देह माझा , हळद तुझ्या नावाची . हात माझा , मेहंदी तुझ्या नावाची . भांग माझा , सिंदूर तुझ्या नावाचा . माथा माझा , बिंदिया तुझ्या नावाची . नाक माझे , नथ तुझ्या नावाची . गळा माझा , मंगळसूत्र तुझ्या नावाचे . मनगट माझे , (बांगड्या) चुडा तुझ्या नावाच्या . पाय माझे , जोडवी तुझ्या नावाची . आणि हो..... वडीलधा-यांच्या पाया मी पडते , आणि ...... अखंड सौभाग्यवती भव | आशिर्वाद मात्र तुला. वटपौर्णिमेचे व्रत माझे , आयुष्याचे वरदान तुला . घराची काळजी घ्यायची मी, दरवाजावर नावाची प्लेट तुझी. नाव माझे , पण त्यापुढे ऒळख तुझी . इतकच काय .......ऊदर माझे , रक्त माझे , दूध माझे, आणि मुलं ? मुलं तुझ्या नावाची . माझं सगळच तर, तुझ्या नावाचं......