चंद्रपूर :- घंटाचौकी, पुरातन शिव मंदिर घंटाचौकी हे गाव चंद्रपूर तहसिलीतील असून चंद्रपूर पासून १५ कीमी पूर्वेस चंद्रपूर- मूल मार्गावर आहे. गावाच्या पूर्वेस सुमारे १ कीमी अंतरावर जंगलात हे मंदिर आहे. त्यास स्थानिक लोक शिवमंदिर या नावाने ओळखतात. मंदिर पूर्वाभिमुख गर्भगृह, अंतराल आणि सभामंडप या स्थापत्य रचनेत बांधलेले आहेत. मंदिराचे बांधकाम वालुपाषाणात असून,बांधकाम भूमिजशैली प्रकारातील आहे. मंदिराच्या स्थापत्य रचनेवरून या मंदिराचा बांधणीचा काळ १२ व्या शतकातील निश्चित करता येतो.