प्रशांत चंदनखेडे वणी :- <p>यवतमाळ येथे उपचारासाठी गेलेल्या शहरातील शास्त्रीनगर येथील एका पुरुषाचा कोरोना अहवाल पॉझिटिव्ह आला तर रजानगर येथील तीन पुरुष व दोन महिला पॉझिटिव्ह आल्याने तालुक्यातील एकूण पॉझिटिव्ह रुग्णांची संख्या ६२ झाली आहे. तर ऍक्टिव्ह पॉझिटिव्ह रुग्णांची संख्या ११ झाली आहे. आज एकूण १३ अहवाल प्राप्त झाले असून त्यापैकी ८ निगेटिव्ह तर ५ व्यक्तींचे कोरोना अहवाल पॉझिटिव्ह आले आहेत. २७ रॅपिड अँटीजेन टेस्ट करण्यात आल्या असून त्यांचे रिपोर्ट निगेटिव्ह आले आहेत. आतापर्यंत ७०६ रॅपिड अँटीजेन टेस्ट करण्यात आल्या तर ११०२ व्यक्तींच्या स्वाबची तपासणी करण्यात आली आहे. शास्त्रीनगर येथील पॉझिटिव्ह व्यक्तीच्या कुटुंबातील व संपर्कातील १३ सदस्यांना संस्थात्मक विलीगीकरणात हलविण्यात आले असून तो राहत असलेला १५० मीटर परिसर सील करण्यात आला आहे. <p>शहरातील रजानगर येथील पॉझिटिव्ह रुग्णांची संख्या वाढतांना दिसत असून कालच येथील एका महिलेचा कोरोना अहवाल पॉझिटिव्ह आला होता. दक्षिण प्रांतातून आलेल्या एका व्यक्तीला कोरोनाची लागण झाल्यानंतर रजानगर येथे नव्याने कोरोनाची साखळी तयार झाली. या परिसरात आतापर्यंत सात रुग्णांची नोंद झाली आहे. तेलीफैल नंतर रुग्ण वाढीस लागणारा हा दुसरा परिसर आहे. तसेच शास्त्रीनगर येथेही कोरोनाची नवीन साखळी तयार झाली असून यवतमाळ येथे १३ जुलैला उपचाराकरिता गेलेल्या पुरुषाचा कोरोना अहवाल पॉझिटिव्ह आला आहे. त्यामुळे त्याच्या कुटुंबातील व संपर्कातील १३ व्यक्तींना संस्थात्मक विलीगीकरणात हलविण्यात येऊन त्यांचे स्वाब तपासणी करिता पाठविण्यात आले आहे. त्याच बरोबर पॉझिटिव्ह रुग्ण आढळलेला शास्त्रीनगर येथील १५० मीटर पर्यंतचा भाग सील करण्यात आला आहे. आज नवीन ६ पॉझिटिव्ह रुग्ण आढळल्याने तालुक्यातील कोरोना बाधितांची संख्या ६२ झाली आहे तर ऍक्टिव्ह पॉझिटिव्ह रुग्णानाची संख्या ११ झाली आहे. कोरोना पॉझिटिव्ह रुग्णांची संख्या वाढत असतांनाच त्यातून बरे होणाऱ्यांचे प्रमाणही बऱ्यापैकी असल्याने प्रशासनामध्ये थोडे समाधान तर थोडा तान वाढतांना दिसत आहे. प्रतिबंधित क्षेत्रातील नागरिकांची योग्य खबरदारी घेण्याबरोबरच कोविड केयर सेंटरमध्ये भरती असलेल्या नागरिकांच्या आरोग्याचीही योग्यरीत्या काळजी घेण्यात येत असल्याने शहरातील कोरोनाच्या साथिवर नियंत्रण ठेवण्यात प्रशासन यशस्वी ठरत आहे. नागरिकांनी कोरोना संदर्भातील नियमांचे योग्य पालन करून कोरोनाचा नायनाट करण्याकरिता प्रशासनाला योग्य ते सहकार्य करण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p><p>कोरोना लॉकडाउन काळात बंद असलेली रस्त्याच्या दुरुस्तीकरणाची कामे लॉकडाऊन मधून शिथिलता मिळताच पावसाळ्याच्या तोंडावर सुरु करण्यात आली. शहरात रस्ते सौंदर्यीकरण व रस्त्याच्या दुरुस्तीकरणाची कामे मोठ्या प्रमाणात सुरु आहेत. त्याचबरोबर भूमिगत गटारांची कामेही अनेक मोहल्ल्यांमधे सुरु आहेत. पावसाळ्याच्या अगदी तोंडावर सुरु करण्यात आलेली ही विकास कामे अगदीच संथ गतीने सुरु असून नागरिकांना त्याचा नाहक त्रास सहन करावा लागत आहे. मागील तीन महिन्यांपासून विठ्ठलवाडी येथील प्रमुख रस्त्याच्या दुरुस्तीकरणाचे काम सुरु आहे. बाजारपेठेकडे जाणारा हा प्रमुख रास्ता असून या रस्त्यावर हार्डवेयर, किराणा दुकान, बिछायत केंद्र, डेली नीड्स, जनरल स्टोर आदी दुकाने आहेत. हा रास्ता पूर्णतः खोदण्यात आल्याने नागरिकांना गल्लीबोळातून मार्ग काढतांना चांगलाच मनस्ताप सहन करावा लागत आहे. रस्ता खोदल्याने याठिकाणी खळगे निर्माण होऊन पाणी साचल्याने रस्त्याच्या आजूबाजूला निवासस्थाने असलेल्या लोकांना घराबाहेर पडणे कठीण झाले आहे. चिखलमय झालेल्या या रोडवरून मार्ग काढतांना दुचाकी स्लिप होऊन पडल्याने नागरिकांना जख्मा झाल्या आहेत. जुलै महिन्यात पावसाने उसंत दिली असतांनाही पाहिजे तसा कामाचा वेग दिसून आला नाही. आता तर पावसात कामच बंद आहे. आणी पावसाळा आणखी दिड महिना राहणार असल्याने काम किती दिवसात पूर्ण होईल याची शाश्वती नसल्याने विठ्ठलवाडी येथील रहिवासी प्रशासनाकडे तक्रार करण्याच्या तयारीत आहेत. <p><p>विठ्ठलवाडी येथून व्हाया एस बी लॉन मार्गे वणी वरोरा रोडवर निघणाऱ्या प्रमुख रस्त्याचे मागील तीन महिन्यांपासून दुरुस्तीकरणाचे काम सुरु आहे. आमदार खासदार यांच्या विकास निधीतून सुरु असलेले रस्त्याच्या दुरुस्तीकरणाचे काम लॉकडाऊन मधून शिथिलता मिळताच पावसाळ्याच्या तोंडावर चालू करण्यात आले. रस्ता पूर्णतः खोदण्यात आल्याने विठ्ठलवाडीवासीयांना बाजारपेठेत व नोकरी कामांवर जाण्याकरिता गल्लीबोळातून मार्ग काढावा लागत असल्याने त्यांचा चांगलाच मनस्ताप होत्यांना दिसत आहे. खोदलेल्या रस्त्यांवर पाण्याचे खळगे साचल्याने नागरिकांचे घराबाहेर निघणे कठीण झाले आहे. दवाखान्यात जाण्या करीता व किराणा धान्य आणण्याकरिता ऑटो सुद्धा उपलब्ध होत नसून ऑटोवाले याठिकाणी तयार झालेल्या चिखलामुळे ऑटो नेण्यास साफ नकार देतात. पावसाळ्यात साथीचे रोग बळावत असतांना खोदकामामुळे निर्माण झालेल्या खाचखळग्यांमुळे याठिकाणी नेहमी पाणी साचून राहात असल्याने साथीचे रोग वाढण्याची शक्यता नाकारता येत नाही. त्यातल्यात्यात ऑटो येथे येण्यास नकार देत असल्याने दवाखान्यात जाण्यायेण्याच्याही अडचणी निर्माण झाल्या आहेत. एकूणच रोडच्या दुरुस्तीकरणाचे काम संथ गतीने सुरु असल्याने येथील नागरिक कमालीचे संतापले असून ते प्रशासनाकडे तक्रार देण्याच्या तयारीत असल्याचे समजते.

-<br><br><br><br><br>

प्रशांत चंदनखेडे वणी :- <p>शहरातील रजानगर येथे आज आणखी एक कोरोना बाधित रुग्ण आढळला असल्याने तालुक्यातील एकूण पॉझिटिव्ह रुग्णांची संख्या ५६ झाली आहे. सहा रुग्ण कोरोनातून बरे झाल्याने त्यांना उपचारांती सुटी देण्यात आली आहे. त्यामुळे तालुक्यातील ऍक्टिव्ह पॉझिटिव्ह रुग्णांची संख्या कमी होऊन पाच झाली आहे. १३ ऑगष्टला दक्षिणेतून रजानगर येथे ईद निमित्त आलेल्या एका पुरुषाला कोरोनाची बाधा झाल्याने त्याच्या कुटुंबातील व्यक्तींना कोविड केयर सेंटरमध्ये हलवून त्यांचे स्वाब तपासणी करिता पाठविण्यात आले होते. आज तेथीलच एका महिलेचा कोरोना अहवाल पॉझिटिव्ह आल्याने परिसरात भीती निर्माण झाली आहे. <p>आज एकूण २५ नमुन्यांचे अहवाल प्राप्त झाले. त्यापैकी २४ निगेटिव्ह तर एका महिलेचा अहवाल पॉझिटिव्ह आल्याने तालुक्यातील कोरोना बाधित रुग्णांची संख्या ५६ झाली आहे. तर कोविड केयर सेंटरमध्ये उपचार घेत असलेले ६ रुग्ण कोरोनातून पूर्णपणे बरे झाल्याने ऍक्टिव्ह पॉझिटिव्ह रुग्णांचा आकडा कमी होऊन पाच वर आला आहे. रुग्णांची संख्या वाढत असली तरी या आजारातून बरे होणाऱ्यांचे प्रमाणही वाढत असल्याने शहरवासीयांबरोबरच प्रशासनालाही दिलासा मिळाला आहे. आज एकूण ९७ रॅपिड अँटीजेन टेस्ट करण्यात आल्या असून सर्वच रिपोर्ट निगेटिव्ह आले आहेत. आता पर्यंत एकूण ६७९ रॅपिड अँटीजेन टेस्ट करण्यात आल्या आहेत. तर एकूण ११०२ व्यक्तींची स्वाब तपासणी करण्यात आली आहे. १३ नमुन्यांचे अहवाल प्राप्त होणे बाकी आहे. कोविड केयर सेंटरला ४ व्यक्ती भरती आहेत. ऍक्टिव्ह पॉझिटिव्ह उरलेल्या पाच रुग्णांमध्ये ४ रुग्ण कोविड केयर सेंटरला तर एका रुग्णावर यवतमाळ येथे उपचार सुरु आहे. तालुक्यात ९ कंटेनमेंट झोन असून ग्रामीण भागात सहा तर शहरात ३ आहेत. ५६ कोरोना बाधित रुग्णांपैकी ४९ रुग्ण पूर्णपणे बरे होऊन घरी परतले आहे तर दोन रुग्णांचा मृत्यू झाल्याने सक्रिय रुग्ण ५ राहिले आहेत. प्रशासन योग्य ती खबरदारी घेत असून नागरिकांनीही सतर्क राहण्याचे आव्हान प्रशासनाने केले आहे.

प्रशांत चंदनखेडे वणी :- <p><p>शहरातील विनायक नगर मधील नगर परिषदेची पाणीपुरवठा करणारी पाईप लाईन फुटली असून त्याकडे कोणीही लक्ष देत नसल्याने काल पासून पाण्याचा अपवेय होत असून याठिकाणी तळे साचल्याने दुकानदारांना दुकानदाऱ्या बंद कराव्या लागल्या आहे. विनायक नगरातील डॉ. हेडाऊ यांच्या दवाखान्या समोरील नगरपरिषदेची पाण्याची पाईप लाईन फुटल्याने काल पासून पाण्याचे लोट वाहतांना दिसत आहे. नगर पालिकेच्या जल विभागाचा कोणताही जागृत कर्मचारी याकडे लक्ष देत नसून नागरसेवकाच्याही ही बाब लक्षात न आल्याने काल पासून फुटलेल्या पाईप लाईन मधून पाणी रस्त्यांवरून वाहतांना दिसत आहे. फुटलेल्या पाईप लाईन मधून सारखे पाणी वाहत असल्याने पाण्याचा अपवेय होत असून पाण्याचे तळे साचल्याने दुकानदारांना दुकाने बंद करावी लागली आहे. नगर पालिकेने याकडे लक्ष देऊन पाईप लाईन दुरुस्त करण्याची मागणी विनायक नगर वासियांकडून करण्यात येत आहे. <p><p>

प्रशांत चंदनखेडे वणी :- <p><p>देशाला स्वातंत्र मिळून आज ७४ वर्ष पूर्ण झाले. स्वातंत्र्याच्या या ७४ व्या वर्धापनदिना निमित्त उपविभागीय अधिकारी शरद जावळे यांच्या हस्ते तहसील कार्यालय येथे ध्वजारोहण करण्यात आले. यावेळी आमदार संजीवरेड्डी बोदकुरवार, नगराध्यक्ष तारेंद्र बोर्डे, तहसीलदार श्याम धमणे, उपविभागीय पोलीस अधिकारी सुशीलकुमार नायक, ठाणेदार वैभव जाधव यांच्यासासह तहसील कार्यालय, पोलीस स्टेशन, जिल्हा परिषद व पंचायत समितीचे अधिकारी उपस्थित होते. तसेच शासकीय, प्रशासकीय अधिकारी व राजकीय पदाधिकारी उपस्थित होते. उपस्थित सर्वांनीच राष्ट्रगीतासह तिरंग्याला सलामी देऊन राष्ट्रहीत जोपासण्याची शपथ घेतली. <p><p>१५ ऑगष्ट १९४७ रोजी देश इंग्रजांच्या गुलामीतून आझाद झाला. भारताच्या स्वातंत्र्य चळवळीचं नेतृत्व महात्मा गांधी यांनी केलं होत. पण महात्मा गांधी स्वातंत्र्याच्या जल्लोषात सहभागी झाले नव्हते. कारण देश स्वतंत्र झाला तेंव्हा महात्मा गांघी हजारो किलोमीटर दूर असलेल्या बंगालच्या नोआखलीमध्ये होते. याठिकाणी धार्मिक हिंसाचार रोखण्यासाठी ते उपोषणाला बसले होते. १५ ऑगष्ट रोजी भारत स्वतंत्र होणार हे निश्चित झाल्यानंतर पंडित जवाहरलाल नेहरू व सरदार वल्लभभाई पटेल यांनी महात्मा गांधींना पत्र लिहून १५ ऑगष्ट हा आपला स्वातंत्र दिन असेल, तुम्ही राष्ट्रपिता आहात, यात सहभागी होऊन आशीर्वाद द्या, असे त्यांना कळविण्यात आले. मात्र महात्मा गांधी यांनी याठिकाणी धार्मिक हिंसाचारात जीव जात असतांना मी कसा काय येऊ, ही दंगल रोखण्याकरिता माझा जीव गेला तरी पर्वा करणार नाही असे पत्राचे उत्तर पाठवले. १४ ऑगष्टच्या मध्यरात्री पंडित नेहरू यांनी व्हाईसराय लॉज मधून (आजचे राष्ट्रपती भवन) ऐतिहासिक भाषण ( "ट्रिस्ट विथ डेस्टनी") दिलं. तेंव्हा पंडित नेहरू पंतप्रधान बनले नव्हते. हे भाषण संपूर्ण जगानं ऐकलं पण महात्मा गांधी त्या दिवशी नऊ वाजताच झोपी गेले होते. १५ ऑगष्ट पर्यंत भारत आणि पाकिस्तानमध्ये सीमारेषा निश्चित झाली नव्हती. याचा निर्णय १७ ऑगस्टला रेडक्लिफ लाईनच्या घोषणेद्वारे झाला. भारत १५ ऑगष्टला स्वतंत्र झाला पण त्यावेळी देशाचं स्वतःच राष्ट्रगीत बनलं नव्हतं. रवींद्रनाथ टागोर यांनी १९११ मध्येच 'जन गन मन" लिहिलं होतं, पण १९५० मध्ये त्याची राष्ट्रगीत म्हणून अधिकृत निवड झाली. १५ ऑगष्ट हा भारतासह आणखी तीन देशांचा स्वातंत्र्यदिन आहे. १५ ऑगष्ट १९४५ ला जपान पासून दक्षिण कोरिया, १५ ऑगष्ट १९६० ला फ्रांस पासून कांगो तर १५ ऑगष्ट १९७१ ला ब्रिटन पासून बहरीन स्वतंत्र झाले होते. १५० वर्षाच्या गुलामी नंतर भारताला इंग्रजांपासून स्वातंत्र्य मिळाल्याने १५ ऑगष्ट या दिवसाची भारताच्या इतिहासात सुवर्ण अक्षरांनी नोंद झाली आहे. या ऐतिहासिक दिनी राष्ट्रीय गीत गाऊन तिरंग्याला सलामी देण्यात येते. <p><p>

प्रशांत चंदनखेडे वणी :- <p>शहर व तालुक्यातील कोरोना संक्रमणाची गती मंदावली असल्याचे वाटत असतांनाच ११ ऑगष्टला ६ व १३ ऑगष्टला ८ रुग्ण आढळून आल्याने तालुक्यात कोरोना परत एकदा सक्रिय झाल्याचे पाहायला मिळत आहे. तालुक्यात एकूण कोरोना बाधित रुग्णांची संख्या ५५ झाली आहे. रुग्णांची संख्या वाढत असली तरी या आजारातून बरे होणाऱ्यांचे प्रमाणही वाढत असल्याने शहरवासियांमध्ये समाधान पाहायला मिळत आहे. आणखी ५ रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. त्यामुळे तालुक्यातील ऍक्टिव्ह पॉझिटिव्ह रुग्णांची संख्या आता १० झाली आहे. <p>परतीच्या वाटेवर असलेला कोरोना परत एकदा सक्रिय झाल्याने प्रशासनावरील ताण वाढला असून नागरिकांमधील भीतीही वाढली आहे. ११ व १३ ऑगष्ट या दोन दिवसांत तब्बल १४ पॉझिटिव्ह रुग्ण आढळून आल्याने शहर व तालुक्यात कोरोनाचा प्रादुर्भाव वाढत असल्याचे जाणवू लागले. परंतु रुग्णांची संख्या वाढत असली तरी या आजारातून बरे होणाऱ्यांचे प्रमाणही वाढतीवर असल्याने प्रशासनाला दिलासा मिळाला आहे. कोविड केयर सेंटरमध्ये भरती असलेले रुग्ण झटपट बरे होत असल्याने याठिकाणी रूग्णांवर होत असलेल्या उपचाराला बऱ्यापैकी यश मिळत असल्याचे दिसून येत आहे. आज एकूण ३५ नमुन्यांचे अहवाल प्राप्त झाले असून सर्वच निगेटिव्ह आले आहेत. तर ११८ रॅपिड अँटीजेन टेस्ट करण्यात आल्या, त्याचेही रिपोर्ट निगेटिव्ह आले आहेत. आता पर्यंत एकूण ५७२ रॅपिड अँटीजेन टेस्ट करण्यात आल्या असून ७८७ व्यक्तींची स्वाब तपासणी करण्यात आली आहे. जवळपास १३५९ लोकांची आरटी, पिसिआर आणी रॅपिड अँटीजेन टेस्ट करण्यात आली आहे. शहर व तालुक्यातील कंटेनमेन्ट झोन वाढून ९ झाले आहे. यापैकी ३ शहरात तर ६ ग्रामीण भागात ऍक्टिव्ह आहेत. कोविड केयर सेंटरला एकूण ३७ व्यक्ती भरती आहेत. तालुक्यात एकूण ५५ कोरोना बाधित रुग्णांची नोंद असून त्यापैकी ४३ रुग्ण कोरोनमुक्त झाले आहेत तर २ व्यक्तींचा कोरोनाने मृत्यू झाल्याने ऍक्टिव्ह पॉझिटिव्ह रुग्ण १० राहिले आहेत. त्यातील ९ रुग्ण कोविड केयर सेंटरला भरती आहेत तर एका रुग्णावर यवतमाळ येथे उपचार सुरु आहे. प्रशासन शहर व तालुक्यातील कंटेनमेंट झोन मधील नागरिकांवर बारीक लक्ष ठेऊन आहे. प्रतिबंधित क्षेत्रात योग्य त्या उपाययोजना करण्यात येत असून आरोग्य विभागामार्फत नागरिकांची तपासणी मोहीमही सुरु आहे. प्रशासन योग्य ती खबरदारी घेत असून नागरिकांनीही सतर्क राहण्याचे आव्हान प्रशासनातर्फे करण्यात आले आहे.

अगदी लहान वयात मुरलीधर शिंगोटे जुन्नरजवळच्या एका खेड्यातून मुंबईत पोट भरायला आले. हातात भांडवल नसलेल्या कोणत्याही माणसाला जो व्यवसाय करता येतो तो म्हणजे वर्तमानपत्र विकण्याचा! सकाळी शक्य तितक्या लवकर म्हणजे चाकरमान्यांची रस्त्यावर वर्दळ सुरू होण्या आधीच पेपरचे गठ्ठे उचलायचे आणि एक वाहत्या गर्दीचा कोपरा पकडून पेपर विकायचे. विकल्या पेपरचे पैसे मिळतात, तर न विकलेले परत देता येतात. थोडक्यात, १०० टक्के मेहेनतीचा हा धंदा शिंगोट्यांनी सुरू केला. <p>शेतकरी असल्याने मेहनत करणे हे त्यांना नवीन नव्हते. पण सोबत त्यांनी अक्कल हुशारीची जोड या धंद्याला दिली. त्यांच्यासारख्याच १०० मेहनती पोरांना त्यांनी पेपर लाईनमध्ये आणून स्वतःची एक मोठी सेल्स टीम उभी केली. या दरम्यान 'नवाकाळ' या वृत्तपत्राचे मालक निळकंठ खाडिलकर यांचे लक्ष मुरलीधर शिंगोटे यांच्याकडे गेले. नवाकाळचा खप वाढवण्यासाठी त्यांना असा माणूस हवाच होता. त्यांनी शिंगोट्यांना एजन्सी दिली. त्यांचा अंदाज योग्यच होता, थोड्याच दिवसात ‘नवाकाळ-अग्रलेखांचा बादशहा’चा खप पाच लाखाच्या वर गेला. शिंगोट्यांच्या टीममध्ये आता जवळजवळ 225 मुलं दाखल झाली होती. काम धुमधडाक्यात सुरू होते आणि असं काही घडलं, की निळकंठ खाडिलकर आणि मुरलीधर शिंगोटे यांची जोडी फुटली. <p>त्याचं झालं असं की, १९९४ दरम्यान कालनिर्णयच्या साळगावकरांनी नवा पेपर काढायचे ठरवले. नव्या पेपरला डिस्ट्रिब्युटरही तितक्याच दमाचा हवा म्हणून त्यांनी मुरलीधर शिंगोट्यांची निवड करून त्यांना एजन्सी दिली. ही बातमी नवाकाळच्या ऑफिसला पोहोचली आणि खाडीलकर संतापले. त्यांनी शिंगोट्यांची नवाकाळची एजन्सी काढून घेतली. आता उपाय शिल्लकच नव्हता. <p> <p>दुर्दैव असे की काही महिन्यातच साळगावकरांचा पेपरही बंद पडला. नवाकाळ गेला आणि कालनिर्णय संपला. शिंगोटे आणि त्यांची २२५ लोकांच्या टीमवर बेरोजगार होण्याची वेळ आली. पण शिंगोटे परिस्थितीमुळे हार मानणारे नव्हतेच. त्यांच्या मूळ शेतकरी स्वभावातला चिवटपणा पुन्हा कामाला आला. <p>नवाकळच्या वितरणामुळे त्यांना जनतेच्या वाचनाची नस त्यांना नेमकी माहिती होती. अनेक वार्ताहर ओळखीचे होते. कागद पुरवठादार आणि प्रिंटरही जोडलेले होते. मुरलीधर शिंगोट्यांनी स्वतःचाच पेपर सुरू करण्याचा निर्णय घेतला. हा नवा पेपर लोकसत्ता – मटा यांच्या वर्गात बसणारा पांढरपेशा पेपर नव्हता. हा खास ब्लु कॉलर पेपर म्हणजे श्रमजीवी जनतेला वाचायला आवडेल असा पेपर होता. आणि १ मे १९९४ रोजी 'मुंबई चौफेर' आणि पुढच्या सहा महिन्यात आला 'आपला वार्ताहर'.!! <p> <p>नवाकाळ वाचणारे आता वार्ताहरचे वाचक झाले. काहीच दिवसात वार्ताहरचा खप लाखात गेला आणि पाच लाखाचा नवाकाळ पन्नास हजाराला गेला. <p>यानंतर मुरलीधर शिंगोटेंनी मागे वळून बघितलेच नाही. त्यांनी श्रमजीवी वाचकांची नस घट्ट धरून ठेवली आणि त्यातून ‘यशोभूमी’ जन्माला आला. मुंबईत आलेल्या उत्तरप्रदेशी भय्याला त्याच्या गावाची बातमी द्यायला सुरुवात केली आणि प्रत्येक हिंदी भाषिकांच्या हातात 'यसोभूम' दिसायला लागला. हेच तंत्र त्यांनी कर्नाटकातून मुंबईत आलेल्या हॉटेल कामगारांवर वापरले आणि थोड्याच दिवसात उडुपी अण्णाच्या हातात 'कर्नाटक मल्ला' दिसायला लागला. <p>यानंतर ज्याला आज आपण इन्फोटेन्मेंट म्हणतो, त्या क्षेत्रातला माहिती ज्ञान मनोरंजनाचा मिलाप असलेला ‘पुण्यनगरी’ सुरू झाला. <p> <p>आता एक सगळ्यात महत्वाचा मुद्दा, इतके सगळे पेपर छापणारे मुरलीधर शिंगोटे स्वतः मात्र अंगठाबहादूर होते. त्यांना सही करण्यापलीकडे काहीही येत नव्हते. पण त्यांचे मॅनेजमेंटचे तंत्र हे दहा डिग्ऱ्यांच्या बरोबरचे होते. <p>इतकी वर्षे या क्षेत्रावर राहून मुरलीधर शिंगोटे यांचे पाय कायम जमिनीवर घट्ट रोवलेले होते. वार्धक्याने नाईलाज होईपर्यंत रोज वृत्तपत्राच्या दैनंदिन कार्यक्रमात त्यांचा सहभाग असायचा. त्यामुळे त्यांना सगळेच ओळखायचे आणि आपुलकीने 'बाबा शिंगोटे' असे संबोधायचे!

प्रशांत चंदनखेडे वणी :- <p><p>कोळसा वाहतूक करणाऱ्या ट्रकने गायीला चिरडल्याने ती जागीच ठार झाल्याची घटना आज दुपारी २ वाजताच्या सुमारास वणी घुगुस रोडवरील जन्नत फंक्शन हॉल पासून थोड्या अंतरावर घडली. गायीला चिरडल्यानंतर घटनास्थळी ट्रक सोडून चालक फरार झाला. त्याठिकाणी तत्परतेने पोहचलेल्या वाहतूक पोलिसांनी कुणीही तक्रार द्यायला तयार नसल्याने तेथून काढता पाय घेतला. ट्रक मालक व गायीच्या मालकांनी आपसात निपटारा करण्याची तयारी दर्शविल्यानंतरही त्यांच्यात चांगलाच वाद उफाळून आल्याचे पाहायला मिळाले. कित्येक वेळपर्यंत तर ट्रक घटना स्थळीच उभा राहिल्याने वाहतुकीलाही अडथळे निर्माण होतांना दिसले. काही संधीसाधू व्यक्ती मध्यस्थांची भूमिका निभवून ट्रकमालकाशी साटेलोटे करतांना दिसत होते. पोलिसांनी निदान त्यांच्यात समेट तरी घडवून आणायला हवा होता, ही प्रतिक्रिया उपस्थितांमधून ऐकायला मिळत होती. पोलीस गेल्यानंतर त्याठिकाणी गायीच्या मालकाकडून जमलेल्या लोकांमध्ये व ट्रक मालकाकडून आलेल्या लोकांमध्ये चांगलीच बाचाबाची झाली. <p><p>घुगुस वरून वणी येथील लालपुलियाकडे जात असलेल्या ट्रक क्र. MH ३४ BG ५३०३ ने रस्ता ओलांडणाऱ्या गायीला चिरडल्याने ती जागीच ठार झाली. सुनंदा गोंडे यांच्या मालकीची ही दुभती गाय असून सुसाट वेगाने येणाऱ्या ट्रकचा ती बळी ठरली. ट्रक चालक ट्रक सोडून फरार झाला. ट्रक मालक व गाय मालक यांच्यात सुरुवातीला वाद रंगल्यानंतर समजदारीचा पर्याय म्हणून भरपाईची मागणी करण्यात आली. ७० हजारापासून सुरु झालेली भरपाईची मागणी ४० हजारा पर्यंत रेटली गेली. मात्र ट्रकमलक आखरी १५ हजारांवर अडल्याने वाद वाढतच गेला. काही संधीसाधू व्यक्ती मूळ मालकाला दूर ठेऊन स्वतःच ट्रकमालकाशी साटेलोटे करतांना दिसत होते. रोडवरच त्यांचा उभा धिंगाणा सुरु असल्याने येणारा जाणारा प्रत्येक व्यक्ती त्याठिकाणी उभा राहून गर्दी वाढवतांना दिसत होता. त्यामुळे वाहतुकीलाही अडथळे निर्माण होत होते. गायीची छिन्नविछिन्न झालेली अवस्था पाहून प्रत्येक व्यक्ती एकच प्रश्न विचारात होता, ट्रक चालकावर कार्यवाही झाली काय, उपस्थितांकडून एकच उत्तर मिळत होते अजून नाही.

SHOP FOR RENT

प्रशांत चंदनखेडे वणी :- <p><p>तालुक्यातील बोर्डा गावात एका ३० वर्षीय युवकाशी विनाकारण वाद घालून त्याच्यावर जीवघेणा हल्ला करणाऱ्या फरार आरोपीला पोलिसांनी अटक केली असून त्याच्यावर गुन्हा दाखल करण्यात आला आहे. <p><p>बोर्डा गावातील गंगाधर गोविंदा राऊत (५०) याने दारूच्या नशेत बंडू माधव टिकट (३०) याच्याशी नालीच्या वाहत्या पाण्यावरून विनाकारण वाद घालत सुरीचे घाव घालून गंभीर जख्मी केले. आरोपी गंगाधर राऊत याला दारूचे व्यसन जडले असून नशेत वादावादी करणे हा त्याचा स्वभाव बनल्याचे गावात बोलल्या जात आहे. घरा शेजारी असलेल्या पानठेल्याजवळ बसून असणाऱ्या बंडू टिकट याच्याशी विनाकारण वाद घालून त्याच्यावर सुरीने हल्ला चढवून त्याला गंभीर जख्मी केल्याची घटना काल साय. ५.३० वाजता उघडकीस आली. सुरीचे वार होत असतांना प्रतिकार केल्याने त्याचा कसाबसा जीव वाचला असून त्याच्या पायावर सुरीचा चांगलाच घाव बसल्याने गंभीर स्वरूपाची जखम झाली आहे. ग्रामीण रुग्णालयातील डॉक्टरांनी पायाचे ऑपरेशन करण्याचा सल्ला देत चंद्रपूरला रेफर करण्यास सांगितले. बंडू टिकट याच्या भावाने पोलीस स्टेशनला दिलेल्या तक्रारीवरून पोलिसांनी आरोपी गंगाधर राऊत याला अटक करून त्याच्यावर भादंविच्या कलम ३२६ नुसार गुन्हा नोंदवून त्याला अटक केली आहे. पुढील तपास पोलीस करीत आहे.

lokmat.com

प्रशांत चंदनखेडे वणी :- <p>शहर व तालुक्यातील कोरोना संक्रमणाची गती मंदावली असतांनाच एकाएक रुग्ण वाढीचा आलेख वाढू लागल्याने प्रशासन चांगलेच चिंतेत आले आहे. परतीच्या वाटेवर असलेला कोरोना परत एकदा सक्रिय झाल्याने प्रशासनावरील तान वाढला आहे. शहर व तालुक्यात कोरोना बाधितांची संख्या वाढतीवर लागली असून आज शहरात आणखी ८ व्यक्तींचे अहवाल पॉझिटिव्ह आले आहेत. कोरोनाचे हॉसस्पॉट बनलेल्या तेलीफैल परिसरातील ५ तर रजानगर येथील एका व्यक्तीचा कोरोना अहवाल पॉझिटिव्ह आला असून चिंचोली (कोलगाव) येथे नव्यानेच २ व्यक्ती पॉझिटिव्ह आढळून आल्याने तालुक्यातील कोरोना बाधितांची एकूण संख्या ५५ झाली आहे तर ऍक्टिव्ह पॉझिटिव्ह रुग्णांची संख्या १५ झाली आहे. आज एकूण ९६ नमुन्यांचे अहवाल प्राप्त झाले असून ६ व्यक्तींचे अहवाल पॉझिटिव्ह तर ९० व्यक्तींचे अहवाल निगेटिव्ह आले आहेत. ३४ रॅपिड अँटीजेन टेस्ट करण्यात आल्या त्यात २ व्यक्तींचे रिपोर्ट पॉझिटिव्ह तर ३२ व्यक्तींचे रिपोर्ट निगेटिव्ह आले आहेत. आता पर्यंत ४५४ रॅपिड अँटीजेन टेस्ट करण्यात आल्या आहेत. पॉझिटिव्ह व्यक्तींच्या संपर्कातील व्यक्तींना संस्थात्मक विलीगीकरणात हलविण्यात आले आहे. एकूण ७७ व्यक्ती संस्थात्मक विलीगीकरणात भरती आहेत. तालुक्यातील पॉझिटिव्ह रुग्णांची संख्या ५५ झाली आहे. त्यापैकी ३८ रुग्ण कोरोनमुक्त झाले आहेत तर दोन रुग्णांचा कोरोनामुळे मृत्यू झाल्याने ऍक्टिव्ह पॉझिटिव्ह रुग्णांची संख्या १५ झाली आहे. त्यापैकी १४ रुग्णांवर कोविड केयर सेंटर येथे उपचार सुरु असून १ रुग्ण यवतमाळ येथे भरती आहे. <p>शहर व तालुक्यातील कोरोनाच्या वाढत्या रुग्णसंख्येवर रोख लागली असतांनाच या आजारातून बरे होणाऱ्यांचे प्रमाणही बऱ्यापैकी वाढल्याने तालुक्यात एकच सक्रिय रुग्ण उरला होता. तो ही १७ दिवसांपासून जामीन न मिळाल्याने यवतमाळ कारागृहात होता. १ ऑगष्टला तेली फैलात शेवटचा रुग्ण आढळून आला तर २ ऑगस्टला तालुक्यातील घोन्सा येथे एक महिला पॉझिटिव्ह आढळून आली. त्यानंतर कोरोना पॉझिटिव्ह रुग्णांवर ब्रेक लागल्याने कोरोनाच्या सर्वच साखळ्या तुटल्यागत वाटत असतांना तब्बल १० दिवसानंतर ११ ऑगस्टला एकाएक तालुक्यात कोरोनाचे ६ रुग्ण आढळले. त्यात शहरातील हॉसस्पॉट झोन मधील डॉक्टरांचा समावेश होता. आज १३ ऑगष्टला आणखी ८ व्यक्तींचे अहवाल पॉझिटिव्ह आले. त्यात तेलीफैल या हॉसस्पॉट झोन मधील ५ व्यक्तींचा समावेश आहे. तर चिंचोली (कोलगाव) येथील दोन व्यक्तींचा अहवाल पॉझिटिव्ह आल्याने याठिकाणी कोरोनाची नवीन साखळी तयार झाली आहे. तसेच रजानगर येथे बाहेरून आलेला व्यक्ती पॉझिटिव्ह निघाल्याने याठिकाणीही कोरोनाची नवीन साखळी तयार झाली आहे. ईद निमित्त विशाखापटणम येथून नातेवाईकांकडे आलेला व्यक्ती पॉझिटिव्ह निघाल्याने शहरात भीतीचे वातावरण निर्माण झाले आहे. कोरोनाचे हॉसस्पॉट बनलेल्या तेलीफैल परिसरात १० जुलै पासून तर १३ ऑगष्ट पर्यंत एकूण २७ कोरोना पॉझिटिव्ह रुग्णांची नोंद झाली आहे. प्रशासन योग्य ती खबरदारी घेत असून नागरिकांनीही सतर्क राहण्याचे आव्हान प्रशासनातर्फे करण्यात आले आहे.

प्रशांत चंदनखेडे वणी :- <p><p>झरी तालुक्यातील माथार्जुन गावातील गोंड पंच कमिटीच्या राखीव जागेवर ग्रामपंचायते कडून जाणीवपूर्वक राजीव गांधी भवन (सचिवालय) उभारण्यात आल्याची तक्रार माथार्जुन येथील सुजाण नागरिक योगेश मडावी यांनी झरी पंचायत समितीचे गटविकास अधिकारी यांच्या कडे लेखी स्वरूपात केली असून तक्रारीची प्रत जिल्ह्याचे पालकमंत्री व जिल्हाधिकारी यांना पाठविण्यात आली आहे. <p><p>माथार्जुन या २१८३ लोकसंख्या असलेल्या गावात आदिवासी समाजाची बरीच घरे आहेत. याठिकाणी गोंड पंच कमिटीची राखीव जागा असून ही जागा आदिवासी बांधवांचे सामाजिक व सांस्कृतिक कार्यक्रम घेण्याकरिता आरक्षित करण्यात आली असून याठिकाणी ग्रामपंचायतेच्या पदाधिकाऱ्यांनी संगमत करून राजीव गांधी भवन उभारले आहे. राजीव गांधी भवन हे शासकीय जागेवर बांधण्याऐवजी कमेटीच्या आरक्षित जागेवर बांधून ही जागा परस्पर हस्तगत करण्याचा डाव ग्रामपंचायतेचे पदाधिकारी साधत आहे. शासनाकडे या जागेचे खोटे दस्ताऐवज सादर करून या जागेवर राजीव गांधी भवन (सचिवालय) माथार्जुन असे नामकरण असणारी इमारत बांधण्यात आली आहे. राखीव जागेचे खोटे दस्ताऐवज सादर करून शासनाची दिशाभूल करीत अनाधिकृत इमारतीचे बांधकाम करणाऱ्या ग्रामपंचायतेच्या पदाधिकाऱ्यांवर कायदेशीर कार्यवाही करण्यात यावी अशी तक्रार वजा मागणी मडावी यांनी केली आहे. खोटे दस्ताऐवज तयार करून आदिवासींची राखीव जागा हडपण्याचा प्रयत्न तत्कालीन ग्रामपंचायतेच्या पदाधिकाऱ्यांनी चालविला असून राजीव गांधी भावनांची इमारत हा फक्त देखावा असल्याचे मडावी यांनी तक्रारीत म्हटले आहे. ग्राम "पेसा" अंतर्गत येत असलेल्या या ग्रामपंचायत मध्ये आदिवासी समाजाचे बहुसंख्य लोकं आहेत. ग्रामपंचायत पदाधिकारी पद उपभोगत असतांना या पदाचा दुरुपयोग करून आरक्षित जागेची विल्हेवाट लावण्याचा कुटील डाव पदाधिकाऱ्यांकडून खेळल्या जात आहे. तेंव्हा या गोंड पंच कमिटीच्या जागेवर उभारलेल्या राजीव गांधी भवनाच्या अनाधिकृत बांधकामाची सखोल चौकशी करून संबंधितांवर समाजाची जागा हडपल्या प्रकरणी गुन्हे दाखल करण्याची मागणी योगेश मडावी यांनी गटविकास अधिकारी यांना दिलेल्या तक्रारीतून केली आहे.

प्रशांत चंदनखेडे वणी :- <p>शहर व तालुक्यातून परतीच्या मार्गावर आलेला कोरोना शहरात पुन्हा एकदा सक्रिय होतांना दिसत असून काही दिवसांपूर्वी परप्रांतातून शहरातील रजानगर येथे आलेल्या एका व्यक्तीला कोरोनाची लागण झाली असल्याचे विश्वसनीय सूत्रांकडून कळले आहे. प्रशासनाकडून मात्र अद्याप या वृत्ताला दुजोरा मिळालेला नाही. बाहेरून आल्यापासून तो क्वारंटाईन मध्ये असून चार दिवसांआधी त्याच्यामध्ये कोरोना सदृश्य लक्षणे आढळून आल्याने त्याची कोरोना चाचणी केली असता काल रात्री उशिरा त्याचा अहवाल पॉझिटिव्ह आल्याचे समजते. रात्रीच त्याला व त्याच्या कुटुंबातील व्यक्तींना संस्थात्मक विलीगीकरणात हलविल्याचे समजते. तर परिवारातील अन्य सदस्यांना होम क्वारंटाईन केल्याचे कळते. सदर व्यक्तीच्या पॉझिटिव्ह येण्याला दुजोरा मिळाल्यास कोरोना बाधित रुग्णांची संख्या ४८ होईल तर ऍक्टिव्ह पॉझिटिव्ह रुग्णांची संख्या ८ वर पोहचेल. <p>विशाखापटणम येथून ईदनिमित्त शहरातील रजानगर येथे आपल्या नातेवाईकाकडे आलेल्या एका व्यक्तीला होम क्वारंटाईन करण्यात आले. चार दिवसांपूर्वी त्या व्यक्तीमध्ये कोरोना सदृश्य लक्षणे आढळल्याने त्याचे स्वाब तपासणी करिता पाठवण्यात आले होते. काल रात्री उशिरा त्याचा कोरोना रिपोर्ट पॉझिटिव्ह आल्याचे समजते. काल रात्रीच त्याला व त्याच्या कुटुंबातील व्यक्तींना संस्थात्मक विलीगीकरणात हलविण्यात आले तर परिवारातील अन्य सदस्यांना होम क्वारंटाईन करण्यात आले आहे. सादर व्यक्तीच्या पॉझिटिव्ह येण्याला दुजोरा मिळाल्यास पॉझिटिव्ह रुग्णांची संख्या ४८ होईल. तर ऍक्टिव्ह पॉझिटिव्ह रुग्ण आठ होईल. रजानगर येथे विरळ वस्ती असल्याने अद्याप त्या भागाला सील करण्यात आले नाही. प्रशासन या भागावर लक्ष ठेऊन असून याठिकाणी खबरदारीच्या कोणत्या उपाययोजना केल्या जातात लवकरच स्पष्ट होईल.