शिरपूर पोलिसांची काही महिन्यातच जबरदस्त कार्यवाही वणी तालुका प्रतिनिधी:- निलेश अ. चौधरी तालुक्यातील शिरपूर पोलिसांनी काही महिन्यात दारु, जुगार, रेतीचे शेकडो गुन्हे दाखल करून, 1 कोटी वर , मुद्देमाल जप्त करुन, संपुर्ण जिल्ह्यात वेगळा ठसा उमटविला आहे . काही महिन्या आधी शिरपूर पोलीस स्टेशनचा प्रभार सांभाळताच पोलिस निरिक्षक सचिन लूले यांनी कायदा व सुव्यवस्था अबाधित ठेवत अवैद्य व्यवसायीक व तस्करांच्या मुसक्या अवळण्यास सुरुवात केली. शेजारील जिल्ह्यात दारूबंदी असल्यामुळे दारु तस्करी व गोवंश तस्करी शिरपूर पोलीस स्टेशन हद्दीतून व्हायची, कोंबड बाजाराने कळस ,मांडलेला होता.परंतु शिरपुरचे पोलिस निरिक्षक सचिन लूले यांनी दहा महिन्यांपूर्वी शिरपूर ठाणेदार पदाचा प्रभार घेताच सर्वप्रथम अवैद्यधंद्यावर आळा घालण्यास सुरुवात केली. वेळोवेळी दारू तस्करांची धरपकड केली तब्बल 146 गुन्हे दाखल करून 72 लाख 56 हजार 169 रुपयांचा मुद्देमाल हस्तगत केला. मटका, जुगारावर धाडसत्र अवलंबत 11 गुन्हे नोंद करण्यात आले तर 13 लाख 11 हजार 150 रुपयांचा मुद्देमाल जप्त केला. अवैद्य रेती वाहतुकीचे 6 गुन्हे दाखल करत 25 लाख 8 हजाराचा मुद्देमाल ताब्यात घेत कार्यवाही केल्या आहे.त्यामुळे शिरपुर पोलिस स्टेशनला ,संपुर्ण जिल्हयात वेगळी छाप सोडण्यात यश आले असे बोलले जात आहे.