t

प्रशांत चंदनखेडे वणी :- <p>शहर व तालुक्यात सातत्याने कोरोना बाधित रुग्ण आढळत असून तालुका कोरोनाचे हॉस्स्पोट बनतांना दिसत आहे. नागरिक कोरोना या आजाराला अगदी सहजतेने घेत असून प्रतिबंधित क्षेत्राला औपचारिकता समजून बिनधास्त प्रतिबंधित क्षेत्राबाहेर पडत आहे. नागरिकांच्या या लापर्वाहिजणक वागण्याने कोरोनाचे संक्रमण वाढण्याचा धोका निर्माण झाला आहे. तालुक्यात आज १४ व्यक्तींचे कोरोना चाचणी अहवाल पॉझिटिव्ह आल्याने एकूण पॉझिटिव्ह रुग्णांची संख्या २८३ झाली आहे. तर ऍक्टिव्ह पॉझिटिव्ह रुग्णांची संख्या ७९ झाली आहे. आज आणखी २२ रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. आता पर्यंत २०१ रुग्ण कोरोनामुक्त होऊन घरी परतले आहेत. <p>तालुक्यात कोरोनाचा कहर सुरूच असून दरदिवशी मोठ्या संख्येने पॉझिटिव्ह आढळत असून कोरोना बाधितांचा आकडा फुगत चालला आहे. आज १९ तपासणी नमुन्यांचे अहवाल प्राप्त झाले असून ५ पॉझिटिव्ह तर १३ नमुन्यांचे अहवाल निगेटिव्ह आले आहेत. तसेच आज ४४ व्यक्तींची रॅपिड अँटीजेन टेस्ट करण्यात आली असून ९ व्यक्तींचे रिपोर्ट पॉझिटिव्ह तर ३५ व्यक्तींचे रिपोर्ट निगेटिव्ह आले आहेत. आता पर्यंत १३४५ रॅपिड अँटीजेन टेस्ट करण्यात आल्या असून १८७४ व्यक्तींच्या स्वाबची तपासणी करण्यात आली आहे. पॉझिटिव्ह रुग्णांपैकी ३४ रुग्ण कोविड केयर सेंटरला भरती असून ३१ रुग्णांना होम आयसोलेशनमध्ये ठेवण्यात आले आहे. तर १४ रुग्णांवर यवतमाळ येथे उपचार सुरु आहेत. आज आणखी ३६ व्यक्तींचे नमुने तपासणी करिता कोरोना लॅब मध्ये पाठविण्यात आले असून २६७ नमुन्यांचे अहवाल प्रलंबित आहे. सध्यास्थितीत ७६ व्यक्तींना संस्थात्मक विलीगीकरणात ठेवण्यात आले आहे. आज १४ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या २८३ झाली असून २०१ रुग्ण कोरोनामुक्त झाले आहेत तर तीन रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ७९ वर आली आहे. आज पॉझिटिव्ह आलेल्या व्यक्तींमध्ये भोईपुर येथील एक, टागोरचौक एक, साधनकरवाडी एक, कॉटन मार्केट एक, विठ्ठलवाडी येथील एक, भांडेवाडा एक, विराणी टॉकीज जवळील एक, जिल्हापरिषद कॉलनी एक, गुरुनगर दोन, सोमनाळा एक, सेवानगर एक, एक देशमुखवाडी येथील एक तर न्यायालयातील दोन कर्मचाऱ्यांचा समावेश आहे. कोरोनाने आता न्यायालयातही प्रवेश केला असून न्यायालयीन कर्मचाऱ्यांना कोरोनाची लागण झाली आहे. काल नांदेपेरा रोडवरील दवाखाना असलेल्या डॉक्टर दाम्पत्याकडे सेवेत असणारी परिचारिका व घरकाम करणारी महिला पॉझिटिव्ह आल्याचे कळते. विठ्ठलवाडीतही रुंगांची संख्या वाढीस लागली असून आता पर्यंत आठ व्यक्ती याठिकाणी पॉझिटिव्ह आढळून आले आहेत. प्रशासन योग्य त्या उपाययोजना करीत असून नागरिकांनी कोरोना विषयक नियमांचे पालन करून स्वतःचे व इतरांचे आरोग्य धोक्यात येणार नाही याची काळजी घेण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p><p>तालुक्यात कोरोनाचा उद्रेक झालेला असतांना नागरिक मात्र कोरोना या गंभीर स्वरूपाच्या आजाराला अगदीच सहजतेने घेत असल्याचे पाहायला मिळत आहे. नागरिक जराही या आजाराविषयी गंभीर नसल्याचे पाहायला मिळत आहे. शासन व प्रशासनाच्या मार्गदर्शक तत्वांकडे जाणीव पूर्वक दुर्लक्ष केल्या जात आहे. प्रशासनाच्या नियम व सूचनांचे काटेकोरपणे पालन होतांना दिसत नाही. नागरिकांच्या दुर्लक्षितपणामुळे कोरोनाचे संक्रमण वाढीस लागले असून प्रशासनाच्या लाख उपाययोजनांतरही कोरोनावर नियंत्रण मिळविणे कठीण झाल्याचे रुग्णांच्या वाढत्या संख्येवरून निदर्शनास येत आहे. अनलॉक झाल्यापासून जनता एवढी निर्भीड झाली आहे की, वर्दळीच्या ठिकाणी बिनधास्त वावरून कोरोनालाच आव्हान देत आहे. खबरदारीच्या नियमांना बगल देत स्वतःचे व इतरांचेही आरोग्य धोक्यात घालतांना दिसत आहे. प्रतिबंधित क्षेत्रातून बाहेर निघत कित्येक जण शहरात फेरफटका मारतांना दिसत आहे. कोरोना बाधित रुग्ण आढळल्या नंतर सील केलेल्या परिसरातून कुणालाही किमान १४ दिवसांपर्यंत बाहेर पडता येत नसतांनाही प्रतिबंधित क्षेत्रातील जनता नियमांना धाब्यावर बसवून बिनधास्त बाहेर पडतांना दिसत आहे. प्रतिबंधित क्षेत्रातून बाहेर पडणारी व्यक्ती नंतर पॉझिटिव्ह आली तर त्याचे काय परिणाम भोगावे लागतात, याची प्रचिती तेलीफैलातील महिलेच्या अंतयात्रेत सहभागी होण्यावरून आलीच आहे. अशाच प्रकारची प्रचिती उकणी येथील प्रतिबंधित क्षेत्रातून होते की, काय ही भीती वर्तविल्या जात आहे. काल उकानी येथील पॉझिटिव्ह आलेली महिला प्रतिबंधित क्षेत्र लांघून शेतात निंदन करण्याकरिता जात असल्याचे समजते. त्यामुळे तिच्या संपर्कात आलेल्या नागरिकांचा जीव भांड्यात पडला आहे. परप्रांतातून आलेले नागरिकही काही दिवस घरीच विश्रांती न घेता सार्वजनिक ठिकाणी वावरतांना दिसत आहे. इतर नागरिकांच्या संपर्कात येऊन त्यांचे आरोग्यही धोक्यात आणत आहेत. काल पॉझिटिव्ह आलेले डॉक्टर महिलेचे पती परप्रांतात अंत्यसंस्काराकरिता गेले होते. त्यांना लक्षणे आढल्यानंतर काही दिवसांनी डॉक्टर दाम्पत्यांनी कोविड केयर सेंटरमध्ये जाऊन कोरोना तपासणी केली असता सहा ते सात दिवसांनी त्यांचा रिपोर्ट पॉझिटिव्ह आला. या कालावधीत त्यांचा कित्येकांशी संपर्क आला असेल, दवाखानाही सुरूच होता. त्यांच्या संपर्कातील नागरिकही दहशतीत आले आहे. कोलार कोळसा खदानीशी संलग्न असलेल्या सद् भावना व्हाल्वो कंपनीत ३० ते ४० कर्मचारी मध्यप्रदेश मधून आले असून ते इतर कर्मचाऱ्यांमध्ये वावरत असल्याने अन्य कर्मचारीवर्ग भीतीच्या सावटात आला आहे. मध्यप्रदेशातील बेळगांव येथील सद् भावना व्हाल्वो कंपनीचे काम बंद झाल्याने तेथील कर्मचारी मोठ्या संख्येने येथे आले असून त्यांच्यामध्ये ताप व खोकल्याची लक्षणे असल्याची विश्वसनीय माहिती आहे. परप्रांतातून आल्यानंतर कोणत्याही कर्मचाऱ्यांची कोविड केयर सेंटरमध्ये तपासणी करण्यात आली नसल्याचे समजते. प्रशासनाने या लापर्वाहीजनक कृत्याकडे लक्ष देऊन नियमांना बगल देणाऱ्यांवर कठोर कार्यवाही करण्याची मागणी जोर धरत आहे. <p><p>प्रतिबंधित क्षेत्रही औपचारिकताच ठरत असल्याचे पाहायला मिळत आहे. प्रतिबंधित क्षेत्रातील नागरिक प्रशासनाची जराही भीती न बाळगता प्रतिबंधित क्षेत्राबाहेर मुक्त संचार करतांना दिसत आहे. प्रतिबंधित क्षेत्रातून बाहेर पडत नागरिक इतरांचे आरोग्य धोक्यात आणत आहेत. मंदर येथील रेडिमेट ड्रेसेस मधील पॉझिटिव्ह आलेल्या युवकाचा सहकारी नियमांचे उल्लंघन करून बाहेर फिरतांना दिसत आहे, उकनी येथीलही नागरिक प्रतिबंधित क्षेत्र लांघतांना दिसत आहे. शहरातील विठ्ठलवाडी, साईनगरी, शास्त्रीनगर, छोरीया ले-आऊट, अशा बहुतांश प्रतिबंधित परिसरातील नागरिक परिसर लांघून वर्दळीच्या ठिकाणी कसलीही भीती न बाळगता वावरतांना दिसत आहे. प्रशासनाने अशा या नियमांना बगल देणाऱ्या महाभागांवर कार्यवाही करून इतरांचे आरोग्य धोक्यात येणार नाही याची दक्षता घेण्याची मागणी सुज्ञ नागरिकांमधून होत आहे. नागरिक कोरोनाला अगदी सहजतेने घेत असून प्रतिबंधित क्षेत्राला औपचारिकता समजत आहे. प्रतिबंधित क्षेत्रातून बाहेर पडत लोकांमध्ये सहभागी होऊन कोरोनाचे संक्रमण तर वाढवतच आहे, नियमांचे उल्लंघन करून प्रशासनालाही आव्हान देत आहे.

प्रशांत चंदनखेडे वणी :- <p><p>शहरातील विद्युत विभागाचे अधिकारी व कर्मचारी निद्रिस्त अवस्थेत असून दिवस उजडूनही विद्युत खांबावरील लाईट सुरु ठेऊन सूर्य प्रकाशाला कृत्रिम प्रकाशाची जोड देण्याचा प्रयत्न करीत करीत आहे. लॉकडाऊनमुळे उद्योग, कंपन्या व रेल्वे गाड्या बंद राहिल्याने मुबलक विद्युत साठा उपलब्ध असून दिवसरात्र विद्युत पुरवठा सुरु ठेवला तरी तो वर्षागणिक पुरेल हा स्थानिक विद्युत विभागाचा मानस झालेला दिसत आहे. घरगुती विजेचे दर भरमसाठ वाढविल्याने एकही अतिरिक्त लाईट सुरु ठेवण्याची नागरिकांची हिंम्मत होत नसतांना रोडचे संपूर्ण लाईट दिवसाढवळ्या सुरु ठेऊन विद्युत विभाग नागरिकांच्या जख्मेवर मीठ चोळत आहे. विद्युत विभागाने दिवसरात्र खांबावरील लाईट सुरु ठेवले तरी त्यांना कसल्याही प्रकारचे वीजबिल अदा करावे लागत नसल्याने अधिकारी व कर्मचारी जाणीवपूर्वक दुर्लक्ष करतांना दिसत आहे. कोरोनाच्या संकटात नागरिकांवर उपासमारीची वेळ आलेली असतांना वीजवितरण विभागाने अवाढव्य वीजबिले नागरिकांच्या माथी मारून त्यांचं कंबरडचं मोडलं व मोडणं सुरूच आहे. कोरोना काळातील वीजबिल कमी करण्याचा निर्णय अधांतरीचं पडला आहे. नुसत्या आश्वासनांच्या खैराती वाटण्यात आल्या. आता "रात गायी बात गयी" सर्व चूप अशी परिस्थिती निर्माण झाली आहे. <p><p>आज दिवस उजाडला तरी विद्युत विभाग मात्र कुंभकरणी झोपेत असल्याचे पाहायला मिळाले. सूर्यप्रकाशातही कृत्रिम प्रकाशाची जोड पाहायला मिळत होती. विद्युत विभागाने स्ट्रीट लाईट दिवसरात्र सुरु ठेऊन मुबलक असलेला विद्युत साठा जलद खर्ची करण्याचे धोरण अवलंबल्याचे पाहायला मिळत आहे. एकीकडे संकटाच्या काळात अवाजवी वीजबिले नागरिकांच्या माथी मारल्या जातात तर दुसरीकडे दिवसाढवळ्या खांबावरील लाईट सुरु ठेऊन वीजसाठा मुबलक असल्याचे दर्शवितांनाच सामान्य जनतेला मात्र आम्ही वीजबिलातून सूट देणार नसल्याचे स्पष्ट संकेत दिल्या जात आहे. उद्योग, कारखाने, कंपन्या व रेल्वे वाहतूक बंद राहिल्याने विजेचा साठा मुबलक असतांनाही सामान्य जनतेला या संकटाच्या काळात जराही वीजबिलातून सूट देण्यात आली नाही, हे त्यांना एकप्रकारे हिणवल्या सारखे झाले आहे. शासनानेही वीजबिल कमी करण्याचा निर्णय अधांतरीच ठेवला आहे. निवडणूक काळातच सामान्य जनतेविषयी कळवळा दाखविल्या जात असल्याचे आता नागरिकांनाही कळून चुकले आहे. घरगुती वीज दरांमध्ये भरमसाठ वाढ केल्याने सामान्य नागरिकांना विजेचा वापर करतांनाच धास्ती भरत आहे. कितीही काटकसरीने वीजेचा वापर केला तरीही वीजबिल आवाक्याबाहेरचेच येत असल्याने सामान्य जनतेत वीजबिला विषयी संभ्रम निर्माण झाला असून विजेचा वापर आता करावा तरी कसा, हेच त्यांना कळेनासे झाले आहे. एकीकडे विजेचा वापर करतांना सामान्य जनता धास्तावली असतांना दुसरीकडे दिवसाच्या उजेडातही खांबावरील लाईट सुरु ठेऊन स्थानिक विद्युत विभाग विजेच्या मुबलक साठ्याची प्रदर्शनी करतांना दिसत आहे.

news34.co.in

प्रशांत चंदनखेडे वणी :- <p><p>तालुक्यातील रासा येथील एका अल्पवयीन मुलीचा विनयभंग केल्या प्रकरणी परप्रांतीय आरोपीला पोलिसांनी अटक केली असून त्याच्यावर पॉस्को अंतर्गत गुन्हा दाखल करण्यात आला आहे. जितेंद्र कुमार शाहू रा. उत्तर प्रदेश असे या आरोपीचे नाव असून तो विवाहित आहे. आरोपीच्या घराशेजारी राहणारी अल्पवयीन मुलगी आरोपीच्या पत्नीला भेटण्याकरिता गेली असता आरोपीने तिचा विनयभंग केल्याचे मुलीच्या आईने पोलीस स्टेशनला दिलेल्या तक्रारीत नमूद केले असल्याचे पोलिसांनी सांगितले आहे. <p><p>रासा येथे काही वर्षाआधी परप्रांतीय कुटुंब कामानिमित्त आलं व याच ठिकाणी स्थायिक झालं. या कुटुंबातील एका मुलीचं कॅट्रेसचा व्यवसाय असलेल्या त्यांच्याच प्रांतातील एका युवकाशी लग्न झाले. या युवकाचा कॅट्रेसचा व्यवसाय असल्याने गावातील काही गरजवंत कुटुंबातील मुली जितेंद्र कुमार शाहू या युवकाकडे रोजंदारीने काम करण्यास परप्रांतात जायच्या. पीडित मुलगीही त्याच्याकडे कामाला असल्याचे समजते. वर्षभरानंतर तीन चार दिवसांआधीच पीडित मुलगी व आरोपी रासा येथे आले असल्याचे समजते. वर्षभर कॅट्रेसच्या व्यवसायात रोजंदार म्हणून कामावर असलेली अल्पवयीन मुलगी तीन चार दिवसांआधीच रासा या आपल्या गावी आली व आरोपीने संधी साधून तिचा विनयभंग केल्याचे हे प्रकरण असून पोलिसांनी आरोपीला अटक करून त्याच्यावर भादंवि च्या कलम ३५४ व बाल अत्याचार प्रतिबंधक कायद्याच्या कलम १२ अन्वये पॉस्को अंतर्गत गुन्हा दाखल केला आहे. आरोपीचा परप्रांतात कॅट्रेसचा व्यवसाय असून सदर अल्पवयीन मुलगी, आरोपी व आरोपीची पत्नी एकाच ठिकाणी काम करत असल्याने आरोपी व अल्पवयीन मुलगी तीन चार दिवसांआधीच रासा येथे परतले असून पीडित मुलगी आरोपीच्या पत्नीला भेटण्याकरिता त्याच्या घरी गेली असता त्याने मुलीचा विनयभंग केल्याची तक्रार मुलीच्या आईने पोलीस स्टेशनला नोंदविली असून पोलिसांनी तक्रारीवरून जितेंद्र कुमार शाहू या आरोपीला अटक केली आहे. पुढील तपास उप पोलीस निरीक्षक निखिल फटिंग व एपीआय माया चांदसे करीत आहे.

प्रशांत चंदनखेडे वणी :- <p>शहर व तालुक्यात कोरोनाचा तांडव सुरूच असून कोरोना रुग्ण वाढीचा आलेख तीव्र गतीने वाढतांना दिसत आहे. आज आणखी १८ व्यक्तींचे कोरोना चाचणी अहवाल पॉझिटिव्ह आल्याने तालुक्यातील कोरोना पॉझिटिव्ह रुग्णांची संख्या २६९ झाली आहे. तर ऍक्टिव्ह पॉझिटिव्ह रुग्णांची संख्या ८८ झाली आहे. आज आणखी आठ व्यक्ती कोरोनातून पूर्णपणे बरे झाल्याने त्यांना सुटी देण्यात आली आहे. आता पर्यंत एकूण १७९ रुग्ण कोरोनामुक्त झाले आहेत. <p>तालुक्यात कोरोनाचा उद्रेक सुरूच असून कोरोना बाधित रुग्णांची संख्या झपाट्याने वाढत आहे. कोरोनाचे संक्रमण शहरापासून तर गावखेड्यापर्यंत अगदी जलद गतीने होत असून तालुक्यात भीतीचे वातावरण निर्माण झाले आहे. डॉक्टरांनाही मोठ्या प्रमाणात कोरोनाची लागण होतांना दिसत असून नांदेपेरा रोडवर दवाखाना असलेले नामांकित डॉक्टर दाम्पत्य पॉझिटिव्ह निघाल्याने शहरातील नागरिकांमध्ये भीती संचारली आहे. कोरोनाने डॉक्टर वर्गांकडे आपला मोर्चा वळवला असून नामांकित डॉक्टरांना कोरोनाची लागण होत असल्याने त्याचा परिणाम रुग्णसेवेवर होतांना दिसत आहे. डॉक्टर कोरोना बाधित होत असल्याने नागरिकांमध्ये घाबरगुंडी सुटली असून कित्येक जण छोट्या मोठ्या आजारांवर घरगुती उपचार करतांना दिसत आहे. आज ६१ तपासणी नमुन्यांचे अहवाल प्राप्त झाले असून त्यापैकी १५ पॉझिटिव्ह तर ४६ व्यक्तींच्या नमुन्यांचे अहवाल निगेटिव्ह आले आहेत. तसेच आज ९ व्यक्तींची रॅपिड अँटीजेन टेस्ट करण्यात आली. त्यापैकी तीन व्यक्तींचे रिपोर्ट पॉझिटिव्ह तर ६ व्यक्तींचे रिपोर्ट निगेटिव्ह आले आहेत. आता पर्यंत एकूण १३०१ व्यक्तींच्या रॅपिड अँटीजेन टेस्ट करण्यात आल्या तर १८३८ व्यक्तींची आरटी पीसीआर तपासणी करण्यात आली आहे. आज १८ व्यक्ती पॉझिटिव्ह आल्याने तालुक्यातील कोरोना बाधितांची संख्या २६९ झाली असून १७९ रुग्ण कोरोनामुक्त झाले तर ३ कोरोना बाधित रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ८८ झाली आहे. पॉझिटिव्ह रुग्णांपैकी ४५ रुग्ण कोविड केयर सेंटरला भरती असून ३२ रुग्णांना होम आयसोलेशनमध्ये ठेवण्यात आले आहे. तर ११ रुग्णांवर यवतमाळ शासकीय रुग्णालयात उपचार सुरु आहेत. सध्या स्थितीत ७६ व्यक्तींना इन्स्टिट्यूशनल कॉरंटाईनमध्ये ठेवण्यात आले आहे. आज आणखी ३१ व्यक्तींचे नमुने तपासणी करिता पाठविण्यात आल्याने २५० नमुन्यांचे अहवाल प्रलंबित झाले आहे. आज पॉझिटिव्ह आलेल्या व्यक्तींमध्ये पद्मावती नगर येथील एक, देशमुखवाडी एक, रांगणा एक, राजूर येथील दोन, उकणी येथील चार, रंगारीपुरा पाच, नांदेपेरा रोड दोन, पंचशीलनगर एक तर वसंत गंगा नगर येथील एका व्यक्तीचा समावेश आहे. उकणी येथील चारही पॉझिटिव्ह आलेल्या व्यक्ती ४ सप्टेंबरला पॉझिटिव्ह आलेल्या व्यक्तीच्या संपर्कातील असल्याचे समजते. देशमुखवाडी येथील रहिवासी असलेला भांडे विक्रेताही पॉझिटिव्ह आल्याचे समजते. प्रशासन कोरोनावर नियंत्रण मिळविण्याकरिता शर्थीचे प्रयत्न करीत असून नागरिकांनीही सावधानी बाळगण्याचे आव्हान प्रशासनाने केले आहे.

प्रशांत चंदनखेडे वणी :- <p><p>तालुक्यात आत्महत्यांची मालिका सुरूच असून युवा पिढी जीवनापासून वैताल्यागत आत्महत्यांसारखे टोकाचे पाऊल उचलत आहे. एकामागून एक होणाऱ्या आत्महत्यांनी तालुका चांगलाच हादरला आहे. कुटुंबाचा आधारवड असलेली युवापिढी जीवन जगण्याची आस हरपल्यागत मृत्यूला जवळ करत असल्याने कुटुंबावर चांगलाच आघात होतांना दिसत आहे. कुटुंबाचा आधार बनण्याऐवजी युवा पिढी मृत्यूचा आधार शोधत असल्याने जीवनावर मृत्यू विजय मिळवितांना दिसत आहे. उकनी येथील २८ वर्षीय युवकाने आज सायंकाळी ५ वाजताच्या सुमारास मोहर्ली गावापासून काही अंतरावर झुडपात गळफास घेऊन आत्महत्या केल्याने उकनी या गावात एकच खळबळ उडाली असून गावात शोककळा पसरली आहे. आकाश दिवाकर दर्वेकर रा. उकनी वय अंदाजे २८ वर्षे या ट्रान्सपोर्ट क्षेत्रातील ड्रायव्हर युवकाने आत्महत्या करून जगाचा निरोप घेतला आहे. <p><p>अत्यंत सुस्वभावी व मेहनती असलेल्या आकाश दर्वेकर या युवकाचे तीन ते चार महिन्यांपूर्वीच लग्न झाले होते. तर लग्नानंतर तीन महिन्याच्या संसारातच त्याचा घटस्फोटही झाल्याचे समजते. शहरातील नामांकित कोल ट्रान्सपोर्ट कंपनीमध्ये त्याने बरेच दिवस कोळशाचे टिप्पर चालविल्यानंतर आपल्या मेहनत व योग्य ड्रायव्हरकीच्या आधारावर गौरव व्हाल्वो प्रा.ली. या कंपनीमध्ये आपले स्थान पक्के केले. सध्या तो निलजई येथील गौरव व्हॉल्वो कंपनीमध्येच कार्यरत होता. त्याला आई वडील व एक मोठा भाऊ आहे. लग्न झाल्यानंतर मानसिक संतुलन ढासल्यागत तो वागत असल्याचे समजते. काही दिवसांआधी एकटाच नदीवर गेल्याचे भावाच्या लक्षात आल्यानंतर त्याने धाकदपट करून परत आणल्याचे कळते. आज त्याने अगदीच टोकाचे पाऊल उचलत आत्महत्येसारखा पर्याय निवडल्याने कुटुंबावर चांगलाच आघात झाला आहे. युवा अवस्थेत पदार्पण केल्यानंतर रोजगाराच्या संधी उपलब्ध झाल्यानंतर कुटुंबाचा आधार बनून आई वडिलांच्या परिश्रमांचे फलित करण्याची वेळ आली असतांनाच युवापिढी लाचार होऊन आत्महत्येसारखे पर्याय निवडत असल्याने कुटुंबावर दुःखाचे डोंगर कोसळत असून वृद्ध मातापित्यांचा आधारच हिरवाल्या जात आहे. मुलगा कमावता झाला की, कुटुंबाचं पाठबळ वाढतं, पण युवापिढी स्वतःच जगण्याचा भार न पेलल्यागत आत्महत्यांचे मार्ग निवडत असल्याने वृद्ध मातापित्यांचे आधारकवचंच हिरावले जात आहे. हे आत्महत्यांचं सत्र कुठेतरी थांबलं पाहिजे यावर चिंतन करण्याची वेळ आता आली आहे.

प्रशांत चंदनखेडे वणी :- <p><p>तालुक्यातील सावर्ला येथील शेतकरी युवकाने राहत्या घरी विषारी द्रव्य प्राशन करून आत्महत्या केल्याचे प्रकरण काल दुपारनंतर उघडकीस आले. प्रवीण नामदेव चोपणे वय ३२ वर्ष असे या आत्महत्या केलेल्या युवा शेतकऱ्याचे नाव आहे. सकाळी खूप वेळपर्यंत घराचे दार बंद असल्याने व सदर युवक निदर्शनास न आल्याने बैलांना पाणी पाजण्याकरिता गेलेल्या मृतकाच्या पुतण्याने घरात डोकावून पहिले असता तो निपचित पडून असल्याचे निदर्शनास आल्याने त्याने काही लोकांच्या मदतीने दरवाजा तोडून आत प्रवेश केला असता प्रवीण चोपणे याने विषारी द्रव्य प्राशन करून आत्महत्या केल्याचे निदर्शनास आले. मृतकाचा पुतण्या मोहन मुर्लीधर चोपणे (१९) याने घटनेबाबत पोलिसांना माहिती दिली असता पोलिसांनी घटनास्थळाचा पंचनामा करून मृतदेह उत्तरीय तपासणी करिता ग्रामीण रुग्णालयात पाठविला. शवविच्छेदना नंतर पार्थिव शरीर नातेवाईकांच्या स्वाधीन करण्यात आले. <p><p>तालुक्यात सातत्याने आत्महत्यांचे प्रकरण उघडकीस येत असून काल तालुक्यात तीन आत्महत्यांची प्रकरणे उघडकीस आली आहे. बाबापुर येथील ३२ वर्षीय शंकर गुलाब काकडे याने विषारी द्रव्य प्रश्न करून, गणेशपूर येथील २३ वर्षीय रजनीकांत गेडाम याने गळफास घेऊन तर सावर्ला येथील ३२ वर्षीय शेतकारी युवकाने विषारी द्रव्य प्राशन करून आत्महत्या केली. लॉकडाऊन काळात नैराशेने ग्रासलेल्या व्यक्तींची मानसिकता दुबळी झाल्याने ते आत्महत्ये सारखे टोकाचे पाऊल उचलत आहेत. त्यांच्या मध्ये जीवनाचा सकारत्मक दृष्टिकोन रुजविण्याची गरज असून त्यांना जगण्याचं पाठबळ देऊन योग्य मार्गदर्शनाच्या माध्यमातून त्यांच्यातील नैराश्य दूर करण्याची आवश्यक्ता निर्माण झाली आहे. घरातील कर्ते पुरुष व युवा पिढी मानसिक तणावातून व गरिबीमुळे आलेल्या लाचारीला कंटाळून आत्महत्ये सारखे टोकाचे पाऊल उचलत आहे. कुटुंबाचा आधारवडचं तुटून पडत असल्याने संपूर्ण कुटुंब विखरतांना दिसत आहे. शासन प्रशासन व सामाजिक राजकीय पुढाऱ्यांनी आत्महत्या ग्रस्त कुटूंबांना आधार देऊन कुणीही ढासळलेल्या मानसिकतेतून आत्महत्या करणार नाही, याकरिता गाव शहरात जीवनाचं महत्व समजावून सांगणारे मार्गदर्शन शिबिरं घेण्याची नितांत आवशक्ता येऊन पडली आहे. नाही तर आत्महत्यांचे हे सत्र असेच सुरु राहील.

प्रशांत चंदनखेडे वणी :- <p><p>तालुक्यात मागील काही महिन्यांपासून आत्महत्यांचे सत्रच सुरु झाले आहे. तालुक्यात एकामागून एक आत्महत्यांच्या घटना घडत असून नागरिक जीवन नकोसे झाल्यागत आत्महत्यांचे मार्ग निवडत असल्याचे पाहायला मिळत आहे. लॉकडाऊनमुळे आलेली हालाखीची परिस्थिती, त्यातून आलेले नैराश्य एकीकडे आत्महत्येस कारणीभूत ठरत आहे, तर दुसरीकडे जीवनातील नैराशेतून व्यसनाधीनतेकडे वळलेले युवक नशेच्या अधीन जाऊन मृत्यूला कवटाळत आहेत. काल रात्री गणेशपूर येथील तरुणाने गळफास घेऊन जीवनयात्रा संपविल्याचे प्रकरण उघडकीस आले आहे. गणेशपूर गावातून मुकुटबन मार्गाकडे जाणाऱ्या रस्त्यावरील मुख्य चौकालगतच्या झुडपात लोखंडी पाईपला नायलॉन दोराने गळफास लावलेल्या अवस्थेत सदर तरुणाचा मृतदेह आढळून आल्याने गावात एकच खळबळ उडाली. तरुण वयात आत्महत्येसारखे टोकाचे पाऊल उचलून जीवनातून कायमची एक्झिट घेतल्याने गावात हळहळ व्यक्त केल्या जात आहे. <p><p>गणेशपूर येथे वास्तव्यास असलेल्या अंदाजे २३ वर्षे वयोगटातील रजनीकांत संतोष गेडाम या तरुणाने काल रात्री गळफास घेऊन आत्महत्या केली. सदर युवक ग्रामपंचायतेची कचरागाडी चालवत असल्याचे समजते. गणेशपूर गावातून मुकुटबन मार्गाकडे जाणाऱ्या मुख्य चौकातील रोडच्या बाजूला असलेल्या झुडपातील लोखंडी पाईपाला नायलॉन दोराने गळफास लावलेल्या अवस्थेत गावातील काही नागरिकांना सदर तरुणाचा मृतदेह आढळून आल्याने गावात एकच खळबळ उडाली. त्याच्या या अकाली जाण्याने गावात शोककळा पसरली आहे. नैराशेच्या गर्तेतून व्यसनाधीनतेच्या आहारी जाऊन कौटोम्बिक कलहामुळे मनावर परिणाम झालेली तरुण मंडळी नशेच्या झुळकीत मृत्यूची वाट धरत आहेत. मागील काही महिन्यांपासून तालुक्यात आत्महत्यांची मालिकाच सुरु झाली असून एक दोन दिवसाआड आत्महत्येचे प्रकरण उघडकीस येत आहे. जीवन नकोसे झाल्यागत नागरिक आत्महत्यांचे मार्ग स्वीकारत आहेत. घरातील कर्त्या पुरुषांच्या अशा अकाली जाण्याने कुटुंबाचा आधारच हिरावल्या जात आहे. तरुणांची जीवनातील ही एक्झिट कुटुंबाला दुःखाच्या खाईत लोटून जात आहे. कुटुंबाची आधार असलेली तरुण पिढी लाचार होऊन आत्महत्येसारखे मार्ग निवडत असल्याने कुटुंबावर होणारा आघात शब्दात व्यक्त करण्याजोगा नाही. त्यामुळे या तरुणांमध्ये जीवनाविषयीचा सकारात्मक दृष्टिकोन निर्माण करण्याची आज नितांत गरज आहे.

प्रशांत चंदनखेडे वणी :- <p>शहर व तालुक्यात कोरोनाचा प्रादुर्भाव वाढतच असून सातत्याने पॉझिटिव्ह रुग्ण आढळत असल्याने कोरोना बाधितांचा आकडा फुगतच चालला आहे. शहरात कोरोनाचा कहर वाढतच असून ग्रामीण भागातही कोरोना विषाणूची चांगलीच बाधा होतांना दिसत आहे. शहरात कोरोना संक्रमणाची गती तीव्र झाली असून दर दिवशी कोरोनाचे मोठ्या संख्येने रुग्ण आढळत असल्याने प्रशासन हादरले आहे. आज ११ व्यक्तींचे अहवाल पॉझिटिव्ह आल्याने तालुक्यातील कोरोना बाधित रुग्णांची संख्या २५१ झाली आहे तर ऍक्टिव्ह पॉझिटिव्ह रुग्णांची संख्या ७७ झाली आहे. आज आणखी एका व्यक्तीचा कोरोनाने मृत्यू झाला असून ३२ व्यक्ती कोरोनातून पूर्णपणे बरे झाल्याने त्यांना सुटी देण्यात आली आहे. रंगारीपुरा येथील ६० वर्षीय व्यक्तीचा यवतमाळ येथे उपचारादरम्यान मृत्यू झाला असून तो १ सप्टेंबर पासून शासकीय रुग्णालयात कोरोनावर उपचार घेत होता. त्याच्या मृत्यूने तालुक्यातील कोरोना बळींची संख्या ३ झाली आहे. <p>तालुक्यात कोरोनाचा उद्रेक होतांना दिसत असून दिवसागणिक पॉझिटिव्ह रुग्ण आढळत असल्याने प्रशासनही चांगलेच हादरले आहे. लॉकडाऊनचे नियम शिथिल करण्यात आल्याने नागरिकांचा एकमेकांशी संपर्क वाढल्याने कोरोनाचे संक्रमणही चांगलेच वाढले असून पॉझिटिव्ह रुग्णांची संख्या झपाट्याने वाढतांना दिसत आहे. कोरोनाचा वाढता प्रादुर्भाव लक्षात घेता प्रशासनाच्या उपाययोजनाही तोडक्या पडतांना दिसत आहे. आरोग्य विभागाच्या रुग्ण सेवेवरही चांगलाच प्रभाव पडतांना दिसत आहे. रुग्णांची संख्या तीव्र गतीने वाढत असून रुग्णांची व परिसरातील नागरिकांची काळजी घेतांना आरोग्य विभागाची चांगलीच दमछाक होतांना दिसत आहे. आज ४४ व्यक्तींची रॅपिड अँटीजेन चाचणी करण्यात आली असून ११ व्यक्तींचे रिपोर्ट पॉझिटिव्ह तर ३३ व्यक्तींचे रिपोर्ट निगेटिव्ह आले आहेत. आता पर्यंत १२९२ रॅपिड अँटीजेन चाचण्या करण्यात आल्या असून १८०७ व्यक्तींच्या स्वाबची तपासणी करण्यात आली आहे. आज आणखी ३३ व्यक्तींचे नमुने तपासणी करिता पाठविण्यात आल्याने २८० नमुन्यांचे अहवाल प्रलंबित झाले आहेत. आज रंगारीपुरा येथील ६० वर्षीय रुग्णाचा यवतमाळ येथे उपचारादरम्यान मृत्यू झाल्याने तालुक्यातील कोरोना बळींची संख्या ३ झाली आहे. आज आणखी ३२ रुग्ण कोरोनामुक्त झाल्याने त्यांना सुटी देण्यात आली आहे. पॉझिटिव्ह रुग्णांपैकी ३५ रुग्ण कोविड केयर सेंटरला भारती असून ३१ रुग्णांना होम आयसोलेशनमध्ये ठेवण्यात आले आहे. तर ११ रुग्णांवर यवतमाळ शासकीय रुग्णालयात उपचार सुरु आहेत. सध्यस्थितीत ७६ व्यक्तींना संस्थात्मक विलीगीकरणात ठेवण्यात आले आहे. तालुक्यात ६० प्रतिबंधित क्षेत्र ऍक्टिव्ह असून शहरात ४१ तर ग्रामीण भागात १९ प्रतिबंधित क्षेत्र आहेत. आज ११ व्यक्तींचे रिपोर्ट पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या २५१ झाली असून १७१ रुग्ण कोरोनामुक्त झाले तर ३ रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ७७ झाली आहे. आज पॉझिटिव्ह आलेल्या व्यक्तींमध्ये लक्ष्मी नगर येथील एक, भालर दोन, कैलासनगर एक, विठ्ठलवाडी येथील दोन, माळीपुरा एक, जैन ले-आऊट एक, काळे ले-आऊट एक, जुने कॉटन मार्केट एक तर प्रगती नगर येथील एका व्यक्तीचा समावेश आहे. विठ्ठलवाडी येथील रुग्णांची संख्या वाढत असून याठिकाणी आतापर्यंत ७ रुग्णांची नोंद झाली आहे. प्रशासन योग्य ती खबरदारी घेत असून नागरिकांनीही सतर्क राहण्याचे आव्हान प्रशासनातर्फे करण्यात आले आहे.

madhyavidarbha.in

esakal.com

lokmat.com

maregaon.tech