वर्धा जिल्ह्यातील करोनाबाधित उपजिल्हाधिकाऱ्याची पत्नी आणि तीन मुलांनाही करोनाची लागण झाल्याचे समोर आले आहे. त्याचबरोबर पिपरी लग्न सोहळ्यातील एक जण आणि उत्तम गलवा येथील एका कर्मचाऱ्यासह वाशीमचा एक रुग्ण पॉझिटिव्ह आढळून आला आहे. असे सात जण आज (रविवार) सकाळी करोना पॉझिटिव्ह आढळून आले आहेत. <p> <p>वर्धा जिल्ह्यातील करोनाबाधित उपजिल्हाधिकाऱ्याची पत्नी आणि तीन मुलांनाही करोनाची लागण झाल्याचे समोर आले आहे. त्याचबरोबर पिपरी लग्न सोहळ्यातील एक जण आणि उत्तम गलवा येथील एका कर्मचाऱ्यासह वाशीमचा एक रुग्ण पॉझिटिव्ह आढळून आला आहे. असे सात जण आज (रविवार) सकाळी करोना पॉझिटिव्ह आढळून आले आहेत.

प्रशांत चंदनखेडे वणी :- <p>डॉक्टरकीचे एकत्रित शिक्षण घेत असतांना झालेल्या ओळखिचे प्रेमात रूपांतर होऊन नंतर आंतरजातीय विवाह बंधनात बंधलेल्या दोन उच्च शिक्षित जोडप्यांचा अर्ध्यावरच संसार भंगला असून जोडीदारचं स्त्रीभोगी निघाल्याने सहचरणीला पोलिसात धाव घेऊन आपल्या जोडीदाराचे पितळ उघडे पडावे लागले. पुराव्यानिशी डॉक्टर पतीचे परस्रीयांशी असलेले अनैतिक संबंध पोलिसांसमोर उजागर करून विवाहानंतर स्वतःवर झालेल्या शारीरिक व मानसिक अत्याचाराबरोबरच अनैसर्गिक संबंधा करिताही सतत प्रताडित करण्यात येत असल्याची तक्रारही त्या दुर्दैवी पत्नीने आपल्या डॉक्टर पती विरुद्ध पोलीस स्टेशनमध्ये नोंदविली. पोलिसांनी डॉक्टरवर विविध कलमान्वये गुन्हे नोंदवून त्याला अटक करण्याकरिता पोलीस त्याच्या शोधात असून अद्यापही तो पोलिसांना गवसला नसल्याचे समजते. अटकपूर्व जामिन मिळविण्या करिता डॉक्टरने प्रयत्न चालवले असून त्याला अद्यापही न्यायालयाने जमीन मंजूर केला नसल्याचे समोर आले आहे. <p>वणी येथील बालरोगतज्ञ डॉक्टर शिरीष मांडेकर यांनी लग्नानंतर आपल्या डॉक्टर पत्नीचा शारीरिक व मानसिक छळ करून तिला अनैसर्गिक संबंधा करिता प्रताडित करतांनाच तिच्यापासून फारकत घेण्याचा प्रयत्न चालविला होता. पत्नीला नागपूर येथे राहण्यास बाध्य करून येथे परस्त्रीसुखात रमलेल्या या स्त्रीपीसाट डॉक्टरांचे कारनामे डॉक्टर पत्नीच्या कानावर पडताच तिने वणी येथील स्वतःचे घर गाठत त्याच्या नकळत बेडरूममध्ये कॅमेरा लावला. नंतर कॅमेऱ्यामधील फुटेज पाहून तिच्या पायाखालची जमीनच सरकली. वेगवेगळ्या स्त्रियांसोबत डॉक्टर पतीच्या रासलीला पाहुन हादरलेल्या डॉक्टर पत्नीने सरळ नागपूर गाठत २ जुलैला बेलतरोडी पोलीस स्टेशन मध्ये डॉक्टर पतीविरोधात रीतसर तक्रार नोंदविली. पोलिसांनी डॉक्टरवर विविध गुन्हे नोंदवून त्याला अटक करण्याकरिता त्याचा शोध सुरु केला. परंतु अद्यापही तो पोलिसांच्या हाती लागला नाही. डॉक्टरने आपल्या वकिला मार्फत अटकपूर्व जमीन मिळविण्याकरिता ६ जुलैला नायालयात अर्ज दाखल केला होता परंतु जमानत नामंजूर झाल्याने नायालयाने ९ व १० जुलै रोजी दोन्ही पक्षकारांना जमातीच्या सुनावणी करीता हजर राहण्यास सांगितले. पण याही तारखांमध्ये जमानतीवर तोडगा न निघाल्याने पुढील सुनावणी करिता १७ तारीख देण्यात आली आहे. ठोस पुरावे, वकिलांची दमदार बाजू व तपासणी अधिकाऱ्यांची साक्ष यामुळे डॉक्टरांचे अटकपूर्व जामीन मिळविण्याचे प्रयत्न अयशस्वी ठरत आहे. पीडित डॉक्टर ही उच्चशिक्षित असून एमबीबीएस, डीएमआरई (रेडिओलॉजी) या पदव्या तिने प्राप्त केल्या आहेत. सावंगी येथील मेडिकल कॉलेज मध्ये डॉक्टरकीचे एकत्र शिक्षण घेत असतांना दोघांमध्ये ओळखी झाली. ओळखीचे रूपांतर नंतर प्रेमात झाले व भिन्न जातीतील दोन उच्चशिक्षित व्यक्तींनी आंतरजातीय विवाह करून संसार थाटला. पण विविह झाल्याच्या काही दिवसानंतरच पत्नीची शारीरिक व मानसिक प्रताडना करून तिच्यावर अनैसर्गिक संबंधासाठी सक्ती केल्या जात होती. उच्चशिक्षित बालरोगतज्ञ असलेल्या डॉक्टर व्यक्तीकडून अशाप्रकारची प्रताडना होईल याची कधी कल्पनाही तिने केली नसेल. सर्व अन्याय अत्याचार निमूटपणे सहन करत संसाराचा गाढा ओढत असलेल्या पत्नीला नंतर स्वतःपासून दूर ठेवण्याचा प्रयत्न केल्या गेला. पत्नीला नागपूरला पाठवून येथे परस्रीयांशी सलगी करणाऱ्या डॉक्टर शिरीष मांडेकर यांच्या गैरकृत्याचा पत्नीनेच भांडाफोड करून त्यांचं अस्सल रूप समाजापुढे आणलं. रमा नी रमीचा शौकीन असणाऱ्या डॉक्टरचं स्त्रीवेडं रूप समाजापुढे आल्यानंतर शहरात चांगलीच चर्चा रंगू लागली. उच्च शिक्षित व्यक्ती चरित्रवान असेलच असे नाही त्यामुळे शिक्षण व चारित्र्याचा कोठेही संबंध येत नसल्याचे जिवंत उदाहरण डॉ. शिरीष मांडेकर यांच्या रूपाने मिळाले आहे.

आर्णी- शेतकर्‍याकडून १३00 रुपयांची लाच स्विकारणार्‍या महिला तलाठय़ाला आज एसीबीच्या पथकाने तिच्याच घरी आर्णी येथे ताब्यात घेतले. आज ११ जुलैला ही कारवाई करण्यात आली असून ममता मोतीराम पवार तलाठी साकूर असे आरोपी तलाठय़ाचे नाव आहे. यातील फिर्यादी व त्यांची वैणी यांचे नावे विकत घेतलेल्या शेत जमिनीची नोंद घेऊन सुधारित ७/१२ फेरफार देण्याकरिता आरोपी तलाठय़ाने २ हजाराची लाच मागीतली होती. याप्रकरणी फिर्यादीने एलसीबीकडे तक्रार केली. आज सापळा रचून तलाठय़ाने आपल्या घरीच १३00 रुपयांची लाच स्विकारतांना रंगेहात पकडले. ही कारवाई यवतमाळ एलसीबी पथकाने यशस्वी पार पाडली. <p> <p>

मुंबई : महानायक अमिताभ बच्चन व त्यांचे पुत्र अभिषेक यांना कोरोनाची लागण झाली आहे. त्यांच्या कुटुंबातील जया बच्चन, ऐश्वर्या रॉय, आराध्या यांचे अहवाल निगेटिव्ह आले आहेत. अमिताभ बच्चन यांनी स्वत: ट्विट करत याबाबतची माहिती दिली आहे.

<strong>कोविड केंद्रात योग्य आहार मिळत नसल्याचा विडिओ वायरल, त्यावर प्रशासनाने दिले स्पष्टीकरण </strong><br> प्रशांत चंदनखेडे वणी :- <p><p>शहरात एकीकडे कोरोना बाधितांची संख्या वाढत असतांना दुसरीकडे कोरोनातून बरे होण्याचे प्रमाणही वाढत असल्याने शहरवासियांमध्ये थोडी भीती तर थोडे समाधान पाहायला मिळत आहे. १४ पॉझिटिव्ह रुग्णांपैकी ७ रुग्ण कोरोनातून पूर्णपणे बरे झाल्याने त्यांना रुग्णालयातून सुट्टी देण्यात आली आहे. त्यामुळे शहरातील ऍक्टिव्ह पॉझिटिव्ह रुग्णांची संख्या आता ७ झाली आहे. प्रतिबंधित क्षेत्रातील १७ संशयितांचे नमुने तपासणी करिता पाठविण्यात आले होते. १७ नमुन्यांपैकी १६ नमुन्यांचे अहवाल निगेटिव्ह आले असून एका व्यक्तीचे परत सॅम्पल घेऊन तपासणी करीता पाठविण्यात येणार असल्याचे उपविभागीय अधिकारी शरद जावळे यांनी कळविले आहे. आज आणखी १२ व्यक्तींचे नमुने तपासणी करीता पाठविण्यात आले असल्याचेही त्यांनी सांगितले आहे. <p><p>दरम्यान आज कोविड केयर सेंटर मधील असुविधा व निकृष्ठ जेवण मिळत असल्याचा व्हिडिओ शहरात चांगलाच वायरल झाला असून नागरिकांच्या चर्चेचा विषय बनला आहे. व्हिडिओ मध्ये कोविड केयर सेंटर मध्ये असलेली असुविधा, अस्वच्छता व निकृष्ठ जेवण मिळत असल्याचे चित्रीकरण करण्यात आले आहे. या व्हिडिओत दाखवण्यात आलेल्या कोविड केंद्राच्या परिस्थिती बाबत एसडीओ शरद जावळे यांच्या प्रतिक्रिया जाणून घेतल्या असता त्यांनी हा व्हिडिओ जनतेची दिशाभूल करणारा असल्याचे सांगितले आहे. प्रशासनाची जाणीव पूर्वक बदनामी करून शहरातील वातावरनात विषमता निर्माण करण्याचा हा कुटील डाव आहे. जेवणाचा जो व्हिडिओ तयार करण्यात आला त्याबाबत चौकशी करण्यात आली असता कोविड केयर सेंटरमध्ये क्वारंटाईन व्यक्तींना जे जेवण दिल्या जाते तेच जेवण तेथील अधिकारी व अन्य कर्मचारीही जेवत असतात. क्वारंटाईन व्यक्ती व अधिकारी स्टाफ यांना एकसारखेच जेवण दिल्या जात असल्याचेहि चौकशीत निष्पन्न झाल्याचे एसडीओ शरद जावळे यांनी स्पष्ट केले आहे. आज पर्यंत निकृष्ट जेवण मिळत असल्याची कुठलीही तक्रार प्राप्त झाली नसून जर तेथे व्यवस्थित जेवण मिळत नसल्यास तेथील डॉक्टरांच्या निदर्शनास आणायला हवे होते. कोविड केयर सेंटर मध्ये नास्ता, पाणी,जेवण व स्वच्छता याबाबत विशेष काळजी घेतल्या जात असून त्यावर देखरेख ठेवण्या करिता नायब तहसीलदारांची त्याठिकाणी नियुक्ती करण्यात आली असल्याचेही एसडीओ डॉ. जावळे यांनी सांगितले आहे. आज शहरात वायरल झालेल्या व्हिडिओने कोविड केंद्रातील मिळणाऱ्या आहाराबाबत प्रश्न चिन्ह निर्माण केले असतांनाच प्रशासनाने त्याचे खंडन करून कोविड केंद्र सर्व सुविधांनिशी सज्ज असल्याचे स्पष्ट केले आहे.

<p>यवतमाळ, दि. 11 : जिल्ह्यात कोरोनाबाधित रुग्णांच्या संख्येत सातत्याने वाढ होत आहे. शनिवारीसुध्दा जिल्ह्यात 20 जण नव्याने पॉझेटिव्ह आले असून यात 13 पुरुष आणि सात महिलांचा समावेश आहे. तर आयसोलेशन वॉर्डात भरती असलेले व सुरवातीला पॉझेटिव्ह आलेले दोन जण उपचारानंतर बरे झाल्यामुळे त्यांना रुग्णालयातून सुट्टी देण्यात आली.<br></p> <p><p>आज (दि. 11) नव्याने पॉझेटिव्ह आलेल्या नागरिकांमध्ये यवतमाळ शहरातील तायडे नगर येथील एक पुरुष व एक महिला, लहान वडगाव येथील तीन पुरुष व दोन महिला आणि यवतमाळ येथील आणखी एक महिला आहे.</p> <p><p>दिग्रस शहरातील बालाजी नगर येथील एक पुरुष, बाराभाई मोहल्ला येथील एक महिला, देवनगर येथील एक महिला तसेच दिग्रस येथील सहा पुरुष, पुसद शहरातील गांधी वॉर्ड येथील एक पुरुष, पांढरकवडा शहरातील शास्त्री वॉर्ड येथील एक पुरुष आणि पुसद येथील एका महिलेचा समावेश आहे.</p> <p><p><br>जिल्ह्यात शुक्रवारपर्यंत 101 ॲक्टीव्ह पॉझेटिव्ह होते. यात आज (दि. 11) 20 नवीन पॉझेटिव्ह रुग्णांची भर पडल्याने हा आकडा 121 झाला. मात्र ‘पॉझेटिव्ह टू निगेटिव्ह’ झालेल्या दोन जणांना सुट्टी झाल्यामुळे सद्यस्थितीत ॲक्टीव्ह पॉझेटिव्ह रुग्णांची संख्या 119 झाली आहे.</p> <p><p>शासकीय वैद्यकीय महाविद्यालयाला शनिवारी एकूण 306 रिपोर्ट प्राप्त झाले. यापैकी 20 पॉझेटिव्ह, 268 निगेटिव्ह तर 18 नमुन्यांचे अचूक निदान झाले नाही. जिल्ह्यात सुरवातीपासून आतापर्यंत एकूण पॉझेटिव्ह रुग्णांची संख्या 417 आहे. यापैकी 285 जण बरे झाल्यामुळे त्यांना रुग्णालयातून सुट्टी देण्यात आली आहे. तर जिल्ह्यात आतापर्यंत 13 मृत्युची नोंद आहे.</p> <p><p><br>शासकीय वैद्यकीय महाविद्यालयाने आज 80 नमुने तपासणीकरीता प्रयोगशाळेत पाठविले. सुरवातीपासून आतापर्यंत 6928 नमुने पाठविले असून यापैकी 6778 प्राप्त तर 150 अप्राप्त आहेत. जिल्ह्यात 6361 नागरिकांचे नमुने आतापर्यंत निगेटिव्ह आल्याचे वैद्यकीय महाविद्यालयाच्या प्रशासनाने कळविले आहे.</p>

तालुक्यातील शिरपूर पोलीस स्टेशन अंतर्गत येणाऱ्या गोवारी पार्डी या गावातील सहा वर्षीय चिमुकलीवर लैंगिक अत्याचार करण्यात आल्याची संताप जनक घटना ७ जुलैला उघडकीस आल्यानंतर काल १० जुलैला मुलीच्या वडिलांनी पोलीस स्टेशनला तक्रार नोंदविल्याने पोलिसांनी चारही आरोपींना अटक करून त्यांच्यावर अट्रोसिटी व पॉस्को अंतर्गत गुन्हा दाखल केला आहे. या खेदजनक लैंगिक अत्याचार प्रकरणातील चारही आरोपी अल्पवयीन आहेत. गोवारी पार्डी या छोट्याशा गावात अशा प्रकारची मानवी विकृती दर्शवणारी निंदनीय घटना घडल्याने संपूर्ण गाव हादरलं आहे. <p><p><p><p><p><p>तालुक्यातील गोवारी पार्डी येथील सहावर्षीय बालिका गावातील परिसरात खेळात असतांना त्याठिकाणी ११ ते १५ वयोगटातील चार मुले आली व त्यांनी त्या बालिकेला निर्जन स्थळी नेऊन तिच्यावर आळीपाळीने लैगिक अत्याचार केला. घडलेला प्रकार चिमुकलीने आपल्या वडिलांना सांगितला. ७ जुलैला घडलेल्या या प्रकरणाची तक्रार मुलीच्या वडिलांनी १० जुलैला पोलीस स्टेशन मध्ये नोंदविली. तक्रार प्राप्त होताच पोलिसांनी चारही अल्पवयीन आरोपींना अटक करून त्यांच्यावर भादंविच्या कलम ३६३,३७६(ड)(ब),५०६ तसेच बाल लैंगिक प्रतिबंध कायदा व अनुसूचित जाती जमाती प्रतिबंधक कायद्यानुसार गुन्हे गाखाल करण्यात आले आहे. <p><p><p><p><p><p>सदर कार्यवाही उपविभागीय पोलीस अधिकारी सुशील कुमार नायक यांच्या मार्गदर्शनात शिरपूरचे पोलीस निरीक्षक अनिल राऊत, वणी पोलीस स्टेशनचे सहाय्यक पोलीस निरीक्षक माया चाटसे, विजय वानखेडे, योगेश ढाले, रवी इसनकर व आशिष टेकाडे यांनी केली. पुढील तपास पोलीस करीत आहे.

वर्धा, <p>जिल्ह्यात कोरोनाचा प्रवेश होऊ नये यासाठी दिवसरात्र काम करणाऱ्या जिल्हा प्रशासनात कोरोनाने प्रवेश केला आहे. उपजिल्हाधिकारी कोरोनाबधित निघाल्याने प्रशासनात चांगलीच खळबळ उडाली आहे. <p> <p>जिल्ह्यात कोरोना रूग्णांची संख्या झपाटयाने वाढत आहे. शुक्रवार १० रोजी पाच रूग्ण पॉझिटीव्ह निघाले होते. आज शनिवार ११ रोजी सकाळी उपजिल्हाधिकारी यांचा कोरोना अहवाल पॉझिटीव्ह आला. त्यामुळे प्रशासनात खळबळ उडाली आहे. 55 वर्षिय उपजिल्हाधिकारी काही कामा निमित्त आपल्या मुळ गावी धुळे येथे गेले होते. परत आल्यानंतर त्यांनी स्वत:ला क्वारंटाईन करून घेत आपला स्त्राव तपासणीसाठी दिला होता. त्याचा रिपोर्ट आज पॉझिटीव्ह आला. <p>

प्रशांत चंदनखेडे वणी :- <p>पांढरकवडा तालुक्यातील मूचीपोड, गवराई (मांगूरडा) या गावातील आदिवासी महिलेवर अत्याचार करणाऱ्या आरोपीला तत्काळ अटक करून त्याच्यावर अट्रोसिटी व महिला अत्याचार प्रतिबंधक कायद्यांतर्गत गुन्हा नोंदवून कडक कार्यवाही करण्याची मागणी गोंडवाना गणतंत्र पार्टीच्या पांढरकवडा शाखेच्या वतीने यवतमाळ पोलीस अधीक्षकांना दिलेल्या निवेदनातून करण्यात आली आहे. <p>लॉकडाऊन काळात मागासवर्गीय समाजातील महिलांवर होणारे अत्याचाराचे प्रमाण वाढले असून काही गुंड प्रवृत्तीच्या लोकांकडून या समाजातील लोकांना वेगवेगळ्या पद्धतीने टार्गेट केल्या जात आहे. मागासवर्गीय समाजातील होतकरू तरुणांवर जीवघेणे हल्ले करण्यात येत असून महिलांवर बळजबरी करण्याचे प्रकार वाढले आहे. लॉकडाऊनचा फायदा घेत मागासवर्गीय समुदायातील व्यक्तींवर अनन्वित अत्याचार करून दहशत माजवण्याचा प्रयत्न काही सदन समाजातील गुंड प्रवृत्तीच्या लोकांकडून करण्यात येत असून या गुंड प्रवृत्तीच्या लोकांवर कायद्याचे वचक निर्माण करण्याकरिता शासन प्रशासनाने पुढाकार घेण्याची गरज निर्माण झाली आहे. पांढरकवडा तालुक्यातील दुर्गम भागातील एका कोलाम आदिवासी महिलेवरील अत्याचाराने मागासवर्गीय महिलांच्या सुरक्षिततेचा मुद्दा पुन्हा येरणीवर आला आहे. ६ जुलैला मूची पोड येथील आदिवासी महिला आपल्या शेतात काम करत असतांना सुमित अजय दोडके याने शेत शिवारात जाऊन सदर महिलेचा विनयभंग करून धक्काबुक्की केली. सुमित दोडके हा सृजन संस्था चालक अजय दोडके यांचा मुलगा असून तो आपल्या वर्चस्वाच्या ताकतीचे प्रदर्शन करून आदिवासी महिला व तिच्या कुटुंबाला दहशतीत आणण्याचा प्रयत्न करीत आहे. पोलीस प्रशासन आमचे काहीही करू शकत नाही असे वक्तव्यही सुमित दोडके याच्याकडून करण्यात येत असल्याचेही निवेदनात नमूद करण्यात आले आहे. सुमित दोडके याच्यावर अद्यापही गुन्हा नोंदविण्यात आला नसून आदिवासी महिला व तिचे कुटुंब पोलीस स्टेशनमध्ये पायपीट करत आहे. ६ जुलैला सदर महिलेचा विनयभंगाचा प्रकार घडल्यानंतर अद्यापही एफआयआर नोंदवून न घेतल्याने याबाबत संशय व्यक्त केल्या जात आहे. तेंव्हा महिलेवर झालेल्या अत्याचार प्रकरणाची योग्य तपासणी करून आरोपीला तात्काळ अटक करून त्याच्यावर अट्रोसिटी व महिला अत्याचार प्रतिबंधक कायद्यानुसार गुन्हा नोंदविण्याची मागणी गोंडवाना गणतंत्र पार्टीच्या पांढरकवडा शाखेच्या वतीने पोलीस अधीक्षक यवतमाळ यांना दिलेल्या निवेदनातून करण्यात आली आहे. प्रकरणाचा अतिशीघ्र तपास करून आरोपीला अटक न केल्यास आदिवासी संघटनांद्वारे आंदोलन छेडण्याचा इशाराही निवेदनातून देण्यात आला आहे. निवेदनाच्या प्रति मुख्यमंत्री उद्धव ठाकरे, गृहराज्यमंत्री अनिल देशमुख, जिल्ह्याचे पालकमंत्री संजय राठोड, आमदार संदीप धुर्वे व पांढरकवडा ठाणेदारांना पाठविण्यात आल्या आहे. <p>

<strong>महिला राहत असलेला तेलीफैल परिसर सील, १३ व्यक्तींना केले क्वारंटाईन </strong><br> प्रशांत चंदनखेडे वणी :- <p>शहरात कोरोनाचा विळखा वाढत असून काल सेवाग्राम येथे उपचारा करिता दाखल झालेल्या महिलेला कोरोनाची लागण झल्याचे समोर आल्याने शहरातील कोरोना बाधितांची संख्या आता १४ झाली आहे. कालच विदेशात एमबीबीएस चे शिक्षण घेत असलेल्या शहरातील एका तरुणाचा यवतमाळ येथे अँटीजण चाचणी द्वारे कोरोना अहवाल पॉझिटिव्ह आला होता. सदर महिला राहत असलेला तेलीफैल परिसर सील करण्यात आला असून महिलेच्या कुटुंबातील व अति संपर्कातील १३ व्यक्तींना संस्थात्मक विलीगीकरणात हलविण्यात आले असून ४० व्यक्तींना (लो रिस्क) होम क्वारंटाईन करण्यात आले आहे. सदर महिलेने आधी शहरातील खाजगी रुग्णालयात उपचार केल्याचे समजते. नंतर तिला चंद्रपूर येथील खाजगी रुग्णालयात रेफर होण्याचा सल्ला देण्यात आला. परंतु पैशाच्या नियोजनाच्या अभावातून सदर महिलेला सेवाग्राम येथील रुग्णालयात नेण्यात आले. तेथे तिची कोरोना चाचणी करण्यात आली. काल १० जुलैला तिचा कोरोना चाचणी अहवाल प्राप्त झाला. त्यात तिला कोरोना विषाणूची बाधा झाल्याचे निष्पन्न झाले. काल रात्री उशिरा शहरात ही बातमी वाऱ्याच्या वेगाने पसरल्याने शहरात चांगलीच खळबळ उडाली असून शहरवासीयांमध्ये कमालीची धास्ती निर्माण झाली आहे. <p>७ जुलैला साईनागरी येथील एक व्यावसायिक व्यक्ती कोरोना पॉझिटिव्ह निघाल्या नंतर ८ जुलैला पेट्रोलपंप व्यवसायकांच्या कुटुंबातील दोन व्यक्तींचे कोरोना चाचणी अहवाल पॉझिटिव्ह आले. त्यानंतर एक दिवसा आड १० जुलैला रशिया येथे एमबीबीएसचे शिक्षण घेत असलेल्या शहरातील एका तरुणाला कोरोना विषाणूची लागण झाल्याचे निष्पन्न झाले. विदेशातून मुंबई विमानतळावर दाखल झाल्यानंतर सदर तरुणाला कोरोना सदृश्य लक्षणे जाणवू लागल्याने त्याने तेथूनच यवतमाळ येथील रुग्णालयात जाऊन स्वतःची तपासणी करून घेतली. त्याला काही दिवस तेथेच क्वारंटाईन ठेवल्यानंतर त्याची अँटीजण कोरोना चाचणी करण्यात आली असता त्यात तो पॉझिटिव्ह आढळून आला. त्याच दिवशी सायंकाळी तेलीफैल परिसरातील ६५ वर्षीय महिलेचा सेवाग्राम येथे कोरोना अहवाल पॉझिटिव्ह आल्याने शहरातील कोरोना बाधितांचा आकडा १४ पर्यंत पोहचला आहे. यादरम्यान नागपूर व यवतमाळ येथे उपचार घेत असलेल्या पाच व्यक्ती कोरोनमुक्त झाल्याने त्यांना रुग्णालयातून सुट्टी देण्यात आली. त्यामुळे शहरातील ऍक्टिव्ह पॉझिटिव्ह रुग्णांची संख्या आता ९ झाली आहे. महिला राहत असलेल्या तेलीफैल परिसरातील तिच्या घरा सभोतालचा काही भाग प्रतिबंधित क्षेत्र घोषित करण्यात आला आहे. एका पाठोपाठ एक कोरोना बाधित रुग्ण आढळत असल्याने प्रशासनावरील तान चांगलाच वाढला आहे. महिलेच्या संपर्कातील १३ व्यक्तींना संस्थात्मक विलीगीकरणात हलविण्यात आले असून ४० व्यक्तींना (लो रिस्क) होम क्वारंटाईन करण्यात आले आहे. संपर्कातील आणखी व्यक्तींचा शोध घेतल्या जात आहे. कोविड केंद्रात ५७ व्यक्ती आधीच विलीगीकरणात असून आज ११ व्यक्तींना विलीगीकरणात हलविण्यात आले आहे. लॉकडाऊन मधून मोकळीक मिळताच शहरात कोरोनाचे संक्रमण वेगाने वाढत आहे. हळूहळू बंद असलेली सर्वच प्रतिष्ठाने सुरु झाली असून दुकानांच्या वेळेची मर्यादाही वाढविण्यात आली आहे. शहरात उसळणाऱ्या गर्दींमधून कोरोनाचे संक्रमण वाढण्याची दाट शक्यता आहे. कोरोनाच्या संक्रमणावर थोडेफार नियंत्रण राहावे याकरिता जनता कर्फ्यूचा मार्ग निवडण्यात आला होता. परंतु राजकीय धुरंधरांच्या चढाओढीत एकाच दिवसात जनता कर्फ्यू गुंडाळावा लागला. वाढत्या रुग्णसंख्येने प्रशासनही हादरले असून प्रतिबंधित क्षेत्राची दक्षता घेतांना प्रशासनाचीही चांगलीच दमछाक होत आहे. शहरात आता ६ प्रतिबंधित क्षेत्र झाले असून आरोग्य विभागामार्फत या क्षेत्रातील नागरिकांची योग्य काळजी घेतल्या जात आहे. प्रशासन कोरोनाची साखळी तोडण्या करिता हरसंभव प्रयत्न करीत असून नागरिकांनाही सतर्कतेचे आव्हान करण्यात आले आहे.

प्रशांत चंदनखेडे वणी :- <p>शेतातील कामे आटपून परतेच्या वाटेवर असलेल्या कास्तकारांवर काळाने घाला घालून त्यांना मृत्यूची वाट दाखवल्याने डोर्ली गाव पूर्णतः हादरून गेले आहे. ९ जुलैला डोर्ली येथे पडलेल्या मुसळधार पावसाने नाल्याला आलेल्या पुराचा अंदाज न आल्याने तीनही बैलगाड्या बैलांसह पुरात वाहून गेल्याने तीन कास्तकारांना जलसमाधी मिळाली. काल ९ जुलैला एक महिला काही अंतरावर मृतावस्थेत मिळाली तर आज १० जुलैला २ व्यक्ती कुरई जवळील डोर्लीकर यांच्या शेताजवळ मृत अवस्थेत आढळले. त्यामुळे संपूर्ण गावात शोककळा पसरली आहे. <p>तालुक्यातील डोर्ली गावातील कास्तकार वावरातील कामे आटपून गावाकडे परत येत असतांना मुसळधार पावसामुळे शेतशिवारातील पांदण रस्त्यावरील नाले पाण्याने भरले होते. पाण्याचा अंदाज न आल्याने तीन बैलगाड्या नाल्यातून मार्गक्रमण करत असतांना अचानक आलेल्या पाण्याच्या प्रवाहाने तीनही बैलगाड्या नाल्यात उलटल्या व त्यामध्ये सवार असलेले शेतकरी पुरात वाहू लागले. पाच कास्तकारांपैकी मीना मारोती कुडमेथे (३५) हि महिला काही अंतरावर मुतावस्थेत आढळून आली तर मनीषा प्रशांत सिडाम व मीना मनोहर सिडाम या महिला थोड्या दूरवर सुखरूप आढळून आल्याने त्यांना उपचाराकरिता ग्रामीण रुग्णालयात दाखल करण्यात आले. मात्र या पुरात वाहून गेलेल्या विनायक झोलबा उपरे (४७) व हरिदास रामा खाडे यांचे आज १० जुलैला कुरई येथील डोर्लीकर यांच्या शेताजवळ मृतदेह आढळून आल्याने गावात हळहळ व्यक्त केल्या जात आहे. शेतात राबून झाल्यानंतर घराच्या ओढीने निघालेल्या शेतकऱ्यांवर नियतीने डाव साधत त्यांना मृत्यूच्या दाढेत लोटले. गाव जवळ करण्याच्या लगबगीत पाण्याचा अंदाज न आल्याने मृत्यूच्या गावी जाण्याची दुर्दैवी वेळ त्यांच्यावर आली. तीन शेतकऱ्यांच्या अकाली निधनाने संपूर्ण गावावर शोककळा पसरली आहे.

प्रशांत चंदनखेडे वणी :- <p><p>शहरातील कोरोना पॉझिटिव्ह रुग्णांपैकी काल ९ जुलैला ४ रुग्ण कोरोनातून पूर्णपणे बरे झाल्याने त्यांना रुग्णालयातून सुटी देण्यात आली. आज १० जुलैला आणखी एक रुग्ण कोविड - १९ या आजारातून पूर्णपणे बरा झाल्याने त्याला रुग्णालयातून सुटी देण्यात आली असून शहरातील कोरोना बाधितांची संख्या ७ झाली असतांनाच विदेशात एमबीबीएसचे शिक्षण घेत असलेल्या वणी शहरातील आनंदनगर परिसरातील एका विद्यार्थ्याचा यवतमाळ येथे अँटीजन चाचणीद्वारे कोरोना अहवाल पॉझिटिव्ह आला आहे. तसेच वणी येथील ६५ वर्षीय महिलेचा सेवाग्राम येथे कोरोना चाचणी अहवाल पॉझिटिव्ह आला आहे. शहरात सध्यास्थितीत ५७ व्यक्ती क्वारंटाईनमध्ये असून संपर्कातील आणखी व्यक्तींचा शोध घेतल्या जात आहे. <p><p>शहरात दोन दिवसांत तीन व्यक्ती कोरोना पॉझिटिव्ह आढळून आल्याने शहरवासीयांमध्ये भीतीचे वातावरण पसरले असतांनाच सुरुवातीचे ४ रुग्ण कोरोनमुक्त झाल्याने त्यांच्यात समाधान पाहायला मिळत आहे.यवतमाळ येथे उपचार घेत असलेली आणखी एक महिला आज १० जुलैला कोरोना मुक्त झाली असून तिला रुग्णालयातून सुटी देण्यात आली आहे. वणी शहरातील आनंद नगर परिसरातील रशिया येथे एमबीबीएसचे शिक्षण घेत असलेला विद्यार्थी शहरात परत येत असतांना मुंबई विमानतळावर त्याला कोरोना सदृश्य लक्षणे जाणवू लागल्याने तो यवतमाळ येथे गेला असता त्याची कोरोना तपासणी करण्यात आली. आज १० जुलैला त्याचा कोरोना चाचणी अहवाल पॉझिटिव्ह आला असून यवतमाळ येथे त्याच्यावर उपचार सुरु आहे. शिक्षणाकरिता विदेशात असलेला सदर तरुण शहरात न येताच यवतमाळ येथे तपासणी करीता दाखल झाल्याने शहरात भीती बाळगण्यासारखे कोणतेही कारण नसल्याचे सांगण्यात आले आहे. यवतमाळ येथे काही दिवस क्वारंटाईन ठेवल्यानंतर त्याची अँटीजण कोरोना चाचणी करण्यात आली. आज त्याचा कोरोना चाचणी अहवाल पॉझिटिव्ह आला आहे. तसेच सेवाग्राम येथे उपचारासाठी गेलेल्या वणी येथील ६५ वर्षीय महिलेचाही कोरोना चाचणी अहवाल पॉझिटिव्ह आल्याचे समजले असून शहर प्रशासनाकडून मात्र अद्याप यासंदर्भात कोणतीही माहिती मिळालेली नाही. वर्धा जिल्हा वृत्त पत्रातून मिळालेल्या माहितीनुसार ८ जुलैला सेवाग्राम येथे उपचाराकरिता भर्ती असलेली वणी येथील ६५ वर्षीय महिला कोरोना बाधित निघाली असून तिच्यावर सेवाग्राम रुग्णालयात उपचार सुरु आहे. या दोन पॉझिटिव्ह रुग्णांची बेरीज केल्यास शहरातील कोरोना बाधितांचा आकडा १४ वर जात असला तरी विदेशातील तरुण शहरात परतला नसून सेवाग्राम येथील पॉझिटिव्ह महिलेच्या अहवालाला प्रशासनाचा दुजोरा मिळालेला नाही. शहरात १२ कोरोना पॉझिटिव्ह रुग्णांची नोंद असून ५ रुग्ण कोरोनातून पूर्णपणे बरे झाल्याने ऍक्टिव्ह पॉझिटिव्ह रुग्णांचा आकडा ७ वर आला असून परजिल्ह्यात पॉझिटिव्ह निघालेल्या व्यक्तींना पकडून शहरातील कोरोना बाधितांचा आकडा १४ होत असून ऍक्टिव्ह पॉझिटिव्ह रुग्ण नऊ झाले आहेत. <p><p>

महापालिका आयुक्त तुकाराम मुंढे यांना नागपूर स्मार्ट अ‍ॅन्ड सस्टेनेबल सिटी डेव्हलपमेंट कार्पोरेशन लि. (एनएसएससीडीसीएल) च्या मुख्य अधिकारी (सीईओ) पदावरून हटविण्याचा प्रस्ताव शुक्रवारी झालेल्या संचालक मंडळाच्या बैठकीत बहुमताने मंजूर झाला. त्याच बरोबर सीईओचा प्रभार उपमुख्य कार्यकारी अधिकारी महेश मोरोणे यांना देण्याचा निर्णय घेण्यात आला.

यवतमाळ, दि. 10: आज जिल्ह्यात 16 नवीन कोरोना पॉझेटिव्ह रुग्णांची भर पडली असून दोन जण ॲन्टीजन चाचणीद्वारे पॉझेटिव्ह आले आहेत. तसेच आयसोलेशन वॉर्डात भरती असलेले व सुरवातीला पॉझेटिव्ह आलेले 11 जण उपचारामुळे बरे झाल्यावर त्यांना रुग्णालयातून सुट्टी देण्यात आली आहे. <p> <p>शुक्रवारी नव्याने पॉझेटिव्ह आलेल्या 16 जणांमध्ये नऊ पुरूष व सात महिलांचा समावेश आहे. यात यवतमाळ शहरातील तृप्तीनगर येथील एक पुरूष आणि समनानी नगर वडगाव येथील एक पुरुष तसेच तायडे नगर येथील एक महिला असे तीन जण आहेत, दिग्रस शहरातील शंकर नगर येथील एक पुरूष, काझीपुरा येथील चार पुरुष व तीन महिला असे आठ जण आणि दारव्हा येथील दोन पुरुष आणि तीन महिला असे पाच जण आहेत. तसेच ॲन्टीजन चाचणीद्वारे वणी येथील एक आणि भोपाळ येथून एक पॉझेटिव्ह पांढरकवडा येथे स्थलांतरीत झाल्याचे वैद्यकीय महाविद्यालयाच्या प्रशासनाने कळविले आहे. <p> <p>जिल्ह्यात सद्यस्थितीत ॲक्टीव्ह पॉझेटिव्ह रुग्णांची संख्या 101 आहे. गत 24 तासात वैद्यकीय महाविद्यालयाला 197 रिपोर्ट प्राप्त झाले. यापैकी 16 पॉझेटिव्ह आणि 181 रिपोर्ट निगेटिव्ह आहे. सद्यस्थितीत वैद्यकीय महाविद्यालयाच्या आयसोलेशन वॉर्डात 120 जण भरती आहे. <p> <p>जिल्ह्यात सुरवातीपासून आतापर्यंत पॉझेटिव्ह रुग्णांचा आकडा 397 वर गेला आहे. यापैकी 283 जण उपचारानंतर बरे झाल्यामुळे त्यांना सुट्टी देण्यात आली तर जिल्ह्यात 13 जणांच्या मृत्युची नोंद आहे. शासकीय वैद्यकीय महाविद्यालयाने आज 139 नमुने तपासणीकरीता प्रयोगशाळेत पाठविले. सुरवातीपासून आतापर्यंत एकूण 6764 नमुने प्रयोगशाळेत पाठवले असून यापैकी 6471 प्राप्त तर 293 रिपोर्ट अप्राप्त आहे. जिल्ह्यात आतापर्यंत 6076 जणांचे रिपोर्ट निगेटिव्ह आले आहे. <p> <p>जिल्हाधिका-यांचे आवाहन : पावसाळ्याच्या वातावरणात रोगप्रतिकार शक्ती कमी होऊन व्हायरल इन्फक्शनचा धोका जास्त असतो. त्यामुळे नागरिकांनी स्वत:ची प्रतिकारशक्ती वाढविणे आवश्यक आहे. वय वर्ष 10 पेक्षा कमी व 60 पेक्षा अधिक असणाऱ्यांनी तसेच उच्च रक्तदाब, मधुमेह सारखे आजार असणाऱ्या नागरिकांनी अधिक काळजी घ्यावी. नागरिकांना मागील 5 महिन्यांपासून मास्क वापरणे, सामाजिक अंतर राखणे, हात स्वच्छ धुणे यासारख्या सुचना प्रशासनाकडून वारंवार दिल्या जात आहेत. त्याचे पालन न करणे ही बाब धोकादायक ठरू शकते. <p> <p>यापुर्वी यवतमाळ शहर पूर्णत: कोरोनामुक्त करण्यात आले होते. त्याचप्रमाणे संपूर्ण जिल्हा देखील कोरोनामुक्त करण्यासाठी नागरिकांनी सहकार्य करावे. दुचाकी वाहनावर एकच व्यक्ती, दुकानात 5 पेक्षी कमी नागरिकांना प्रवेश, मास्कचा वापर या शासनाच्या नियमांचे पालन करावे व स्वत:ची काळजी घ्यावी, असे आवाहन जिल्हाधिकारी एम.डी.सिंह यांनी केले आहे.

यवतमाळ, दि. 10: आज जिल्ह्यात 16 नवीन कोरोना पॉझेटिव्ह रुग्णांची भर पडली असून दोन जण ॲन्टीजन चाचणीद्वारे पॉझेटिव्ह आले आहेत. तसेच आयसोलेशन वॉर्डात भरती असलेले व सुरवातीला पॉझेटिव्ह आलेले 11 जण उपचारामुळे बरे झाल्यावर त्यांना रुग्णालयातून सुट्टी देण्यात आली आहे. <p>शुक्रवारी नव्याने पॉझेटिव्ह आलेल्या 16 जणांमध्ये नऊ पुरूष व सात महिलांचा समावेश आहे. यात यवतमाळ शहरातील तृप्तीनगर येथील एक पुरूष आणि समनानी नगर वडगाव येथील एक पुरुष तसेच तायडे नगर येथील एक महिला असे तीन जण आहेत, दिग्रस शहरातील शंकर नगर येथील एक पुरूष, काझीपुरा येथील चार पुरुष व तीन महिला असे आठ जण आणि दारव्हा येथील दोन पुरुष आणि तीन महिला असे पाच जण आहेत. तसेच ॲन्टीजन चाचणीद्वारे वणी येथील एक आणि भोपाळ येथून एक पॉझेटिव्ह पांढरकवडा येथे स्थलांतरीत झाल्याचे वैद्यकीय महाविद्यालयाच्या प्रशासनाने कळविले आहे. <p>जिल्ह्यात सद्यस्थितीत ॲक्टीव्ह पॉझेटिव्ह रुग्णांची संख्या 101 आहे. गत 24 तासात वैद्यकीय महाविद्यालयाला 197 रिपोर्ट प्राप्त झाले. यापैकी 16 पॉझेटिव्ह आणि 181 रिपोर्ट निगेटिव्ह आहे. सद्यस्थितीत वैद्यकीय महाविद्यालयाच्या आयसोलेशन वॉर्डात 120 जण भरती आहे. <p>जिल्ह्यात सुरवातीपासून आतापर्यंत पॉझेटिव्ह रुग्णांचा आकडा 397 वर गेला आहे. यापैकी 283 जण उपचारानंतर बरे झाल्यामुळे त्यांना सुट्टी देण्यात आली तर जिल्ह्यात 13 जणांच्या मृत्युची नोंद आहे. शासकीय वैद्यकीय महाविद्यालयाने आज 139 नमुने तपासणीकरीता प्रयोगशाळेत पाठविले. सुरवातीपासून आतापर्यंत एकूण 6764 नमुने प्रयोगशाळेत पाठवले असून यापैकी 6471 प्राप्त तर 293 रिपोर्ट अप्राप्त आहे. जिल्ह्यात आतापर्यंत 6076 जणांचे रिपोर्ट निगेटिव्ह आले आहे. <p>जिल्हाधिका-यांचे आवाहन : पावसाळ्याच्या वातावरणात रोगप्रतिकार शक्ती कमी होऊन व्हायरल इन्फक्शनचा धोका जास्त असतो. त्यामुळे नागरिकांनी स्वत:ची प्रतिकारशक्ती वाढविणे आवश्यक आहे. वय वर्ष 10 पेक्षा कमी व 60 पेक्षा अधिक असणाऱ्यांनी तसेच उच्च रक्तदाब, मधुमेह सारखे आजार असणाऱ्या नागरिकांनी अधिक काळजी घ्यावी. नागरिकांना मागील 5 महिन्यांपासून मास्क वापरणे, सामाजिक अंतर राखणे, हात स्वच्छ धुणे यासारख्या सुचना प्रशासनाकडून वारंवार दिल्या जात आहेत. त्याचे पालन न करणे ही बाब धोकादायक ठरू शकते. <p> यापुर्वी यवतमाळ शहर पूर्णत: कोरोनामुक्त करण्यात आले होते. त्याचप्रमाणे संपूर्ण जिल्हा देखील कोरोनामुक्त करण्यासाठी नागरिकांनी सहकार्य करावे. दुचाकी वाहनावर एकच व्यक्ती, दुकानात 5 पेक्षी कमी नागरिकांना प्रवेश, मास्कचा वापर या शासनाच्या नियमांचे पालन करावे व स्वत:ची काळजी घ्यावी, असे आवाहन जिल्हाधिकारी एम.डी.सिंह यांनी केले आहे.