चांदणी खरवडे ९४.८०% टक्के गुण प्राप्त करून शाळेतुन तसेच झरी तालुक्यात प्रथम <p> <p> महाराष्ट्र राज्य माध्यमिक बोर्डाने दहावीचा बोर्डाचा निकाल जाहीर केला. या परीक्षेत मुकुटबनयेथील गुरुकुल कॉन्व्हेंट ची कु. चांदणी खरवडे हिने ९४.८०% टक्के गुण मिळवून प्रथम कमांक प्राप्त केला तर साक्षी मुसळे आणि खुशी मेश्राम यांनी अनुक्रमे ९४.६०% टक्के गुण मिळवुन द्वितीय कमांक प्राप्त केला तसेच खुशी येमुलवार हीने ९४. ४० % टक्के गुण मिळवून तृतीय कमांक पटकाविला आहे. कुंमकुंम मत्ते हिने ९३.८० % गुण मिळवून चतुर्थ क्रमांक मिळविला आहे तसेच आकांशा टोंगे हिने ९३.६०% गुण प्राप्त करून पाचवा क्रमांक पटकावला.विशाल तुडमवार, केतन वडके यांनी अनुक्रमे ९३.२०% मिळवून सहावा क्रमांक मिळविला आहे. समीर गावंडे याने ९२.००% दीक्षा पारखी ९१.४०% साहिल दुरुतकर ९०.२०% सत्कार चिंतावर व अक्षय बादलवार यानी ८९.८०% गुण मिळवले.विशेष बाब अशी की या शाळेचे ११ विद्यार्थी विशेष गुणवत्ता श्रेणीत पास झाले तर ७ विदयार्थी विशेष प्राविण्य श्रेणीत पास झाले तसेच इतर विदयार्थ्यांनी सुध्दा गुणवत्ता यादीत आपले स्थान प्राप्त केले. शाळेचा एकूण निकाल १००% टक्के लागलेला आहे. <p>विदयार्थ्यांनी मिळवलेल्या या यशाबदद्ल शाळेच्या व्यवस्थापन समितीच्या अध्यक्षा ,संचालक मंडळ, मुख्याध्यापक श्री. सुभाष गजभिये सर सर्व शिक्षकवृंद यांनी अभिनंदन केले व विद्यार्थ्यांना पुढील वाटचालीकरिता शुभेच्छा दिल्यात.

प्रशांत चंदनखेडे वणी :- <p>शहरातील तेलीफैल परिसरातील कोरोना बाधित रुग्णांची संख्या वाढतच चालली असून आज या परिसरातील आणखी एक महिला कोरोना बाधित निघाली आहे. कोरोनाचे हॉसस्पॉट बनलेल्या या परिसरामुळे प्रशासनाची चांगलीच डोके दुखी वाढवतांना दिसत आहे. या परिसरात कोरोनाचा पादुर्भाव चांगलाच वाढला असून या परिसरातील रुग्णांचा आकडाही फुगत चालला आहे. त्याचबरोबर आज राजूर (कॉलरी) येथीलही एका महिलेचा कोरोना अहवाल पॉझिटिव्ह आल्याने प्रशासन आणखीच चिंतेत पडले आहे. शहर व तालुक्यात आज दोन नवीन रुग्ण आढळल्याने कोरोना बाधित रुग्णांची संख्या आता ३८ वर पोहचली आहे. तर ऍक्टिव्ह पॉझिटिव्ह रुग्णांची संख्या १४ झाली आहे. <p>शहरातील तेलीफैल परिसरातील कोरोनाची साथ काही केल्या आटोक्यात यायचे नाव घेत नसून दिवसागणिक याठिकाणी कोरोना बाधित रुग्ण आढळत आहे. दाटिवाटीची घरे असलेल्या या परिसरात कोरोनाचे संक्रमण अगदीच जलद गतीने वाढतांना दिसत आहे. प्रशासन येथील कोरोनाची साखळी तोडण्याचा पुरेपूर प्रयत्न करीत असतांनाही कोरोनाचे रुग्ण सातत्याने वाढत असल्याने कोरोनावर नियंत्रण मिळविण्याचे प्रशासनाचे प्रयत्न अपुरे पडतांना दिसत आहे. तेलीफैल परिसरात आतापर्यंत २२ रुग्णांची नोंद झाली असून ही संख्या वाढतीवरच आहे. त्याचप्रमाणे ग्रामीण भागातही कोरोनाचे जाळे घट्ट होतांना दिसत असून चिखलगाव नंतर लगेचच राजूर (कॉलरी) येथील आणखी एक महिला कोरोना बाधित निघाली आहे. राजूर (कॉलरी) येथे या आधी पॉझिटिव्ह निघालेली महिला कोरोनमुक्त होत नाही तोच आणखी एक महिला पॉझिटिव्ह आल्याने गावात भीतीचे वातावरण पसरले आहे. तालुक्यातील एकूण पॉझिटिव्ह रुग्णांची संख्या ३८ झाली असून २३ रुग्ण कोरोनमुक्त तर एका महिलेचा मृत्यू झाल्याने तालुक्यात ऍक्टिव्ह पॉझिटिव्ह रुग्ण आता १४ राहिले आहेत. कोविड केयर सेंटरला ११ रुग्णांवर उपचार सुरु आहे तर ३ रुग्ण यवतमाळ येथे भर्ती आहे. आज ६६ नमुन्यांचे अहवाल प्राप्त झाले असून २ महिला पॉझिटिव्ह आल्या आहेत तर ६४ नमुन्यांचे अहवाल निगेटिव्ह आले आहेत. १५३ नमुन्यांचे अहवाल अप्राप्त आहेत. संस्थात्मक विलीगीकरणात एकूण ८५ व्यक्ती भरती आहेत. तर तालुक्यात एकूण ५ प्रतिबंधित क्षेत्र ऍक्टिव्ह आहेत. प्रशासन कोरोनावर नियंत्रण मिळविण्याकरिता शर्थीचे प्रयत्न करीत असून नागरिकांनीही सावधानी बाळगण्याचे आव्हान प्रशासनातर्फे करण्यात आले आहे.

यवतमाळ, दि. 1 : वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड तसेच जिल्ह्यातील विविध कोव्हीड केअर सेंटरमध्ये भरती असलेले 65 जण उपचारानंतर बरे झाल्यामुळे त्यांना सुट्टी देण्यात आली आहे. तर जिल्ह्यात दोन कोरोनाबाधित रुग्णांचा आज (दि.1) मृत्यु झाला असून नव्याने 39 पॉझेटिव्ह रुग्णांची भर पडली आहे.</p><p><br>शनिवारी मृत्यु झालेल्या दोन जणांमध्ये एक जण यवतमाळ शहरातील तेलीपुरा येथील 60 वर्षीय पुरुष आणि दुसरा व्यक्ती दिग्रस शहरातील वॉर्ड क्रमांक 1 येथील 70 वर्षीय पुरुष आहे. जिल्ह्यात एकूण मृत्युची संख्या 29 झाली आहे. आज पॉझेटिव्ह आलेल्या 39 जणांमध्ये 19 पुरुष व 20 महिलांचा समावेश आहे.</p> <p><p>यात यवतमाळ शहरातील कोहीनूर सोसायटी येथील एक पुरुष, नेहरू चौक येथील एक पुरुष, तेलीपुरा येथील एक पुरुष, प्रजापती नगर येथील एक पुरुष व एक महिला, पिंपळगाव येथील एक पुरुष,</p><p>गजानन नगर येथील एक महिला तसेच यवतमाळ शहरातील आणखी एक महिला, दिग्रस शहरातील एक पुरुष व एक महिला, पांढरकवडा शहरातील शिवाजी नगर येथील एक पुरुष तसेच पांढरकवडा शहरातील चार पुरुष व तीन महिला,</p><p>पुसद शहरातील बारी नगर येथील एक पुरुष, पुसद शहरातील गोकूल नगर येथील दोन महिला, आर्णि शहरातील पाच पुरुष व नऊ महिला, महागाव शहरातील एक पुरुष व एक महिला, वणी शहरातील एक पुरुष व एक महिला पॉझेटिव्ह आले आहेत.</p><p><br>जिल्ह्यात शुक्रवारपर्यंत 451 ॲक्टीव्ह पॉझेटिव्ह रुग्ण होते. यात शनिवारी 41 नवीन रुग्णांची भर पडल्याने हा आकडा 492 वर पोहचला. मात्र दोन जणांचा मृत्यु झाल्याने व &#8216;पॉझेटिव्ह टू निगेटिव्ह&#8217; झालेल्या 65 जणांना रुग्णालयातून सुट्टी देण्यात आल्याने सद्यस्थितीत जिल्ह्यात ॲक्टीव्ह पॉझेटिव्ह रुग्णांची संख्या 425 आहे.</p><p>जिल्ह्यात सुरवातीपासून आतापर्यंत एकूण पॉझेटिव्ह रुग्णांची संख्या 1115 झाली आहे. यापैकी 661 जण बरे झाल्यामुळे त्यांना रुग्णालयातून सुट्टी देण्यात आली आहे. तर जिल्ह्यात 29 मृत्युची नोंद आहे. सद्यस्थितीत आयसोलेशन वॉर्डात 102 जण भरती आहे.</p><p><br>शासकीय वैद्यकीय महाविद्यालयाने सुरवातीपासून आतापर्यंत 18006 नमुने पाठविले असून यापैकी 14730 प्राप्त तर 3276 अप्राप्त आहेत. तसेच 13615 नागरिकांचे नमुने आतापर्यंत निगेटिव्ह आल्याचे वैद्यकीय महाविद्यालयाच्या प्रशासनाने कळविले आहे.</p>

esakal.com

https://www.khabarkatta.com/2020/07/speedy-pickup-crushed-three-kids.html

Contact - <br> Mob - 8793602549 <br> Email :- wanicity.com@gmail.com

प्रशांत चंदनखेडे वणी :- <p><p>कोरोना या साथीच्या रोगाने शहराबरोबरच ग्रामीण भागातही पाय पसरले असून राजूर (कॉलरी) नंतर चिखलगाव ग्रामीण क्षेत्रातही कोरोना पॉझिटिव्ह रुग्ण आढळल्याने प्रशासनाच्या चिंतेत वाढ होतांना दिसत आहे. काल ३० जुलैला एकाच दिवशी तालुक्यात १० पॉझिटिव्ह रुग्ण आढळल्याने तालुक्यातील एका दिवसातील रुग्ण संख्येचा हा उच्चांक ठरला आहे. शहरातील तेलीफैल हा दाटीवाटीचा असलेला परिसर कोरोना संक्रमणाचे केंद्रबिंदू बनला असून या परिसरात सातत्याने कोरोना बाधित रुग्ण आढळत असल्याने शहरवासीयांबरोबरच प्रशासनही चिंतेत पडले आहे. दोन चार दिवसांच्या विश्रांतीनंतर कोरोना बाधित रुग्ण आढळत असल्याने या परिसरात प्रशासनाकडून करण्यात येत असलेल्या उपाययोजना प्रभावहीन ठरत असल्याचे एकूणच कोरोना बाधितांच्या वाढत्या आकडेवारीवरून निदर्शनास येत आहे. हल्ली या परिसरातून कोरोना सस्पेक्ट असलेली महिला २२ जुलैला नजर चुकवत चिखलगाव येथे मायतीला जाऊन आली. त्यानंतर २६ जुलैला ती पॉझिटिव्ह निघाली. हीच महिला शेतमजूर म्हणून अन्य महिलांसोबत शेतामध्ये काम करावयास ऑटोने जात होती. एकाच ऑटोमध्ये सर्वच महिला जात असल्याने कोरोना सांक्रमण वाढण्यास या काही बाबी कारणीभूत ठरत आहे. काल या परिसरात महिला व पुरुष पॉझिटिव्ह आढल्यानंतर आरोग्य सेवक त्यांना कोविड केयर सेंटर मध्ये हलविण्यास गेले असता तेथे मोठ्या संख्येने महिला एकत्रित आल्या व प्रतिबंधित क्षेत्र हटविण्या संदर्भात एकच कल्लोळ करू लागल्या. अशा प्रकारे मोठ्या संख्येने एकत्रित आलेल्यांमुळेही कोरोनाचे संक्रमण वाढण्याचा धोका निर्माण होऊ शकतो. प्रशासन कितीही कोरोनाची साथ आटोक्यात आणण्याचा प्रयत्न करीत असेल तरी नागरिकांचा बेजबाबदारपणा प्रशासन करीत असलेल्या प्रयत्नांवर पाणी फेरून कोरोना वाढीस कारणीभूत ठरत आहे. <p><p>असे असले तरी शहरात खरेदीकरिता होत असलेली गर्दी लक्षात घेता शहरातील बाजारपेठेच्या वेळेत आणखी बदल करण्यात आला असून शनिवारपासून सकाळी ६ ते सायंकाळी ५ वाजेपर्यंत व्यासायिक प्रतिष्ठाने सुरु ठेवण्यास प्रशासनातर्फे मुभा देण्यात आली आहे. आधी नेमून देण्यात आलेल्या १० ते २ या ४ तासांच्या अपुऱ्या वेळेत खरेदीकरिता नागरिकांची झुंबड उडत असल्याने बाजारपेठेची वेळ वाढविण्यात आली असून सुधारित वेळेनुसार सकाळी ६ ते साय,५ वाजेपर्यंत बाजारपेठ सुरु राहणार आहे. तालुक्यात कोरोना बाधितांची संख्या ३६ झाली असून ऍक्टिव्ह पॉझिटिव्ह रुग्णांची संख्या १३ वर आली आहे. २२ रुग्ण कोरोनातून पूर्णपणे बरे झाले असून एका महिलेचा उपचारादरम्यान मृत्यू झाला आहे. नागपूर येथे उपचार घेत असलेली महिलाही उपचाराअंती कोरोनातून बरी झाली असून सध्यस्थितीत १३ कोरोनाबाधित रुग्णांवर उपचार सुरु आहेत. कुंभा येथील पॉझिटिव्ह निघालेला व्यक्ती नागपूर येथे उपचार्थ दाखल असलेल्या महिलेचा भाऊ असून दोन दिवसा आधी तो मारेगाव कोविड केंद्रातून पळून गेला होता. पळसोनी कोविड केयर सेंटर मध्ये ८४ व्यक्ती विलीगीकरणात असून १० पॉझिटिव्ह रुग्णांवर येथेच उपचार सुरु आहे. तर ३ व्यक्तींवर यवतमाळ येथे उपचार सुरु आहे. तालुक्यात एकूण प्रतिबंधित क्षेत्र पाच आहेत. एकूण १८२ संशयितांच्या नमुन्यांचे अहवाल प्राप्त होणे अजून बाकी आहे. प्रशासन कोरोनाच्या साथीवर नियंत्रण मिळविण्याकरिता शर्थीचे प्रयत्न करीत असून नागरिकांनीही सतर्क राहण्याचे आव्हान प्रशासनातर्फे करण्यात येत आहे.

प्रशांत चंदनखेडे वणी :- <p><p>शहर व तालुक्यात कोरोनाने दहशत निर्माण केली असून कोरोना बाधितांची संख्या सातत्याने वाढत आहे. शहरातील कोरोनाची लाट ग्रामीण भागापर्यंत पोहचली असून प्रत्येक जीव भीतीच्या सावटात वावरत आहे. तालुक्यात कोरोनाचं जाळ घट्ट होत असतांनाच काही कोळसा खदानींशी निगडित असलेल्या खाजगी कंपन्या बेजाबदारीची सीमा पार करीत असल्याचं विदारक चित्र तालुक्यात पाहायला मिळत आहे. कोलार मधील खेतान प्रा.ली. ही व्हाल्वो कंपनी बेजाबदारीचा कळस गाठतांना दिसत आहे. या कंपनीतील इंचार्जसह काही कामगार परप्रांतातून आल्यानंतरही कोणतीही तपासणी व खबरदारीच्या नियमांचे पालन न करता थेट कर्तव्यावर रुजू होऊन इतर कामगारांच्या संपर्कात येत असल्याने तेथील अन्य कर्मचाऱ्यांमध्ये भीतीचे वातावरण पसरले आहे. परप्रांतातून आल्यानंतर कोविड केयर सेंटरमध्ये आरोग्य तपासणी करून क्वारंटाईन राहणे अनिवार्य असतांना या व्हाल्वो कंपनीतील इंचार्ज स्वतःसह आपल्या कर्मचाऱ्यांची माहिती दडवून ठेवत असल्याने अन्य कर्मचाऱ्यांचे आरोग्य धोक्यात टाकत असून प्रशासनांच्या नियमांची पायमल्ली करतांना दिसत आहे. "कंपनी अपनी है, कोण क्या कर लेगा" अशा प्रकारची भाषा हरियाणा मधून आलेला तो इंचार्ज वापरत असल्याने अन्य कर्मचारी दहशतीत आले आहे. उत्तर प्रदेश, बिहार, झारखंड व हरियाणा येथून सतत कर्मचाऱ्यांचे आगमन सुरु असून आतापर्यंत ४० कामगार याठिकाणी परप्रांतातून आले असून काही कामगारांना १० ते १२ दिवसांपासून खोकल्याचा त्रास असल्याची विश्वसनीय माहिती आहे. खबरदारीचे कोणतेही नियम याठिकाणी पाळले जात नसून पूर्णतः मनमानी कारभार सुरु आहे. वेकोलि प्रशासनही या गंभीर बाबीकडे दुर्लक्ष करतांना दिसून येत आहे. खदानीचे विस्तारीकरण जलद होऊन प्रॉडक्शन अति शीघ्र कसे वाढवता येईल या प्रयत्नात वेकोलि प्रशासन व खेतान कंपनी कर्मचाऱ्यांच्या आरोग्याशी खेळत असून शासनाच्या खबरदारीच्या नियमांचे सर्रास उल्लंघन करतांना दिसत आहे. खेतान प्रा.ली. या व्हाल्वो कंपनीत थर्मल स्कॅनिंग मशीन तर सोडाच साधे सॅनिटायझरही कर्मचाऱ्यांच्या हातावर पडत नाही. कोणताही इंचार्ज लेव्हलचा व्यक्ती मास्क लावतांना दिसत नाही. इतर कर्मचाऱ्यांशी जवळून संवाद साधतांना मास्क वापरण्याचे नियमही पार पडले जात नाही. त्यामुळे स्थानिक कर्मचाऱ्यांमध्ये कमालीची धास्ती निर्माण झाली आहे. कामावरून काढण्याच्या भीतीने येथील स्थानिक कर्मचारीवर्ग आरोग्याशी तडजोड करीत असून तक्रार तर दूरच व्यवस्थापनाविषयी ब्र शब्धही त्यांच्या मुखातून बाहेर पडतांना दिसत नाही. नाव न प्रकाशाची करण्याच्या अटीवर तेथीलच एका कर्मचाऱ्याने हा गंभीर प्रकार उघडकीस केला आहे. दररोज या व्हाल्वो कंपनीत छुप्या मार्गाने ५ ते ६ परप्रांतीय कामगार दाखल होत असून या गंभीर बाबीकडे प्रशासनाने वेळीच लक्ष न दिल्यास रिलायन्स सिमेंट कंपनीची पुनरावृत्ती होण्यास वेळ लागणार नाही. बाहेरून आलेल्यांमुळेच शहरात कोरोना दाखल झाला असून परठिकाणांवरून भ्रमण करून आलेल्यांमुळे कोरोनाचे संक्रमणही वाढले आहे. येथील नागरिक नियमांचे पालन करूनही कोरोनाशी झुंजतांना दिसत आहे. त्यामुळे खेतान प्रा.ली. या कोलार कोळसा खदानीशी निगडित असलेल्या व्हाल्वो कंपनीत परप्रांतातून येणाऱ्या कामगारांमध्ये एखादा कामगार कोरोना बाधित निघाल्यास इतर कर्मचाऱ्यांचे आरोग्य धोक्यात ठेऊ नये याकरिता या कामगारांची आरोग्य तपासणी करून त्यांना क्वारंटाईन करण्याचे आदेश प्रशासनाने या कंपनी व्यवस्थापकांना देण्याची आग्रही मागणी या ठिकाणी काम करणाऱ्या इतर कर्मचाऱ्यांमधून होत आहे.

<p>31 जणांना सुट्टी.... पुसद 50, दिग्रस 44,पांढरकवडा 20,यवतमाळ 6 तर दारव्हामध्ये 1</p> <p><p>यवतमाळ, दि. 31 : जिल्ह्यात आतापर्यंत दुहेरी अंकात वाढणारी कोरोनाबाधित रुग्णांची संख्या शुक्रवारी अचानाक तीन अंकात वाढली. ही आतापर्यंत एका दिवसात झालेली सर्वात मोठी वाढ आहे. आज (दि.31) रोजी जिल्ह्यात तब्बल 121 नवीन पॉझेटिव्ह रुग्णांची भर पडल्याने आतापर्यंत कोरोनाबाधित रुग्णांच्या संख्येने जिल्ह्यात हजारचा आकडा पार केला आहे.</p><p>तर आयसोलेशन वॉर्ड आणि विविध कोव्हीड केअर सेंटरमध्ये भरती असलेले 31 जण उपचारानंतर बरे झाल्यामुळे त्यांना रुग्णालयातून सुट्टी देण्यात आली आहे.<br>आज नव्याने पॉझेटिव्ह आलेल्या 121 जणांमध्ये 66 पुरुष व 55 महिलांचा समावेश आहे.

-

श्री संताजी ज्ञान प्रसारक मंडळ, वणी द्वारा संचालित *Santaji English Medium School, Wani* चा शैक्षणिक वर्ष 2019-20 मधील माध्यमिक शालान्त परीक्षेचा (SSC) निकाल 97 % लागला. सर्व 29 पैकी 28 विद्यार्थी उत्तीर्ण झाले. <p>यात विद्यालयातून शिरीष राजू रक्षिया याने 86.40% मिळवून प्रथम, कारुणिक प्रमोद मानकर याने 85.80% मिळवून द्वितीय तर कु. जूही सुरेश जुमनानी हिने 84% गुण मिळवून तृतीय क्रमांक पटकविला आहे. तसेच कु. उर्मिला सुनील झिलपे, गणेश तेजराज ठाकरे, कु. श्रेया सोनबा बेसेकर व इतर विद्यार्थ्यांनी प्रावीण्य मिळविले आहे. <p>या मागे शाळेच्या मुख्याध्यापिका कु. सिमा कुरेकर , पर्यव्यक्षिका श्रीमती शोभा गंधारे व इतर सर्व शिक्षकवृंदानी परिश्रम घेतले आहे. <p> <p> करिता सर्व विद्द्यार्थी, शिक्षक व सर्व मार्गदर्शक संचालकांचे हार्दिक अभिनंदन . <p>

esakal.com

lokmat.com

lokmat.com

प्रशांत चंदनखेडे वणी :- <p>शहरात कोरोनाचा प्रादुर्भाव कमी झाला असल्याचे वाटत असतांनाच आज आणखी 10 व्यक्तींचे अहवाल पॉझिटीव्ह आल्याने शहरात चांगलीच खळबळ उडाली आहे. कोरोना संक्रमणाचा वेग मंदावला असल्याचे निदर्शनास येत असतांनाच अचानक शहरात 10 पॉझिटीव्ह रुग्ण आढळल्याने शहरवासीयांमध्ये चांगलीच भिती निर्मान झाली असून प्रशासनही हादरले आहे. तालुक्यातील राजूर (कॉलरी) नंतर चिखलगाव ग्रामीन क्षेत्रातही कोरोनाने एण्ट्री केली असून वनी - यवतमाळ रोडवरिल रहिवासी असलेल्या कुटुंबातील एक महिला पॉझिटीव्ह निघाली आहे. कोरोनाचे हॉसस्पॉट बनत चाललेल्या तेलीफैल परिसरात सातत्याने पॉझिटीव्ह रुग्ण आढळत असून शहरात एकाच दिवशी 10 रुग्ण आढळल्याने नागरिकांमधे चांगलीच धडकी भरली आहे. एकाच दिवशी 10 पॉझिटीव्ह रुग्ण आढळल्याचा शहरातील हा ऊच्चांक ठरला आहे. त्यामूळे तालुक्यातील एकुण कोरोना बाधित रुग्णांची संख्या आता 36 झाली असून ऍक्टिव्ह पॉझिटीव्ह रुग्ण 14 झाले आहेत. <p> शहरातील तेलीफैल परिसर कोरोना संक्रमणाचे केंद्र बिन्दू बनला असून हा परिसर कोरोनाचा हॉसस्पॉट बनतांना दिसत आहे. या परिसरात कोरोनाचा विळखा घट्ट होत चालला असून सतत या परिसरात कोरोना बाधित रुग्ण आढळून येत आहे. 26 जुलैला या परिसरातिल महिला व पुरुष कोरोना बाधित निघाल्यानंतर चार दिवसांच्या विश्रांती नंतर आणखी 10 रुग्ण पॉझिटीव्ह निघाल्याने प्रशासन या ठिकानी करित असलेल्या उपाययोजनांचे फलित होतांना दिसत नसुन येथील कोरोनाची साखळी तोडन्याकरिता प्रशासनाला वेगळाच फर्मूला तयार करावा लागणार आहे. शहराबरोबरच ग्रामीण भागतही आता कोरोनाने जाळे विणण्यास सुरुवात केली असून राजूर नंतर आता चिखलगावातही कोरोना विषाणूने पाय रोवला आहे. नाशिक येथे गेलेल्या एका व्यवसायिक कुटुंबातील महिला कोरोनाबाधीत निघाल्याने चिखलगाव परिसरात खळबळ उडाली आहे. प्रशासन एकिकडे कोरोनाची रोकथाम करण्याचा आटोकाट प्रयत्न करित आहे तर दुसरीकडे कोरोनाचे रुग्ण वाढतच असल्याने प्रशासनाचे प्रयत्न प्रभावी ठरत नसल्याचे आढळून येत आहे. सातत्याने कोरोबाधीत रुग्ण आढळत असल्याने एकिकडे शिवाव तर दुसरीकडे उसवत असल्याने प्रशासनाची चांगलीच तारांबळ उडत आहे. तरिही प्रशासन कोरोनला नियंत्रणात ठेवण्याकरिता शर्थीचे प्रयत्न करित असून नागरिकांनाही खबरदारी घेण्याचे आव्हान करण्यात आले आहे.