प्रशांत चंदनखेडे वणी :- <p><p>शहर व तालुक्यातील कोरोना बाधितांची संख्या वाढतच असून सातत्याने पॉझिटिव्ह रुग्ण आढळत असल्याने प्रशासनाच्या चिंतेत भर पडतांना दिसत आहे. कोरोनाचे संक्रमण वाढतच असल्याने आरोग्य प्रशासनावरील ताणही वाढतांना दिसत आहे. कोरोनाच्या वाढत्या प्रादुर्भावाने नागरिकही भीतीच्या सावटात आले आहेत. आज आणखी १२ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ५६४ झाली आहे. तर ऍक्टिव्ह पॉझिटिव्ह रुग्णांची संख्या ९६ झाली आहे. आज आणखी १५ कोरोनाग्रस्त रुग्णांनी कोरोनावर मात केली असून त्यांना सुटी देण्यात आली आहे. आता पर्यंत ४४९ कोरोनाग्रस्त रुग्ण कोरोनावर मात करून घरी परतले आहेत. <p><p>तालुक्यातील कोरोनाग्रस्त रुग्णांचा आलेख वाढतच असून कोरोनाची परिस्थिती गंभीर होतांना दिसत आहे. सातत्याने कोरोना बाधित रुग्ण आढळत असल्याने कोरोना बाधितांचा आकडा फुगत चालला आहे. ३० जूलै पर्यंत ३६ असलेला पॉझिटिव्ह रुग्णांचा आकडा ५३ दिवसांत ५६४ वर पोहचला आहे. मागील ५३ दिवसांत तब्बल ५२८ व्यक्तींना कोरोनाची बाधा झाली आहे. एक वेळ कोरोनामुक्तीच्या वाटेवर आलेला वणी तालुका मागील ५३ दिवसांत कोरोना संक्रमणाचे हॉसस्पॉट बनला आहे. आज ३५ तपासणी नमुन्यांचे अहवाल प्राप्त झाले असून ११ पॉझिटिव्ह तर २४ नमुन्यांचे अहवाल निगेटिव्ह आले आहेत. तसेच आज १४ रॅपिड अँटीजेन टेस्टचे रिपोर्ट प्राप्त झाले असून एक व्यक्ती पॉझिटिव्ह तर १३ व्यक्ती निगेटिव्ह आढळून आल्या आहेत. आज आणखी २३ व्यक्तींचे स्वाब आरटी पीसीआर तपासणी करिता पाठविण्यात आल्याने ६६ नमुन्यांचे अहवाल प्रलंबित झाले आहेत. तालुक्यात आज १२ व्यक्तींचे अहवाल पॉझिटिव्ह आल्याने एकूण कोरोना बाधित रुग्णांची संख्या ५६४ झाली असून ४४९ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ९६ झाली आहे. पॉझिटिव्ह रुग्णांपैकी २७ रुग्ण कोविड केयर सेंटरला भरती असून १९ रुग्णांना यवतमाळ शासकीय रुग्णालयात हलविण्यात आले आहे. तर ५० रुग्ण होम आयसोलेशनमध्ये उपचार घेत आहे. सध्यस्थितीत ५४ व्यक्ती संस्थात्मक विलीगीकरणात आहेत. <p><p>आज पॉझिटिव्ह आलेल्या व्यक्तींमध्ये रजानगर येथील एक, ओमनगर दोन, सदाशिवनगर दोन, एकता नगर येथील चार तर महाराष्ट्र बॅंकेजवळील तीन व्यक्तींचा समावेश आहे. शहरात कोरोनाचा कहर सुरूच असून आज एकंदरीत १२ पॉझिटिव्ह रुग्ण आढळले आहेत. कोरोनाचे संक्रमण रोखण्याकरिता प्रशासन सर्वोतपरी प्रयत्न करीत असून नागरिकांनीही सावधानी बाळगण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p><p>केंद्र शासनाच्या कांदा निर्यात बंदीच्या आदेशाला शिवसेनेने तीव्र विरोध दर्शविला असून कांदा निर्यात बंदीचा आदेश मागे घेण्या करिता वणी विधानसभा क्षेत्राचे शिवसेनेचे माजी आमदार विश्वास नांदेकर यांच्या नेतृत्वात शिवसेनेने उपविभागीय अधिकारी शरद जावळे यांच्या मार्फत थेट भारताचे पंतप्रधान नरेंद्र मोदी यांना निवेदन पाठविले आहे. <p><p>कोरोनामुळे आधीच हवालदिल झालेल्या शेतकऱ्यांवर कांदा निर्यात बंदीचा आदेश थोपवून केंद्र शासनाने शेतकऱ्यांचे कंबरडेच मोडले आहे. कांदा निर्यात बंद केल्याने कांद्याच्या भावात खूपच घसरण झाली असून कांदा उत्पादक शेतकऱ्यांचा उत्पादन खर्चही निघणे कठीण झाले आहे. निसर्गाच्या लहरीपणामुळे व शेतमालाला योग्य भाव मिळत नसल्याने शेतकऱ्यांची पुरती दैना झालेली असतांना कांदा निर्यात बंदीचा हा निर्णय कास्तकारांच्या जख्मेवर मीठ चोळण्यासारखा आहे. केंद्र शासनाच्या या निर्णयामुळे फक्त दलालांनाच फायदा होणार असून शेतकऱ्यांचे मोठ्या प्रमाणात आर्थिक नुकसान होणार असल्याचे शिवसेनेने निवेदनात म्हटले आहे. विदेशात कांदा निर्यात केल्यास उत्तम भाव मिळन्याची शक्यता असतांना केंद्र शासनाने अचानक निर्यात बंदी केल्याने शेतकऱ्यांना आणखीच संकटात टाकण्याचा प्रयत्न केला जात आहे. या कांदा निर्यात बंदीच्या आदेशाला विरोध दर्शवून, पंतप्रधानांना पाठविण्याकरिता उपविभागीय अधिकाऱ्यांना निवेदन देण्यात आले आहे. <p><p>निवेदन देतांना शिवसेनेचे माजी आमदार विश्वास नांदेकर, तालुका प्रमुख रवी बोढेकर, माजी तालुका प्रमुख गणपत लेडांगे, शहर संघटक अजय नागपुरे, उपशहर प्रमुख प्रशांत बल्की, युवासेना शहर प्रमुख बंटी येरणे, अण्णाजी काकडे, शैलेंद्र ताजने आदी उपस्थित होते.

प्रशांत चंदनखेडे वणी :- <p><p>पाटाळा पुलावरून वर्धा नदीत उडी घेऊन आत्महत्या केल्याचा संशय असलेल्या उकणी येथील युवकाचा शोध घेण्याकरिता बोट उपलब्ध करून देण्याबाबत निर्भीड ग्रामीण पत्रकार संघाच्या वतीने उपविभागीय अधिकारी यांना निवेदन देण्यात आले आहे. <p><p>उकणी येथील २३ वर्षीय तरुणाने १७ सप्टेंबरला रात्री ७ वाजताच्या दरम्यान पाटाळा पुलावरून वर्धा नदीत उडी घेऊन आत्महत्या केल्याचा नातेवाईकांना संशय असून तशी नातेवाईकांनी पोलीस स्टेशनला तक्रार सुद्धा नोंदविली आहे. ईश्वर शिवशंकर शुक्ला असे या युवकाचे नाव असून त्याची दुचाकी व मोबाईल नदीच्या पुलावर आढळून आल्याने त्याने नदी पात्रात उडी घेऊन आत्महत्या केल्याचा संशय बळावत आहे. त्याचा अजूनही थांगपत्ता लागला नसून त्याला नदी पात्रात शोधण्याकरिता बोट उपलब्ध करून देण्याची विनंती उपविभागीय अधिकाऱ्यांना दिलेल्या निवेदनातून करण्यात आली आहे. <p><p>त्याचे कुटुंब व नातेवाईक मागील पाच दिवसांपासून नदी काठांवर त्याचा शोध घेत आहे. दूरपर्यंत नदी काठांवर त्याचा शोध घेऊनही तो आढळून आला नाही व इतरत्रही त्याच्या बद्दल काही माहिती मिळाली नाही. त्याकरिता त्याचे लवकरात लवकर शोधकार्य करण्यास संबंधित पोलीस यंत्रणेला सूचना देऊन आपत्ती व्यवस्थापन निवारण कक्षामार्फत तत्काळ या युवकाला शोधण्याकरिता बोट उपलब्ध करून देण्याची विनंतीही निर्भीड ग्रामीण पत्रकार संघाने दिलेल्या निवेदनातून केली आहे. तसेच पाच दिवसांपासून त्याचा शोध न लागल्याने नातेवाईक चिंतातुर झाले असून गावकरीही कमालीचे चिडले आहेत. वडिलांचे छत्र हरपल्यापासून आईने लोकांच्या घरची धुनी भांडी करून त्याचे पालन पोषण केले. आता तरुण वयात आईचा आधार बनण्याऐवजी तो असा काही लापता झाला आहे की, पाच दिवस लोटले तरी त्याचा शोध लागता लागत नाही. त्यामुळे प्रशासनाने त्याच्या शोधकार्यात सहकार्य करून त्याचा लवकरात लवकर शोध घेण्यासंदर्भात संबंधित यंत्रणेला सूचना देऊन त्यांना शोध घेण्याकरिता बोट उपलब्ध करून देण्याची विनंती वजा मागणी निर्भीड ग्रामीण पत्रकार संघाने उपविभागीय अधिकाऱ्यांना दिलेल्या निवेदनातून केली आहे.

प्रशांत चंदनखेडे वणी :- <p>शहर व तालुक्यात कोरोनाचे रुग्ण वाढतच असून आज १० व्यक्तींचा कोरोना चाचणी अहवाल पॉझिटिव्ह आल्याने तालुक्यातील एकूण कोरोना बाधित रुग्णांची संख्या ५५२ झाली आहे. तर ऍक्टिव्ह पॉझिटिव्ह रुग्णांची संख्या कमी होऊन ९९ झाली आहे. आज आणखी १९ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ४३४ रुग्ण कोरोनामुक्त होऊन घरी परतले आहेत. <p>शहराबरोबरच ग्रामीण भागातही कोरोनाने उच्छाद मांडला असून कोरोनाच्या वाढत्या संक्रमणाने प्रशासन चिंतेत आले आहे तर नागरिकांमध्ये भीती निर्माण झाली आहे. आज ३६ तपासणी नमुन्यांचे अहवाल प्राप्त झाले असून ७ पॉझिटिव्ह तर २९ नमुन्यांचे अहवाल निगेटिव्ह आले आहेत. तसेच आज ९ रॅपिड अँटीजेन चाचण्यांचे रिपोर्ट प्राप्त झाले असून ३ पॉझिटिव्ह तर ६ व्यक्तींचे रिपोर्ट निगेटिव्ह आले आहेत. आता पर्यंत एकूण १६४१ व्यक्तींची रॅपिड अँटीजेन टेस्ट करण्यात आली आहे तर २२३३ व्यक्तींच्या स्वाबची आरटी पीसीआर तपासणी करण्यात आली आहे. आज आणखी ३६ व्यक्तींचे नमुने तपासणी करिता पाठविण्यात आल्याने ७८ अहवाल प्रलंबित झाले आहेत. आज १० व्यक्तींचे अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ५५२ झाली असून ४३४ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ९९ झाली आहे. पॉझिटिव्ह व्यक्तींपैकी २० रुग्णांवर कोविड केयर सेंटरला उपचार सुरु असून ६० व्यक्तींना होम आयसोलेशनमध्ये ठेवण्यात आले आहे. तर १९ रुग्ण यवतमाळ शासकीय रुग्णालयात उपचार घेत आहे. <p>आज पॉझिटिव्ह आलेल्या व्यक्तींमध्ये विठ्ठलवाडी येथील तीन, चिखलगाव एक, छोरीया ले-आऊट गणेशपूर एक, नायगाव एक, शिंदोला एक, रंगारीपुरा एक, जनता शाळे जवळील एक तर मेघदूत कॉलनी येथील एका व्यक्तीचा समावेश आहे. विठ्ठलवाडी येथील रुग्ण वाढतच असून याठिकाणी आता पर्यंत २३ रुग्णांची नोंद झाली आहे. १८ सप्टेंबरला पॉझिटिव्ह आलेल्या रेल्वे कर्मचाऱ्याच्या कुटुंबातील आणखी तीन जण आज पॉझिटिव्ह आल्याने परिसरात भीतीचे वातावरण पसरले आहे. कोरोनाचे संक्रमण वाढत असतांना नागरिकांनी सतर्क राहून सार्वजनिक ठिकाणी वावरतांना योग्य ती काळजी घेत प्रशासनाने सुचविलेल्या नियमांचे पालन करण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p>शहर व तालुक्यात कोरोना संक्रमणाची गती अधिकच तीव्र झाली असून पॉझिटिव्ह रुग्णांची संख्या झपाट्याने वाढत आहे. कोरोना रुग्णांची वाढती संख्या लक्षात घेता पळसोनी येथील शासकीय कोविड केयर सेंटरमध्ये रुग्णांचा भरणा वाढत असून त्यांना योग्य त्या सोयी सुविधा मिळत नसल्याची ओरड होतांना दिसते. त्यामुळे शहरात आणखी एक अतिरिक्त कोविड केंद्र सुरु करण्याची मागणी जोर धरू लागली. कोविड केंद्र उभारण्याकरिता पर्यायी ठिकाण निवडण्याचे ताळमेळ जुळत नसल्याने व लोकवस्तीत कोविड केंद्र उभारणीस नागरिकांचा विरोध होत असल्याने कोविड केंद्र निर्माणाचे भिजत घोंगडे असतांना जिल्हाधिकाऱ्यांनी लोढा मल्टिस्पेशालिटी हॉस्पिटलमध्ये डेडिकेटेड खाजगी कोविड हॉस्पिटल सुरु करण्याला अनुमती दिली असून लोढा हॉस्पिटलमध्ये डेडिकेटेड कोविड हॉस्पीटल सुरु होणार असल्याचे कळताच स्थानिक नागरिकांनी नागराध्यक्षांकडे तक्रार करतांनाच नागराध्यक्षाच्या माध्यमातून उपविभागीय अधिकाऱ्यांना लोढा हॉस्पीटल येथे डेडिकेटेड कोविड हॉस्पीटल सुरु न करण्याबाबत निवेदन देऊन आपला विरोध दर्शविला. याआधी सत्यसेवा हॉस्पीटल येथे कोविड हॉस्पीटल सुरु करण्याला स्थानिकांनी विरोध दर्शविला होता. येथील नागरिकांनीही नगरसेवकांच्या माध्यमातुन सत्यसेवा हॉस्पीटलमध्ये कोविड सेंटर सुरु न करण्याबाबत निवेदन दिले होते. त्याच प्रमाणे शहरातील एका परिसरातही कोविड केंद्र उभारण्याला तीव्र विरोध झाला होता. स्थानिकांचा विरोध व राजकीय प्रतिनिधींमधील समन्वयाचा अभाव, यामुळे दुसरे कोविड केयर सेंटर सुरु करण्याचा अद्यापही योग जुळून आलेला नाही. राजकीय नेतेही आता आरोग्य सुविधांच्या मुद्यांना हात घालतांना दिसत असून एका राजकीय नेत्याने २०१३ मध्ये ग्रामीण रुग्णालयाला उपजिल्हा रुग्णालयाचा दर्जा मिळाल्याचे सांगतांनाच त्वरित कोविड सेंटर सुरू करण्याचा इशारा दिला, तर माजी आमदार राहिलेल्या एका नेत्यांनी लोढा हॉस्पिटल येथेच डेडिकेटेड कोविड हॉस्पीटल सुरु करण्यावर भर देत या कोविड हॉस्पिटलला पक्षातर्फे संरक्षण देण्याचाही विश्वास त्यांनी व्यक्त केला आहे. त्यामुळे आता शहरामध्ये सुसज्ज कोविड हॉस्पिटल निर्मानाचे वेध शहरवासीयांना लागले आहे. लोढा हॉस्पिटलमध्ये कोविड हॉस्पीटलचे निर्माण झाल्यास रुग्णांना योग्य वेळी योग्य उपचार मिळतील व बाहेर ठिकाणी उपचार घेण्याकरिता रुग्णांची धावपळ होणार नाही. <p>शहरात कोरोनाचा उद्रेक झाला असतांना याठिकाणी एकच कोविड केंद्र असल्याने रुग्णांना असुविधा होत असल्याची ओरड होतांना दिसते. एकाच कोविड केंद्रावर रुग्णांची तपासणी, उपचार व विलीगीकरणाचा भार देण्यात आल्याने आरोग्य प्रशासनावरही तान पडत असल्याने रुग्णांची काळजी वाहतांना आरोग्य सेवकांची तारांबळ उडतांना दिसते. तसेच याठिकाणी रुग्णांची संख्या वाढल्याने कोविड केंद्रात दाटीवाटीने राहावे लागत असल्याची ओरड होते, तर स्वच्छता व इतर सोयी सुविधांनाही प्राथमिकता दिल्या जात नसल्याचे बोलल्या जाते. पिण्याच्या पाण्यापासून तर जेवणा पर्यंत व स्वच्छतेपासून तर उपचारांपर्यंत प्रशासनावर ताशेरे ओढले जातात. नेहमी कोविड केंद्राबाबत प्रशासनाला धारेवर धरले जाते. त्यामुळे लोढा हॉस्पिटल येथे डेडीकेटेड कोविड हॉस्पिटल निर्माण झाल्यास शासकीय कोविड केंद्रावरील तान कमी होण्यास मदत होईल. तसेच नागरिकांनाही सर्व सोयी सुविधांनिशी सुसज्ज असे खाजगी कोविड हॉस्पिटल मिळाल्याने त्यांची कोरोना विषयीची धास्ती कमी होऊन ते उपचार घेण्यासाठी पुढे येतील. नागरिकांनी कोरोनाची अशी काही धास्ती घेतली आहे की, अन्य आजारांकरिताही रुग्णालयात जाण्यास ते कचरत आहे. साधा सर्दी ताप खोकला झाल्यास किंवा अन्य साथीचा कोणताही आजार झाल्यास कोरोनाची चाचणी करावी लागेल व पॉझिटिव्ह निघाल्यास कोविड केयर सेंटरमध्ये राहावे लागेल या भीतीने लोकं दवाखान्यात जाण्यास भीत आहे. काही व्यक्ती ओळखीतल्या डॉक्टरांकडे उपचार घेत आहेत तर काही घरगुती उपचार करून घरीच थांबत आहे. तेंव्हा नेत्यांनी आपसी समन्वय साधून कोविड सेंटर निर्माणा करिता सर्वोतपरी प्रयत्न करणे गरजेचे आहे. माजी आमदारांनी कोविड सेंटरला पाठिंबा दर्शवून कोविड हॉस्पिटलला संरक्षण देण्याचा विश्वास व्यक्त केल्याने नागरिकांना आता अतिरिक्त कोविड हॉस्पिटल निर्माणाचे वेध लागले आहे.

आज 21 सप्टेंबर ला नियोजन इमारतीत पालकमंत्री विजय वडेट्टीवार यांच्या अध्यक्षतेखाली चंद्रपूर जिल्ह्यातील जिल्हा प्रशासनातील लोकप्रतिनिधी, व्यापारी संघटना, जिल्हा अधिकाऱ्यांच्या महत्त्वपूर्ण बैठकीत पुन्हा एकदा जिल्ह्यात वाढत्या कोरोना संक्रमणाचा प्रसार रोखण्यासाठी 'जनता कर्फ्यू' लावण्याचा निर्णय घेण्यात आला. <p> यावेळी शुक्रवारी 25 सप्टेंबर ते 1 ऑक्टोबर या कालावधीत वरील बैठकीत संपूर्ण जिल्ह्यात एक आठवडा सार्वजनिक कर्फ्यू लावण्याचा निर्णय घेण्यात आला आहे.

प्रशांत चंदनखेडे वणी :- <p>शहर व तालुक्यात कोरोनाचे रुग्ण वाढतच असून कधी तीव्र गतीने तर कधी संत गतीने रुग्णांची वाढ होतांना दिसत आहे. शहरापासून तर ग्रामीण भागापर्यंत कोरोनाचा प्रादुर्भाव वाढतच असून सातत्याने पॉझिटिव्ह रुग्ण आढळत असल्याने कोरोना बाधितांचा आकडाही फुगत चालला आहे. आज तीन व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ५४२ झाली आहे. तर ऍक्टिव्ह पॉझिटिव्ह रुग्णांची संख्या १०८ झाली आहे. आज आणखी २८ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत एकूण ४१५ रुग्ण कोरोनामुक्त होऊन घरी परतले आहेत. तालुक्यात कोरोनाने मृत्यू होणाऱ्यांचे प्रमाण वाढतच असून आज जैन ले-आऊट येथील ५८ वर्षीय पुरुषाचा उपचारादरम्यान मृत्यू झाल्याने कोरोना बळींचा आकडा १५ वर पोहचला आहे. <p>तालुक्यात कोरोनाचे संक्रमण वाढतच असून संक्रमित रुग्णांची संख्याही वाढतांना दिसत आहे. कधी कमी तर कधी अधिक प्रमाणात रुग्ण आढळून येत आहे. आज जिल्ह्याचे अहवाल प्राप्त झाले नसून रॅपिड अँटीजेन चाचणी द्वारे तीन रुग्णांचे रिपोर्ट पॉझिटिव्ह आले आहे. १७ व्यक्तींची रॅपिड टेस्ट करण्यात आली त्यापैकी ३ व्यक्तींचे रिपोर्ट पॉझिटिव्ह तर १४ व्यक्तींचे रिपोर्ट निगेटिव्ह आले आहेत. आता पर्यंत १६३२ व्यक्तींची रॅपिड अँटीजेन टेस्ट करण्यात आली असून २१९७ व्यक्तींच्या स्वाबची आरटी पीसीआर तपासणी करण्यात आली आहे. आज आणखी २१ व्यक्तींचे स्वाब तपासणी करिता पाठविण्यात आल्याने ७८ स्वाबचे रिपोर्ट पेंडिंग झाले आहेत. आज तीन व्यक्तींचे अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ५४२ झाली असून ४१५ रुग्ण कोरोनामुक्त झाले तर १५ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या १०८ झाली आहे. पॉझिटिव्ह रुग्णांपैकी १९ रुग्ण कोविड केयर सेंटरला उपचार घेत असून ७० रुग्णांना होम आयसोलेशन करण्यात आले आहे. तर १९ रुग्ण यवतमाळ शासकीय रुग्णालयात भरती आहेत. आज आणखी शहरातील जैन ले-आऊट येथील कोरोनाग्रस्त रुग्णांचा उपचारदरम्यान मृत्यू झाल्याने कोरोना बळींचा आकडा १५ वर पोहचला आहे. <p>आज पॉझिटिव्ह आलेल्या व्यक्तीमध्ये बोरगांव येथील एक, भालर येथील एक तर सुंदर नगर येथील एका व्यक्तीचा समावेश आहे. आज कमी प्रमाणात पॉझिटिव्ह रुग्ण आढळून आले असून तीनही पॉझिटिव्ह रुग्ण ग्रामीण भागातील आहेत. प्रशासन कोरोनाचे संक्रमण रोखण्याकरिता शर्थीचे प्रयत्न करीत असून नागरिकांनीही कोरोनाच्या या लढाईत प्रशासनाला सहकार्य करण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p><p>शहरातील शिक्षण प्रसारक मंडळ हायस्कुल जवळ असलेल्या महिला बचतगट कार्यालयीतील इलेक्ट्रॉनिक साहित्य चोरी प्रकरणाचा पोलिसांनी अतिशीघ्र छडा लावून तीन आरोपींना जेरबंद केले आहे. त्यांना न्यायालयात हजर केले असता न्यायालयाने तीनही आरोपींची जिल्हा कारागृहात रवानगी करण्याचे आदेश दिले. शहर व तालुक्यातील कित्येक चोरी प्रकरनाचा अतिशीघ्र छडा लावून डीबी पथकाने आरोपींच्या मुसक्या आवळल्या आहेत. <p><p>एस पी एम हायस्कुल जवळ असलेल्या महिला बचतगट कार्यालयातून १२ सप्टेंबरला दुपारी १२ वाजताच्या दरम्यान इलेक्ट्रॉनिक साहित्य व पंखा चोरीला गेल्याची तक्रार महिला आर्थिक विकास महामंडळ यवतमाळचे व्यवसाय समन्वयक रवींद्र चंद्रभान आत्राम (३०) यांनी १८ सप्टेंबरला पोलीस स्टेशनला नोंदविली. तक्रार प्राप्त होताच डीबी पथकाने तपासाची सूत्रे हाती घेत गुप्त हेरांकडून माहिती मिळवत अगदी जलद गतीने या प्रकरणाचा छडा लावून तीन आरोपीना अटक केली. महेश संजय नेरकुंटलावार (१९) रा. दामले फैल, हरीश उर्फ टिक्का संजय रायपुरे (१९) रा. दामले फैल व संकेत संगम खोब्रागडे (२०) रा. भीमनगर अशी अटक करण्यात आलेल्या आरोपींची नवे असून त्यांच्यावर भादंवि च्या कलम ४६१, ३८० नुसार गुन्हा दाखल करण्यात आला आहे. त्यांच्या कडून बूस्टर कंपनीचे दोन साऊंड बॉक्स, बूस्टर कंपनीचा एक माईक असा एकूण १९ हजार ७०० रुपयांचा मुद्देमाल जप्त करण्यात आला. त्यांना न्यायालयात हजर केले असता न्यायालयाने तीनही आरोपींची जिल्हा कारागृहात रवानगी करण्याचे आदेश दिले. <p><p>सदर कार्यवाही उपविभागीय पोलीस अधिकारी सुशीलकुमार नायक व ठाणेदार वैभव जाधव यांच्या मार्गदर्शनात सहाय्यक पोलीस निरीक्षक निखिल फटिंग, डीबी पथकाचे पोलीस उपनिरीक्षक गोपाल जाधव, डीबी पथकाचे सुधीर पांडे, सुनील खंडागळे, रत्नपाल मोहाडे, अमित पोयाम यांनी केली आहे. <p><p> <p><p> <p><p>

loksatta.com

प्रशांत चंदनखेडे वणी :- <p>कोरोनाच्या पार्श्वभूमीवर लॉकडाऊन करण्यात आल्याने जीवनावश्यक वस्तूंची दुकाने व अत्यावश्यक सेवा वगळता संपूर्ण बाजारपेठ बंद ठेवण्यात आली. त्यामुळे नियमांची बंधने पाळून व निर्णायक वेळेतच बाजार भ्रमणाची सक्ती असल्याने रस्त्यांवर वर्दळ कमी असायची. त्याकरिता लॉकडाऊन काळात एकेरी मार्गाने होणारी वाहतूक बंद करण्यात आली. परंतु आता शासनाने संचारबंदीचे नियम शिथिल करत जवळपास सर्वच व्यावसायिक प्रतिष्ठाने व परंपरागत व्यवसाय सुरु करण्यास परवानगी दिल्याने शहरात वर्दळ वाढली असून प्रमुख चौकांमध्ये अनियंत्रित वाहतुकीमुळे वेळोवेळी जाम लागत असल्याचे पाहायला मिळत आहे. टिळक चौका व्यतेरिक्त अन्य कोणत्याही प्रमुख चौकात वाहतूक पोलिसांची उपस्थिती दिसत नसल्याने शहरात अंतर्गत वाहतुकीची समस्या निर्माण झाली असून वाहतूक पोलिसांच्या दुर्लक्षिततेमुळे वाहतुकीची समस्या आणखीच बिकट होतांना दिसत आहे. <p>कोरोनामुळे लॉकडाऊन करण्यात आल्याने जीवनावश्यक वस्तूंचीच दुकाने सुरु ठेवण्याला अनुमती देण्यात आली, तसेच दुकाने खुली ठेवण्यावर वेळेच्या मर्यादा असल्याने शहरातील रस्त्यांवर वर्दळ कमी असायची. त्यातल्यात्यात कोरोना संसर्गाची भीती दरम्यानच्या काळात चांगलीच नागरिकांमध्ये निर्माण झाल्याने ते स्वतःच घराबाहेर पडणे टाळत असल्याने शहरातील रस्ते ओस दिसायचे. आता बाजारपेठ सताड खुली झाली आहे. नागरिकांची खरेदी करिता बाजारात वर्दळही चांगलीच वाढली आहे. शहरातील प्रमुख चौकात नागरिकांची गर्दी ओसंडून वाहात आहे, त्यातच अनियंत्रित वाहतुकीने रस्ते जाम होत असून नागरिकांना नाहक त्रास सहन करावा लागत आहे. एकेरी मार्ग बंद झाल्याने वाहतुकीची कोंडी होत असून वाहतूक पोलीसांची प्रमुख चौकात उपस्थिती रहात नसल्याने अनियंत्रित वाहतुकीमुळे प्रमुख चौकांमध्ये नेहमी जाम लागतांना दिसत आहे. वाहतूक पोलिसांचा ताफा टिळक चौकाची शोभा वाढवतांना दिसत असून शहरातील अन्य प्रमुख चौकांमध्ये त्यांना वाहतूक नियंत्रणाची आवश्यक्ता वाटत नसल्याचे एकूणच चित्र पाहायला मिळत आहे. शासनाच्या पुनःश्च हरिओम अंतर्गत चित्रपट गृहे व शाळा कॉलेजेस सोडले तर संपूर्ण बाजारपेठ खुली झाली आहे. शहरातील प्रत्येक प्रमुख मार्ग व चौकात नागरिकांची वर्दळ पाहायला मिळत असून एकेरी मार्ग बंद झाल्याने वाहतुकीची कोंडी होत असून अनियंत्रित वाहतुकीमुळे नेहमी जाम लागत असल्याने पादचारी महिला पुरुषांना रस्त्यांवरून मार्ग काढतांना नाहक त्रास सहन करावा लागत आहे. रस्त्यांवरून आडवे तिडवे वाहन चालविणे, नको त्या ठिकाणी वाहन टाकणे, वाहन पास होण्याची जागा नसतांनाही वाहन घुसविणे, यामुळे जाम सदृश्य परिस्थिती निर्माण होत असून काही वाहन चालक अगदीच लापर्वाहीने वाहन चालवत असल्याने पादचाऱ्यांमध्ये खास करून महिलांमध्ये धास्ती भरली आहे. <p>बाजारपेठेचे हृदयस्थळ असलेल्या गांधी चौक व कापड मार्केट लाईन असलेल्या प्रमुख अंतर्गत रस्त्यांवर नेहमी वर्दळ रहात असल्याने याठिकाणी नेहमीच जाम लागतांना दिसतात. मोडक्या कमानी जवळ अनियंत्रित रहदारीमुळे वाहतुकीची कोंडी होत असून याठिकाणी नेहमी वाहतूक खोळंबलेली असते. वाहन चालकांच्या लापर्वाहीने वाहन चालविण्यामुळे महिलांमध्ये असुरक्षितता निर्माण झाली आहे. आधी चौका चौकांमध्ये वाहतूक पोलीस तैनात असल्याने बेशिस्त वाहतुकीवर लगाम असायची, तसेच वाहन चालकांवर वचक असायची, पण आता वाहतूक पोलिसांचेच वाहतूक नियंत्रणाकडे दुर्लक्ष झाल्याने वाहन चालकही मस्त महिवाल झाले आहेत. वर्दळीच्या ठिकाणावरून सुसाट वाहन चालविणे, महिलांजवळून अतिवेगाने वाहन चालविणे त्यांचे नित्याचेच झाले आहे. <p>खाती चौक ते पहिल्या मोडक्या कमानी पर्यंतच्या नव्यानेच रुंदीकरण करण्यात आलेल्या सिमेंट रोड लगत वाहने उभी करण्यात येत असल्याने व रस्त्यावर दुकानातील साहित्य ठेवण्यात येत असल्याने तसेच रस्त्याच्या कडेला हातगाडी दुकाने लावली जात असल्याने सिमेंट रोड अगदीच अरुंद झाला असून त्यामुळे वाहतुकीस अडथळे निर्माण होऊन रस्त्यावर वेळोवेळी जाम लागतांना दिसतो. श्रीराम मंदिरापासून तर मोडक्या कमानी पर्यंत प्रत्येक दुकानांसमोर अगदी रस्त्यावर येईल अशा प्रकारे आडवी तिडवी वाहने उभी असतात. त्यामुळे वाहतुकला अडथळे निर्माण होत असून याठिकाणी नेहमी जाम लागत असतो. त्याचप्रमाणे आंबेडकर चौक, सानेगुरुजी चौक महाराष्ट्र बँक, टागोर चौक, स्टेट बँक सर्वोदय चौक, दीपक चौपाटी याठिकाणी अनियंत्रित वाहतुकीमुळे नेहमी जाम सदृश्य स्थिती पाहायला मिळते. असे असतांना वाहतूक पोलीस टिळक चौकातच उपस्थिती दर्शवून तेथूनच संपूर्ण शहरातील वाहतुकीची परिस्थिती हाताळतांना दिसतात. वाहतूक पोलिसांचे पेट्रोलिंग वाहन संविधान चौक, लालपुलिया, वरोरा घुग्गुस वळण रास्ता, ब्राह्मणी फाटा, लालगुडा चौक याठिकाणी गस्त घालतांना दिसते. शहराबाहेरील वाहतुकीवर नियंत्रण ठेऊन वाहन चालकांना शिस्त लावतांनाच शहरातील अंतर्गत वाहतूकही नियंत्रित करून बेशिस्त वाहन चालकांना शिस्त लावणेही गरजेचे झाले आहे. शहरातील वाहतुकीची परिस्थिती गंभीर झाली असून वाहतूक पोलिसांनी याकडे लक्ष देण्याची मागणी जोर धरू लागली आहे.

प्रशांत चंदनखेडे वणी :- <p>शहर व तालुक्यात कोरोनाचे संक्रमण वाढत असतांनाच कोरोनाने मृत्यू होणाऱ्यांचे प्रमाणही वाढत असल्याने तालुक्यातील जनता भीतीच्या सावटात आली आहे. तालुक्यात कोरोनाबाधितांचा आकडा फुगत असतांना कोरोना बळींचाही आकडा वाढतांना दिसून येत आहे. तालुक्यातील कोरोनाचे संकट गंभीर होतांना दिसत असून तालुक्यातील १४ नागरिकांचा या आजाराने बळी गेला आहे. तालुक्यात कोरोना रुग्णांचा आलेख वाढतच असून आज ३६ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ५४१ झाली आहे. तर ऍक्टिव्ह पॉझिटिव्ह रुग्णांची संख्या १३४ झाली आहे. आज आणखी २० रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. आता पर्यंत ३९० रुग्ण कोरोनामुक्त झाले आहेत. <p>तालुक्यात कोरोनाचा तांडव सुरूच असून आज परत मोठ्या संख्येने रुग्ण आढळले आहेत. मागील चार पाच दिवस कमी प्रमाणात रुग्ण आढळल्याने कोरोनाचे संक्रमण नियंत्रणात आल्याचे वाटत असतांनाच आज कोरोनाचा उद्रेक झाला असून रुग्ण वाढीचा आलेख तीव्र झाला आहे. कोरोनाने तालुक्यातील आणखी तीन जणांचा बळी घेतला असून बळींची संख्या वाढून १४ झाली आहे. आज ६९ तपासणी नमुन्यांचे अहवाल प्राप्त झाले असून ३१ पॉझिटिव्ह तर ३८ नमुन्यांचे अहवाल निगेटिव्ह आले आहेत. तसेच आज २९ रॅपिड अँटीजेन चाचण्या करण्यात आल्या असून ५ व्यक्तींचे रिपोर्ट पॉझिटिव्ह तर २५ व्यक्तींचे रिपोर्ट निगेटिव्ह आले आहेत. आज आणखी २२ व्यक्तींचे नमुने तपासणी करिता पाठविण्यात आल्याने ७८ नमुन्यांचे अहवाल प्रलंबित झाले आहेत. तालुक्यात कोरोनाने कहर केला असून आज ३६ पॉझिटिव्ह रुग्ण आढळल्याने तालुक्यातील एकूण कोरोना बाधित रुग्णांची संख्या ५३९ झाली असून ३९० रुग्ण कोरोनामुक्त झाले तर १४ रुग्णांचा उपचारादरम्यान मृत्यू झाल्याने ऍक्टिव्ह पॉझिटिव्ह रुग्णांची संख्या १३४ झाली आहे. आज पासून आय पी एल क्रिकेटचा धमाका सुरु होणार आहे. कोरोनानेही आज रुग्णसंख्येचा धमाका करून शहर वासियांच्या क्रिकेटच्या आनंदात भीतीचे सावट निर्माण केले आहे. पॉझिटिव्ह रुग्णांपैकी ४१ रुग्ण कोविड केयर सेंटरमध्ये उपचार घेत असून ७९ रुग्णांना होम आयसोलेशन करण्यात आले आहे. तर १४ रुग्ण यवतमाळ शासकीय रुग्णालयात भरती आहेत. सध्या स्थितीत ७४ व्यक्ती संस्थात्मक विलीगीकरणात आहेत. <p>आज पॉझिटिव्ह आलेल्या व्यक्तींमध्ये सेवा नगर येथील एक, गंगा विहार एक, गणेशपूर दोन, सुंदर नगर एक, मंगरूळ एक, शिवाजी नगर एक, भांदेवाडा एक, वाघदरा तीन, देशमुखवाडी सहा, राजूर चार, टागोर चौक तीन, बेलदारपुरा येथील आठ तर सिंधी कॉलनी येथील चार रुग्णांचा समावेश आहे. आज तालुक्यातील तीन कोरोनाग्रस्त रुग्णांचा उपचारदरम्यान मृत्यू झाल्याने कोरोना बळींचा आकडा १४ वर पोहचला आहे. तालुक्यातील वाघदरा येथील ६० वर्षीय पुरुष, राजूर येथील ४७ वर्षीय पुरुष तर शहरातील गुरुवर्य कॉलनी येथील ७४ वर्षीय पुरुषाचा कोरोनाने मृत्यू झाला आहे. तालुक्यातील वाढता कोरोनाचा प्रादुर्भाव लक्षात घेता नागरिकांनी सतर्कता बाळगण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p>शहरात दुचाकी चोरीच्या घटना वाढत असून चोरटे पाळत ठेऊन घर, कार्यालय, दुकान व इतर महत्वपूर्ण कामाच्या ठिकाणी उभ्या केलेल्या दुचाक्या लंपास करतांना दिसत आहे. अशाच आणखी एका दुचाकी चोरीच्या प्रकरणाचा पोलिसांनी छडा लावून दुचाकी चोरट्याला अटक केली आहे. <p>गणेशपूर येथील सुरेश देवराव बल्की (३८) यांनी छोरीया ले-आऊट येथून २ सप्टेंबरला दुचाकी चोरीला गेल्याची तक्रार ११ सप्टेंबरला पोलीस स्टेशनला नोंदविली. छोरीया ले-आऊट येथे उभी केलेली दुचाकी अज्ञात चोरटयांनी लंपास केल्याची तक्रार प्राप्त होताच डीबी पथकाने तपासाची सूत्रे हाती घेत गुप्त हेरांकडून मिळालेल्या माहितीच्या आधारे १८ सप्टेंबरला मोक्षधामच्या मागील बाजूस असलेल्या घोन्सा चौफुली रोड येथे उभा असलेल्या दुचाकी चोरट्याला डीबी पथकाने अटक करून त्याच्याकडून MH २९ BA ५८४२ क्रमांकाची स्प्लेंडर प्लस किंमत अंदाजे ३५ हजार रुपये, ही दुचाकी जप्त केली व आरोपी सौरभ घनश्याम भटवलकर (२१) रा. सेवानगर याला अटक करून त्याच्यावर भादंवि च्या कलम ३७९ अन्वये गुन्हा दाखल केला आहे. <p>सदर कार्यवाही एसडीपीओ सुशीलकुमार नायक व पो.नि. वैभव जाधव यांच्या मार्गदर्शनात डीबी पथकाचे गोपाल जाधव, सुधीर पांडे, सुनील खंडागळे, रत्नपाल मोहाडे, अमित पोयाम, पंकज उंबरकर यांनी केली आहे.

loksatta.com

प्रशांत चंदनखेडे वणी :- <p>तालुका ग्रामीण रुग्णालयाला उपजिल्हा रुग्णालयाचा दर्जा मिळूनही वणी विधानसभा क्षेत्राच्या आमदारांनी ही महत्वपूर्ण बाब गुलदस्त्यात ठेऊन वनीकर जनतेचा विश्वासघात केला असून राज्य शासनाच्या आरोग्य विभागाच्या निर्णयाकडे डोळेझाक केल्याचा खुलासा महाराष्ट्र नवनिर्माण सेनेचे राष्ट्रीय उपाध्यक्ष राजू उंबरकर यांनी पत्रपरिषदेत केला आहे. २०१३ मध्ये शहरातील ग्रामीण रुग्णालयाला उपजिल्हा रूग्णालयाचा दर्जा बहाल करण्यात आला. २०१४ पासून संजीवरेड्डी बोदकुरवार हे वणी विधानसभा क्षेत्राचे आमदार आहेत. तत्कालीन शासन निर्णयाची अंमलबजावणी करून उपजिल्हा रुग्णालयाला प्राधान्य दिले असते तर आज शहरातील आरोग्यविषयक समस्या निकाली लागल्या असत्या. रुग्णांना शहरातच अत्यावश्यक उपचार मिळाले असते. त्यांना गंभीर उपचाराकरिता चंद्रपूर, यवतमाळ येथे रेफर करण्याची आवश्यक्ता भासली नसती. रुग्णांना वेळेत उपचार मिळाले असते, उपचारा अभावी कुणालाही प्राण गमवावे लागले नसते. आता पर्यंत याठिकाणी दुसरे शासकीय कोविड सेंटर तयार झाले असते. पण आमदारांच्या दुर्लक्षित पणामुळे शहरातील ग्रामीण रुग्णालय उपजिल्हा रुग्णालयात परिवर्तित न झाल्याने शहर व तालुक्यात आजही आरोग्य विषयक समस्या कायम राहिल्या आहेत. <p>मनसेने ग्रामीण रुग्णालयाला उपजिल्हा रुग्णालयाचा दर्जा मिळावा म्हणून सतत पाठ पुरावा केल्याचे सांगतानाच उंबरकर यांनी सार्वजनिक आरोग्य विभागाने १७ जानेवारी २०१३ रोजी ग्रामीण रुग्णालयाला उपजिल्हा रुग्णालयाचा दर्जा दिल्याचे सांगितले. तत्कालीन मनसेचे दिवंगत आमदार रमेश वांजळे यांनी तत्कालीन आरोग्यमंत्री सुरेश शेट्टी यांच्या माध्यमातून सन २००१ च्या लोकसंख्येवर आधारित राज्यात आरोग्य संस्था स्थापनेचा आराखडा तयार केला होता. त्यानुसार महाराष्ट्र शासनाच्या आरोग्य विभागाने ३० खाटांच्या ग्रामीण रुग्णालयाचे ५० खाटांच्या उपजिल्हा रुग्णालयात श्रेणीवर्धन करण्याचा निर्णय २०१३ मध्ये निर्गमित केला. परंतु विद्यमान आमदारांनी हे महत्वपूर्ण प्रकरण दडपल्याचे मनसेचे राजू उंबरकर यांनी पत्रपरिषदेत स्पष्ट केले आहे. <p>२०१४ पासून आमदार संजीवरेड्डी बोदकुरवार वणी विधानसभा क्षेत्राचे प्रतिनिधित्व करीत आहे. शासन निर्णय काय आहे, त्याची व्याप्ती किती याकडे त्यांनी लक्ष द्यायला हवे होते. आरोग्य सुविधांच्या अभावामुळे नागरिकांच्या जीवन मरणाचा प्रश्न निर्माण झाला आहे, शहरातील कोरोनाचं संकट गडद झालं आहे, शहरात एकच कोविड केंद्र आहे, रुग्णांची वाढती संख्या लक्षात घेता आणखी एक कोविड केंद्र निर्माण व्हायला हवं होतं, एकाच कोविड केंद्रात रुग्णांचा भरणा वाढल्याने त्याठिकाणी योग्य सोयी सुविधा उपलब्ध होतांना दिसत नाही. कोरोना रुग्णांना वेळेवर योग्य उपचार मिळत नसल्याने निष्पाप जीवांचा बळी जात आहे. या गंभीर बाबींकडे सातत्याने दुर्लक्ष होत आहे. जिल्ह्यात तीन उपजिल्हा रुग्णालय आहेत, या तीनही रुग्णालयांमध्ये कोविड सेंटर आहे. तेंव्हा ग्रामीण रुग्णालयाला त्वरित उपजिल्हा रुग्णालयाचा दर्जा देऊन याठिकाणी आणखी एक शासकीय कोविड केयर सेंटर सुरु करावे, अन्यथा मनसे जनहितार्थ तीव्र आंदोलन छेडेल अशी सूचना वजा इशारा महाराष्ट्र नवनिर्माण सेनेचे राष्ट्रीय उपाध्यक्ष राजू उंबरकर यांनी दिला आहे.

mulukhmaidan.com