khabarkatta.com

प्रशांत चंदनखेडे वणी :- <p><p>तालुक्यातील राजूर कॉलरी येथील वार्ड क्रमांक ३ मधील सार्वजनिक रस्त्यावर अतिक्रमण करून पक्के बांधकाम करण्यात आल्याने नागरिकांना मार्गक्रमण करतांना अडचण निर्माण होत असून रहदारीलाही अडथळे निर्माण होत असल्याने रस्त्यावरील अतिक्रमित बांधकाम हटविण्याची मागणी वार्ड क्रं. ३ मधील नागरिकांनी राजूर (कॉ) ग्रामपंचायतचे सरपंच व सचिवांना दिलेल्या निवेदनातून केली आहे. <p><p>राजूर (कॉ) येथील वार्ड क्रं. ३ मध्ये सुधाकर भगत यांच्या घराचे बांधकाम सुरु असून त्यांच्या घराचे बांधकाम सार्वजनिक रस्त्यावर आल्याने रस्त्याने येणाऱ्या जाणाऱ्यांना नाहक अडचणी निर्माण होतांना दिसत आहे. भगत यांनी आपल्या घराचे बांधकाम स्वतःच्या हद्दीतील जागेत करण्याऐवजी सार्वजनिक रस्ता बांधकामाने वेढला आहे. सुधाकर भगत हे हेतुपुरस्सरपणे सार्वजनिक रस्त्यावर बांधकाम करून रहदारीला अडथडे निर्माण करीत असल्याचे गावकऱ्यांचे म्हणणे आहे. नागरिकांच्या दैनंदिन वापराच्या रस्त्यावर अतिक्रमण करून अवागमनाची समस्या निर्माण केली जात आहे. सुधाकर भगत यांनी सार्वजनिक रस्त्यावर अतिक्रमण करून बांधकाम केल्याने येथील रहिवाशांना दैनंदिन कामाकरिता जाण्या येण्यास अडचणी निर्माण झाल्या असून हातगाडीवाले व फिरत्या व्यावसायिकांचा व्यवसायाचा मार्गच बंद झाला आहे. सुधाकर भगत यांची मुलगीच सरपंच असल्याने ते अरेरावीची भाषा करत असून कुणालाही न जुमानता सार्वजनिक रस्त्यावर अतिक्रमण करून खुले आव्हान देत असल्याचे पाहायला मिळत आहे. त्यांचा मुलगाही जिल्हा परिषद सदस्य असल्याने त्यांची आणखीच हिम्मत वाढल्याचे बोलल्या जात आहे. सार्वजनिक रस्त्यावर अतिक्रमण करून ते ग्रामपंचायत प्रशासनाला खुले चॅलेंज करीत असून त्यांनी केलेले अतिक्रमण हटविण्याचे आव्हान ग्रामपंचायतेसमोर उभे ठाकले आहे. त्यांनी केलेल्या अतिक्रमणामुळे रस्ता बंद होऊन नागरिकांचे अवागमन बंद झाले असून मार्गक्रमण करतांना नागरिकांची चांगलीच गैरसोय होत आहे. तेंव्हा ग्रामपंचायत प्रशासनाने सार्वजनिक रस्त्यावर आलेले त्यांचे बांधकाम हटवून रस्ता रहदारी करिता मोकळा करून देण्याची मागणी वार्ड क्रं. मधील नागरिकांनी ग्रामपंचायतचे सरपंच व सचिवांना दिलेल्या निवेदनातून केली आहे. निवेदनाच्या प्रतिलिपी जिल्हाधिकारी, उपविभागीय अधिकारी व ठाणेदारांना पाठविण्यात आल्या आहे. निवेदनावर ज्ञानेश्वर तेलंग, संजय पाटील, अजय भुसारी, नदीम शेख, असित तेलंग, हरिभाऊ अंबादे, वसंत पाटील आदींच्या स्वाक्षऱ्या आहेत.

etvbharat.com

प्रशांत चंदनखेडे वणी :- <p>शहर व तालुक्यात कोरोनाने धुमाकूळ घेतला असून तालुक्यात कोरोनाचा उद्रेक झाल्याचे पाहायला मिळत आहे. तसेच तालुका कोरोनाचे हॉसस्पॉट बनत असल्याचेही निदर्शनास येत आहे. आज तालुक्यात कोरोना रुग्णांचा स्फोट झाला असून तब्बल ३१ कोरोना पॉझिटिव्ह रुग्ण आढळल्याने तालुका हादरला आहे. तर प्रशासनाची चिंता चांगलीच वाढली आहे. कोरोनाने तालुक्यात उग्ररूप धारण केले असून आजच्या रुग्ण संख्येने तालुक्यातील आता पर्यंतच्या एका दिवसात आढळलेल्या रुग्णसंख्यांचे विक्रम मोडीत काढून एका दिवसात सर्वाधिक रुग्णसंख्या आढळल्याचा नवीन विक्रम नोंदविला आहे. आज ३१ व्यक्तींचे कोरोना चाचणी अहवाल पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या २४० झाली आहे तर ऍक्टिव्ह पॉझिटिव्ह रुग्णांची संख्या ९९ झाली आहे. आज आणखी सात रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. आता पर्यंत एकूण १३९ रुग्ण कोरोनातून बरे होऊन घरी परतले आहेत. तसेच आज आणखी एका व्यक्तीचा कोरोनाने मृत्यू झाल्याने तालुक्यातील कोरोना बळींची संख्या दोन झाली आहे. <p>तालुक्यात कोरोनाचा कहर सुरूच असून तालुका कोरोनाचे हॉसस्पॉट बनत असल्याचे पाहायला मिळत आहे. दरदिवशी मोठ्या संख्येने कोरोनाचे रुग्ण आढळत असल्याने कोरोना बाधितांचा आकडा चांगलाच फुगत चालला आहे. आज ६० तपासणी नमुन्यांचे अहवाल प्राप्त झाले असून त्यापैकी २६ पॉझिटिव्ह तर ३४ व्यक्तींच्या नमुन्यांचे अहवाल निगेटिव्ह आले आहेत. तसेच आज १५ जणांचे रॅपिड अँटीजेन टेस्ट करण्यात आले असून ५ व्यक्तींचे रिपोर्ट पॉझिटिव्ह तर १० जणांचे रिपोर्ट निगेटिव्ह आले आहेत. आज आणखी २५ व्यक्तींचे नमुने तपासणी करिता पाठविण्यात आल्याने २४७ नमुन्यांचे अहवाल प्रलंबित झाले आहेत. आज ३१ व्यक्तींचे रिपोर्ट पॉझिटिव्ह आल्याने प्रशासन चांगलेच हादरले आहे. अनलॉकची परिस्थिती कोरोनाचे संक्रमण वाढविण्यास पूरक ठरत आल्याचे पाहायला मिळत आहे. प्रशासनाला उपाययोजना करतांना लक्षणीय अडथळे निर्माण होत असल्याचे पाहायला मिळत आहे. एकीकडे शिवायला गेले तर दुसरीकडे उसवत असल्याने प्रशासनही हतबल झाल्याचे पाहायला मिळत आहे. तालुक्यातील एकूण पॉझिटिव्ह रुग्णांची संख्या २४० झाली असून १३९ रुग्ण कोरोनामुक्त झाले तर दोन रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ९९ झाली आहे. पॉझिटिव्ह रुग्णांपैकी ५५ रुग्ण कोविड केयर सेंटरमध्ये उपचार घेत असून ३४ रुग्णांना होम आयसोलेशन मध्ये ठेवण्यात आले आहे. तसेच १० रुग्णांवर यवतमाळ शासकीय रुग्णालयात उपचार सुरु आहेत. सध्या स्थितीत ७६ व्यक्तींना संस्थात्मक विलीगीकरणात ठेवण्यात आले आहे. आज आणखी एका व्यक्तीचा उपचारादरम्यान मृत्यू झाल्याने तालुक्यातील कोरोना बळींची संख्या दोन झाली आहे. <p>आज पॉझिटिव्ह आलेल्या व्यक्तींमध्ये कोलारपिंपरी येथील एक, नायगाव एक, रवीनगर एक, पोलीस क्वाटर एक, विठ्ठलवाडी एक, भालर येथील तेरा व्यक्ती, कैलास नगर तीन, मंदर एक, मुरधोंनी एक, पळसोनी एक, निळापूर एक, राजूर एक, गोकुलनगर एक, रंगारीपुरा एक, बेलदारपुरा एक, आयडीबीआय बँक एक, गणेशपूर येथील एका व्यक्तीचा समावेश आहे. कोरोनाने बँकेतही प्रवेश केला असून विठ्ठलवाडीतील पीठ गिरणी व्यवसायी पॉझिटिव्ह आला आहे तर रेडिमेट ड्रेसेस मध्ये काम करणारा मंदर येथील व्युवक पॉझिटिव्ह आला आहे. कोरोनाने ग्रामीण भागात जाळं विणलं असून ग्रामीण भागातील रुग्णांची संख्याही चांगलीच वाढत आहे. शहरातील डॉक्टरांना कोरोनाची चांगलीच लागण होतांना दिसत असून नागिकांमध्ये भीतीचे वातावरण निर्माण होतांना दिसत आहे. कोरोना सदृश्य लक्षणे आढळल्यानंतही नागरिक कित्येक दिवस खाजगीत उपचार करतांना दिसत असून लक्षणे तीव्र झाल्यानंतर कोविड केयर सेंटरमध्ये जातांना दिसत आहेत. त्यामुळे त्यांच्या संपर्कामुळे अन्य लोकांना कोरोना होण्याची शक्यता नाकारता येत नाही. नागरिकांनी लक्षणे आढळल्यास स्वतःहून टेस्ट करण्याकरिता समोर येण्याचे आव्हान प्रशासनाने केले आहे.

प्रशांत चंदनखेडे वणी :- <p>कोरोना ही जागतिक रोगराही भारतात पसरली व सुख समृद्ध जीवन वेदनादायक होऊन जीवनात आगतिकतेच्या झळा जाणवू लागल्या. गरिबीने उग्ररूप धारण करत लाचारीचं जिणं पदरी पाडलं. गरिबीचे चटके असह्य वेदना देऊ लागले. जीवन जगण्याची कला लुप्त होऊन मरणाचं कौशल्य अंगिकारतांना कित्येकांनी जीवनाच्या स्पर्धा परीक्षांमधून मरणाचे धडे गिरविले. निधड्या छातीच्या तरुणांनी व कुटुंब प्रमुखांनी लाचारीचं जीन धुडकावून जिंदगान्या त्यागल्या. जीवनाची आहुती देऊन मरण जवळ केलं. जगण्याचं सामर्थ्य उरलं नाही, मानसिकता दुबळी होत गेली, नैराशेने ग्रासलेल्या जीवनाला जगण्याचं पाठबळ मिळालं नाही. रोगराई अशी आली की जीवनाची लाही लाही झाली. जीवन जगण्याचे अख्खे मर्मच बदलून गेले, जिंदगीच लॉकडाऊन झाली. रोजगार गेले, नोकऱ्या गेल्या, धंदे बुडाले, हात मंजुऱ्याही मिळेनाशा झाल्या. कुटुंबाचा गाडा हाकणं कठीण झालं. परिस्थितीने लादलेल्या हालाकीच्या जीवनाचे चटके कुटुंबातील प्रत्येकालाच जाणवत होते. पण वेदनेचे हुंकार एकमेकांच्या कानापर्यंत पोहचतांना बराच वेळ झालेला असायचा. एकमेकांना आधार देतांना मनाचे खच्चीकरण होऊन कुटुंबावर आपला अतिरिक्त भार पडू नये या केविलवाण्या मानसिकतेमुळे कित्येकांनी मृत्यूला कवटाळले. तर कुटुंबाचा भार पेलतांना आपण अपयशी ठरलो आहे, ही उद्विग्नता असह्य झाल्याने कुटुंबातील कर्त्या पुरुषांनी आत्महत्ये सारखे मार्ग निवडले आहे. कुठे आत्महत्या करतांना अंतःकरणाचे बोल कानावर पडले तर कुठे आपला आजार आपल्या कुटुंबाला वेदनादायी ठरू नये या मूक संवेदना अंतःकरणात बंधिस्त करून तरुण पिढींनी आत्महत्ये सारखे टोकाचे पाऊल उचलले आहे. कुठं बाप तर कुठं मुलगा, कुठे आई तर कुठे मुलगी, कुठे बहीण तर कुठे भाऊ परिस्थितीला बळी पडत गेले व मृत्यूला कवटाळत गेले. १०० वर्षातली ही रोगराई इतकी वेदनादायी ठरेल हे ऐकूनच आता थरकाप उडायला लागतो आहे. लॉकडाऊन लागल्या पासून वणी विधानसभा क्षेत्राच्या तीनही तालुक्यात आत्महत्यांची मालिकाच सुरु झाली आहे. तीनही तालुक्यात आता पर्यंत शेकडो व्यक्तींनी आत्महत्या केल्या आहेत. वणी मारेगाव व झरी या तीनही तालुक्यात दोन तीन दिवसा आड आत्महत्या होत असल्याचे पाहायला मिळत आहे. या तीनही तालुक्यात आत्महत्यांचे सत्रच सुरु झाले असून हे तीनही तालुके आत्महत्यांचे हॉसस्पॉट ठरले आहेत. जीवन मृत्यू समोर गुडघे टेकतांना दिसत असून जीवनावर मृत्यू विजय मिळवितांना दिसत आहे. प्रत्येक जण मृत्यूला अशा प्रकारे कवटाळत आहे की, जगणं अगदीच नकोस झालं आहे. शासन प्रशासन व राजकीय सामाजिक संस्था गाव शहरात मार्गदर्शन शिबिरं घेत असतात, असच जीवन जगण्याचं सामर्थ्य घडवणारं एखादं शिबीर घ्या हो, ज्यातून नागरिकांना जीवन जगण्याचं बळ मिळेल. त्यांना जीवन जगण्याची प्रेरणा देणारं शिबीर भरवा, त्यांच्या मध्ये जीवनाचा सकारात्मक दृष्टिकोन जागवा. जीवनाचं खच्चीकरण झालं आहे, प्रत्येक माणूस मानसिकदृष्ट्या खचला आहे, त्यांना सबळ मार्गदर्शनाची आवशक्ता आहे, त्यांना जगण्याचं पाठबळ देण्याची आवशक्ता आहे. त्यांच्यातला जगण्याचा आत्मविश्वास जागा करून त्यांच्या जगण्यात साकारात्मता आणण्याची आज नितांत गरज आहे. त्यामुळे आज त्यांच्या पाठीशी उभे राहून त्यांना जगण्याचं पाठबळ देण्याची गरज निर्माण झाली आहे. प्रत्येक सामाजिक व राजकीय पुढाऱ्याने आत्महत्येचा मार्ग निवडणाऱ्या या निष्पाप जीवाचं रक्षण करून प्रत्येक कुटुंबाचा आधार हिरवण्यापासून वाचविण्याचे कार्य करावे. त्यांना उडणाऱ्या पक्षांचं उदाहरण द्यावं की, कितीही निसर्गाने आघात केले तरी पक्षी परिस्थिती पुढे लोटांगण न घालता, स्वतःमध्ये जगण्याचं सामर्थ्य निर्माण करतात व तिनका तिनका जमा करून आपलं घरटं तयार करतात, तसेच आपल्या चिमुकल्यांचं पूर्ण क्षमतेने लालनपालन करतात. परिस्थिती कधीही एकसारखी राहत नाही, संकटं टळतात, संकटावर मात करण्याची जिद्द जोपासली की, समृद्ध जीवन उदयास येतं. आत्महत्येचा विचार मनात आणण्याऐवजी जगण्याची जिद्द उरात पेटायला हवी. कोरोनाच संकट आज ना उद्या टळेल, पण सुखद जीवनाचा आनंद घेण्याकरिता आज आपल्याला खंबीरपणे जगणं आवश्यक असल्याच्या भावना आत्महत्येसारखे मार्ग निवडणाऱ्यांमध्ये रुजवणे आवश्यक आहे. आत्महत्यांची ही मालिका खंडित करण्याकरिता मानसिकदृष्ट्या खचलेल्यांना जगण्याचं पाठबळ देऊन त्यांच्यामध्ये सकारात्मक दृष्टिकोन जगविण्याची नितांत आवश्यक्ता आहे.

dakhalnewsbharat.com

maregaonwarta.com

प्रशांत चंदनखेडे वणी :- <p><p>राजकीय पदाधिकारी म्हणून चोख कर्तव्य बजावत असतांना मानसन्मानाची भूक न बाळगता व राजकीय पक्षाचे तालुकास्तरीय पद मिळाल्याने हुरळून न जाता सामान्यांचे प्रश्न सोडविण्याकरिता सामन्यांत मिसळून सामान्यांसारखे वागून सर्वसामान्यांची जाणीव ठेऊन नेहमी सामान्य जनतेच्या पाठीशी उभे राहणाऱ्या शिवसेना तालुका प्रमुख रवी बोढेकर यांचे सामाजिक कार्य ही वाखाणण्या जोगे आहे. एका मतिमंद मुलाच्या किडनीच्या शस्त्रक्रिये करिता ३४ हजार रुपयांची उदार अंतःकरणाने मदत करणाऱ्या रवी बोढेकर यांनी आपल्या सामाजिक दातृत्वाचा परिचय दिला आहे. मागील वर्षी बामणी फाटा येथे खुल्या जागेत रवी बोढेकर यांच्या अध्यक्षतेत शिव गणेश मंडळाची स्थापना करण्यात आली. अतिशय शिस्तबद्ध पद्धतीने गणेशोत्सव साजरा करून कोणत्याही प्रकारचे ढोलताशे न लावता गणरायाचे अगदी साधेपणाने विसर्जन केले. मागील वर्षी त्यांच्या उत्कृष्ठ नियोजनामुळे जमा झालेल्या वर्गणीतून ३४ हजार रुपये वर्गणी शिल्लक राहिली. यावर्षी कोरोनाच्या पार्श्वभूमीवर सार्वजनिक गेणेशोत्सव साजरा न करण्याच्या शासन व प्रशासनाच्या सूचनांचे मनोभावे पालन करून सार्वजनिक मूर्तीची स्थापना न करता तसेच कोणतेही अन्य सोपस्कार न करता मागील वर्षीची उर्वरित वर्गणी गरजू गरीब व्यक्तीच्या उपचाराकरिता खर्ची करण्याचा मानस त्यांनी व्यक्त केला होता. या वर्गणीतून एखाद्या अती गरजू व्यक्तीवरील उपचाराला हातभार लावून त्याला जीवनदान मिळाल्यास ती गणरायाची खरी आराधना ठरेल व गणरायाच्या भक्तीचे प्रतीक ठरेल ही भावना रवी बोढेकर यांची होती. <p><p>अशातच कोल ट्रान्सपोर्ट कंपनीमध्ये ड्रायव्हर असलेल्या सोमेश्वर ढवस याच्या मतिमंद मुलाला किडनीचा आजार जडल्याचे समोर आले. त्याच्या शास्त्रक्रियेकरिता १ लाख रुपयांचा खर्च येणार असल्याचे डॉक्टरांनी सांगितले. हा खर्च ऐकून गरीब ड्राइवर अक्षरशः हादरून गेला. कोरोनाच्या या काळात एक तर बरोबर कामे नाहीत, त्यातल्यात्यात उदरनिर्वाहाचे संकट, हलाकीचे जीवन जगत असतांना मुलाला किडनीचा आजार जडल्याने सोमेश्वराच्या पायाखालची जमीनच सरकली. मुलाच्या उपचाराच्या चिंतेने ग्रासलेल्या सोमेश्वरला अन्य सहकारी ड्रायव्हरांनी रवी बोढेकर यांच्याकडे मदतीच्या अपेक्षेने नेले असता रवी यांनी जराही विचार न करता गणेशोत्सवाची उर्वरित वर्गणीची रक्कम त्याच्या मुलाच्या उपचाराकरिता त्वरित त्याच्याकडे सुपूर्द केली. व स्वतःही ऐच्छिक मदत करून पैशाची आणखी अडचण लागल्यास निसंकोच माझ्याकडे येण्याचे सांगून त्याचे मनोधेर्य वाढवले. आज त्या ड्रायव्हरच्या मुलाची शस्त्रक्रिया सुखरूप पार पडली असून मुलगा ठणठणीत बरा असल्याचे त्या ड्रायव्हरने कळविले आहे. रवी बोढेकर नेहमी सामान्यांच्या मदती करिता तत्पर असतात. शहरा बरोबरच ग्रामीण भागातील लोकं ही त्यांच्याकडे आपल्या समस्या घेऊन येत असतात. व ते त्यांचे योग्यरित्या निराकारणही करतात. कोरोना काळातही त्यांनी अनेक उपक्रम राबविले आहेत. परिसरात निर्जंतुकी करणाची फवारणी करण्याची त्यांची संकल्पना पक्षाने राबविली. लॉकडाऊन काळात जेवणाचे डबे व धान्याच्या किट्सही वितरित करून जनसामान्या विषयीची जनसेवेची तळमळ त्यांच्या कार्यातून जनतेच्या दृष्टिपथास पडली आहे. लॉकडाउनच्या या संकटाच्या काळात एका गरीब कुटुंबातील मुलाच्या शस्त्रक्रियेकरिता ३४ हजार रुपयांची उर्वरित वर्गणीची रक्कम देऊन व स्वतःही ऐच्छिक मदत करून शिवसेना तालुका प्रमुख रवी बोढेकर यांनी आपले सामाजिक दातृत्व सिद्ध केले आहे.

khabarkatta.com

प्रशांत चंदनखेडे वणी :- <p><p>मुंबई पोलिसांबाबत आक्षेपार्ह विधान करणाऱ्या तसेच मुंबईची तुलना पाकव्याप्त कारश्मीरशी करणाऱ्या कंगना रानौत या अभिनेत्रीवर चहू बाजूंनी टीकेची झोड उठत असतांनाच आज ४ सप्टेंबरला शिवसेना वणी विधानसभा क्षेत्राच्या वतीने शिवाजी चौक येथे कंगना रानौत हिचा जाहीर निषेध करण्यात आला. यावेळी करण्यात आलेल्या धरणे आंदोलनात अभिनेत्री कंगना रानौत हिच्या प्रतिमेला काळिमा फासून तिच्या तैलचित्राची होळी करण्यात आली. <p><p>हिंदी सिनेसृष्टीतील अभिनेत्री कंगना रानौत हि मागील काही दिवसांपासून महाराष्ट्रा विषयी अभद्र व वाचाळ वक्तव्य करीत असून महाराष्ट्र पोलीस व मुंबई विषयी आक्षेपार्ह टिपण्या करीत आहे. मुंबई ही कंगना रानौतची कर्मभूमी असून मुंबई बद्दल कृतज्ञता बाळगण्या ऐवजी मुंबई बद्दल मानसिक संतुलन हरपल्यागत वाट्टेल ते बरळत सुटलेल्या कंगना रानौतवर देशद्रोहाची कार्यवाही करण्याचे नारेही यावेळी शिवसैनिकांनी दिले. महाराष्ट्रात कमवायचं, इथलंच खायचं, महाराष्ट्र पोलिसांकडूनच संरक्षण मिळवून घ्यायचं व महाराष्ट्र पोलिसांविषयीच आक्षेपार्ह वक्तव्य करून त्यांच्यावरच आरोप करायचे, हे खपवून घेतले जाणार नसल्याचेही यावेळी शिवसैनिकांनी एका स्वरात जाहीर करतांनाच तिला मुंबईत राहणे सुरक्षित वाटत नसेल तर तिने खुशाल मुंबई सोडून जावे. तसेही असे बिनबुडाचे वक्तव्य करणाऱ्या व्यक्तीला महाराष्ट्रात राहण्याचा अधिकार नसल्याचेही शिवसैनिकांनी आपल्या घोषणेतून जाहीर केले. यावेळी घेण्यात आलेल्या निषेध सभेत शिवसेनेचे तालुका प्रमुख रवी बोढेकर, युवासेना जिल्हा प्रमुख विक्रम चचडा, महेश चौधरी, प्रशांत बल्की, अमोल बोरूले, अजय चन्ने, बंटी येरणे आदी शिवसैनिक उपस्थित होते.

प्रशांत चंदनखेडे वणी :- <p>तालुक्यात कोरोनाने अक्षरशः उच्छाद मांडला असून कोरोनाच्या वाढत्या प्रादुर्भावाने जनजीवन चांगलेच विस्कळीत झाले आहे. मागील काही दिवसांपासून शहरात कोरोनाचा तांडव सुरु असून रुग्णांचा आलेख सारखा वाढतच चालला आहे. कोरोना या साथीच्या आजाराने तालुक्यात पॉझिटिव्ह रुग्णांचे द्विशतक पूर्ण केले असून मागील २४ दिवसांत कोरोनाने अतिशय आक्रमक पवित्रा घेत १६८ रुग्णांची अतिशीघ्र भर घातली आहे. आज आणखी २० व्यक्तींच्या नमुन्यांचे अहवाल पॉझिटिव्ह आल्याने तालुक्यातील कोरोना बाधित रुग्णांची संख्या २०९ झाली आहे. तर ऍक्टिव्ह पॉझिटिव्ह रुग्णांची संख्या ७६ झाली आहे. कोरोना रुग्णांची संख्या वाढत असली तरी या आजारातून बरे होणाऱ्यांचे प्रमाणही बऱ्यापैकी असल्याने शहरवासियांमध्ये समाधान पाहायला मिळत आहे. आज आणखी १३ रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. <p>शहराबरोबरच ग्रामीण भागातही कोरोना संक्रमणाची गती अधिकच तीव्र झाली आहे. तालुक्यात कोरोनाचा कहर सुरूच असून कोरोना बाधितांचा आकडा फुगतच चालला आहे. शहरातील बहुतांश परिसर कोरोनाच्या संक्रमण कक्षेत आला असून येथील नागरिक भीतीच्या सावटाखाली आले आहेत. प्रतिबंधित क्षेत्राची रीघ वाढतच चालली असून आरोग्य विभागातील आरोग्य सेवक व आशा सेविकांची पायपीटही चांगलीच वाढली आहे. उजडता दिवस पॉझिटिव्ह रुग्णांचा आलेख वाढवत असून शहरातील निम्या पेक्षा जास्त परिसर कोरोना संक्रमणाच्या सावटात आला असल्याचे पाहायला मिळत आहे. प्रशासन कोरोनावर नियंत्रण मिळविण्या करिता शर्थीचे प्रयत्न करीत असले तरी त्यांचे प्रयत्न तोडके पडतांना दिसत आहे. एकीकडे शिवावं तर दुसरीकडे उसवत असल्याने उपाययोजना करतांना प्रशासनही हतबल झाल्याचे पाहायला मिळत आहे. नागरिकांची बाजारात उडणारी झुम्बड व वाढता जनसंपर्क कोरोना संक्रमणाचे प्रमुख कारण बनत आहे. कोरोना रुग्णांची संख्या अतिशय झपाट्याने वाढत असून शहरात कोरोनाचा उद्रेक होतांना दिसत आहे. <p>आज एकूण ५० तपासणी नमुन्यांचे अहवाल प्राप्त झाले असून त्यापैकी १७ पॉझिटिव्ह तर ३३ नमुन्यांचे अहवाल निगेटिव्ह आले आहेत. आज १४ रॅपिड अँटीजेन टेस्ट करण्यात आल्या, त्यापैकी ३ व्यक्तींचे रिपोर्ट पॉझिटिव्ह तर ११ व्यक्तींचे रिपोर्ट निगेटिव्ह आले आहेत. आता पर्यंत एकूण १२३३ रॅपिड अँटीजेन चाचण्या करण्यात आल्या तर १७५९ व्यक्तींच्या स्वाबची तपासणी करण्यात आली आहे. आज आणखी ३१ व्यक्तींचे स्वाब तपासणी करिता पाठविण्यात आल्याने २७२ स्वाबचे अहवाल येणे बाकी आहे. तालुक्यातील कोरोना पॉझिटिव्ह रुग्णांची संख्या २०९ झाली असून १३२ रुग्ण कोरोनामुक्त झाले आहेत तर एका रुग्णाचा मृत्यू झाल्याने ऍक्टिव्ह पॉझिटिव्ह रुग्णांची संख्या ७६ झाली आहे. पॉझिटिव्ह रुग्णांपैकी ३८ रुग्णांवर होम आयसोलेशन मध्ये उपचार सुरु आहेत. तर २७ रुग्ण कोविड केयर सेंटरमध्ये भरती असून ११ रुग्णांना यवतमाळ येथे हलविण्यात आले आहे. तालुक्यात एकूण ६० प्रतिबंधित क्षेत्र सक्रिय असून शहरात ४१ तर ग्रामीण भागात १९ प्रतिबंधित क्षेत्र आहेत. आज पॉझिटिव्ह आलेल्या रुग्णांमध्ये गणेशपूर येथील एक, राजूर एक, चिखलगाव एक, नवीन सावंगी येथील सहा, भालर दोन, उकनी एक, लालगुडा एक, सावरकर चौक दोन, रंगनाथ नगर दोन, सेवानगर एक, रवी नगर एक तर गुरुनगर येथील एका व्यक्तीचा समावेश आहे. प्रशासन कोरोनाला आटोक्यात ठेवण्याकरिता प्रयत्नांची पराकाष्टा करीत असून नागरिकांनीही अनावश्यक बाहेर पडणे टाळावे व कोरोनाच्या लढाईत प्रशासनाला सहकार्य करण्याचे आव्हान उपविभागीय अधिकारी शरद जावळे यांनी केले आहे.

khabarkatta.com

esakal.com

प्रशांत चंदनखेडे वणी :- <p>शहरात कोरोना संक्रमणाची गती वाढतच असून पॉझिटिव्ह रुग्णांचा आकडाही फुगत चालला आहे. आज शहरातील एका व्यक्तीचा कोरोना चाचणी अहवाल पॉझिटिव्ह आला असून एका व्यक्तीचा यवतमाळ येथे उपचारादरम्यान मृत्यू झाल्याने जिल्ह्यात मृत्यूची नोंद झालेला तालुक्यातील हा पहिला कोरोना बळी ठरला आहे. याआधी कोरोनाने मृत्युमुखी पडलेल्या तालुक्यातील व्यक्तींच्या नोंदी नागपूर व वर्धा जिल्ह्यात झालेल्या आहेत. आज पॉझिटिव्ह आलेल्या व्यक्तीमुळे तालुक्यातील कोरोना बाधित रुग्णांची संख्या १८९ झाली असून ऍक्टिव्ह पॉझिटिव्ह रुग्णांची संख्या ७० झाली आहे. कोरोनावर उपचार घेत असलेल्या नऊ रुग्णांना उपचारांती पूर्णपणे बरे झाल्याने सुटी देण्यात आली आहे. आतापर्यंत ११९ रुग्णांनी कोरोनावर मात केली असून ते घरी परतले आहे. <p>शहरात कोरोनाचा विळखा घट्ट होत चालला असून कोरोना बाधित रुग्णांची संख्या दिवसेंदिवस वाढतच चालली आहे. शहरात दिवसागणिक पॉझिटिव्ह रुग्ण आढळत असल्याने कोरोनाचा उद्रेक होतांना दिसत आहे. तालुक्यात आणखी एका कोरोना बळीची नोंद झाली आहे. शहरातील एका सेवानिवृत्त शिक्षकाचा यवतमाळ येथे उपचारादरम्यान मृत्यू झाला. ८२ वर्षीय या सेवानिवृत्त शिक्षकावर यवतमाळ येथील रुग्णालयात कोरोनाचे उपचार सुरु होते. याआधी २२ जुलैला तेलीफैल येथील महिलेचा सेवाग्राम येथील रुग्णालयात मृत्यू झाला होता तर १० ऑगस्टला मंगलम पार्क येथील २० वर्षीय तरुणाचा नागपूर येथील खाजगी रुग्णालयात कोरोनाने मृत्यू झाला होता. या दोन्ही मृत्यूच्या नोंदी जिल्ह्याबाहेर असल्याने त्यांची जिल्ह्यात नोंद घेण्यात न आल्याने आज तालुक्यात पहिल्या कोरोना बळीची नोंद झाली आहे. १० ऑगस्टला तालुक्यात एक ऍक्टिव्ह पॉझिटिव्ह रुग्ण उरला होता. मोनिनपुऱ्यातील हाणामारी प्रकरणात जामीन न मिळाल्याने जिल्हा कारागृहात असलेल्या त्या व्यक्तीला त्याठिकाणी कोरोनाची लागण झाल्याने यवतमाळ शासकीय रुग्णालयात त्याच्यावर उपचार सुरु होते. तालुक्यात तो एकच व्यक्ती कोरोना बाधित उरला होता. तालुका कोरोनामुक्त होण्याच्या वाटेवर असतांनाच अचानक दहा दिवसानंतर ११ ऑगस्टला कोरोनाचे हॉसस्पॉट ठरलेल्या तेलीफैल येथे दवाखाना असलेला डॉक्टर पॉझिटिव्ह निघाला तर घोन्सा येथील चार व्यक्ती व गणेशपूर येथील एक महिला पॉझिटिव्ह आल्याने तालुक्यात कोरोनाचा मुक्काम वाढला. ११ ऑगस्टला सहा व्यक्ती पॉझिटिव्ह आल्याने कोरोना बाधित रुग्णांची संख्या ४७ झाली. त्यानंतर १३ ऑगस्टला रजानगर येथे विशाखापटणम येथून आलेल्या व्यक्तीला कोरोनाची लागण झाली तर तेलीफैलातील पाच व्यक्ती आणखी पॉझिटिव्ह निघाले. तसेच चिंचोली (कोलगाव) येथील दोन व्यक्ती पॉझिटिव्ह निघाल्याने ग्रामीण भागात परत कोरोनाचं जाळं तयार झालं. १३ ऑगस्टला एकूण आठ व्यक्ती पॉझिटिव्ह आल्याने कोरोना बाधितांचा आकडा ५५ वर पोहचला. १० ऑगस्टला परतीच्या वाटेवर असलेला कोरोना ११ ऑगस्ट पासून असा काही सक्रिय झाला की, शहर व तालुका अगदीच हादरून गेला. ११ ऑगस्ट ते ३ सप्टेंबर या २३ दिवसांत निव्वळ जिल्ह्याच्या रेकॉर्ड नुसार १४८ कोरोना बाधित रुग्णांची वाढ झाली. ११ ऑगस्ट पासून सुरु झालेला कोरोनाचा तांडव तालुक्यात अद्यापही सुरूच आहे. या २३ दिवसाच्या कालावधीत डॉक्टर, वकील, पोलीस, शिक्षक, प्रतिष्ठित व्यावसायिक व वेकोलिचे कर्मचारीही पॉझिटिव्ह निघाले. या २३ दिवसात कोरोनाची अशी काही लाट आली की, जिकडे तिकडे पॉझिटिव्हच पॉझिटिव्ह दिसायला लागलं. ११ ऑगस्टला तालुक्यात ४७ पॉझिटिव्ह रुग्णांची संख्या होती. तर आज १८९ कोरोना बाधित रुग्णांची संख्या झाली आहे. <p>आज १४ रॅपिड अँटीजेन टेस्ट करण्यात आल्या, त्यापैकी १२ निगेटिव्ह तर दोन व्यक्तींचे रिपोर्ट पॉझिटिव्ह आले. पॉझिटिव्ह व्यक्तींमध्ये शहरातील रंगारीपुरा येथील एक तर दुसरा मारेगाव येथील रहिवासी आहे. आज आणखी ३१ व्यक्तींचे नमुने घेऊन तपासणी करिता पाठविण्यात आले आहे. त्यामुळे २९१ नमुन्यांचे अहवाल प्रलंबित झाले आहेत. तालुक्यातील एकूण पॉझिटिव्ह रुग्णांची संख्या १८९ झाली असून ११९ रुग्ण कोरोनमुक्त झाले आहेत तर एका व्यक्तीचा मृत्यू झाल्याने ऍक्टिव्ह पॉझिटिव्ह रुग्णांची संख्या ७० झाली आहे. प्रशासन योग्य त्या उपाययोजना करीत असून नागरिकांनीही सतर्क राहण्याचे आव्हान प्रशासनाने केले आहे.

khabarkatta.com