प्रत्येकी एका व्यक्तीचा समावेश आहे. शहर प्रशासन व आरोग्य प्रशासन कोरोनाची साखळी तोडण्याकरिता अहोरात्र प्रयत्न करीत असून नागरिकांनीही सावधानी बाळगण्याचे आव्हान प्रशासनाने केले आहे.

*प्रशांत चंदनखेडे वणी (9738181616)* <p>निसर्गाच्या लहरीपणाचा शेतकऱ्यांना नेहमीच फटका बसत असतो. कधी सुका दुष्काळ तर कधी ओल्या दुष्काळाच्या दृष्ट चक्रात अडकलेला शेतकरी संकटाचा सामना करतांना हतबल झाला असून हातातोंडाशी आलेली खरिपातील पिके निसर्गाच्या लहरीपणाला बळी पडल्याने शेतकरी पुरताच हादरला असून आर्थिक संकटाला सामोरे जाण्याची यावर्षीही वेळ येते की काय या विवंचनेत तो अडकला आहे. शेतकऱ्याचं आणि निसर्गाचं क्वचितच गणित जुळल्याचं पाहायला मिळतं. नाही तर निसर्गाची शेतकऱ्यांवर नेहमीच अवकृपा होतांना दिसते. सुलतानी संकटांना तोंड देतांना मानसिक यातना झेलणाऱ्या शेतकऱ्यांवर जेंव्हा आस्मानी संकट कोसळतं तेंव्हा त्याचे अश्रू अनावर होतात व उभ्या पिकांची नासाडी पाहून मन हेलावून जातं आणी अश्रूंच्या धारा वाहू लागतात. तरीही निसर्गाला कोसण्याशिवाय अन्य कोणताही पर्याय शेतकऱ्यांजवळ उपलब्ध नसतो. कोरोनाच्या संकटामुळे मजूर व बाजारपेठ उपलब्ध न झाल्याने शेतातील उभ्या पिकांवर नांगर फिरवावा लागल्याने आधीच आर्थिक दुर्बल झालेला शेतकरी कसाबसा हिंमत जुळवून कर्ज, उसनवारी करून शेती पिकविण्यास तयार झाला, पण संकटे शेतकऱ्यांच्या पाचवीलाच पुजलेली आहे म्हणतात ना, नेमकं तेच झाल, डवलाणे डोलणाऱ्या शेत पिकांवर अतिवृष्टीचा प्रकोप झाला, पराटीची बोन्डे तुटून पडली, राहिलेली बोन्डे काळवंडली, तसेच या अकारण पडलेल्या पावसाने कापसाच्या बोन्डाना व सोयाबीनच्या शेंगांना कोंब (मुळे) फुटू लागल्याने शेतकरी चिंतेत आला आहे. कापसाची व सोयाबीनची पिके नुकत्याच झालेल्या अतिवृष्टीने संकटात सापडली आहेत. <p>गेल्या आठवड्यापासून परतीच्या सतत होणाऱ्या मुसळधार पावसामुळे खरिपाची सर्व पिके धोक्यात आली असून नगदी पीक म्हणून लावण्यात आलेल्या कापसाची पूर्णपणे वाताहत झाली आहे. कापसाची बोंडे पाण्यामुळे नासून जमिनीवर पडत असल्याने शेतकरी हवालदिल झाला असून तो पूर्णपणे निराशेच्या गर्तेत सापडला आहे. तालुक्यातील शेतकऱ्यांनी भविष्याची स्वप्न रंगवत खरीप हंगामात मुख्य नगदी पीक म्हणून मोठ्या प्रमाणात कापसाची लागवड केली. यासाठी महागामोलांची बियाणे, रासायनिक खते, औषधी यावर हजारो रुपयांचा खर्च केला. वेळप्रसंगी अव्वाच्या सव्वा व्याजाने कर्ज काढून पूर्णपणे पिकाची मशागत केली. मृग नक्षत्राचा चांगला पाऊस झाल्याने कापसाची लागवडही वेळेवर झाली. पिकाची वाढ ही चांगल्या प्रकारे झाली होती. त्यामुळे शेतकरी या वर्षी चांगले उत्पन्न होईल या आशेवर होता. परंतु कधी अतिवृष्टी तर कधी अनावृष्टी ही सतत शेतकऱ्यांच्या पाचवीला पुजलेली असल्यामुळे याहीवर्षी सतत होणाऱ्या परतीच्या पावसामुळे खरीपाची पिके पूर्णपणे धोक्यात आली आहेत. <p>तोंडाला आलेला घास निसर्ग हिरावून नेत असल्याने शेतकरी हवालदिल झाला आहे. भविष्याची चिंता मोठ्या प्रमाणात शेतकऱ्यांना सतावू लागली आहे. कापसाची बोंडे नासून जमिनीवर पडत आहेत तर सोयाबीनच्या शेंगांना, ज्वारीच्या कणसांना मोडे फुटून पीके उद्ध्वस्त होण्याच्या मार्गाला लागली आहेत. आता जगावे कसे हा प्रश्न पुन्हा शेतकऱ्यांच्या समोर उभा राहिलेला आहे.

*प्रशांत चंदनखेडे वणी (9738181616)* <p>वणी वरोरा मार्गावरील वर्धा नदीवर बांधण्यात आलेल्या लांब अंतरित पुलाने दोन जिल्ह्यांच्या सीमा जोडल्या आहेत. नदीच्या ह्या लगाड यवतमाळ तर नदीच्या त्या लगाड चंद्रपूर जिल्हा सुरु होतो. पुलाच्या दोन टोकावर दोन जिल्ह्यांच्या सीमा येत असल्याने हा पूल दोन जिल्ह्यांना जोडणारा दुवा म्हणूनही ओळखल्या जातो. या पुलावर बरेच अपघात झाले असून कित्येकांना जलसमाधी मिळाली आहे. अपघात असो किंवा अन्य कोणतेही प्रकरण असो तक्रार नोंदविताना घटना नदीवरील पुलाच्या अलीकडे की पलीकडे घडली हे प्रामुख्याने पोलीस प्रशासनाकडून विचारल्या जाते. दोन जिल्ह्यांच्या सीमा वादात पुलावरील रस्त्यांचे डागडुजीकरण व पुलाचे सांदर्यीकरण नेहमीच दुर्लक्षित असते. दोन्ही जिल्ह्यातील शेकडो गाव शहरातील लोकांची तहान भागवणारी व पिके जगवणारी जीवन वाहिनी वर्धा नदी, आत्महत्या करणाऱ्यांमुळे डागिळली जात आहे. दोन्ही जिल्ह्यांच्या सीमा जोडल्या नंतरही हद्दीची कटुता नेहमी कायम राहिली, पण दोन्ही जिल्ह्यातील व्यक्ती या नदीत जीव देतांना जीवनाची हद्द पार करीत असून सततच्या आत्महत्यांनी वर्धा नदीवरील पाटाळा पूल सुसाईड पॉईंट बनत असल्याचे एकूणच घटना क्रमांवरून दिसून येत आहे. <p>तालुक्यात मागील काही दिवसांपासून आत्महत्यांची मालिकाच सुरु आहे. जीवन नकोसे झाल्यागत नागरिक मृत्यूला कवटाळत आहेत. जीवनात आलेले नैराश्य, अकार्यक्षमता, न पेलणाऱ्या जबाबदाऱ्या, मन खचीकरण, इच्छा शक्तीचा अभाव, कोणत्याही क्षेत्रात आलेले अपयश, निर्णय घेतांना येणारी उदासीनता, हळव्या मनावर होणारा शब्द प्रहार, मानसिक विकलांगता, योग्य निर्णय घेता न आल्याने किंवा निर्णय चुकल्याने वैचारिक बुद्धिमत्ता लोप पाऊण वैफल्यग्रस्त झाल्यागत नैराश्य उराशी बाळगून खचलेल्या मानसिकतेतून तरणीबांड पोरं जगण्याला मुकत आहेत. या महिन्यात जेमतेम जीवनाची लय पकडलेल्या तीन युवकांनी आत्महत्येसारखे टोकाचे निर्णय घेऊन कुटुंबाला पोरके केले आहे. नव्या उमेदीचे तिन्ही युवक, एक शैक्षणिक जीवनात रममाण असणारा, एक शिक्षण पूर्ण करून वेकोलीत उच्च पदस्थ अधिकारी असलेला, तर एक आईचा एकुलता एक आधार असलेला युवक जीवनाच्या प्रवाहात टिकू न शकल्याने मरणाची वाट धरून अखेरच्या प्रवासाकडे निघाला. तीनही नव्या दमाचे युवक जगण्यात अपयशी ठरून मरणाच्या शर्यतीत उतरले. तिघांनीही वर्धा नदीच्या पाटाळा पुलावरून नदीपात्रात उडी घेऊन जीवन यात्रा संपविली. ११ सप्टेंबरला वेकोलिच्या बल्लारपूर कोळसा खाणीत सुरक्षा अधिकारी असलेला ३० वर्षीय युवक अमित विठोबा पोले रा. घुग्गुस, याने कुटुंबाशी मोबाईलवर संभाषण सुरु असतांनाच वर्धा नदीच्या पाटाळा पुलावरून नदीपात्रात उडी घेतली. १२ सप्टेंबरला त्याचा मृतदेह नायगाव बेलोरा जवळील नदीपात्रात आढळून आला. १७ सप्टेंबरला पंजाब ट्रान्सपोर्ट कंपनीत कार्यरत असलेल्या उकनी येथील ईश्वर शंकर शुक्ला या युवकाने नदीच्या पुलावर दुचाकी उभी करून त्यावर मोबाईल ठेऊन नदीपात्रात उडी घेतल्याचे नातेवाईकांचे म्हणणे आहे. अद्यापही त्याचा सुगावा लागलेला नाही तर त्याला शोधून काढण्यात पोलिसांना यशही आले नाही. २६ सप्टेंबरला कुचना येथील २२ वर्षीय इंजिनियरिंग स्टुडंट अनिकेत अरुण वैद्य याने वडिला देखत वर्धा नदीच्या पाटाळा पुलावरून उडी घेत आत्महत्या केली. त्याचा मृतदेह आज २७ सप्टेंबरला कोना गावा नजीक आढळून आला. या तीनही युवकांच्या आत्महत्यांनी समाजमन हेलावून गेले असून या आत्महत्यांनी शेवटी साध्य काय होतं हा प्रश्न नेहमीच अनुत्तरित राहिला आहे. १२ सप्टेंबरला याच नदीपात्रात कोना येथील दोन चुलत बहिणी वाहत गेल्या, एक बहीण ज्योती परचाके (२०) ही ११ किमी अंतरावर बेशुद्ध अवस्थेत सापडली तर दुसरी बहीण आंचल परचाके (१९) हिच्या बद्दल अद्यापही काही माहिती मिळालेली नाही. जीवन वाहिनी असलेल्या वर्धा नदीत मृत्यूचे सत्र सुरु झाल्याने वर्धा नदीवरील पाटाळा पूल सुसाईड पॉईंट बनत असल्याची चर्चा रंगू लागली आहे. एका मागून एक झालेल्या तीन आत्महत्यांनी वर्धा नदीची छबी डागाळली असून आत्महत्या प्रवण स्थळ म्हणून पटाळा नदी नाव लौकिकास येत आहे. <p> <p>

*प्रशांत चंदनखेडे वणी (9738181616)* <p>शहर व तालुक्यात कोरोनाचा संसर्ग वाढतच असून सातत्याने कोरोनाचे रुग्ण आढळत असल्याने रुग्णसंख्येचा आलेख वाढतच आहे. शहराबरोबरच ग्रामीण भागातही कोरोनाचा विळखा घट्ट होतांना दिसत असून कोरोनाच्या वाढत्या प्रादुर्भावाने एकीकडे प्रशासनावर तान पडत आहे, तर दुसरीकडे नागरिक भीतीयुक्त वातावरणात वावरतांना दिसत आहे. आज आणखी १४ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण कोरोना बाधित रुग्णांची संख्या ६३५ झाली आहे. तर ऍक्टिव्ह पॉझिटिव्ह रुग्णांची संख्या १०२ झाली आहे. आज आणखी २४ रुग्ण कोरोनातून मुक्त झाल्याने त्यांना सुटी देण्यात आली आहे. आता पर्यंत ५१६ रुग्ण कोरोनामुक्त होऊन घरी परतले आहेत. <p>तालुक्यातील कोरोनाची रुग्णसंख्या वाढतच असून शहराबरोबरच ग्रामीण भागातही कोरोनाचा विळखा घट्ट होतांना दिसत आहे. गाव खेड्यांमध्येही कोरोनाचा मोठ्या प्रमाणात फैलाव होऊ लागल्याने त्याठिकाणची जनताही आता भीतीच्या सावटात आली आहे. आज २६ नमुन्यांचे तपासणी अहवाल प्राप्त झाले असून ९ पॉझिटिव्ह तर १७ नमुन्यांचे अहवाल निगेटिव्ह आले आहेत. तसेच आज ४१ रॅपिड अँटीजेन चाचण्यांचे रिपोर्ट प्राप्त झाले असून ५ पॉझिटिव्ह तर ३६ व्यक्तींचे रिपोर्ट निगेटिव्ह आले आहेत. आता पर्यंत १८५५ व्यक्तींची रॅपिड अँटीजेन टेस्ट करण्यात आली असून २३८६ व्यक्तींच्या स्वाबची आरटी पीसीआर तपासणी करण्यात आली आहे. आज आणखी १६ व्यक्तींचे स्वाब तपासणी करिता पाठविण्यात आले असून ५२ नमुन्यांचे अहवाल प्राप्त होणे बाकी आहे. तालुक्यात आज १४ नमुन्यांचे अहवाल पॉझिटिव्ह आल्याने एकूण पॉझिटिव्ह रुग्णांची संख्या ६३५ झाली असून ५१६ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या १०२ झाली आहे. पॉझिटिव्ह व्यक्तींपैकी २५ रुग्ण कोविड केयर सेंटरला उपचार घेत असून २२ रुग्ण यवतमाळ शासकीय रुग्णालयात भरती आहेत. तर ५५ रुग्णांना होम आयसोलेशन सुविधा देण्यात आली आहे. <p>आज पॉझिटिव्ह आलेल्या व्यक्तींमध्ये कुंभारखणी येथील एक, भालर एक, वांजरी एक, पद्मावती नगरी एक, ब्राह्मणी एक, दामले नगर एक, विराणी टॉकीज परिसर एक, चिंडालीया कॉम्प्लेक्स एक, चिखलगांव दोन, संजीवनी चौक एक, फुकटवाडी एक, विठ्ठलवाडी येथील एक तर नांदेपेरा रोडवरील स्वामी समर्थ नगर येथील एका व्यक्तीचा समावेश आहे. विठ्ठलवाडीतील रुग्णसंख्या वाढतच असून आता पर्यंत याठिकाणी २५ रुग्णांची नोंद झाली आहे. प्रशासन कोरोनावर नियंत्रण मिळविण्याकरिता सर्वोतपरी प्रयत्न करीत असून नागरिकांनीही सतर्कता बाळगण्याचे आव्हान प्रशासनातर्फे करण्यात येत आहे. <p>

*प्रशांत चंदनखेडे वणी (9738181616)* <p>तालुक्यात कोरोनाग्रस्त रुग्णांची संख्या वाढतच असून शहराबरोबरच ग्रामीण भागातही कोरोनाचा प्रभाव चांगलाच वाढतांना दिसत आहे. ग्रामीण भागात कोरोनाचा प्रादुर्भाव चांगलाच वाढला असून तालुक्यातील प्रत्येकचं गावांमध्ये कोरोनाचा शिरकाव होतांना दिसत आहे. आज कोरोनाने वांजरी गावात प्रवेश केला असून याठिकाणी कोरोनाचा एक रुग्ण आढळून आला आहे. आज ११ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६२१ झाली असून ऍक्टिव्ह पिझिटिव्ह रुग्णांची संख्या ११० झाली आहे. आज आणखी ८ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ४९२ रुग्ण कोरोनामुक्त झाले आहेत. <p>शहराबरोबरच ग्रामीण भागातही कोरोनाचे संक्रमण वाढत असून ग्रामीण भागातील कोरोनाग्रस्तांची संख्याही वाढतांना दिसत आहे. आज ३३ तपासणी नमुन्यांचे अहवाल प्राप्त झाले असून ७ पॉझिटिव्ह तर २६ नमुन्यांचे अहवाल निगेटिव्ह आले आहेत. तसेच आज ३३ रॅपिड अँटीजेन चाचण्यांचे रिपोर्ट प्राप्त झाले असून ४ पॉझिटिव्ह तर २९ व्यक्तींचे रिपोर्ट निगेटिव्ह आले आहेत. आज आणखी २७ नमुने तपासणी करिता पाठविण्यात आल्याने ६२ नमुन्यांचे अहवाल पेंडिंग झाले आहेत. तालुक्यात आज ११ व्यक्तींचे अहवाल पॉझिटिव्ह आल्याने एकूण पॉझिटिव्ह रुग्णांची संख्या ६२१ झाली असून ४९२ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ११० झाली आहे. पॉझिटिव्ह रुग्णांपैकी २९ रुग्ण कोरोना केयर सेंटरला भरती असून २२ रुग्णांना यवतमाळ येथे हलविण्यात आले आहे. तर ५९ रुग्ण होम आयसोलेशनमध्ये उपचार घेत आहेत. शहरात लवकरच खाजगी कोविड हॉस्पिटल सुरु होणार असून स्थानिकांनी काही अटी शर्थीवर कोविड हॉस्पिटल विरोधात सुरु असलेले उपोषण मागे घेतल्याने कोविड हॉस्पिटल सुरु होण्याचा मार्ग मोकळा झाला आहे. शहर प्रशासन व पोलीस प्रशासनाने मध्यस्थी करून नागरिकांची मनधरणी केल्याने व त्यांना परिसरात कोरोनाचा संसर्ग होणार नाही याची दक्षता घेण्यात येणार असल्याची ग्वाही दिल्याने नागरिकांनी अखेर तीन दिवसांपासून सुरु असलेले उपोषण मागे घेत कोविड हॉस्पिटल सुरु करण्याचा मार्ग मोकळा केला आहे. त्यामुळे नागरिकांना सर्वसुविधांनिशी सुसज्ज असे कोविड हॉस्पिटल उपचाकरीता उपलब्ध होणार आहे. <p>आज पॉझिटिव्ह आलेल्या व्यक्तींमध्ये सेवानगर येथील ३, कुंभारखणी ४, भालर २, वांजरी येथील एक तर विनायक नगर येथील एका व्यक्तीचा समावेश आहे. प्रशासन योग्य ती खबरदारी घेत असून नागरिकांनीही सतर्क राहण्याचे आव्हान प्रशासनाने केले आहे.

*प्रशांत चंदनखेडे वणी (9738181616)* <p>भाजप प्रणित केंद्र शासनाने संसदेत कसलीही चर्चा न करता तीन शेतकरी विरोधी विधेयके मंजूर करून घेतली असून भाजप सरकारने भांडवलदारांचे हित जोपासतांनाच शेतकऱ्यांना भांडवलदारांच्या घशात घालणारा कायदा पारित केल्याने केंद्र शासन हे शेतकरी विरोधी व भांडवलदार धार्जिणी असल्याचे स्पष्ट झाले असून शेतकरी विरोधी कायदे मंजूर करून शासनाने शेतकरी विरोधी भूमिका घेतल्याने शेतकरी वर्ग कमालीचा संतापला असून आता तो रस्त्यावर उतरून आंदोलने करू लागला आहे. या आंदोलनाला अखिल भारतीय किसान सभेने पाठिंबा दर्शविला असून केंद्र शासनाने मंजूर केलेले शेतकरी विरोधी कृषी कायदे त्वरित मागे घेण्याच्या मागणीला घेऊन आज किसान सभा व मार्क्सवादी कम्युनिस्ट पक्षाच्या वतीने शिवाजी महाराजांच्या पुतळ्यासमोर धरणे आंदोलन करण्यात आले. <p>केंद्र शासनाने संसदेत कसलीही चर्चा न करता बहुमताच्या जोरावर तीन शेतकरी विरोधी विधेयके मंजूर केली. राज्यसभेत रणकंदन सुरु असतांना प्रचंड गदारोळातच विरोधकांच्या विरोधाला न जुमनता आवाजी मतदानाने तीन कृषी विधेयके मंजूर करून घेतली. शेतकरी उत्पादन व्यापार आणी वाणिज्य (प्रोत्साहन आणी सुलभीकरण) विधेयक २०२०, आणी शेतकरी (सक्षमीकरण आणी संरक्षण) करार किंमत आश्वासन आणी कृषी सेवा विधेयक २०२०, ही वादग्रस्त ठरलेली कृषी विधेयके राज्यसभेत गदारोळात मंजूर करण्यात आली. केंद्र शासनाने देशातील शेतकऱ्यांना भांडवली कंपन्यांच्या दावणीला बांधण्याचे काम केले असून या विधेयकानी शेतकऱ्यांचे हीत जोपासले न जाता भांडवली कंपन्यांचे गल्ले भरले जाणार आहे. या कृषी कायद्यांचा तीन कोटी सभासद असलेल्या किसानसभेने तीव्र विरोध करतांनाच सरकार विरोधात निदर्शने दिली आहेत. <p>हे तीन कृषी कायदे मंजूर झाल्याने कृषी उत्पन्न बाजार समितीचे अधिकार संपुष्टात येणार असून राज्यांच्या नोंदणीकृत कृषी उत्पन्न बाजार समित्यांबाहेर, व्यापारीही शेतमालांची मुक्तपणे खरेदी विक्री करू शकतील. शेतकऱ्यांच्या पिकांना योग्य हमी भाव मिळणार नसून सर्व धान्य, डाळी, तेलबिया, कांदा, बटाटा या वस्तू अत्यावश्यक वस्तूंच्या यादीतून वगळल्या जातील. भाजप सरकारने मोठ्या कृषी उद्योजकांना खुश करण्यासाठी, केवळ विरोधकांशीच नव्हे तर आपल्या मित्र पक्षांशीही चर्चा न करता हे शेतकरी विरोधी कायदे मंजूर करून घेतले. ह्या कायद्यांमुळे शेती व्यवस्थेवर विपरीत परिणाम होऊन शेतकरी भांडवलदारांचे गुलाम बनतील. केंद्र शासनाने बहुमताच्या जोरावर शेतकऱ्यांना हमीभाव नाकारणारी, बाजार समित्या उध्वस्त करण्यास कारणीभूत ठरणारी, सरकारची जबाबदाऱ्यांमधून मुक्तता करणारी तसेच शेती आणी शेतकऱ्यांना बलाढ्य कार्पोरेट कंपन्या, व्यापारी, दलाल, निर्यातदारांच्या दावणीला बांधणारी विधेयके मंजूर करून शासनाने शेतकरी विरोधी भूमिका घेतली आहे. या कायद्यांचा किसान सभेने तीव्र निषेध करून आपली नाराजी जाहीर केली आहे. केंद्र सरकारने हे कायदे त्वरित मागे घेऊन शेतकऱ्यांच्या हिताचा विचार करावा. ही मागणी घेऊन मार्क्सवादी कम्युनिस्ट पक्ष व किसान सभेच्या वतीने आज शिवाजी महाराजांच्या पुतळ्यासमोर धरणे आंदोलन करण्यात आले असून सरकार विरोधी निदर्शनेही देण्यात आली. <p>या आंदोलनाचे नेतृत्व कॉम्रेड शंकर दानव, कुमार मोहरमपुरी, दिलीप परचाके यांनी केले असून यावेळी ऍड. विप्लव तेलतुंबडे मनोज काळे, खुशाल सोयाम, रामभाऊ जिद्देवार, किसन मोहुर्ले, कवडू चांदेकर, गजानन ताकसांडे, सुधाकर सोनटक्के, सुरेश शेंडे, शिवशंकर बांदूरकर, नंदू बोबडे, भास्कर भगत, आनंद पानघाटे आदी उपस्थित होते. <p>

*प्रशांत चंदनखेडे वणी (9738181616)* तालुक्यात आज कोरोनाचे दोनच रुग्ण आढळल्याने तालुका वासियांना एक प्रकारे दिलासा मिळाला आहे. तीव्र गतीने होणारे कोरोनाचे संक्रमण व दररोज मोठ्या संख्येने आढळणारे कोरोना बाधित रुग्ण यामुळे दहशतीत आलेल्या शहरविसीयांना आज दोनच कोरोनाग्रस्त रुग्ण आढळल्याने दिलासा मिळाला आहे. आज पॉझिटिव्ह आलेल्या दोन रुग्णांमुळे तालुक्यातील एकूण कोरोना बाधित रुग्णांची संख्या ६१० झाली आहे तर ऍक्टिव्ह पॉझिटिव्ह रुग्णांची संख्या १०७ झाली आहे. आज आणखी ११ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत एकूण ४८४ रुग्ण कोरोनामुक्त होऊन घरी परतले आहेत. <p>शहर व तालुक्यात दहशत माजविणाऱ्या कोरोनाने आज संयम बाळगला असून दोनच रुग्ण पॉझिटिव्ह आल्याने शहरवासीयांना दिलासा मिळाला आहे. आज ८ तपासणी अहवाल प्राप्त झाले असून एक पॉझिटिव्ह तर ७ अहवाल निगेटिव्ह आले आहेत. तसेच आज ३७ रॅपिड अँटीजेन चाचण्यांचे रिपोर्ट प्राप्त झाले असून एक व्यक्ती पॉझिटिव्ह तर ३६ व्यक्तींचे रिपोर्ट निगेटिव्ह आले आहेत. आज आणखी २६ व्यक्तींचे स्वाब तपासणी करिता पाठविण्यात आल्याने ६८ नमुन्यांचे अहवाल प्रलंबित झाले आहेत. तालुक्यात आज दोन व्यक्ती पॉझिटिव्ह आल्याने एकूण पॉझिटिव्ह रुग्णांची संख्या ६१० झाली असून ४८४ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या १०७ झाली आहे. पॉझिटिव्ह रुग्णांपैकी २९ रुग्ण कोविड केयर सेंटरला भरती असून २२ रुग्णांवर यवतमाळ शासकीय रुग्णालयात उपचार सुरु आहेत. तर ५६ रुग्णांना होम आयसोलेशनमध्ये ठेवण्यात आले आहे. आज पॉझिटिव्ह आलेल्या व्यक्तींमध्ये शास्त्रीनगर येथील एक तर राजूर येथील एका व्यक्तीचा समावेश आहे. प्रशासन कोरोनावर नियंत्रण मिळविण्याकरिता शर्थीचे प्रयत्न करीत असून नागरिकांनीही सावधगिरी बाळगण्याचे आव्हान प्रशासनाने केले आहे. <p>

*प्रशांत चंदनखेडे वणी (9738181616)* <p>शहर व तालुक्यात कोरोनाचा तांडव सुरूच असून तालुक्यात कोरोनाचा उद्रेक झाल्याचे पाहायला मिळत आहे. कोरोनाचे संक्रमण वाढतच असून शहरात सामान्यांपासून असामान्यांपर्यंत सर्वच कोरोनाच्या विळख्यात आले आहेत. प्रत्येक क्षेत्रातील व्यक्तीला कोरोनाने आपल्या कवेत घेतल्याचे पाहायला मिळत आहे. वणी विधानसभा क्षेत्राचे आमदार संजीवरेड्डी बोदकुरवार यांनाही कोरोनाची लागण झाल्याने त्यांना नागपूर येथील सेव्हन स्टार हॉस्पिटल मध्ये भरती करण्यात आले असून त्यांच्यावर कोरोनाचे उपचार सुरु आहेत. उद्याला त्यांचा वाढदिवस असल्याने कार्यकर्त्यांमध्ये उत्साह असतांनाच आज आमदार कोरोनाग्रस्त झाल्याचे कळल्याने कार्यकर्ते चिंताग्रस्त झाले आहेत. वाढदिवसाच्या आनंदावर विरजण पडले असून कार्यकर्ते अनुत्साहित झाले आहेत. आज ३१ व्यक्तींचे कोरोना अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६०८ झाली असून ऍक्टिव्ह पॉझिटिव्ह रुग्णांची संख्या ११६ झाली आहे. आज आणखी १२ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ४७३ रुग्ण कोरोनामुक्त झाले आहेत. <p>तलुक्यातील कोरोनाग्रस्त रुग्णांची संख्या वाढतच असून तालुक्यात कोरोना उग्ररूप धारण करतांना दिसत आहे. आज परत एकदा मोठ्या संख्येने कोरोना बाधित रुग्ण आढळल्याने प्रशासना बरोबरच नागरिकही हादरले आहेत. कधी संत तर कधी तीव्र गतीने रुग्ण संख्येचा आलेख वाढतच चालला आहे. आज ४१ तपासणी नमुन्यांचे अहवाल प्राप्त झाले असून १२ पॉझिटिव्ह तर २९ नमुन्यांचे अहवाल निगेटिव्ह आले आहेत. तसेच आज ७९ व्यक्तींच्या रॅपिड अँटीजेन चाचण्यांचे रिपोर्ट प्राप्त झाले असून १९ पॉझिटिव्ह तर ६० व्यक्तींचे रिपोर्ट निगेटिव्ह आले आहेत. आता पर्यंत १७४४ रॅपिड अँटीजेन टेस्ट करण्यात आल्या तर २३०६ आरटी पीसीआर स्वाबच्या तपासण्या करण्यात आल्या आहेत. आज आणखी ३० व्यक्तींचे स्वाब तपासणी करिता पाठविण्यात आल्याने ५० रिपोर्ट पेंडिंग झाले आहेत. तालुक्यात आज ३१ व्यक्ती पॉझिटिव्ह आल्याने एकूण कोरोना बाधित रुग्णांची संख्या ६०८ झाली असून ४७३ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ११६ झाली आहे. पॉझिटिव्ह रुग्णांपैकी ३० रुग्ण कोविड केयर सेंटरला भरती असून २० रुग्णांवर यवतमाळ शासकीय रुग्णालयात उपचार सुरु आहेत. तर ६६ रुग्णांना होम आयसोलेशन मध्ये ठेवण्यात आले आहे. <p>आज पॉझिटिव्ह आलेल्या व्यक्तींमध्ये चिखलगांव येथील दोन, कुंभारखणी नऊ, राजूर दोन, बेलोरा एक, काळे ले-आऊट तीन, जैन ले-आऊट एक, इंदिरा गांधी चौक दोन, जनता हायस्कुल जवळील एक, गोकुल नगर एक, शिंदोला तीन, येणक दोन, सुंदरनगर एक, विठ्ठलवाडी एक, विराणी टॉकीज जवळील एक तर शास्त्री नगर येथील एका व्यक्तीचा समावेश आहे. विठ्ठलवाडी येथील रुग्णसंख्येत भर पडत असून याठिकाणी आता पर्यंत २४ रुग्णांची नोंद झाली आहे. कोरोनाचे संक्रमण रोखण्याकरिता प्रशासन सर्वोतपरी प्रयत्न करीत असून नागरिकांनीही सावधानी बाळगण्याचे आव्हान प्रशासनातर्फे करण्यात आले आहे.

*प्रशांत चंदनखेडे वणी (9738181616)* <p>वणी यवतमाळ रोड वरील अनिस हॉल मधील रूम नंबर ११४ मध्ये जुगार खेळल्या जात असल्याच्या माहितीवरून पोलिसांनी काल रात्री धाड टाकून जुगार खेळणाऱ्या सात आरोपीना अटक करून त्यांच्यावर गुन्हे दाखल केले आहे. <p>शहरातील अनिस हॉल मधील रूम नंबर ११४ मध्ये जुगार सुरु असल्याची गोपनीय माहिती पोलिसांना मिळताच पोलिसांनी काल रात्री १० ते १०.३० वाजताच्या सुमारास अनिस हॉल मधील रूम नंबर ११४ मध्ये धाड टाकली असता त्याठिकाणी सात आरोपी जुगार खेळतांना आढळून आले. पोलिसांनी आठही आरोपींना अटक करून त्यांच्याजवळून ८ हजार ९५० रुपयांचा मुद्देमाल केला आहे.आरोपींमध्ये रोहित गुरुमुख केशवाणी (२८), मनीष नंदकिशोर फेरवानी (२५), जैकी सुभाष तारूणा (२२), विजय मनोहर नागदेव (३०), संदीप संतोष केशवाणी (३०), यश श्रीचंद फेरवानी (३०), राहुल गोपी अहुजा (३१) सर्व रा. सिंधी कॉलनी यांचा समावेश असून त्यांच्यावर महाराष्ट्र जुगार प्रतिबंधक कायद्याच्या कलम ४,५ अन्वये गुन्हा दाखल करण्यात आला आहे. पोलिसांनी मिळालेल्या गोपनीय माहितीच्या आधारे अतिशय नियोजनबद्ध पद्धतीने जुगारावर धाड टाकली असता व्यापारी वस्थीतील व्यक्ती जुगार खेळतांना आढळून आल्याने त्याच्यावर गुन्हे दाखल करण्यात आले आहे. <p>सदर कार्यवाही उपविभागीय पोलीस अधिकारी सुशीलकुमार नायक यांच्या मार्गदर्शनात नापोकॉ विजय वानखेडे, प्रदीप ठाकरे, ईकबाल शेख , अशोक दरेकर, पोकॉ संतोष कालवेलवार यांनी केली.

*प्रशांत चंदनखेडे वणी (9738181616)* <p>शहरातील लोढा मल्टीस्पेशालिटी हॉस्पिटलमध्ये डेडिकेटेड कोविड हॉस्पिटल सुरु करण्याला जिल्हाप्रशासनाने अनुमती दिल्याने लवकरच याठिकाणी कोविड हॉस्पिटल सुरु होऊन कोविड रुग्णांना उपचार मिळणार असल्याचे स्पष्ट झाले असतांनाच आज तेलीफैल प्रभाग क्रं ६ मधील नागरिकांनी या कोविड हॉस्पिटलला तीव्र विरोध दर्शवित लोढा हॉस्पिटल जवळ साखळी उपोषणाला सुरुवात केली आहे. २२ सप्टेंबरला उपविभागीय अधिकाऱ्यांना तेलीफैल येथे कोविड हॉस्पिटल सुरु न करण्याबाबत निवेदन देऊन डेडिकेटेड कोविड हॉस्पिटलला स्थानिकांनी तीव्र विरोध दर्शविला होता. तसेच २३ सप्टेंबर पासून हॉस्पिटल समोर साखळी उपोषणाला बसणार असल्याचे स्थानिकांनी निवेदनात म्हटले होते. त्यानुसार तेलिफैलातील महिला व पुरुष लोढा हॉस्पिटल जवळ साखळी उपोषणाला बसले आहेत. <p>शहरात कोरोनाने थैमान घातले असून दिवसागणिक पॉझिटिव्ह रुग्ण आढळत असल्याने रुग्णसंख्येचा आलेख वाढतच चालला आहे. शहरातील कोरोना रुग्णांची वाढती संख्या लक्षात घेता शहरात दुसरे कोविड केंद्र उभारण्याच्या हालचाली सुरु आहेत. कित्येक दिवसांपासून पर्यायी ठिकाणाच्या निवडीची प्रक्रिया सुरु असून समन्वयाच्या अभावामुळे कोविड सेंटर निर्माणाचा मुहूर्तच निघत नसल्याने शहरात एकाच कोविड केंद्रावर रुग्ण सेवेचा डोलारा सुरु आहे. मागील काही दिवसांपासून शहरात कोरोनाचा तांडव सुरु आहे. दरदिवशी मोठ्या संख्येने पॉझिटिव्ह रुग्ण आढळत आहे. एकाच कोविड केयर सेंटर मध्ये रुग्णांचा भरणा होत असल्याने रुग्णांची प्रत्येक बाबतीत असुविधा होत असल्याची ओरड होत असते. तेंव्हा शहरात आणखी एक कोविड केयर सेंटर निर्माण व्हावे, ही मागणी जोर धरू लागली. शासकीय कोविड केंद्र निर्माणाचे भिजत घोंगडे असतांनाच खाजगी कोविड हॉस्पिटल निर्माणच्या हालचाली सुरु झाल्या. सत्यसेवा हॉस्पिटल येथे कोविड हॉस्पिटल सुरु करण्यावर शिक्का मोहर्तबही झाले. पण स्थानिकांच्या विरोधापुढे सर्वानाच नमते घ्यावे लागले व कोविड हॉस्पिटल निर्माण प्रक्रिया रद्द करावी लागली. त्यानंतर जिल्हा प्रशासनाने डीडीकेटेड कोविड हॉस्पिटल करिता लोढा हॉस्पिटलची निवड करून त्याठिकाणी कोविड हॉस्पिटल सुरु करण्याला परवानगीही दिली. परंतु एकवेळ कोरोनाचे हॉसस्पॉट ठरलेल्या तेलीफैल परिसरातून याठिकाणी कोविड हॉस्पिटल सुरु करण्याला कडाडून विरोध करण्यात येत असून येथील स्त्री पुरुषांनी कोविड हॉस्पिटल विरोधात साखळी उपोषणाला सुरुवात केली आहे. कित्येक दिवसपर्यंत कंटेनमेंट झोन राहिलेल्या तेलिफैलातील नागरिक कोरोनाने धास्तावले असून परिसरात कोविड हॉस्पिटल झाल्यास याठिकाणी येणाऱ्या कोविड रुग्णांमुळे परिसरात आणखी कोरोनाचे संक्रमण वाढेल, या भीतीने त्यांच्या मनात घर केले आहे. तेलीफैल परिसरातून ग्रामीण रुग्णालय व दामले फैल होऊन मुकुटबन रोडवर निघणारा हा शॉर्टकट मार्ग असून या मार्गावर नेहमी वर्दळ असते. याच मार्गावर भरवस्तीत लोढा हॉस्पिटल असल्याने रोडवर खेळणाऱ्या लहान मुलांना व रोडच्या बाजूने गप्पा मारत बसणाऱ्या वृद्धांना येथे येणाऱ्या रुग्णांपासून संसर्गाचा धोका निर्माण होऊ शकतो. नागरिकांची निवासस्थाने असलेल्या व जाण्या येण्याच्या प्रमुख मार्गावर असलेल्या लोढा हॉस्पिटल येथे डेडिकेटेड कोविड हॉस्पिटल सुरु करण्याचा निर्णय मागे घेऊन येथील कोविड हॉस्पिटलला स्थगिती देण्याच्या मागणीसह तेलीफैल प्रभाग क्रमांक ६ येथील महिला व पुरुष साखळी उपोषणाला बसले आहेत. २५ सप्टेंबर पासून लोढा हॉस्पिटल येथे डेडिकेटेड कोविड हॉस्पिटल सुरु होणार असून माजी आमदारांनी या कोविड हॉस्पिटलला संरक्षण देण्याचा विश्वास दाखविला आहे.

प्रशांत चंदनखेडे वणी :- <p><p>शहर व तालुक्यात कोरोनाचे संक्रमण वाढतच असून कोरोनाग्रस्त रुग्णांचा आकडाही वाढतच चालला आहे. आज आणखी १३ कोरोना बाधित रुग्ण आढळून आल्याने तालुक्यातील एकूण पॉझिटिव्ह रुग्णांची संख्या ५७७ झाली आहे. तर ऍक्टिव्ह पॉझिटिव्ह रुग्णांची संख्या ९७ झाली आहे. आज १२ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ४६१ रुग्णांनी कोरोनावर केली आहे. <p><p>तालुक्यात कोरोना रुग्णांची संख्या वाढत असली तरी त्यातून बरे होणाऱ्यांचे प्रमाणही समाधानकारक आहे. कोरोनाचा प्रादुर्भाव वाढत असला तरी प्रशासन कोरोनावर नियंत्रण मिळविण्याकरिता सर्वोतपरी प्रयत्न करीत आहे. तालुक्यात १५ कोरोना बळींची नोंद झाली असून यातील बहुतांश रुग्ण वयोवृद्ध व इतर व्याधींनी ग्रस्त होते. कोरोनाची परिस्थिती गंभीर वळण घेऊ नये याकरिता शहर प्रशासन व आरोग्य प्रशासनाने पर्यायी उपाययोजना करतांनाच नागरिकांना वेळोवेळी मार्गदर्शक तत्वांचे पालन करण्यास कटिबद्ध केले. तरीही काही नागरिक कोरोनाला गांभीर्याने घेत नसल्याने त्यांची दुर्लक्षितता कोरोना संक्रमण वाढविण्यास कारणीभूत ठरत आहे. आज ५७ तपासणी नमुन्यांचे अहवाल प्राप्त झाले असून १३ पॉझिटिव्ह तर ४४ नमुन्यांचे अहवाल निगेटिव्ह आले आहेत. तसेच आज १० रॅपिड अँटीजेन टेस्टचे रिपोर्ट पूर्णतः निगेटिव्ह आले आहे. आज आणखी २० व्यक्तींचे स्वाब तपासणी करिता पाठविण्यात आल्याने ४३ नमुन्यांचे अहवाल प्रलंबित झाले आहेत. तालुक्यात आज १३ व्यक्तींना कोरोनाची लागण झाल्याने एकूण कोरोना बाधित रुग्णांचा आकडा ५७७ झाला असून ४६१ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ९७ एवढी झाली आहे. पॉझिटिव्ह रुग्णांपैकी २१ रुग्ण कोविड केयर सेंटरला उपचार घेत असून १९ रुग्ण यवतमाळ शासकीय रुग्णालयात भरती आहेत. तर ५७ रुग्णांना रुग्णांना होम आयसोलेशनमध्ये ठेवण्यात आले आहे. सध्यस्थितीत ५२ व्यक्ती संस्थात्मक विलीगीकरणात आहेत. <p><p>आज पॉझिटिव्ह आढळून आलेल्या व्यक्तींमध्ये चिखलगांव येथील एक, कुंभारखणी दोन, भालर दोन, राजूर एक, सोमनाळा एक, आनंद नगर एक, ड्रिमलँड सिटी येथील तीन तर सावरकर चौक येथील एका व्यक्तीचा समावेश आहे. कोरोनाचे संक्रमण रोखण्या करिता प्रशासन शर्थीचे प्रयत्न करीत असून नागरिकांनीही खबरदारीचे नियम पाळण्याचे आव्हान प्रशासनाने केले आहे.

प्रशांत चंदनखेडे वणी :- <p>शहरातील खडबडा परिसरातून नेर येथे निर्दयीपणे म्हशींना कोंबून नेत असलेल्या चार चारचाकी वाहनांवर पोलिसांनी कार्यवाही करून पाच आरोपींना अटक केली आहे. चार वाहनांमध्ये तब्बल १९ म्हशींना कोंबून वाहतूक केली जात असल्याच्या माहितीवरून पोलिसांनी सापळा रचून सतीघाट ते घोन्सा रोडवरील नदीच्या पुलाजवळ सदर वाहनांना अडवून वाहनांसह आरोपींना ताब्यात घेऊन कार्यवाही करण्यात आली. चार चाकी वाहने, अंदाजे किंमत १८ लाख रुपये व १९ म्हशी किंमत ३ लाख ८० हजार रुपये, असा एकूण २१ लाख ८० रुपयांचा मुद्देमाल पोलिसांनी जप्त केला. <p>खडबडा मोहल्ला येथून म्हशींना पिकअप वाहनांनी नेर शहरात नेत असल्याच्या माहितीवरून पोलिसांनी सतीघाट घोन्सा रोडवरील नदीच्या पुलाजवळ चारही पिकअप वाहनांना अडवून त्यांची झडती घेतली असता चार वाहनांमध्ये तब्बल १९ म्हशी अगदीच निर्दयीपणे कोंबलेल्या अवस्थेत आढळून आल्या. त्यांच्या चारा पाण्याचीही वाहनात व्यवस्था केली नसल्याचे आढळून आले. पोलिसांनी चारही वाहनांवर कार्यवाही करून पाच आरोपीना अटक केली व वाहने पोलीस स्टेशनला लावली. MH २९ BE २४५७, MH ३४ BG २८८४, MH ३४ M ४८८३ व MH २६ H २८४५ या वाहनांवर कार्यवाही करण्यात आली असून मारोती गंगाराम दुर्गमवार (३२), राजू मधुकर झिलपे (२३) दोन्ही रा. रंगनाथ नगर, किशोर अशोक मोरे (३०), सय्यद रोशन अली (५०), तहसीन खान तशावर खान (५०) तीनही रा. शास्त्री नगर, या पाच आरोपींना अटक करून त्यांच्यावर प्राण्यांना क्रूरपणे वागविणे प्रतिबंधक कायद्यानुसार भादंवि च्या कलम ११ (१)ग ड झ अन्वये गुन्हा दाखल करण्यात आला आहे. या कार्यवाहीत पोलिसांनी चार पिकअप वाहने अंदाजे किंमत १८ लाख रुपये, १९ म्हशी किंमत ३ लाख ८० हजार रुपये, असा एकूण २१ लाख ८० रुपयांचा मुद्देमाल जप्त केला. <p>सदर कार्यवाही उपविभागीय पोलीस अधिकारी सुशीलकुमार नायक यांच्या मार्गदर्शनात पोलीस विभागाचे विजय वानखेडे, प्रदीप ठाकरे, इकबाल शेख, संतोष कालवेलवार, अशोक दरेकर यांनी केली आहे.